बळि॒त्था दे॑व निष्कृ॒तमादि॑त्या यज॒तं बृ॒हत् ।
वरु॑ण॒ मित्रार्य॑म॒न्वर्षि॑ष्ठं क्ष॒त्रमा॑शाथे ॥

बऌ इत्था देव निष्कृतम् आदित्या यजतम् बृहत् |
वरुण मित्रार्यमन् वर्षिष्ठं क्षत्रम् आशाथे ||

báḷitthā́ deva niṣkṛtámā́dityā yajatám bṛhát ǀ
váruṇa mítrā́ryamanvárṣiṣṭham kṣatrámāśāthe ǁ

baḷ itthā deva niṣkṛtam ādityā yajatam bṛhat |
varuṇa mitrāryaman varṣiṣṭhaṃ kṣatram āśāthe ||

बट् । इ॒त्था । दे॒वा॒ । निः॒ऽकृ॒तम् । आदि॑त्या । य॒ज॒तम् । बृ॒हत् ।
वरु॑ण । मित्र॑ । अर्य॑मन् । वर्षि॑ष्ठम् । क्ष॒त्रम् । आ॒शा॒थे॒ इति॑ ॥

बट् । इत्था । देवा । निःऽकृतम् । आदित्या । यजतम् । बृहत् ।
वरुण । मित्र । अर्यमन् । वर्षिष्ठम् । क्षत्रम् । आशाथे इति ॥

báṭ ǀ itthā́ ǀ devā ǀ niḥ-kṛtám ǀ ā́dityā ǀ yajatám ǀ bṛhát ǀ
váruṇa ǀ mítra ǀ áryaman ǀ várṣiṣṭham ǀ kṣatrám ǀ āśāthe íti ǁ

baṭ ǀ itthā ǀ devā ǀ niḥ-kṛtam ǀ ādityā ǀ yajatam ǀ bṛhat ǀ
varuṇa ǀ mitra ǀ aryaman ǀ varṣiṣṭham ǀ kṣatram ǀ āśāthe iti ǁ