इरा॑वतीर्वरुण धे॒नवो॑ वां॒ मधु॑मद्वां॒ सिंध॑वो मित्र दुह्रे ।
त्रय॑स्तस्थुर्वृष॒भास॑स्तिसृ॒णां धि॒षणा॑नां रेतो॒धा वि द्यु॒मंतः॑ ॥

इरावतीर् वरुण धेनवो वाम् मधुमद् वां सिन्धवो मित्र दुह्रे |
त्रयस् तस्थुर् वृषभासस् तिसृणां धिषणानां रेतोधा वि द्युमन्तः ||

írāvatīrvaruṇa dhenávo vām mádhumadvām síndhavo mitra duhre ǀ
tráyastasthurvṛṣabhā́sastisṛṇā́m dhiṣáṇānām retodhā́ ví dyumántaḥ ǁ

irāvatīr varuṇa dhenavo vām madhumad vāṃ sindhavo mitra duhre |
trayas tasthur vṛṣabhāsas tisṛṇāṃ dhiṣaṇānāṃ retodhā vi dyumantaḥ ||

इरा॑ऽवतीः । व॒रु॒ण॒ । धे॒नवः॑ । वा॒म् । मधु॑ऽमत् । वा॒म् । सिन्ध॑वः । मि॒त्र॒ । दु॒ह्रे॒ ।
त्रयः॑ । त॒स्थुः॒ । वृ॒ष॒भासः॑ । ति॒सॄ॒णाम् । धि॒षणा॑नाम् । रे॒तः॒ऽधाः । वि । द्यु॒ऽमन्तः॑ ॥

इराऽवतीः । वरुण । धेनवः । वाम् । मधुऽमत् । वाम् । सिन्धवः । मित्र । दुह्रे ।
त्रयः । तस्थुः । वृषभासः । तिसॄणाम् । धिषणानाम् । रेतःऽधाः । वि । द्युऽमन्तः ॥

írā-vatīḥ ǀ varuṇa ǀ dhenávaḥ ǀ vām ǀ mádhu-mat ǀ vām ǀ síndhavaḥ ǀ mitra ǀ duhre ǀ
tráyaḥ ǀ tasthuḥ ǀ vṛṣabhā́saḥ ǀ tisṝṇā́m ǀ dhiṣáṇānām ǀ retaḥ-dhā́ḥ ǀ ví ǀ dyu-mántaḥ ǁ

irā-vatīḥ ǀ varuṇa ǀ dhenavaḥ ǀ vām ǀ madhu-mat ǀ vām ǀ sindhavaḥ ǀ mitra ǀ duhre ǀ
trayaḥ ǀ tasthuḥ ǀ vṛṣabhāsaḥ ǀ tisṝṇām ǀ dhiṣaṇānām ǀ retaḥ-dhāḥ ǀ vi ǀ dyu-mantaḥ ǁ