तवो॒तिभिः॒ सच॑माना॒ अरि॑ष्टा॒ बृह॑स्पते म॒घवा॑नः सु॒वीराः॑ ।
ये अ॑श्व॒दा उ॒त वा॒ संति॑ गो॒दा ये व॑स्त्र॒दाः सु॒भगा॒स्तेषु॒ रायः॑ ॥

तवोतिभिः सचमाना अरिष्टा बृहस्पते मघवानः सुवीराः |
ये अश्वदा उत वा सन्ति गोदा ये वस्त्रदाः सुभगास् तेषु रायः ||

távotíbhiḥ sácamānā áriṣṭā bṛ́haspate maghávānaḥ suvī́rāḥ ǀ
yé aśvadā́ utá vā sánti godā́ yé vastradā́ḥ subhágāstéṣu rā́yaḥ ǁ

tavotibhiḥ sacamānā ariṣṭā bṛhaspate maghavānaḥ suvīrāḥ |
ye aśvadā uta vā santi godā ye vastradāḥ subhagās teṣu rāyaḥ ||

तव॑ । ऊ॒तिऽभिः॑ । सच॑मानाः । अरि॑ष्टाः । बृह॑स्पते । म॒घऽवा॑नः । सु॒ऽवीराः॑ ।
ये । अ॒श्व॒ऽदाः । उ॒त । वा॒ । सन्ति॑ । गो॒ऽदाः । ये । व॒स्त्र॒ऽदाः । सु॒ऽभगाः॑ । तेषु॑ । रायः॑ ॥

तव । ऊतिऽभिः । सचमानाः । अरिष्टाः । बृहस्पते । मघऽवानः । सुऽवीराः ।
ये । अश्वऽदाः । उत । वा । सन्ति । गोऽदाः । ये । वस्त्रऽदाः । सुऽभगाः । तेषु । रायः ॥

táva ǀ ūtí-bhiḥ ǀ sácamānāḥ ǀ áriṣṭāḥ ǀ bṛ́haspate ǀ maghá-vānaḥ ǀ su-vī́rāḥ ǀ
yé ǀ aśva-dā́ḥ ǀ utá ǀ vā ǀ sánti ǀ go-dā́ḥ ǀ yé ǀ vastra-dā́ḥ ǀ su-bhágāḥ ǀ téṣu ǀ rā́yaḥ ǁ

tava ǀ ūti-bhiḥ ǀ sacamānāḥ ǀ ariṣṭāḥ ǀ bṛhaspate ǀ magha-vānaḥ ǀ su-vīrāḥ ǀ
ye ǀ aśva-dāḥ ǀ uta ǀ vā ǀ santi ǀ go-dāḥ ǀ ye ǀ vastra-dāḥ ǀ su-bhagāḥ ǀ teṣu ǀ rāyaḥ ǁ