ये चा॒कनं॑त चा॒कनं॑त॒ नू ते मर्ता॑ अमृत॒ मो ते अंह॒ आर॑न् ।
वा॒वं॒धि यज्यूँ॑रु॒त तेषु॑ धे॒ह्योजो॒ जने॑षु॒ येषु॑ ते॒ स्याम॑ ॥

ये चाकनन्त चाकनन्त नू ते मर्ता अमृत मो ते अंह आरन् |
वावन्धि यज्यूंर् उत तेषु धेह्य् ओजो जनेषु येषु ते स्याम ||

yé cākánanta cākánanta nū́ té mártā amṛta mó té áṃha ā́ran ǀ
vāvandhí yájyūm̐rutá téṣu dhehyójo jáneṣu yéṣu te syā́ma ǁ

ye cākananta cākananta nū te martā amṛta mo te aṃha āran |
vāvandhi yajyūṃr uta teṣu dhehy ojo janeṣu yeṣu te syāma ||

ये । चा॒कन॑न्त । चा॒कन॑न्त । नु । ते । मर्ताः॑ । अ॒मृ॒त॒ । मो इति॑ । ते । अंहः॑ । आ । अ॒र॒न् ।
व॒व॒न्धि । यज्यू॑न् । उ॒त । तेषु॑ । धे॒हि॒ । ओजः॑ । जने॑षु । येषु॑ । ते॒ । स्याम॑ ॥

ये । चाकनन्त । चाकनन्त । नु । ते । मर्ताः । अमृत । मो इति । ते । अंहः । आ । अरन् ।
ववन्धि । यज्यून् । उत । तेषु । धेहि । ओजः । जनेषु । येषु । ते । स्याम ॥

yé ǀ cākánanta ǀ cākánanta ǀ nú ǀ té ǀ mártāḥ ǀ amṛta ǀ mó íti ǀ té ǀ áṃhaḥ ǀ ā́ ǀ aran ǀ
vavandhí ǀ yájyūn ǀ utá ǀ téṣu ǀ dhehi ǀ ójaḥ ǀ jáneṣu ǀ yéṣu ǀ te ǀ syā́ma ǁ

ye ǀ cākananta ǀ cākananta ǀ nu ǀ te ǀ martāḥ ǀ amṛta ǀ mo iti ǀ te ǀ aṃhaḥ ǀ ā ǀ aran ǀ
vavandhi ǀ yajyūn ǀ uta ǀ teṣu ǀ dhehi ǀ ojaḥ ǀ janeṣu ǀ yeṣu ǀ te ǀ syāma ǁ