प्रति॒ स्तोमे॑भिरु॒षसं॒ वसि॑ष्ठा गी॒र्भिर्विप्रा॑सः प्रथ॒मा अ॑बुध्रन् ।
वि॒व॒र्तयं॑तीं॒ रज॑सी॒ समं॑ते आविष्कृण्व॒तीं भुव॑नानि॒ विश्वा॑ ॥

प्रति स्तोमेभिर् उषसं वसिष्ठा गीर्भिर् विप्रासः प्रथमा अबुध्रन् |
विवर्तयन्तीं रजसी समन्ते आविष्कृण्वतीम् भुवनानि विश्वा ||

práti stómebhiruṣásam vásiṣṭhā gīrbhírvíprāsaḥ prathamā́ abudhran ǀ
vivartáyantīm rájasī sámante āviṣkṛṇvatī́m bhúvanāni víśvā ǁ

prati stomebhir uṣasaṃ vasiṣṭhā gīrbhir viprāsaḥ prathamā abudhran |
vivartayantīṃ rajasī samante āviṣkṛṇvatīm bhuvanāni viśvā ||

प्रति॑ । स्तोमे॑भिः । उ॒षस॑म् । वसि॑ष्ठाः । गीः॒ऽभिः । विप्रा॑सः । प्र॒थ॒माः । अ॒बु॒ध्र॒न् ।
वि॒ऽव॒र्तय॑न्तीम् । रज॑सी॒ इति॑ । सम॑न्ते॒ इति॒ सम्ऽअ॑न्ते । आ॒विः॒ऽकृ॒ण्व॒तीम् । भुव॑नानि । विश्वा॑ ॥

प्रति । स्तोमेभिः । उषसम् । वसिष्ठाः । गीःऽभिः । विप्रासः । प्रथमाः । अबुध्रन् ।
विऽवर्तयन्तीम् । रजसी इति । समन्ते इति सम्ऽअन्ते । आविःऽकृण्वतीम् । भुवनानि । विश्वा ॥

práti ǀ stómebhiḥ ǀ uṣásam ǀ vásiṣṭhāḥ ǀ gīḥ-bhíḥ ǀ víprāsaḥ ǀ prathamā́ḥ ǀ abudhran ǀ
vi-vartáyantīm ǀ rájasī íti ǀ sámante íti sám-ante ǀ āviḥ-kṛṇvatī́m ǀ bhúvanāni ǀ víśvā ǁ

prati ǀ stomebhiḥ ǀ uṣasam ǀ vasiṣṭhāḥ ǀ gīḥ-bhiḥ ǀ viprāsaḥ ǀ prathamāḥ ǀ abudhran ǀ
vi-vartayantīm ǀ rajasī iti ǀ samante iti sam-ante ǀ āviḥ-kṛṇvatīm ǀ bhuvanāni ǀ viśvā ǁ