युं॒जते॒ मन॑ उ॒त युं॑जते॒ धियो॒ विप्रा॒ विप्र॑स्य बृह॒तो वि॑प॒श्चितः॑ ।
वि होत्रा॑ दधे वयुना॒विदेक॒ इन्म॒ही दे॒वस्य॑ सवि॒तुः परि॑ष्टुतिः ॥

युञ्जते मन उत युञ्जते धियो विप्रा विप्रस्य बृहतो विपश्चितः |
वि होत्रा दधे वयुनाविद् एक इन् मही देवस्य सवितुः परिष्टुतिः ||

yuñjáte mána utá yuñjate dhíyo víprā víprasya bṛható vipaścítaḥ ǀ
ví hótrā dadhe vayunāvídéka ínmahī́ devásya savitúḥ páriṣṭutiḥ ǁ

yuñjate mana uta yuñjate dhiyo viprā viprasya bṛhato vipaścitaḥ |
vi hotrā dadhe vayunāvid eka in mahī devasya savituḥ pariṣṭutiḥ ||

यु॒ञ्जते॑ । मनः॑ । उ॒त । यु॒ञ्ज॒ते॒ । धियः॑ । विप्राः॑ । विप्र॑स्य । बृ॒ह॒तः । वि॒पः॒ऽचितः॑ ।
वि । होत्राः॑ । द॒धे॒ । व॒यु॒न॒ऽवित् । एकः॑ । इत् । म॒ही । दे॒वस्य॑ । स॒वि॒तुः । परि॑ऽस्तुतिः ॥

युञ्जते । मनः । उत । युञ्जते । धियः । विप्राः । विप्रस्य । बृहतः । विपःऽचितः ।
वि । होत्राः । दधे । वयुनऽवित् । एकः । इत् । मही । देवस्य । सवितुः । परिऽस्तुतिः ॥

yuñjáte ǀ mánaḥ ǀ utá ǀ yuñjate ǀ dhíyaḥ ǀ víprāḥ ǀ víprasya ǀ bṛhatáḥ ǀ vipaḥ-cítaḥ ǀ
ví ǀ hótrāḥ ǀ dadhe ǀ vayuna-vít ǀ ékaḥ ǀ ít ǀ mahī́ ǀ devásya ǀ savitúḥ ǀ pári-stutiḥ ǁ

yuñjate ǀ manaḥ ǀ uta ǀ yuñjate ǀ dhiyaḥ ǀ viprāḥ ǀ viprasya ǀ bṛhataḥ ǀ vipaḥ-citaḥ ǀ
vi ǀ hotrāḥ ǀ dadhe ǀ vayuna-vit ǀ ekaḥ ǀ it ǀ mahī ǀ devasya ǀ savituḥ ǀ pari-stutiḥ ǁ