Devatā देवता

1, 3: Agni; 2, 4-11: Hymn Āprī

Ṛṣi ऋषि

Vasiṣṭha Maitrāvaruṇi

Chandas छन्दस्

Triṣṭubh

1. Ṛk 1

   जु॒षस्व॑ नः स॒मिध॑मग्ने अ॒द्य शोचा॑ बृ॒हद्य॑ज॒तं धू॒ममृ॒ण्वन् ।
   उप॑ स्पृश दि॒व्यं सानु॒ स्तूपैः॒ सं र॒श्मिभि॑स्ततनः॒ सूर्य॑स्य ॥

   जुषस्व नः समिधम् अग्ने अद्य शोचा बृहद् यजतं धूमम् ऋण्वन् |
   उप स्पृश दिव्यं सानु स्तूपैः सं रश्मिभिस् ततनः सूर्यस्य ||

   juṣásva naḥ samídhamagne adyá śócā bṛhádyajatám dhūmámṛṇván ǀ
   úpa spṛśa divyám sā́nu stū́paiḥ sám raśmíbhistatanaḥ sū́ryasya ǁ

   juṣasva naḥ samidham agne adya śocā bṛhad yajataṃ dhūmam ṛṇvan |
   upa spṛśa divyaṃ sānu stūpaiḥ saṃ raśmibhis tatanaḥ sūryasya ||

   जु॒षस्व॑ । नः॒ । स॒म्ऽइध॑म् । अ॒ग्ने॒ । अ॒द्य । शोच॑ । बृ॒हत् । य॒ज॒तम् । धू॒मम् । ऋ॒ण्वन् ।
   उप॑ । स्पृ॒श॒ । दि॒व्यम् । सानु॑ । स्तूपैः॑ । सम् । र॒श्मिऽभिः॑ । त॒त॒नः॒ । सूर्य॑स्य ॥

   जुषस्व । नः । सम्ऽइधम् । अग्ने । अद्य । शोच । बृहत् । यजतम् । धूमम् । ऋण्वन् ।
   उप । स्पृश । दिव्यम् । सानु । स्तूपैः । सम् । रश्मिऽभिः । ततनः । सूर्यस्य ॥

   juṣásva ǀ naḥ ǀ sam-ídham ǀ agne ǀ adyá ǀ śóca ǀ bṛhát ǀ yajatám ǀ dhūmám ǀ ṛṇván ǀ
   úpa ǀ spṛśa ǀ divyám ǀ sā́nu ǀ stū́paiḥ ǀ sám ǀ raśmí-bhiḥ ǀ tatanaḥ ǀ sū́ryasya ǁ

   juṣasva ǀ naḥ ǀ sam-idham ǀ agne ǀ adya ǀ śoca ǀ bṛhat ǀ yajatam ǀ dhūmam ǀ ṛṇvan ǀ
   upa ǀ spṛśa ǀ divyam ǀ sānu ǀ stūpaiḥ ǀ sam ǀ raśmi-bhiḥ ǀ tatanaḥ ǀ sūryasya ǁ

   7.2.1 Aṣṭaka 5.2.1.1Anuvāka 7.1.26Interpretations

2. Ṛk 2

   नरा॒शंस॑स्य महि॒मान॑मेषा॒मुप॑ स्तोषाम यज॒तस्य॑ य॒ज्ञैः ।
   ये सु॒क्रत॑वः॒ शुच॑यो धियं॒धाः स्वदं॑ति दे॒वा उ॒भया॑नि ह॒व्या ॥

   नराशंसस्य महिमानम् एषाम् उप स्तोषाम यजतस्य यज्ञैः |
   ये सुक्रतवः शुचयो धियन्धाः स्वदन्ति देवा उभयानि हव्या ||

   nárāśáṃsasya mahimā́nameṣāmúpa stoṣāma yajatásya yajñáiḥ ǀ
   yé sukrátavaḥ śúcayo dhiyaṃdhā́ḥ svádanti devā́ ubháyāni havyā́ ǁ

   narāśaṃsasya mahimānam eṣām upa stoṣāma yajatasya yajñaiḥ |
   ye sukratavaḥ śucayo dhiyandhāḥ svadanti devā ubhayāni havyā ||

   नरा॒शंस॑स्य । म॒हि॒मान॑म् । ए॒षा॒म् । उप॑ । स्तो॒षा॒म॒ । य॒ज॒तस्य॑ । य॒ज्ञैः ।
   ये । सु॒ऽक्रत॑वः । शुच॑यः । धि॒य॒म्ऽधाः । स्वद॑न्ति । दे॒वाः । उ॒भया॑नि । ह॒व्या ॥

   नराशंसस्य । महिमानम् । एषाम् । उप । स्तोषाम । यजतस्य । यज्ञैः ।
   ये । सुऽक्रतवः । शुचयः । धियम्ऽधाः । स्वदन्ति । देवाः । उभयानि । हव्या ॥

   nárāśáṃsasya ǀ mahimā́nam ǀ eṣām ǀ úpa ǀ stoṣāma ǀ yajatásya ǀ yajñáiḥ ǀ
   yé ǀ su-krátavaḥ ǀ śúcayaḥ ǀ dhiyam-dhā́ḥ ǀ svádanti ǀ devā́ḥ ǀ ubháyāni ǀ havyā́ ǁ

   narāśaṃsasya ǀ mahimānam ǀ eṣām ǀ upa ǀ stoṣāma ǀ yajatasya ǀ yajñaiḥ ǀ
   ye ǀ su-kratavaḥ ǀ śucayaḥ ǀ dhiyam-dhāḥ ǀ svadanti ǀ devāḥ ǀ ubhayāni ǀ havyā ǁ

   7.2.2 Aṣṭaka 5.2.1.2Anuvāka 7.1.27Interpretations

3. Ṛk 3

   ई॒ळेन्यं॑ वो॒ असु॑रं सु॒दक्ष॑मं॒तर्दू॒तं रोद॑सी सत्य॒वाचं॑ ।
   म॒नु॒ष्वद॒ग्निं मनु॑ना॒ समि॑द्धं॒ सम॑ध्व॒राय॒ सद॒मिन्म॑हेम ॥

   ईळेन्यं वो असुरं सुदक्षम् अन्तर् दूतं रोदसी सत्यवाचम् |
   मनुष्वद् अग्निम् मनुना समिद्धं सम् अध्वराय सदम् इन् महेम ||

   īḷényam vo ásuram sudákṣamantárdūtám ródasī satyavā́cam ǀ
   manuṣvádagním mánunā sámiddham sámadhvarā́ya sádamínmahema ǁ

   īḷenyaṃ vo asuraṃ sudakṣam antar dūtaṃ rodasī satyavācam |
   manuṣvad agnim manunā samiddhaṃ sam adhvarāya sadam in mahema ||

   ई॒ळेन्य॑म् । वः॒ । असु॑रम् । सु॒ऽदक्ष॑म् । अ॒न्तः । दू॒तम् । रोद॑सी॒ इति॑ । स॒त्य॒ऽवाच॑म् ।
   म॒नु॒ष्वत् । अ॒ग्निम् । मनु॑ना । सम्ऽइ॑द्धम् । सम् । अ॒ध्व॒राय॑ । सद॑म् । इत् । म॒हे॒म॒ ॥

   ईळेन्यम् । वः । असुरम् । सुऽदक्षम् । अन्तः । दूतम् । रोदसी इति । सत्यऽवाचम् ।
   मनुष्वत् । अग्निम् । मनुना । सम्ऽइद्धम् । सम् । अध्वराय । सदम् । इत् । महेम ॥

   īḷényam ǀ vaḥ ǀ ásuram ǀ su-dákṣam ǀ antáḥ ǀ dūtám ǀ ródasī íti ǀ satya-vā́cam ǀ
   manuṣvát ǀ agním ǀ mánunā ǀ sám-iddham ǀ sám ǀ adhvarā́ya ǀ sádam ǀ ít ǀ mahema ǁ

   īḷenyam ǀ vaḥ ǀ asuram ǀ su-dakṣam ǀ antaḥ ǀ dūtam ǀ rodasī iti ǀ satya-vācam ǀ
   manuṣvat ǀ agnim ǀ manunā ǀ sam-iddham ǀ sam ǀ adhvarāya ǀ sadam ǀ it ǀ mahema ǁ

   7.2.3 Aṣṭaka 5.2.1.3Anuvāka 7.1.28Interpretations

4. Ṛk 4

   स॒प॒र्यवो॒ भर॑माणा अभि॒ज्ञु प्र वृं॑जते॒ नम॑सा ब॒र्हिर॒ग्नौ ।
   आ॒जुह्वा॑ना घृ॒तपृ॑ष्ठं॒ पृष॑द्व॒दध्व॑र्यवो ह॒विषा॑ मर्जयध्वं ॥

   सपर्यवो भरमाणा अभिज्ञु प्र वृञ्जते नमसा बर्हिर् अग्नौ |
   आजुह्वाना घृतपृष्ठम् पृषद्वद् अध्वर्यवो हविषा मर्जयध्वम् ||

   saparyávo bháramāṇā abhijñú prá vṛñjate námasā barhíragnáu ǀ
   ājúhvānā ghṛtápṛṣṭham pṛ́ṣadvadádhvaryavo havíṣā marjayadhvam ǁ

   saparyavo bharamāṇā abhijñu pra vṛñjate namasā barhir agnau |
   ājuhvānā ghṛtapṛṣṭham pṛṣadvad adhvaryavo haviṣā marjayadhvam ||

   स॒प॒र्यवः॑ । भर॑माणाः । अ॒भि॒ऽज्ञु । प्र । वृ॒ञ्ज॒ते॒ । नम॑सा । ब॒र्हिः । अ॒ग्नौ ।
   आ॒ऽजुह्वा॑नाः । घृ॒तऽपृ॑ष्ठम् । पृष॑त्ऽवत् । अध्व॑र्यवः । ह॒विषा॑ । म॒र्ज॒य॒ध्व॒म् ॥

   सपर्यवः । भरमाणाः । अभिऽज्ञु । प्र । वृञ्जते । नमसा । बर्हिः । अग्नौ ।
   आऽजुह्वानाः । घृतऽपृष्ठम् । पृषत्ऽवत् । अध्वर्यवः । हविषा । मर्जयध्वम् ॥

   saparyávaḥ ǀ bháramāṇāḥ ǀ abhi-jñú ǀ prá ǀ vṛñjate ǀ námasā ǀ barhíḥ ǀ agnáu ǀ
   ā-júhvānāḥ ǀ ghṛtá-pṛṣṭham ǀ pṛ́ṣat-vat ǀ ádhvaryavaḥ ǀ havíṣā ǀ marjayadhvam ǁ

   saparyavaḥ ǀ bharamāṇāḥ ǀ abhi-jñu ǀ pra ǀ vṛñjate ǀ namasā ǀ barhiḥ ǀ agnau ǀ
   ā-juhvānāḥ ǀ ghṛta-pṛṣṭham ǀ pṛṣat-vat ǀ adhvaryavaḥ ǀ haviṣā ǀ marjayadhvam ǁ

   7.2.4 Aṣṭaka 5.2.1.4Anuvāka 7.1.29Interpretations

5. Ṛk 5

   स्वा॒ध्यो॒३॒॑ वि दुरो॑ देव॒यंतोऽशि॑श्रयू रथ॒युर्दे॒वता॑ता ।
   पू॒र्वी शिशुं॒ न मा॒तरा॑ रिहा॒णे सम॒ग्रुवो॒ न सम॑नेष्वंजन् ॥

   स्वाध्यो वि दुरो देवयन्तो ऽशिश्रयू रथयुर् देवताता |
   पूर्वी शिशुं न मातरा रिहाणे सम् अग्रुवो न समनेष्व् अञ्जन् ||

   svādhyo ví dúro devayántó’śiśrayū rathayúrdevátātā ǀ
   pūrvī́ śíśum ná mātárā rihāṇé sámagrúvo ná sámaneṣvañjan ǁ

   svādhyo vi duro devayanto 'śiśrayū rathayur devatātā |
   pūrvī śiśuṃ na mātarā rihāṇe sam agruvo na samaneṣv añjan ||

   सु॒ऽआ॒ध्यः॑ । वि । दुरः॑ । दे॒व॒ऽयन्तः॑ । अशि॑श्रयुः । र॒थ॒ऽयुः । दे॒वऽता॑ता ।
   पू॒र्वी इति॑ । शिशु॑म् । न । मा॒तरा॑ । रि॒हा॒णे इति॑ । सम् । अ॒ग्रुवः॑ । न । सम॑नेषु । अ॒ञ्ज॒न् ॥

   सुऽआध्यः । वि । दुरः । देवऽयन्तः । अशिश्रयुः । रथऽयुः । देवऽताता ।
   पूर्वी इति । शिशुम् । न । मातरा । रिहाणे इति । सम् । अग्रुवः । न । समनेषु । अञ्जन् ॥

   su-ādhyáḥ ǀ ví ǀ dúraḥ ǀ deva-yántaḥ ǀ áśiśrayuḥ ǀ ratha-yúḥ ǀ devá-tātā ǀ
   pūrvī́ íti ǀ śíśum ǀ ná ǀ mātárā ǀ rihāṇé íti ǀ sám ǀ agrúvaḥ ǀ ná ǀ sámaneṣu ǀ añjan ǁ

   su-ādhyaḥ ǀ vi ǀ duraḥ ǀ deva-yantaḥ ǀ aśiśrayuḥ ǀ ratha-yuḥ ǀ deva-tātā ǀ
   pūrvī iti ǀ śiśum ǀ na ǀ mātarā ǀ rihāṇe iti ǀ sam ǀ agruvaḥ ǀ na ǀ samaneṣu ǀ añjan ǁ

   7.2.5 Aṣṭaka 5.2.1.5Anuvāka 7.1.30Interpretations

6. Ṛk 6

   उ॒त योष॑णे दि॒व्ये म॒ही न॑ उ॒षासा॒नक्ता॑ सु॒दुघे॑व धे॒नुः ।
   ब॒र्हि॒षदा॑ पुरुहू॒ते म॒घोनी॒ आ य॒ज्ञिये॑ सुवि॒ताय॑ श्रयेतां ॥

   उत योषणे दिव्ये मही न उषासानक्ता सुदुघेव धेनुः |
   बर्हिषदा पुरुहूते मघोनी आ यज्ञिये सुविताय श्रयेताम् ||

   utá yóṣaṇe divyé mahī́ na uṣā́sānáktā sudúgheva dhenúḥ ǀ
   barhiṣádā puruhūté maghónī ā́ yajñíye suvitā́ya śrayetām ǁ

   uta yoṣaṇe divye mahī na uṣāsānaktā sudugheva dhenuḥ |
   barhiṣadā puruhūte maghonī ā yajñiye suvitāya śrayetām ||

   उ॒त । योष॑णे॒ इति॑ । दि॒व्ये इति॑ । म॒ही इति॑ । नः॒ । उ॒षसा॒नक्ता॑ । सु॒दुघा॑ऽइव । धे॒नुः ।
   ब॒र्हि॒ऽसदा॑ । पु॒रु॒हू॒ते इति॑ पु॒रु॒ऽहू॒ते । म॒घोनी॒ इति॑ । आ । य॒ज्ञिये॒ इति॑ । सु॒वि॒ताय॑ । श्र॒ये॒ता॒म् ॥

   उत । योषणे इति । दिव्ये इति । मही इति । नः । उषसानक्ता । सुदुघाऽइव । धेनुः ।
   बर्हिऽसदा । पुरुहूते इति पुरुऽहूते । मघोनी इति । आ । यज्ञिये इति । सुविताय । श्रयेताम् ॥

   utá ǀ yóṣaṇe íti ǀ divyé íti ǀ mahī́ íti ǀ naḥ ǀ uṣásānáktā ǀ sudúghā-iva ǀ dhenúḥ ǀ
   barhi-sádā ǀ puruhūté íti puru-hūté ǀ maghónī íti ǀ ā́ ǀ yajñíye íti ǀ suvitā́ya ǀ śrayetām ǁ

   uta ǀ yoṣaṇe iti ǀ divye iti ǀ mahī iti ǀ naḥ ǀ uṣasānaktā ǀ sudughā-iva ǀ dhenuḥ ǀ
   barhi-sadā ǀ puruhūte iti puru-hūte ǀ maghonī iti ǀ ā ǀ yajñiye iti ǀ suvitāya ǀ śrayetām ǁ

   7.2.6 Aṣṭaka 5.2.2.1Anuvāka 7.1.31Interpretations

7. Ṛk 7

   विप्रा॑ य॒ज्ञेषु॒ मानु॑षेषु का॒रू मन्ये॑ वां जा॒तवे॑दसा॒ यज॑ध्यै ।
   ऊ॒र्ध्वं नो॑ अध्व॒रं कृ॑तं॒ हवे॑षु॒ ता दे॒वेषु॑ वनथो॒ वार्या॑णि ॥

   विप्रा यज्ञेषु मानुषेषु कारू मन्ये वां जातवेदसा यजध्यै |
   ऊर्ध्वं नो अध्वरं कृतं हवेषु ता देवेषु वनथो वार्याणि ||

   víprā yajñéṣu mā́nuṣeṣu kārū́ mánye vām jātávedasā yájadhyai ǀ
   ūrdhvám no adhvarám kṛtam háveṣu tā́ devéṣu vanatho vā́ryāṇi ǁ

   viprā yajñeṣu mānuṣeṣu kārū manye vāṃ jātavedasā yajadhyai |
   ūrdhvaṃ no adhvaraṃ kṛtaṃ haveṣu tā deveṣu vanatho vāryāṇi ||

   विप्रा॑ । य॒ज्ञेषु॑ । मानु॑षेषु । का॒रू इति॑ । मन्ये॑ । वा॒म् । जा॒तऽवे॑दसा । यज॑ध्यै ।
   ऊ॒र्ध्वम् । नः॒ । अ॒ध्व॒रम् । कृ॒त॒म् । हवे॑षु । ता । दे॒वेषु॑ । व॒न॒थः॒ । वार्या॑णि ॥

   विप्रा । यज्ञेषु । मानुषेषु । कारू इति । मन्ये । वाम् । जातऽवेदसा । यजध्यै ।
   ऊर्ध्वम् । नः । अध्वरम् । कृतम् । हवेषु । ता । देवेषु । वनथः । वार्याणि ॥

   víprā ǀ yajñéṣu ǀ mā́nuṣeṣu ǀ kārū́ íti ǀ mánye ǀ vām ǀ jātá-vedasā ǀ yájadhyai ǀ
   ūrdhvám ǀ naḥ ǀ adhvarám ǀ kṛtam ǀ háveṣu ǀ tā́ ǀ devéṣu ǀ vanathaḥ ǀ vā́ryāṇi ǁ

   viprā ǀ yajñeṣu ǀ mānuṣeṣu ǀ kārū iti ǀ manye ǀ vām ǀ jāta-vedasā ǀ yajadhyai ǀ
   ūrdhvam ǀ naḥ ǀ adhvaram ǀ kṛtam ǀ haveṣu ǀ tā ǀ deveṣu ǀ vanathaḥ ǀ vāryāṇi ǁ

   7.2.7 Aṣṭaka 5.2.2.2Anuvāka 7.1.32Interpretations

8. Ṛk 8

   आ भार॑ती॒ भार॑तीभिः स॒जोषा॒ इळा॑ दे॒वैर्म॑नु॒ष्ये॑भिर॒ग्निः ।
   सर॑स्वती सारस्व॒तेभि॑र॒र्वाक् ति॒स्रो दे॒वीर्ब॒र्हिरेदं स॑दंतु ॥

   आ भारती भारतीभिः सजोषा इऌआ देवैर् मनुष्येभिर् अग्निः |
   सरस्वती सारस्वतेभिर् अर्वाक् तिस्रो देवीर् बर्हिर् एदं सदन्तु ||

   ā́ bhā́ratī bhā́ratībhiḥ sajóṣā íḷā deváirmanuṣyébhiragníḥ ǀ
   sárasvatī sārasvatébhirarvā́k tisró devī́rbarhírédám sadantu ǁ

   ā bhāratī bhāratībhiḥ sajoṣā iḷā devair manuṣyebhir agniḥ |
   sarasvatī sārasvatebhir arvāk tisro devīr barhir edaṃ sadantu ||

   आ । भार॑ती । भर॑तीभिः । स॒ऽजोषाः॑ । इळा॑ । दे॒वैः । म॒नु॒ष्ये॑भिः । अ॒ग्निः ।
   सर॑स्वती । सा॒र॒स्व॒तेभिः॑ । अ॒र्वाक् । ति॒स्रः । दे॒वीः । ब॒र्हिः । आ । इ॒दम् । स॒द॒न्तु॒ ॥

   आ । भारती । भरतीभिः । सऽजोषाः । इळा । देवैः । मनुष्येभिः । अग्निः ।
   सरस्वती । सारस्वतेभिः । अर्वाक् । तिस्रः । देवीः । बर्हिः । आ । इदम् । सदन्तु ॥

   ā́ ǀ bhā́ratī ǀ bháratībhiḥ ǀ sa-jóṣāḥ ǀ íḷā ǀ deváiḥ ǀ manuṣyébhiḥ ǀ agníḥ ǀ
   sárasvatī ǀ sārasvatébhiḥ ǀ arvā́k ǀ tisráḥ ǀ devī́ḥ ǀ barhíḥ ǀ ā́ ǀ idám ǀ sadantu ǁ

   ā ǀ bhāratī ǀ bharatībhiḥ ǀ sa-joṣāḥ ǀ iḷā ǀ devaiḥ ǀ manuṣyebhiḥ ǀ agniḥ ǀ
   sarasvatī ǀ sārasvatebhiḥ ǀ arvāk ǀ tisraḥ ǀ devīḥ ǀ barhiḥ ǀ ā ǀ idam ǀ sadantu ǁ

   7.2.8 Aṣṭaka 5.2.2.3Anuvāka 7.1.33Interpretations

9. Ṛk 9

   तन्न॑स्तु॒रीप॒मध॑ पोषयि॒त्नु देव॑ त्वष्ट॒र्वि र॑रा॒णः स्य॑स्व ।
   यतो॑ वी॒रः क॑र्म॒ण्यः॑ सु॒दक्षो॑ यु॒क्तग्रा॑वा॒ जाय॑ते दे॒वका॑मः ॥

   तन् नस् तुरीपम् अध पोषयित्नु देव त्वष्टर् वि रराणः स्यस्व |
   यतो वीरः कर्मण्यः सुदक्षो युक्तग्रावा जायते देवकामः ||

   tánnasturī́pamádha poṣayitnú déva tvaṣṭarví rarāṇáḥ syasva ǀ
   yáto vīráḥ karmaṇyáḥ sudákṣo yuktágrāvā jā́yate devákāmaḥ ǁ

   tan nas turīpam adha poṣayitnu deva tvaṣṭar vi rarāṇaḥ syasva |
   yato vīraḥ karmaṇyaḥ sudakṣo yuktagrāvā jāyate devakāmaḥ ||

   तत् । नः॒ । तु॒रीप॑म् । अध॑ । पो॒ष॒यि॒त्नु । देव॑ । त्व॒ष्टः॒ । वि । र॒रा॒णः । स्य॒स्वेति॑ स्यस्व ।
   यतः॑ । वी॒रः । क॒र्म॒ण्यः॑ । सु॒ऽदक्षः॑ । यु॒क्तऽग्रा॑वा । जाय॑ते । दे॒वऽका॑मः ॥

   तत् । नः । तुरीपम् । अध । पोषयित्नु । देव । त्वष्टः । वि । रराणः । स्यस्वेति स्यस्व ।
   यतः । वीरः । कर्मण्यः । सुऽदक्षः । युक्तऽग्रावा । जायते । देवऽकामः ॥

   tát ǀ naḥ ǀ turī́pam ǀ ádha ǀ poṣayitnú ǀ déva ǀ tvaṣṭaḥ ǀ ví ǀ rarāṇáḥ ǀ syasvéti syasva ǀ
   yátaḥ ǀ vīráḥ ǀ karmaṇyáḥ ǀ su-dákṣaḥ ǀ yuktá-grāvā ǀ jā́yate ǀ devá-kāmaḥ ǁ

   tat ǀ naḥ ǀ turīpam ǀ adha ǀ poṣayitnu ǀ deva ǀ tvaṣṭaḥ ǀ vi ǀ rarāṇaḥ ǀ syasveti syasva ǀ
   yataḥ ǀ vīraḥ ǀ karmaṇyaḥ ǀ su-dakṣaḥ ǀ yukta-grāvā ǀ jāyate ǀ deva-kāmaḥ ǁ

   7.2.9 Aṣṭaka 5.2.2.4Anuvāka 7.1.34Interpretations

10. Ṛk 10

    वन॑स्प॒तेऽव॑ सृ॒जोप॑ दे॒वान॒ग्निर्ह॒विः श॑मि॒ता सू॑दयाति ।
    सेदु॒ होता॑ स॒त्यत॑रो यजाति॒ यथा॑ दे॒वानां॒ जनि॑मानि॒ वेद॑ ॥

    वनस्पते ऽव सृजोप देवान् अग्निर् हविः शमिता सूदयाति |
    सेद् उ होता सत्यतरो यजाति यथा देवानां जनिमानि वेद ||

    vánaspaté’va sṛjópa devā́nagnírhavíḥ śamitā́ sūdayāti ǀ
    sédu hótā satyátaro yajāti yáthā devā́nām jánimāni véda ǁ

    vanaspate 'va sṛjopa devān agnir haviḥ śamitā sūdayāti |
    sed u hotā satyataro yajāti yathā devānāṃ janimāni veda ||

    वन॑स्पते । अव॑ । सृ॒ज॒ । उप॑ । दे॒वान् । अ॒ग्निः । ह॒विः । श॒मि॒ता । सू॒द॒या॒ति॒ ।
    सः । इत् । ऊं॒ इति॑ । होता॑ । स॒त्यऽत॑रः । य॒जा॒ति॒ । यथा॑ । दे॒वाना॑म् । जनि॑मानि । वेद॑ ॥

    वनस्पते । अव । सृज । उप । देवान् । अग्निः । हविः । शमिता । सूदयाति ।
    सः । इत् । ऊं इति । होता । सत्यऽतरः । यजाति । यथा । देवानाम् । जनिमानि । वेद ॥

    vánaspate ǀ áva ǀ sṛja ǀ úpa ǀ devā́n ǀ agníḥ ǀ havíḥ ǀ śamitā́ ǀ sūdayāti ǀ
    sáḥ ǀ ít ǀ ūṃ íti ǀ hótā ǀ satyá-taraḥ ǀ yajāti ǀ yáthā ǀ devā́nām ǀ jánimāni ǀ véda ǁ

    vanaspate ǀ ava ǀ sṛja ǀ upa ǀ devān ǀ agniḥ ǀ haviḥ ǀ śamitā ǀ sūdayāti ǀ
    saḥ ǀ it ǀ ūṃ iti ǀ hotā ǀ satya-taraḥ ǀ yajāti ǀ yathā ǀ devānām ǀ janimāni ǀ veda ǁ

    7.2.10 Aṣṭaka 5.2.2.5Anuvāka 7.1.35Interpretations

11. Ṛk 11

    आ या॑ह्यग्ने समिधा॒नो अ॒र्वाङिंद्रे॑ण दे॒वैः स॒रथं॑ तु॒रेभिः॑ ।
    ब॒र्हिर्न॑ आस्ता॒मदि॑तिः सुपु॒त्रा स्वाहा॑ दे॒वा अ॒मृता॑ मादयंतां ॥

    आ याह्य् अग्ने समिधानो अर्वाङ् इन्द्रेण देवैः सरथं तुरेभिः |
    बर्हिर् न आस्ताम् अदितिः सुपुत्रा स्वाहा देवा अमृता मादयन्ताम् ||

    ā́ yāhyagne samidhānó arvā́ṅíndreṇa deváiḥ sarátham turébhiḥ ǀ
    barhírna āstāmáditiḥ suputrā́ svā́hā devā́ amṛ́tā mādayantām ǁ

    ā yāhy agne samidhāno arvāṅ indreṇa devaiḥ sarathaṃ turebhiḥ |
    barhir na āstām aditiḥ suputrā svāhā devā amṛtā mādayantām ||

    आ । या॒हि॒ । अ॒ग्ने॒ । स॒म्ऽइ॒धा॒नः । अ॒र्वाङ् । इन्द्रे॑ण । दे॒वैः । स॒ऽरथ॑म् । तु॒रेभिः॑ ।
    ब॒र्हिः । नः॒ । आ॒स्ता॒म् । अदि॑तिः । सु॒ऽपु॒त्रा । स्वाहा॑ । दे॒वाः । अ॒मृताः॑ । मा॒द॒य॒न्ता॒म् ॥

    आ । याहि । अग्ने । सम्ऽइधानः । अर्वाङ् । इन्द्रेण । देवैः । सऽरथम् । तुरेभिः ।
    बर्हिः । नः । आस्ताम् । अदितिः । सुऽपुत्रा । स्वाहा । देवाः । अमृताः । मादयन्ताम् ॥

    ā́ ǀ yāhi ǀ agne ǀ sam-idhānáḥ ǀ arvā́ṅ ǀ índreṇa ǀ deváiḥ ǀ sa-rátham ǀ turébhiḥ ǀ
    barhíḥ ǀ naḥ ǀ āstām ǀ áditiḥ ǀ su-putrā́ ǀ svā́hā ǀ devā́ḥ ǀ amṛ́tāḥ ǀ mādayantām ǁ

    ā ǀ yāhi ǀ agne ǀ sam-idhānaḥ ǀ arvāṅ ǀ indreṇa ǀ devaiḥ ǀ sa-ratham ǀ turebhiḥ ǀ
    barhiḥ ǀ naḥ ǀ āstām ǀ aditiḥ ǀ su-putrā ǀ svāhā ǀ devāḥ ǀ amṛtāḥ ǀ mādayantām ǁ

    7.2.11 Aṣṭaka 5.2.2.6Anuvāka 7.1.36Interpretations

Text, recitation and interpretations from the Ṛgveda database of theveda.org.in.