Devatā देवता

Maruts

Ṛṣi ऋषि

Śyāvāśva Ātreya

Chandas छन्दस्

Jagatī, Triṣṭubh

1. Ṛk 1

   आ रु॑द्रास॒ इंद्र॑वंतः स॒जोष॑सो॒ हिर॑ण्यरथाः सुवि॒ताय॑ गंतन ।
   इ॒यं वो॑ अ॒स्मत्प्रति॑ हर्यते म॒तिस्तृ॒ष्णजे॒ न दि॒व उत्सा॑ उद॒न्यवे॑ ॥

   आ रुद्रास इन्द्रवन्तः सजोषसो हिरण्यरथाः सुविताय गन्तन |
   इयं वो अस्मत् प्रति हर्यते मतिस् तृष्णजे न दिव उत्सा उदन्यवे ||

   ā́ rudrāsa índravantaḥ sajóṣaso híraṇyarathāḥ suvitā́ya gantana ǀ
   iyám vo asmátpráti haryate matístṛṣṇáje ná divá útsā udanyáve ǁ

   ā rudrāsa indravantaḥ sajoṣaso hiraṇyarathāḥ suvitāya gantana |
   iyaṃ vo asmat prati haryate matis tṛṣṇaje na diva utsā udanyave ||

   आ । रु॒द्रा॒सः॒ । इन्द्र॑ऽवन्तः । स॒ऽजोष॑सः । हिर॑ण्यऽरथाः । सु॒वि॒ताय॑ । ग॒न्त॒न॒ ।
   इ॒यम् । वः॒ । अ॒स्मत् । प्रति॑ । ह॒र्य॒ते॒ । म॒तिः । तृ॒ष्णऽजे॑ । न । दि॒वः । उत्साः॑ । उ॒द॒न्यवे॑ ॥

   आ । रुद्रासः । इन्द्रऽवन्तः । सऽजोषसः । हिरण्यऽरथाः । सुविताय । गन्तन ।
   इयम् । वः । अस्मत् । प्रति । हर्यते । मतिः । तृष्णऽजे । न । दिवः । उत्साः । उदन्यवे ॥

   ā́ ǀ rudrāsaḥ ǀ índra-vantaḥ ǀ sa-jóṣasaḥ ǀ híraṇya-rathāḥ ǀ suvitā́ya ǀ gantana ǀ
   iyám ǀ vaḥ ǀ asmát ǀ práti ǀ haryate ǀ matíḥ ǀ tṛṣṇá-je ǀ ná ǀ diváḥ ǀ útsāḥ ǀ udanyáve ǁ

   ā ǀ rudrāsaḥ ǀ indra-vantaḥ ǀ sa-joṣasaḥ ǀ hiraṇya-rathāḥ ǀ suvitāya ǀ gantana ǀ
   iyam ǀ vaḥ ǀ asmat ǀ prati ǀ haryate ǀ matiḥ ǀ tṛṣṇa-je ǀ na ǀ divaḥ ǀ utsāḥ ǀ udanyave ǁ

   5.57.1 Aṣṭaka 4.3.21.1Anuvāka 5.5.1Interpretations

2. Ṛk 2

   वाशी॑मंत ऋष्टि॒मंतो॑ मनी॒षिणः॑ सु॒धन्वा॑न॒ इषु॑मंतो निषं॒गिणः॑ ।
   स्वश्वाः॑ स्थ सु॒रथाः॑ पृश्निमातरः स्वायु॒धा म॑रुतो याथना॒ शुभं॑ ॥

   वाशीमन्त ऋष्टिमन्तो मनीषिणः सुधन्वान इषुमन्तो निषङ्गिणः |
   स्वश्वा स्थ सुरथाः पृश्निमातरः स्वायुधा मरुतो याथना शुभम् ||

   vā́śīmanta ṛṣṭimánto manīṣíṇaḥ sudhánvāna íṣumanto niṣaṅgíṇaḥ ǀ
   sváśvāḥ stha suráthāḥ pṛśnimātaraḥ svāyudhā́ maruto yāthanā śúbham ǁ

   vāśīmanta ṛṣṭimanto manīṣiṇaḥ sudhanvāna iṣumanto niṣaṅgiṇaḥ |
   svaśvā stha surathāḥ pṛśnimātaraḥ svāyudhā maruto yāthanā śubham ||

   वाशी॑ऽमन्तः । ऋ॒ष्टि॒ऽमन्तः॑ । म॒नी॒षिणः॑ । सु॒ऽधन्वा॑नः । इषु॑ऽमन्तः । नि॒ष॒ङ्गिणः॑ ।
   सु॒ऽअश्वाः॑ । स्थ॒ । सु॒ऽरथाः॑ । पृ॒श्नि॒ऽमा॒त॒रः॒ । सु॒ऽआ॒यु॒धाः । म॒रु॒तः॒ । या॒थ॒न॒ । शुभ॑म् ॥

   वाशीऽमन्तः । ऋष्टिऽमन्तः । मनीषिणः । सुऽधन्वानः । इषुऽमन्तः । निषङ्गिणः ।
   सुऽअश्वाः । स्थ । सुऽरथाः । पृश्निऽमातरः । सुऽआयुधाः । मरुतः । याथन । शुभम् ॥

   vā́śī-mantaḥ ǀ ṛṣṭi-mántaḥ ǀ manīṣíṇaḥ ǀ su-dhánvānaḥ ǀ íṣu-mantaḥ ǀ niṣaṅgíṇaḥ ǀ
   su-áśvāḥ ǀ stha ǀ su-ráthāḥ ǀ pṛśni-mātaraḥ ǀ su-āyudhā́ḥ ǀ marutaḥ ǀ yāthana ǀ śúbham ǁ

   vāśī-mantaḥ ǀ ṛṣṭi-mantaḥ ǀ manīṣiṇaḥ ǀ su-dhanvānaḥ ǀ iṣu-mantaḥ ǀ niṣaṅgiṇaḥ ǀ
   su-aśvāḥ ǀ stha ǀ su-rathāḥ ǀ pṛśni-mātaraḥ ǀ su-āyudhāḥ ǀ marutaḥ ǀ yāthana ǀ śubham ǁ

   5.57.2 Aṣṭaka 4.3.21.2Anuvāka 5.5.2Interpretations

3. Ṛk 3

   धू॒नु॒थ द्यां पर्व॑तांदा॒शुषे॒ वसु॒ नि वो॒ वना॑ जिहते॒ याम॑नो भि॒या ।
   को॒पय॑थ पृथि॒वीं पृ॑श्निमातरः शु॒भे यदु॑ग्राः॒ पृष॑ती॒रयु॑ग्ध्वं ॥

   धूनुथ द्याम् पर्वतान् दाशुषे वसु नि वो वना जिहते यामनो भिया |
   कोपयथ पृथिवीम् पृश्निमातरः शुभे यद् उग्राः पृषतीर् अयुग्ध्वम् ||

   dhūnuthá dyā́m párvatāndāśúṣe vásu ní vo vánā jihate yā́mano bhiyā́ ǀ
   kopáyatha pṛthivī́m pṛśnimātaraḥ śubhé yádugrāḥ pṛ́ṣatīráyugdhvam ǁ

   dhūnutha dyām parvatān dāśuṣe vasu ni vo vanā jihate yāmano bhiyā |
   kopayatha pṛthivīm pṛśnimātaraḥ śubhe yad ugrāḥ pṛṣatīr ayugdhvam ||

   धू॒नु॒थ । द्याम् । पर्व॑तान् । दा॒शुषे॑ । वसु॑ । नि । वः॒ । वना॑ । जि॒ह॒ते॒ । याम॑नः । भि॒या ।
   को॒पय॑थ । पृ॒थि॒वीम् । पृ॒श्नि॒ऽमा॒त॒रः॒ । शु॒भे । यत् । उ॒ग्राः॒ । पृष॑तीः । अयु॑ग्ध्वम् ॥

   धूनुथ । द्याम् । पर्वतान् । दाशुषे । वसु । नि । वः । वना । जिहते । यामनः । भिया ।
   कोपयथ । पृथिवीम् । पृश्निऽमातरः । शुभे । यत् । उग्राः । पृषतीः । अयुग्ध्वम् ॥

   dhūnuthá ǀ dyā́m ǀ párvatān ǀ dāśúṣe ǀ vásu ǀ ní ǀ vaḥ ǀ vánā ǀ jihate ǀ yā́manaḥ ǀ bhiyā́ ǀ
   kopáyatha ǀ pṛthivī́m ǀ pṛśni-mātaraḥ ǀ śubhé ǀ yát ǀ ugrāḥ ǀ pṛ́ṣatīḥ ǀ áyugdhvam ǁ

   dhūnutha ǀ dyām ǀ parvatān ǀ dāśuṣe ǀ vasu ǀ ni ǀ vaḥ ǀ vanā ǀ jihate ǀ yāmanaḥ ǀ bhiyā ǀ
   kopayatha ǀ pṛthivīm ǀ pṛśni-mātaraḥ ǀ śubhe ǀ yat ǀ ugrāḥ ǀ pṛṣatīḥ ǀ ayugdhvam ǁ

   5.57.3 Aṣṭaka 4.3.21.3Anuvāka 5.5.3Interpretations

4. Ṛk 4

   वात॑त्विषो म॒रुतो॑ व॒र्षनि॑र्णिजो य॒मा इ॑व॒ सुस॑दृशः सु॒पेश॑सः ।
   पि॒शंगा॑श्वा अरु॒णाश्वा॑ अरे॒पसः॒ प्रत्व॑क्षसो महि॒ना द्यौरि॑वो॒रवः॑ ॥

   वातत्विषो मरुतो वर्षनिर्णिजो यमा इव सुसदृशः सुपेशसः |
   पिशङ्गाश्वा अरुणाश्वा अरेपसः प्रत्वक्षसो महिना द्यौर् इवोरवः ||

   vā́tatviṣo marúto varṣánirṇijo yamā́ iva súsadṛśaḥ supéśasaḥ ǀ
   piśáṅgāśvā aruṇā́śvā arepásaḥ prátvakṣaso mahinā́ dyáurivorávaḥ ǁ

   vātatviṣo maruto varṣanirṇijo yamā iva susadṛśaḥ supeśasaḥ |
   piśaṅgāśvā aruṇāśvā arepasaḥ pratvakṣaso mahinā dyaur ivoravaḥ ||

   वात॑ऽत्विषः । म॒रुतः॑ । व॒र्षऽनि॑र्निजः । य॒माःऽइ॑व । सुऽस॑दृशः । सु॒ऽपेश॑सः ।
   पि॒शङ्ग॑ऽअश्वाः । अ॒रु॒णऽअ॑श्वाः । अ॒रे॒पसः॑ । प्रऽत्व॑क्षसः । म॒हि॒ना । द्यौःऽइ॑व । उ॒रवः॑ ॥

   वातऽत्विषः । मरुतः । वर्षऽनिर्निजः । यमाःऽइव । सुऽसदृशः । सुऽपेशसः ।
   पिशङ्गऽअश्वाः । अरुणऽअश्वाः । अरेपसः । प्रऽत्वक्षसः । महिना । द्यौःऽइव । उरवः ॥

   vā́ta-tviṣaḥ ǀ marútaḥ ǀ varṣá-nirnijaḥ ǀ yamā́ḥ-iva ǀ sú-sadṛśaḥ ǀ su-péśasaḥ ǀ
   piśáṅga-aśvāḥ ǀ aruṇá-aśvāḥ ǀ arepásaḥ ǀ prá-tvakṣasaḥ ǀ mahinā́ ǀ dyáuḥ-iva ǀ urávaḥ ǁ

   vāta-tviṣaḥ ǀ marutaḥ ǀ varṣa-nirnijaḥ ǀ yamāḥ-iva ǀ su-sadṛśaḥ ǀ su-peśasaḥ ǀ
   piśaṅga-aśvāḥ ǀ aruṇa-aśvāḥ ǀ arepasaḥ ǀ pra-tvakṣasaḥ ǀ mahinā ǀ dyauḥ-iva ǀ uravaḥ ǁ

   5.57.4 Aṣṭaka 4.3.21.4Anuvāka 5.5.4Interpretations

5. Ṛk 5

   पु॒रु॒द्र॒प्सा अं॑जि॒मंतः॑ सु॒दान॑वस्त्वे॒षसं॑दृशो अनव॒भ्ररा॑धसः ।
   सु॒जा॒तासो॑ ज॒नुषा॑ रु॒क्मव॑क्षसो दि॒वो अ॒र्का अ॒मृतं॒ नाम॑ भेजिरे ॥

   पुरुद्रप्सा अञ्जिमन्तः सुदानवस् त्वेषसंदृशो अनवभ्रराधसः |
   सुजातासो जनुषा रुक्मवक्षसो दिवो अर्का अमृतं नाम भेजिरे ||

   purudrapsā́ añjimántaḥ sudā́navastveṣásaṃdṛśo anavabhrárādhasaḥ ǀ
   sujātā́so janúṣā rukmávakṣaso divó arkā́ amṛ́tam nā́ma bhejire ǁ

   purudrapsā añjimantaḥ sudānavas tveṣasaṃdṛśo anavabhrarādhasaḥ |
   sujātāso januṣā rukmavakṣaso divo arkā amṛtaṃ nāma bhejire ||

   पु॒रु॒ऽद्र॒प्साः । अ॒ञ्जि॒ऽमन्तः॑ । सु॒ऽदान॑वः । त्वे॒षऽस॑न्दृशः । अ॒न॒व॒भ्रऽरा॑धसः ।
   सु॒ऽजा॒तासः॑ । ज॒नुषा॑ । रु॒क्मऽव॑क्षसः । दि॒वः । अ॒र्काः । अ॒मृत॑म् । नाम॑ । भे॒जि॒रे॒ ॥

   पुरुऽद्रप्साः । अञ्जिऽमन्तः । सुऽदानवः । त्वेषऽसन्दृशः । अनवभ्रऽराधसः ।
   सुऽजातासः । जनुषा । रुक्मऽवक्षसः । दिवः । अर्काः । अमृतम् । नाम । भेजिरे ॥

   puru-drapsā́ḥ ǀ añji-mántaḥ ǀ su-dā́navaḥ ǀ tveṣá-sandṛśaḥ ǀ anavabhrá-rādhasaḥ ǀ
   su-jātā́saḥ ǀ janúṣā ǀ rukmá-vakṣasaḥ ǀ diváḥ ǀ arkā́ḥ ǀ amṛ́tam ǀ nā́ma ǀ bhejire ǁ

   puru-drapsāḥ ǀ añji-mantaḥ ǀ su-dānavaḥ ǀ tveṣa-sandṛśaḥ ǀ anavabhra-rādhasaḥ ǀ
   su-jātāsaḥ ǀ januṣā ǀ rukma-vakṣasaḥ ǀ divaḥ ǀ arkāḥ ǀ amṛtam ǀ nāma ǀ bhejire ǁ

   5.57.5 Aṣṭaka 4.3.21.5Anuvāka 5.5.5Interpretations

6. Ṛk 6

   ऋ॒ष्टयो॑ वो मरुतो॒ अंस॑यो॒रधि॒ सह॒ ओजो॑ बा॒ह्वोर्वो॒ बलं॑ हि॒तं ।
   नृ॒म्णा शी॒र्षस्वायु॑धा॒ रथे॑षु वो॒ विश्वा॑ वः॒ श्रीरधि॑ त॒नूषु॑ पिपिशे ॥

   ऋष्टयो वो मरुतो अंसयोर् अधि सह ओजो बाह्वोर् वो बलं हितम् |
   नृम्णा शीर्षस्व् आयुधा रथेषु वो विश्वा वः श्रीर् अधि तनूषु पिपिशे ||

   ṛṣṭáyo vo maruto áṃsayorádhi sáha ójo bāhvórvo bálam hitám ǀ
   nṛmṇā́ śīrṣásvā́yudhā rátheṣu vo víśvā vaḥ śrī́rádhi tanū́ṣu pipiśe ǁ

   ṛṣṭayo vo maruto aṃsayor adhi saha ojo bāhvor vo balaṃ hitam |
   nṛmṇā śīrṣasv āyudhā ratheṣu vo viśvā vaḥ śrīr adhi tanūṣu pipiśe ||

   ऋ॒ष्टयः॑ । वः॒ । म॒रु॒तः॒ । अंस॑योः । अधि॑ । सहः॑ । ओजः॑ । बा॒ह्वोः । वः॒ । बल॑म् । हि॒तम् ।
   नृ॒म्णा । शी॒र्षऽसु॑ । आयु॑धा । रथे॑षु । वः॒ । विश्वा॑ । वः॒ । श्रीः । अधि॑ । त॒नूषु॑ । पि॒पि॒शे॒ ॥

   ऋष्टयः । वः । मरुतः । अंसयोः । अधि । सहः । ओजः । बाह्वोः । वः । बलम् । हितम् ।
   नृम्णा । शीर्षऽसु । आयुधा । रथेषु । वः । विश्वा । वः । श्रीः । अधि । तनूषु । पिपिशे ॥

   ṛṣṭáyaḥ ǀ vaḥ ǀ marutaḥ ǀ áṃsayoḥ ǀ ádhi ǀ sáhaḥ ǀ ójaḥ ǀ bāhvóḥ ǀ vaḥ ǀ bálam ǀ hitám ǀ
   nṛmṇā́ ǀ śīrṣá-su ǀ ā́yudhā ǀ rátheṣu ǀ vaḥ ǀ víśvā ǀ vaḥ ǀ śrī́ḥ ǀ ádhi ǀ tanū́ṣu ǀ pipiśe ǁ

   ṛṣṭayaḥ ǀ vaḥ ǀ marutaḥ ǀ aṃsayoḥ ǀ adhi ǀ sahaḥ ǀ ojaḥ ǀ bāhvoḥ ǀ vaḥ ǀ balam ǀ hitam ǀ
   nṛmṇā ǀ śīrṣa-su ǀ āyudhā ǀ ratheṣu ǀ vaḥ ǀ viśvā ǀ vaḥ ǀ śrīḥ ǀ adhi ǀ tanūṣu ǀ pipiśe ǁ

   5.57.6 Aṣṭaka 4.3.22.1Anuvāka 5.5.6Interpretations

7. Ṛk 7

   गोम॒दश्वा॑व॒द्रथ॑वत्सु॒वीरं॑ चं॒द्रव॒द्राधो॑ मरुतो ददा नः ।
   प्रश॑स्तिं नः कृणुत रुद्रियासो भक्षी॒य वोऽव॑सो॒ दैव्य॑स्य ॥

   गोमद् अश्वावद् रथवत् सुवीरं चन्द्रवद् राधो मरुतो ददा नः |
   प्रशस्तिं नः कृणुत रुद्रियासो भक्षीय वो ऽवसो दैव्यस्य ||

   gómadáśvāvadráthavatsuvī́ram candrávadrā́dho maruto dadā naḥ ǀ
   práśastim naḥ kṛṇuta rudriyāso bhakṣīyá vó’vaso dáivyasya ǁ

   gomad aśvāvad rathavat suvīraṃ candravad rādho maruto dadā naḥ |
   praśastiṃ naḥ kṛṇuta rudriyāso bhakṣīya vo 'vaso daivyasya ||

   गोऽम॑त् । अश्व॑ऽवत् । रथ॑ऽवत् । सु॒ऽवीर॑म् । च॒न्द्रऽव॑त् । राधः॑ । म॒रु॒तः॒ । द॒द॒ । नः॒ ।
   प्रऽश॑स्तिम् । नः॒ । कृ॒णु॒त॒ । रु॒द्रि॒या॒सः॒ । भ॒क्षी॒य । वः॒ । अव॑सः । दैव्य॑स्य ॥

   गोऽमत् । अश्वऽवत् । रथऽवत् । सुऽवीरम् । चन्द्रऽवत् । राधः । मरुतः । दद । नः ।
   प्रऽशस्तिम् । नः । कृणुत । रुद्रियासः । भक्षीय । वः । अवसः । दैव्यस्य ॥

   gó-mat ǀ áśva-vat ǀ rátha-vat ǀ su-vī́ram ǀ candrá-vat ǀ rā́dhaḥ ǀ marutaḥ ǀ dada ǀ naḥ ǀ
   prá-śastim ǀ naḥ ǀ kṛṇuta ǀ rudriyāsaḥ ǀ bhakṣīyá ǀ vaḥ ǀ ávasaḥ ǀ dáivyasya ǁ

   go-mat ǀ aśva-vat ǀ ratha-vat ǀ su-vīram ǀ candra-vat ǀ rādhaḥ ǀ marutaḥ ǀ dada ǀ naḥ ǀ
   pra-śastim ǀ naḥ ǀ kṛṇuta ǀ rudriyāsaḥ ǀ bhakṣīya ǀ vaḥ ǀ avasaḥ ǀ daivyasya ǁ

   5.57.7 Aṣṭaka 4.3.22.2Anuvāka 5.5.7Interpretations

8. Ṛk 8

   ह॒ये नरो॒ मरु॑तो मृ॒ळता॑ न॒स्तुवी॑मघासो॒ अमृ॑ता॒ ऋत॑ज्ञाः ।
   सत्य॑श्रुतः॒ कव॑यो॒ युवा॑नो॒ बृह॑द्गिरयो बृ॒हदु॒क्षमा॑णाः ॥

   हये नरो मरुतो मृऌअता नस् तुवीमघासो अमृता ऋतज्ञाः |
   सत्यश्रुतः कवयो युवानो बृहद्गिरयो बृहद् उक्षमाणाः ||

   hayé náro máruto mṛḷátā nastúvīmaghāso ámṛtā ṛ́tajñāḥ ǀ
   sátyaśrutaḥ kávayo yúvāno bṛ́hadgirayo bṛhádukṣámāṇāḥ ǁ

   haye naro maruto mṛḷatā nas tuvīmaghāso amṛtā ṛtajñāḥ |
   satyaśrutaḥ kavayo yuvāno bṛhadgirayo bṛhad ukṣamāṇāḥ ||

   ह॒ये । नरः॑ । मरु॑तः । मृ॒ळत॑ । नः॒ । तुवि॑ऽमघासः । अमृ॑ताः । ऋत॑ऽज्ञाः ।
   सत्य॑ऽश्रुतः । कव॑यः । युवा॑नः । बृह॑त्ऽगिरयः । बृ॒हत् । उ॒क्षमा॑णाः ॥

   हये । नरः । मरुतः । मृळत । नः । तुविऽमघासः । अमृताः । ऋतऽज्ञाः ।
   सत्यऽश्रुतः । कवयः । युवानः । बृहत्ऽगिरयः । बृहत् । उक्षमाणाः ॥

   hayé ǀ náraḥ ǀ márutaḥ ǀ mṛḷáta ǀ naḥ ǀ túvi-maghāsaḥ ǀ ámṛtāḥ ǀ ṛ́ta-jñāḥ ǀ
   sátya-śrutaḥ ǀ kávayaḥ ǀ yúvānaḥ ǀ bṛ́hat-girayaḥ ǀ bṛhát ǀ ukṣámāṇāḥ ǁ

   haye ǀ naraḥ ǀ marutaḥ ǀ mṛḷata ǀ naḥ ǀ tuvi-maghāsaḥ ǀ amṛtāḥ ǀ ṛta-jñāḥ ǀ
   satya-śrutaḥ ǀ kavayaḥ ǀ yuvānaḥ ǀ bṛhat-girayaḥ ǀ bṛhat ǀ ukṣamāṇāḥ ǁ

   5.57.8 Aṣṭaka 4.3.22.3Anuvāka 5.5.8Interpretations

Text, recitation and interpretations from the Ṛgveda database of theveda.org.in.