Devatā देवता

Indra

Ṛṣi ऋषि

Prabhūvasu Āṅgirasa

Chandas छन्दस्

Triṣṭubh, Jagatī

1. Ṛk 1

   स आ ग॑म॒दिंद्रो॒ यो वसू॑नां॒ चिके॑त॒द्दातुं॒ दाम॑नो रयी॒णां ।
   ध॒न्व॒च॒रो न वंस॑गस्तृषा॒णश्च॑कमा॒नः पि॑बतु दु॒ग्धमं॒शुं ॥

   स आ गमद् इन्द्रो यो वसूनां चिकेतद् दातुं दामनो रयीणाम् |
   धन्वचरो न वंसगस् तृषाणश् चकमानः पिबतु दुग्धम् अंशुम् ||

   sá ā́ gamadíndro yó vásūnām cíketaddā́tum dā́mano rayīṇā́m ǀ
   dhanvacaró ná váṃsagastṛṣāṇáścakamānáḥ pibatu dugdhámaṃśúm ǁ

   sa ā gamad indro yo vasūnāṃ ciketad dātuṃ dāmano rayīṇām |
   dhanvacaro na vaṃsagas tṛṣāṇaś cakamānaḥ pibatu dugdham aṃśum ||

   सः । आ । ग॒म॒त् । इन्द्रः॑ । यः । वसू॑नाम् । चिके॑तत् । दातु॑म् । दाम॑नः । र॒यी॒णाम् ।
   ध॒न्व॒ऽच॒रः । न । वंस॑गः । तृ॒षा॒णः । च॒क॒मा॒नः । पि॒ब॒तु॒ । दु॒ग्धम् । अं॒शुम् ॥

   सः । आ । गमत् । इन्द्रः । यः । वसूनाम् । चिकेतत् । दातुम् । दामनः । रयीणाम् ।
   धन्वऽचरः । न । वंसगः । तृषाणः । चकमानः । पिबतु । दुग्धम् । अंशुम् ॥

   sáḥ ǀ ā́ ǀ gamat ǀ índraḥ ǀ yáḥ ǀ vásūnām ǀ cíketat ǀ dā́tum ǀ dā́manaḥ ǀ rayīṇā́m ǀ
   dhanva-caráḥ ǀ ná ǀ váṃsagaḥ ǀ tṛṣāṇáḥ ǀ cakamānáḥ ǀ pibatu ǀ dugdhám ǀ aṃśúm ǁ

   saḥ ǀ ā ǀ gamat ǀ indraḥ ǀ yaḥ ǀ vasūnām ǀ ciketat ǀ dātum ǀ dāmanaḥ ǀ rayīṇām ǀ
   dhanva-caraḥ ǀ na ǀ vaṃsagaḥ ǀ tṛṣāṇaḥ ǀ cakamānaḥ ǀ pibatu ǀ dugdham ǀ aṃśum ǁ

   5.36.1 Aṣṭaka 4.2.7.1Anuvāka 5.3.28Interpretations

2. Ṛk 2

   आ ते॒ हनू॑ हरिवः शूर॒ शिप्रे॒ रुह॒त्सोमो॒ न पर्व॑तस्य पृ॒ष्ठे ।
   अनु॑ त्वा राज॒न्नर्व॑तो॒ न हि॒न्वन् गी॒र्भिर्म॑देम पुरुहूत॒ विश्वे॑ ॥

   आ ते हनू हरिवः शूर शिप्रे रुहत् सोमो न पर्वतस्य पृष्ठे |
   अनु त्वा राजन्न् अर्वतो न हिन्वन् गीर्भिर् मदेम पुरुहूत विश्वे ||

   ā́ te hánū harivaḥ śūra śípre rúhatsómo ná párvatasya pṛṣṭhé ǀ
   ánu tvā rājannárvato ná hinván gīrbhírmadema puruhūta víśve ǁ

   ā te hanū harivaḥ śūra śipre ruhat somo na parvatasya pṛṣṭhe |
   anu tvā rājann arvato na hinvan gīrbhir madema puruhūta viśve ||

   आ । ते॒ । हनू॒ इति॑ । ह॒रि॒ऽवः॒ । शू॒र॒ । शिप्रे॒ इति॑ । रुह॑त् । सोमः॑ । न । पर्व॑तस्य । पृ॒ष्ठे ।
   अनु॑ । त्वा॒ । रा॒ज॒न् । अर्व॑तः । न । हि॒न्वन् । गीः॒ऽभिः । म॒दे॒म॒ । पु॒रु॒ऽहू॒त॒ । विश्वे॑ ॥

   आ । ते । हनू इति । हरिऽवः । शूर । शिप्रे इति । रुहत् । सोमः । न । पर्वतस्य । पृष्ठे ।
   अनु । त्वा । राजन् । अर्वतः । न । हिन्वन् । गीःऽभिः । मदेम । पुरुऽहूत । विश्वे ॥

   ā́ ǀ te ǀ hánū íti ǀ hari-vaḥ ǀ śūra ǀ śípre íti ǀ rúhat ǀ sómaḥ ǀ ná ǀ párvatasya ǀ pṛṣṭhé ǀ
   ánu ǀ tvā ǀ rājan ǀ árvataḥ ǀ ná ǀ hinván ǀ gīḥ-bhíḥ ǀ madema ǀ puru-hūta ǀ víśve ǁ

   ā ǀ te ǀ hanū iti ǀ hari-vaḥ ǀ śūra ǀ śipre iti ǀ ruhat ǀ somaḥ ǀ na ǀ parvatasya ǀ pṛṣṭhe ǀ
   anu ǀ tvā ǀ rājan ǀ arvataḥ ǀ na ǀ hinvan ǀ gīḥ-bhiḥ ǀ madema ǀ puru-hūta ǀ viśve ǁ

   5.36.2 Aṣṭaka 4.2.7.2Anuvāka 5.3.29Interpretations

3. Ṛk 3

   च॒क्रं न वृ॒त्तं पु॑रुहूत वेपते॒ मनो॑ भि॒या मे॒ अम॑ते॒रिद॑द्रिवः ।
   रथा॒दधि॑ त्वा जरि॒ता स॑दावृध कु॒विन्नु स्तो॑षन्मघवन्पुरू॒वसुः॑ ॥

   चक्रं न वृत्तम् पुरुहूत वेपते मनो भिया मे अमतेर् इद् अद्रिवः |
   रथाद् अधि त्वा जरिता सदावृध कुविन् नु स्तोषन् मघवन् पुरूवसुः ||

   cakrám ná vṛttám puruhūta vepate máno bhiyā́ me ámaterídadrivaḥ ǀ
   ráthādádhi tvā jaritā́ sadāvṛdha kuvínnú stoṣanmaghavanpurūvásuḥ ǁ

   cakraṃ na vṛttam puruhūta vepate mano bhiyā me amater id adrivaḥ |
   rathād adhi tvā jaritā sadāvṛdha kuvin nu stoṣan maghavan purūvasuḥ ||

   च॒क्रम् । न । वृ॒त्तम् । पु॒रु॒ऽहू॒त॒ । वे॒प॒ते॒ । मनः॑ । भि॒या । मे॒ । अम॑तेः । इत् । अ॒द्रि॒ऽवः॒ ।
   रथा॑त् । अधि॑ । त्वा॒ । ज॒रि॒ता । स॒दा॒ऽवृ॒ध॒ । कु॒वित् । नु । स्तो॒ष॒म् । म॒घ॒ऽव॒न् । पु॒रु॒ऽवसुः॑ ॥

   चक्रम् । न । वृत्तम् । पुरुऽहूत । वेपते । मनः । भिया । मे । अमतेः । इत् । अद्रिऽवः ।
   रथात् । अधि । त्वा । जरिता । सदाऽवृध । कुवित् । नु । स्तोषम् । मघऽवन् । पुरुऽवसुः ॥

   cakrám ǀ ná ǀ vṛttám ǀ puru-hūta ǀ vepate ǀ mánaḥ ǀ bhiyā́ ǀ me ǀ ámateḥ ǀ ít ǀ adri-vaḥ ǀ
   ráthāt ǀ ádhi ǀ tvā ǀ jaritā́ ǀ sadā-vṛdha ǀ kuvít ǀ nú ǀ stoṣam ǀ magha-van ǀ puru-vásuḥ ǁ

   cakram ǀ na ǀ vṛttam ǀ puru-hūta ǀ vepate ǀ manaḥ ǀ bhiyā ǀ me ǀ amateḥ ǀ it ǀ adri-vaḥ ǀ
   rathāt ǀ adhi ǀ tvā ǀ jaritā ǀ sadā-vṛdha ǀ kuvit ǀ nu ǀ stoṣam ǀ magha-van ǀ puru-vasuḥ ǁ

   5.36.3 Aṣṭaka 4.2.7.3Anuvāka 5.3.30Interpretations

4. Ṛk 4

   ए॒ष ग्रावे॑व जरि॒ता त॑ इं॒द्रेय॑र्ति॒ वाचं॑ बृ॒हदा॑शुषा॒णः ।
   प्र स॒व्येन॑ मघव॒न्यंसि॑ रा॒यः प्र द॑क्षि॒णिद्ध॑रिवो॒ मा वि वे॑नः ॥

   एष ग्रावेव जरिता त इन्द्रेयर्ति वाचम् बृहद् आशुषाणः |
   प्र सव्येन मघवन् यंसि रायः प्र दक्षिणिद् धरिवो मा वि वेनः ||

   eṣá grā́veva jaritā́ ta indréyarti vā́cam bṛhádāśuṣāṇáḥ ǀ
   prá savyéna maghavanyáṃsi rāyáḥ prá dakṣiṇíddharivo mā́ ví venaḥ ǁ

   eṣa grāveva jaritā ta indreyarti vācam bṛhad āśuṣāṇaḥ |
   pra savyena maghavan yaṃsi rāyaḥ pra dakṣiṇid dharivo mā vi venaḥ ||

   ए॒षः । ग्रावा॑ऽइव । ज॒रि॒ता । ते॒ । इ॒न्द्र॒ । इय॑र्ति । वाच॑म् । बृ॒हत् । आ॒शु॒षा॒णः ।
   प्र । स॒व्येन॑ । म॒घ॒ऽव॒न् । यंसि॑ । रा॒यः । प्र । द॒क्षि॒णित् । ह॒रि॒ऽवः॒ । मा । वि । वे॒नः॒ ॥

   एषः । ग्रावाऽइव । जरिता । ते । इन्द्र । इयर्ति । वाचम् । बृहत् । आशुषाणः ।
   प्र । सव्येन । मघऽवन् । यंसि । रायः । प्र । दक्षिणित् । हरिऽवः । मा । वि । वेनः ॥

   eṣáḥ ǀ grā́vā-iva ǀ jaritā́ ǀ te ǀ indra ǀ íyarti ǀ vā́cam ǀ bṛhát ǀ āśuṣāṇáḥ ǀ
   prá ǀ savyéna ǀ magha-van ǀ yáṃsi ǀ rāyáḥ ǀ prá ǀ dakṣiṇít ǀ hari-vaḥ ǀ mā́ ǀ ví ǀ venaḥ ǁ

   eṣaḥ ǀ grāvā-iva ǀ jaritā ǀ te ǀ indra ǀ iyarti ǀ vācam ǀ bṛhat ǀ āśuṣāṇaḥ ǀ
   pra ǀ savyena ǀ magha-van ǀ yaṃsi ǀ rāyaḥ ǀ pra ǀ dakṣiṇit ǀ hari-vaḥ ǀ mā ǀ vi ǀ venaḥ ǁ

   5.36.4 Aṣṭaka 4.2.7.4Anuvāka 5.3.31Interpretations

5. Ṛk 5

   वृषा॑ त्वा॒ वृष॑णं वर्धतु॒ द्यौर्वृषा॒ वृष॑भ्यां वहसे॒ हरि॑भ्यां ।
   स नो॒ वृषा॒ वृष॑रथः सुशिप्र॒ वृष॑क्रतो॒ वृषा॑ वज्रि॒न्भरे॑ धाः ॥

   वृषा त्वा वृषणं वर्धतु द्यौर् वृषा वृषभ्यां वहसे हरिभ्याम् |
   स नो वृषा वृषरथः सुशिप्र वृषक्रतो वृषा वज्रिन् भरे धाः ||

   vṛ́ṣā tvā vṛ́ṣaṇam vardhatu dyáurvṛ́ṣā vṛ́ṣabhyām vahase háribhyām ǀ
   sá no vṛ́ṣā vṛ́ṣarathaḥ suśipra vṛ́ṣakrato vṛ́ṣā vajrinbháre dhāḥ ǁ

   vṛṣā tvā vṛṣaṇaṃ vardhatu dyaur vṛṣā vṛṣabhyāṃ vahase haribhyām |
   sa no vṛṣā vṛṣarathaḥ suśipra vṛṣakrato vṛṣā vajrin bhare dhāḥ ||

   वृषा॑ । त्वा॒ । वृष॑णम् । व॒र्ध॒तु॒ । द्यौः । वृषा॑ । वृष॑ऽभ्याम् । व॒ह॒से॒ । हरि॑ऽभ्याम् ।
   सः । नः॒ । वृषा॑ । वृष॑ऽरथः । सु॒ऽशि॒प्र॒ । वृष॑क्रतो॒ इति॒ वृष॑ऽक्रतो । वृषा॑ । व॒ज्रि॒न् । भरे॑ । धाः॒ ॥

   वृषा । त्वा । वृषणम् । वर्धतु । द्यौः । वृषा । वृषऽभ्याम् । वहसे । हरिऽभ्याम् ।
   सः । नः । वृषा । वृषऽरथः । सुऽशिप्र । वृषक्रतो इति वृषऽक्रतो । वृषा । वज्रिन् । भरे । धाः ॥

   vṛ́ṣā ǀ tvā ǀ vṛ́ṣaṇam ǀ vardhatu ǀ dyáuḥ ǀ vṛ́ṣā ǀ vṛ́ṣa-bhyām ǀ vahase ǀ hári-bhyām ǀ
   sáḥ ǀ naḥ ǀ vṛ́ṣā ǀ vṛ́ṣa-rathaḥ ǀ su-śipra ǀ vṛ́ṣakrato íti vṛ́ṣa-krato ǀ vṛ́ṣā ǀ vajrin ǀ bháre ǀ dhāḥ ǁ

   vṛṣā ǀ tvā ǀ vṛṣaṇam ǀ vardhatu ǀ dyauḥ ǀ vṛṣā ǀ vṛṣa-bhyām ǀ vahase ǀ hari-bhyām ǀ
   saḥ ǀ naḥ ǀ vṛṣā ǀ vṛṣa-rathaḥ ǀ su-śipra ǀ vṛṣakrato iti vṛṣa-krato ǀ vṛṣā ǀ vajrin ǀ bhare ǀ dhāḥ ǁ

   5.36.5 Aṣṭaka 4.2.7.5Anuvāka 5.3.32Interpretations

6. Ṛk 6

   यो रोहि॑तौ वा॒जिनौ॑ वा॒जिनी॑वांत्रि॒भिः श॒तैः सच॑माना॒वदि॑ष्ट ।
   यूने॒ सम॑स्मै क्षि॒तयो॑ नमंतां श्रु॒तर॑थाय मरुतो दुवो॒या ॥

   यो रोहितौ वाजिनौ वाजिनीवान् त्रिभिः शतैः सचमानाव् अदिष्ट |
   यूने सम् अस्मै क्षितयो नमन्तां श्रुतरथाय मरुतो दुवोया ||

   yó róhitau vājínau vājínīvāntribhíḥ śatáiḥ sácamānāvádiṣṭa ǀ
   yū́ne sámasmai kṣitáyo namantām śrutárathāya maruto duvoyā́ ǁ

   yo rohitau vājinau vājinīvān tribhiḥ śataiḥ sacamānāv adiṣṭa |
   yūne sam asmai kṣitayo namantāṃ śrutarathāya maruto duvoyā ||

   यः । रोहि॑तौ । वा॒जिनौ॑ । वा॒जिनी॑ऽवान् । त्रि॒ऽभिः । श॒तैः । सच॑मानौ । अदि॑ष्ट ।
   यूने॑ । सम् । अ॒स्मै॒ । क्षि॒तयः॑ । न॒म॒न्ता॒म् । श्रु॒तऽर॑थाय । म॒रु॒तः॒ । दु॒वः॒ऽया ॥

   यः । रोहितौ । वाजिनौ । वाजिनीऽवान् । त्रिऽभिः । शतैः । सचमानौ । अदिष्ट ।
   यूने । सम् । अस्मै । क्षितयः । नमन्ताम् । श्रुतऽरथाय । मरुतः । दुवःऽया ॥

   yáḥ ǀ róhitau ǀ vājínau ǀ vājínī-vān ǀ tri-bhíḥ ǀ śatáiḥ ǀ sácamānau ǀ ádiṣṭa ǀ
   yū́ne ǀ sám ǀ asmai ǀ kṣitáyaḥ ǀ namantām ǀ śrutá-rathāya ǀ marutaḥ ǀ duvaḥ-yā́ ǁ

   yaḥ ǀ rohitau ǀ vājinau ǀ vājinī-vān ǀ tri-bhiḥ ǀ śataiḥ ǀ sacamānau ǀ adiṣṭa ǀ
   yūne ǀ sam ǀ asmai ǀ kṣitayaḥ ǀ namantām ǀ śruta-rathāya ǀ marutaḥ ǀ duvaḥ-yā ǁ

   5.36.6 Aṣṭaka 4.2.7.6Anuvāka 5.3.33Interpretations

Text, recitation and interpretations from the Ṛgveda database of theveda.org.in.