तेभ्यो॑ द्यु॒म्नं बृ॒हद्यश॒ उषो॑ मघो॒न्या व॑ह ।
ये नो॒ राधां॒स्यश्व्या॑ ग॒व्या भजं॑त सू॒रयः॒ सुजा॑ते॒ अश्व॑सूनृते ॥

तेभ्यो द्युम्नम् बृहद् यश उषो मघोन्य् आ वह |
ये नो राधांस्य् अश्व्या गव्या भजन्त सूरयः सुजाते अश्वसूनृते ||

tébhyo dyumnám bṛhádyáśa úṣo maghonyā́ vaha ǀ
yé no rā́dhāṃsyáśvyā gavyā́ bhájanta sūráyaḥ sújāte áśvasūnṛte ǁ

tebhyo dyumnam bṛhad yaśa uṣo maghony ā vaha |
ye no rādhāṃsy aśvyā gavyā bhajanta sūrayaḥ sujāte aśvasūnṛte ||

तेभ्यः॑ । द्यु॒म्नम् । बृ॒हत् । यशः॑ । उषः॑ । म॒घो॒नि॒ । आ । व॒ह॒ ।
ये । नः॒ । राधां॑सि । अश्व्या॑ । ग॒व्या । भज॑न्त । सू॒रयः॑ । सुऽजा॑ते । अश्व॑ऽसूनृते ॥

तेभ्यः । द्युम्नम् । बृहत् । यशः । उषः । मघोनि । आ । वह ।
ये । नः । राधांसि । अश्व्या । गव्या । भजन्त । सूरयः । सुऽजाते । अश्वऽसूनृते ॥

tébhyaḥ ǀ dyumnám ǀ bṛhát ǀ yáśaḥ ǀ úṣaḥ ǀ maghoni ǀ ā́ ǀ vaha ǀ
yé ǀ naḥ ǀ rā́dhāṃsi ǀ áśvyā ǀ gavyā́ ǀ bhájanta ǀ sūráyaḥ ǀ sú-jāte ǀ áśva-sūnṛte ǁ

tebhyaḥ ǀ dyumnam ǀ bṛhat ǀ yaśaḥ ǀ uṣaḥ ǀ maghoni ǀ ā ǀ vaha ǀ
ye ǀ naḥ ǀ rādhāṃsi ǀ aśvyā ǀ gavyā ǀ bhajanta ǀ sūrayaḥ ǀ su-jāte ǀ aśva-sūnṛte ǁ