Devatā देवता

1-7, 15, 25: Indra, Soma; 8, 16, 19-22, 24: Indra; 9, 12, 13: Soma; 10, 14: Agni; 11: Devāḥ; 17: Grāvāṇaḥ; 18: Maruts; 23: Vasiṣṭha’s Wish (A); Pṛthivī, Antarikṣa (C)

Ṛṣi ऋषि

Vasiṣṭha Maitrāvaruṇi

Chandas छन्दस्

Triṣṭubh, Jagatī, Jagatī Or Triṣṭubh, Anuṣṭubh

1. Ṛk 1

   इंद्रा॑सोमा॒ तप॑तं॒ रक्ष॑ उ॒ब्जतं॒ न्य॑र्पयतं वृषणा तमो॒वृधः॑ ।
   परा॑ शृणीतम॒चितो॒ न्यो॑षतं ह॒तं नु॒देथां॒ नि शि॑शीतम॒त्रिणः॑ ॥

   इन्द्रासोमा तपतं रक्ष उब्जतं न्य् अर्पयतं वृषणा तमोवृधः |
   परा शृणीतम् अचितो न्य् ओषतं हतं नुदेथां नि शिशीतम् अत्रिणः ||

   índrāsomā tápatam rákṣa ubjátam nyárpayatam vṛṣaṇā tamovṛ́dhaḥ ǀ
   párā śṛṇītamacíto nyoṣatam hatám nudéthām ní śiśītamatríṇaḥ ǁ

   indrāsomā tapataṃ rakṣa ubjataṃ ny arpayataṃ vṛṣaṇā tamovṛdhaḥ |
   parā śṛṇītam acito ny oṣataṃ hataṃ nudethāṃ ni śiśītam atriṇaḥ ||

   इन्द्रा॑सोमा । तप॑तम् । रक्षः॑ । उ॒ब्जत॑म् । नि । अ॒र्प॒य॒त॒म् । वृ॒ष॒णा॒ । त॒मः॒ऽवृधः॑ ।
   परा॑ । शृ॒णी॒त॒म् । अ॒चितः॑ । नि । ओ॒ष॒त॒म् । ह॒तम् । नु॒देथा॑म् । नि । शि॒शी॒त॒म् । अ॒त्रिणः॑ ॥

   इन्द्रासोमा । तपतम् । रक्षः । उब्जतम् । नि । अर्पयतम् । वृषणा । तमःऽवृधः ।
   परा । शृणीतम् । अचितः । नि । ओषतम् । हतम् । नुदेथाम् । नि । शिशीतम् । अत्रिणः ॥

   índrāsomā ǀ tápatam ǀ rákṣaḥ ǀ ubjátam ǀ ní ǀ arpayatam ǀ vṛṣaṇā ǀ tamaḥ-vṛ́dhaḥ ǀ
   párā ǀ śṛṇītam ǀ acítaḥ ǀ ní ǀ oṣatam ǀ hatám ǀ nudéthām ǀ ní ǀ śiśītam ǀ atríṇaḥ ǁ

   indrāsomā ǀ tapatam ǀ rakṣaḥ ǀ ubjatam ǀ ni ǀ arpayatam ǀ vṛṣaṇā ǀ tamaḥ-vṛdhaḥ ǀ
   parā ǀ śṛṇītam ǀ acitaḥ ǀ ni ǀ oṣatam ǀ hatam ǀ nudethām ǀ ni ǀ śiśītam ǀ atriṇaḥ ǁ

   7.104.1 Aṣṭaka 5.7.5.1Anuvāka 7.6.102Interpretations

2. Ṛk 2

   इंद्रा॑सोमा॒ सम॒घशं॑सम॒भ्य१॒॑घं तपु॑र्ययस्तु च॒रुर॑ग्नि॒वाँ इ॑व ।
   ब्र॒ह्म॒द्विषे॑ क्र॒व्यादे॑ घो॒रच॑क्षसे॒ द्वेषो॑ धत्तमनवा॒यं कि॑मी॒दिने॑ ॥

   इन्द्रासोमा सम् अघशंसम् अभ्य् अघं तपुर् ययस्तु चरुर् अग्निवां इव |
   ब्रह्मद्विषे क्रव्यादे घोरचक्षसे द्वेषो धत्तम् अनवायं किमीदिने ||

   índrāsomā sámagháśaṃsamabhyághám tápuryayastu carúragnivā́m̐ iva ǀ
   brahmadvíṣe kravyā́de ghorácakṣase dvéṣo dhattamanavāyám kimīdíne ǁ

   indrāsomā sam aghaśaṃsam abhy aghaṃ tapur yayastu carur agnivāṃ iva |
   brahmadviṣe kravyāde ghoracakṣase dveṣo dhattam anavāyaṃ kimīdine ||

   इन्द्रा॑सोमा । सम् । अ॒घऽशं॑सम् । अ॒भि । अ॒घम् । तपुः॑ । य॒य॒स्तु॒ । च॒रुः । अ॒ग्नि॒वान्ऽइ॑व ।
   ब्र॒ह्म॒ऽद्विषे॑ । क्र॒व्य॒ऽअदे॑ । घो॒रऽच॑क्षसे । द्वेषः॑ । ध॒त्त॒म् । अ॒न॒वा॒यम् । कि॒मी॒दिने॑ ॥

   इन्द्रासोमा । सम् । अघऽशंसम् । अभि । अघम् । तपुः । ययस्तु । चरुः । अग्निवान्ऽइव ।
   ब्रह्मऽद्विषे । क्रव्यऽअदे । घोरऽचक्षसे । द्वेषः । धत्तम् । अनवायम् । किमीदिने ॥

   índrāsomā ǀ sám ǀ aghá-śaṃsam ǀ abhí ǀ aghám ǀ tápuḥ ǀ yayastu ǀ carúḥ ǀ agnivā́n-iva ǀ
   brahma-dvíṣe ǀ kravya-áde ǀ ghorá-cakṣase ǀ dvéṣaḥ ǀ dhattam ǀ anavāyám ǀ kimīdíne ǁ

   indrāsomā ǀ sam ǀ agha-śaṃsam ǀ abhi ǀ agham ǀ tapuḥ ǀ yayastu ǀ caruḥ ǀ agnivān-iva ǀ
   brahma-dviṣe ǀ kravya-ade ǀ ghora-cakṣase ǀ dveṣaḥ ǀ dhattam ǀ anavāyam ǀ kimīdine ǁ

   7.104.2 Aṣṭaka 5.7.5.2Anuvāka 7.6.103Interpretations

3. Ṛk 3

   इंद्रा॑सोमा दु॒ष्कृतो॑ व॒व्रे अं॒तर॑नारंभ॒णे तम॑सि॒ प्र वि॑ध्यतं ।
   यथा॒ नातः॒ पुन॒रेक॑श्च॒नोदय॒त्तद्वा॑मस्तु॒ सह॑से मन्यु॒मच्छवः॑ ॥

   इन्द्रासोमा दुष्कृतो वव्रे अन्तर् अनारम्भणे तमसि प्र विध्यतम् |
   यथा नातः पुनर् एकश् चनोदयत् तद् वाम् अस्तु सहसे मन्युमच् छवः ||

   índrāsomā duṣkṛ́to vavré antáranārambhaṇé támasi prá vidhyatam ǀ
   yáthā nā́taḥ púnarékaścanódáyattádvāmastu sáhase manyumácchávaḥ ǁ

   indrāsomā duṣkṛto vavre antar anārambhaṇe tamasi pra vidhyatam |
   yathā nātaḥ punar ekaś canodayat tad vām astu sahase manyumac chavaḥ ||

   इन्द्रा॑सोमा । दुः॒ऽकृतः॑ । व॒व्रे । अ॒न्तः । अ॒ना॒र॒म्भ॒णे । तम॑सि । प्र । वि॒ध्य॒त॒म् ।
   यथा॑ । न । अतः॑ । पुनः॑ । एकः॑ । च॒न । उ॒त्ऽअय॑त् । तत् । वा॒म् । अ॒स्तु॒ । सह॑से । म॒न्यु॒ऽमत् । शवः॑ ॥

   इन्द्रासोमा । दुःऽकृतः । वव्रे । अन्तः । अनारम्भणे । तमसि । प्र । विध्यतम् ।
   यथा । न । अतः । पुनः । एकः । चन । उत्ऽअयत् । तत् । वाम् । अस्तु । सहसे । मन्युऽमत् । शवः ॥

   índrāsomā ǀ duḥ-kṛ́taḥ ǀ vavré ǀ antáḥ ǀ anārambhaṇé ǀ támasi ǀ prá ǀ vidhyatam ǀ
   yáthā ǀ ná ǀ átaḥ ǀ púnaḥ ǀ ékaḥ ǀ caná ǀ ut-áyat ǀ tát ǀ vām ǀ astu ǀ sáhase ǀ manyu-mát ǀ śávaḥ ǁ

   indrāsomā ǀ duḥ-kṛtaḥ ǀ vavre ǀ antaḥ ǀ anārambhaṇe ǀ tamasi ǀ pra ǀ vidhyatam ǀ
   yathā ǀ na ǀ ataḥ ǀ punaḥ ǀ ekaḥ ǀ cana ǀ ut-ayat ǀ tat ǀ vām ǀ astu ǀ sahase ǀ manyu-mat ǀ śavaḥ ǁ

   7.104.3 Aṣṭaka 5.7.5.3Anuvāka 7.6.104Interpretations

4. Ṛk 4

   इंद्रा॑सोमा व॒र्तय॑तं दि॒वो व॒धं सं पृ॑थि॒व्या अ॒घशं॑साय॒ तर्ह॑णं ।
   उत्त॑क्षतं स्व॒र्यं१॒॑ पर्व॑तेभ्यो॒ येन॒ रक्षो॑ वावृधा॒नं नि॒जूर्व॑थः ॥

   इन्द्रासोमा वर्तयतं दिवो वधं सम् पृथिव्या अघशंसाय तर्हणम् |
   उत् तक्षतं स्वर्यम् पर्वतेभ्यो येन रक्षो वावृधानं निजूर्वथः ||

   índrāsomā vartáyatam divó vadhám sám pṛthivyā́ agháśaṃsāya tárhaṇam ǀ
   úttakṣatam svaryám párvatebhyo yéna rákṣo vāvṛdhānám nijū́rvathaḥ ǁ

   indrāsomā vartayataṃ divo vadhaṃ sam pṛthivyā aghaśaṃsāya tarhaṇam |
   ut takṣataṃ svaryam parvatebhyo yena rakṣo vāvṛdhānaṃ nijūrvathaḥ ||

   इन्द्रा॑सोमा । व॒र्तय॑तम् । दि॒वः । व॒धम् । सम् । पृ॒थि॒व्याः । अ॒घऽशं॑साय । तर्ह॑णम् ।
   उत् । त॒क्ष॒त॒म् । स्व॒र्य॑म् । पर्व॑तेभ्यः । येन॑ । रक्षः॑ । व॒वृ॒धा॒नम् । नि॒ऽजूर्व॑थः ॥

   इन्द्रासोमा । वर्तयतम् । दिवः । वधम् । सम् । पृथिव्याः । अघऽशंसाय । तर्हणम् ।
   उत् । तक्षतम् । स्वर्यम् । पर्वतेभ्यः । येन । रक्षः । ववृधानम् । निऽजूर्वथः ॥

   índrāsomā ǀ vartáyatam ǀ diváḥ ǀ vadhám ǀ sám ǀ pṛthivyā́ḥ ǀ aghá-śaṃsāya ǀ tárhaṇam ǀ
   út ǀ takṣatam ǀ svaryám ǀ párvatebhyaḥ ǀ yéna ǀ rákṣaḥ ǀ vavṛdhānám ǀ ni-jū́rvathaḥ ǁ

   indrāsomā ǀ vartayatam ǀ divaḥ ǀ vadham ǀ sam ǀ pṛthivyāḥ ǀ agha-śaṃsāya ǀ tarhaṇam ǀ
   ut ǀ takṣatam ǀ svaryam ǀ parvatebhyaḥ ǀ yena ǀ rakṣaḥ ǀ vavṛdhānam ǀ ni-jūrvathaḥ ǁ

   7.104.4 Aṣṭaka 5.7.5.4Anuvāka 7.6.105Interpretations

5. Ṛk 5

   इंद्रा॑सोमा व॒र्तय॑तं दि॒वस्पर्य॑ग्नित॒प्तेभि॑र्यु॒वमश्म॑हन्मभिः ।
   तपु॑र्वधेभिर॒जरे॑भिर॒त्रिणो॒ नि पर्शा॑ने विध्यतं॒ यंतु॑ निस्व॒रं ॥

   इन्द्रासोमा वर्तयतं दिवस् पर्य् अग्नितप्तेभिर् युवम् अश्महन्मभिः |
   तपुर्वधेभिर् अजरेभिर् अत्रिणो नि पर्शाने विध्यतं यन्तु निस्वरम् ||

   índrāsomā vartáyatam diváspáryagnitaptébhiryuvámáśmahanmabhiḥ ǀ
   tápurvadhebhirajárebhiratríṇo ní párśāne vidhyatam yántu nisvarám ǁ

   indrāsomā vartayataṃ divas pary agnitaptebhir yuvam aśmahanmabhiḥ |
   tapurvadhebhir ajarebhir atriṇo ni parśāne vidhyataṃ yantu nisvaram ||

   इन्द्रा॑सोमा । व॒र्तय॑तम् । दि॒वः । परि॑ । अ॒ग्नि॒ऽत॒प्तेभिः॑ । यु॒वम् । अश्म॑हन्मऽभिः ।
   तपुः॑ऽवधेभिः । अ॒जरे॑भिः । अ॒त्रिणः॑ । नि । पर्शा॑ने । वि॒ध्य॒त॒म् । यन्तु॑ । नि॒ऽस्व॒रम् ॥

   इन्द्रासोमा । वर्तयतम् । दिवः । परि । अग्निऽतप्तेभिः । युवम् । अश्महन्मऽभिः ।
   तपुःऽवधेभिः । अजरेभिः । अत्रिणः । नि । पर्शाने । विध्यतम् । यन्तु । निऽस्वरम् ॥

   índrāsomā ǀ vartáyatam ǀ diváḥ ǀ pári ǀ agni-taptébhiḥ ǀ yuvám ǀ áśmahanma-bhiḥ ǀ
   tápuḥ-vadhebhiḥ ǀ ajárebhiḥ ǀ atríṇaḥ ǀ ní ǀ párśāne ǀ vidhyatam ǀ yántu ǀ ni-svarám ǁ

   indrāsomā ǀ vartayatam ǀ divaḥ ǀ pari ǀ agni-taptebhiḥ ǀ yuvam ǀ aśmahanma-bhiḥ ǀ
   tapuḥ-vadhebhiḥ ǀ ajarebhiḥ ǀ atriṇaḥ ǀ ni ǀ parśāne ǀ vidhyatam ǀ yantu ǀ ni-svaram ǁ

   7.104.5 Aṣṭaka 5.7.5.5Anuvāka 7.6.106Interpretations

6. Ṛk 6

   इंद्रा॑सोमा॒ परि॑ वां भूतु वि॒श्वत॑ इ॒यं म॒तिः क॒क्ष्याश्वे॑व वा॒जिना॑ ।
   यां वां॒ होत्रां॑ परिहि॒नोमि॑ मे॒धये॒मा ब्रह्मा॑णि नृ॒पती॑व जिन्वतं ॥

   इन्द्रासोमा परि वाम् भूतु विश्वत इयम् मतिः कक्ष्याश्वेव वाजिना |
   यां वां होत्राम् परिहिनोमि मेधयेमा ब्रह्माणि नृपतीव जिन्वतम् ||

   índrāsomā pári vām bhūtu viśváta iyám matíḥ kakṣyā́śveva vājínā ǀ
   yā́m vām hótrām parihinómi medháyemā́ bráhmāṇi nṛpátīva jinvatam ǁ

   indrāsomā pari vām bhūtu viśvata iyam matiḥ kakṣyāśveva vājinā |
   yāṃ vāṃ hotrām parihinomi medhayemā brahmāṇi nṛpatīva jinvatam ||

   इन्द्रा॑सोमा । परि॑ । वा॒म् । भू॒तु॒ । वि॒श्वतः॑ । इ॒यम् । म॒तिः । क॒क्ष्या॑ । अश्वा॑ऽइव । वा॒जिना॑ ।
   याम् । वा॒म् । होत्रा॑म् । प॒रि॒ऽहि॒नोमि॑ । मे॒धया॑ । इ॒मा । ब्रह्मा॑णि । नृ॒पती॑ इ॒वेति॑ नृ॒पती॑ऽइव । जि॒न्व॒त॒म् ॥

   इन्द्रासोमा । परि । वाम् । भूतु । विश्वतः । इयम् । मतिः । कक्ष्या । अश्वाऽइव । वाजिना ।
   याम् । वाम् । होत्राम् । परिऽहिनोमि । मेधया । इमा । ब्रह्माणि । नृपती इवेति नृपतीऽइव । जिन्वतम् ॥

   índrāsomā ǀ pári ǀ vām ǀ bhūtu ǀ viśvátaḥ ǀ iyám ǀ matíḥ ǀ kakṣyā́ ǀ áśvā-iva ǀ vājínā ǀ
   yā́m ǀ vām ǀ hótrām ǀ pari-hinómi ǀ medháyā ǀ imā́ ǀ bráhmāṇi ǀ nṛpátī ivéti nṛpátī-iva ǀ jinvatam ǁ

   indrāsomā ǀ pari ǀ vām ǀ bhūtu ǀ viśvataḥ ǀ iyam ǀ matiḥ ǀ kakṣyā ǀ aśvā-iva ǀ vājinā ǀ
   yām ǀ vām ǀ hotrām ǀ pari-hinomi ǀ medhayā ǀ imā ǀ brahmāṇi ǀ nṛpatī iveti nṛpatī-iva ǀ jinvatam ǁ

   7.104.6 Aṣṭaka 5.7.6.1Anuvāka 7.6.107Interpretations

7. Ṛk 7

   प्रति॑ स्मरेथां तु॒जय॑द्भि॒रेवै॑र्ह॒तं द्रु॒हो र॒क्षसो॑ भंगु॒राव॑तः ।
   इंद्रा॑सोमा दु॒ष्कृते॒ मा सु॒गं भू॒द्यो नः॑ क॒दा चि॑दभि॒दास॑ति द्रु॒हा ॥

   प्रति स्मरेथां तुजयद्भिर् एवैर् हतं द्रुहो रक्षसो भङ्गुरावतः |
   इन्द्रासोमा दुष्कृते मा सुगम् भूद् यो नः कदा चिद् अभिदासति द्रुहा ||

   práti smarethām tujáyadbhirévairhatám druhó rakṣáso bhaṅgurā́vataḥ ǀ
   índrāsomā duṣkṛ́te mā́ sugám bhūdyó naḥ kadā́ cidabhidā́sati druhā́ ǁ

   prati smarethāṃ tujayadbhir evair hataṃ druho rakṣaso bhaṅgurāvataḥ |
   indrāsomā duṣkṛte mā sugam bhūd yo naḥ kadā cid abhidāsati druhā ||

   प्रति॑ । स्म॒रे॒था॒म् । तु॒जय॑त्ऽभिः । एवैः॑ । ह॒तम् । द्रु॒हः । र॒क्षसः॑ । भ॒ङ्गु॒रऽव॑तः ।
   इन्द्रा॑सोमा । दुः॒ऽकृते॑ । मा । सु॒ऽगम् । भू॒त् । यः । नः॒ । क॒दा । चि॒त् । अ॒भि॒ऽदास॑ति । द्रु॒हा ॥

   प्रति । स्मरेथाम् । तुजयत्ऽभिः । एवैः । हतम् । द्रुहः । रक्षसः । भङ्गुरऽवतः ।
   इन्द्रासोमा । दुःऽकृते । मा । सुऽगम् । भूत् । यः । नः । कदा । चित् । अभिऽदासति । द्रुहा ॥

   práti ǀ smarethām ǀ tujáyat-bhiḥ ǀ évaiḥ ǀ hatám ǀ druháḥ ǀ rakṣásaḥ ǀ bhaṅgurá-vataḥ ǀ
   índrāsomā ǀ duḥ-kṛ́te ǀ mā́ ǀ su-gám ǀ bhūt ǀ yáḥ ǀ naḥ ǀ kadā́ ǀ cit ǀ abhi-dā́sati ǀ druhā́ ǁ

   prati ǀ smarethām ǀ tujayat-bhiḥ ǀ evaiḥ ǀ hatam ǀ druhaḥ ǀ rakṣasaḥ ǀ bhaṅgura-vataḥ ǀ
   indrāsomā ǀ duḥ-kṛte ǀ mā ǀ su-gam ǀ bhūt ǀ yaḥ ǀ naḥ ǀ kadā ǀ cit ǀ abhi-dāsati ǀ druhā ǁ

   7.104.7 Aṣṭaka 5.7.6.2Anuvāka 7.6.108Interpretations

8. Ṛk 8

   यो मा॒ पाके॑न॒ मन॑सा॒ चरं॑तमभि॒चष्टे॒ अनृ॑तेभि॒र्वचो॑भिः ।
   आप॑ इव का॒शिना॒ संगृ॑भीता॒ अस॑न्न॒स्त्वास॑त इंद्र व॒क्ता ॥

   यो मा पाकेन मनसा चरन्तम् अभिचष्टे अनृतेभिर् वचोभिः |
   आप इव काशिना संगृभीता असन्न् अस्त्व् आसत इन्द्र वक्ता ||

   yó mā pā́kena mánasā cárantamabhicáṣṭe ánṛtebhirvácobhiḥ ǀ
   ā́pa iva kāśínā sáṃgṛbhītā ásannastvā́sata indra vaktā́ ǁ

   yo mā pākena manasā carantam abhicaṣṭe anṛtebhir vacobhiḥ |
   āpa iva kāśinā saṃgṛbhītā asann astv āsata indra vaktā ||

   यः । मा॒ । पाके॑न । मन॑सा । चर॑न्तम् । अ॒भि॒ऽचष्टे॑ । अनृ॑तेभिः । वचः॑ऽभिः ।
   आपः॑ऽइव । का॒शिना॑ । सम्ऽगृ॑भीताः । अस॑न् । अ॒स्तु॒ । अस॑तः । इ॒न्द्र॒ । व॒क्ता ॥

   यः । मा । पाकेन । मनसा । चरन्तम् । अभिऽचष्टे । अनृतेभिः । वचःऽभिः ।
   आपःऽइव । काशिना । सम्ऽगृभीताः । असन् । अस्तु । असतः । इन्द्र । वक्ता ॥

   yáḥ ǀ mā ǀ pā́kena ǀ mánasā ǀ cárantam ǀ abhi-cáṣṭe ǀ ánṛtebhiḥ ǀ vácaḥ-bhiḥ ǀ
   ā́paḥ-iva ǀ kāśínā ǀ sám-gṛbhītāḥ ǀ ásan ǀ astu ǀ ásataḥ ǀ indra ǀ vaktā́ ǁ

   yaḥ ǀ mā ǀ pākena ǀ manasā ǀ carantam ǀ abhi-caṣṭe ǀ anṛtebhiḥ ǀ vacaḥ-bhiḥ ǀ
   āpaḥ-iva ǀ kāśinā ǀ sam-gṛbhītāḥ ǀ asan ǀ astu ǀ asataḥ ǀ indra ǀ vaktā ǁ

   7.104.8 Aṣṭaka 5.7.6.3Anuvāka 7.6.109Interpretations

9. Ṛk 9

   ये पा॑कशं॒सं वि॒हरं॑त॒ एवै॒र्ये वा॑ भ॒द्रं दू॒षयं॑ति स्व॒धाभिः॑ ।
   अह॑ये वा॒ तान्प्र॒ददा॑तु॒ सोम॒ आ वा॑ द��ातु॒ निर्ऋ॑तेरु॒पस्थे॑ ॥

   ये पाकशंसं विहरन्त एवैर् ये वा भद्रं दूषयन्ति स्वधाभिः |
   अहये वा तान् प्रददातु सोम आ वा दधातु निरृतेर् उपस्थे ||

   yé pākaśaṃsám viháranta évairyé vā bhadrám dūṣáyanti svadhā́bhiḥ ǀ
   áhaye vā tā́npradádātu sóma ā́ vā dadhātu nírṛterupásthe ǁ

   ye pākaśaṃsaṃ viharanta evair ye vā bhadraṃ dūṣayanti svadhābhiḥ |
   ahaye vā tān pradadātu soma ā vā dadhātu nirṛter upasthe ||

   ये । पा॒क॒ऽशं॒सम् । वि॒ऽहर॑न्ते । एवैः॑ । ये । वा॒ । भ॒द्रम् । दू॒षय॑न्ति । स्व॒धाभिः॑ ।
   अह॑ये । वा॒ । तान् । प्र॒ऽददा॑तु । सोमः॑ । आ । वा॒ । द॒धा॒तु॒ । निःऽऋ॑तेः । उ॒पऽस्थे॑ ॥

   ये । पाकऽशंसम् । विऽहरन्ते । एवैः । ये । वा । भद्रम् । दूषयन्ति । स्वधाभिः ।
   अहये । वा । तान् । प्रऽददातु । सोमः । आ । वा । दधातु । निःऽऋतेः । उपऽस्थे ॥

   yé ǀ pāka-śaṃsám ǀ vi-hárante ǀ évaiḥ ǀ yé ǀ vā ǀ bhadrám ǀ dūṣáyanti ǀ svadhā́bhiḥ ǀ
   áhaye ǀ vā ǀ tā́n ǀ pra-dádātu ǀ sómaḥ ǀ ā́ ǀ vā ǀ dadhātu ǀ níḥ-ṛteḥ ǀ upá-sthe ǁ

   ye ǀ pāka-śaṃsam ǀ vi-harante ǀ evaiḥ ǀ ye ǀ vā ǀ bhadram ǀ dūṣayanti ǀ svadhābhiḥ ǀ
   ahaye ǀ vā ǀ tān ǀ pra-dadātu ǀ somaḥ ǀ ā ǀ vā ǀ dadhātu ǀ niḥ-ṛteḥ ǀ upa-sthe ǁ

   7.104.9 Aṣṭaka 5.7.6.4Anuvāka 7.6.110Interpretations

10. Ṛk 10

    यो नो॒ रसं॒ दिप्स॑ति पि॒त्वो अ॑ग्ने॒ यो अश्वा॑नां॒ यो गवां॒ यस्त॒नूनां॑ ।
    रि॒पुः स्ते॒नः स्ते॑य॒कृद्द॒भ्रमे॑तु॒ नि ष ही॑यतां त॒न्वा॒३॒॑ तना॑ च ॥

    यो नो रसं दिप्सति पित्वो अग्ने यो अश्वानां यो गवां यस् तनूनाम् |
    रिपु स्तेन स्तेयकृद् दभ्रम् एतु नि ष हीयतां तन्वा तना च ||

    yó no rásam dípsati pitvó agne yó áśvānām yó gávām yástanū́nām ǀ
    ripúḥ stenáḥ steyakṛ́ddabhrámetu ní ṣá hīyatām tanvā́ tánā ca ǁ

    yo no rasaṃ dipsati pitvo agne yo aśvānāṃ yo gavāṃ yas tanūnām |
    ripu stena steyakṛd dabhram etu ni ṣa hīyatāṃ tanvā tanā ca ||

    यः । नः॒ । रस॑म् । दिप्स॑ति । पि॒त्वः । अ॒ग्ने॒ । यः । अश्वा॑नाम् । यः । गवा॑म् । यः । त॒नूना॑म् ।
    रि॒पुः । स्ते॒नः । स्ते॒य॒ऽकृत् । द॒भ्रम् । ए॒तु॒ । नि । सः । ही॒य॒ता॒म् । त॒न्वा॑ । तना॑ । च॒ ॥

    यः । नः । रसम् । दिप्सति । पित्वः । अग्ने । यः । अश्वानाम् । यः । गवाम् । यः । तनूनाम् ।
    रिपुः । स्तेनः । स्तेयऽकृत् । दभ्रम् । एतु । नि । सः । हीयताम् । तन्वा । तना । च ॥

    yáḥ ǀ naḥ ǀ rásam ǀ dípsati ǀ pitváḥ ǀ agne ǀ yáḥ ǀ áśvānām ǀ yáḥ ǀ gávām ǀ yáḥ ǀ tanū́nām ǀ
    ripúḥ ǀ stenáḥ ǀ steya-kṛ́t ǀ dabhrám ǀ etu ǀ ní ǀ sáḥ ǀ hīyatām ǀ tanvā́ ǀ tánā ǀ ca ǁ

    yaḥ ǀ naḥ ǀ rasam ǀ dipsati ǀ pitvaḥ ǀ agne ǀ yaḥ ǀ aśvānām ǀ yaḥ ǀ gavām ǀ yaḥ ǀ tanūnām ǀ
    ripuḥ ǀ stenaḥ ǀ steya-kṛt ǀ dabhram ǀ etu ǀ ni ǀ saḥ ǀ hīyatām ǀ tanvā ǀ tanā ǀ ca ǁ

    7.104.10 Aṣṭaka 5.7.6.5Anuvāka 7.6.111Interpretations

11. Ṛk 11

    प॒रः सो अ॑स्तु त॒न्वा॒३॒॑ तना॑ च ति॒स्रः पृ॑थि॒वीर॒धो अ॑स्तु॒ विश्वाः॑ ।
    प्रति॑ शुष्यतु॒ यशो॑ अस्य देवा॒ यो नो॒ दिवा॒ दिप्स॑ति॒ यश्च॒ नक्तं॑ ॥

    परः सो अस्तु तन्वा तना च तिस्रः पृथिवीर् अधो अस्तु विश्वाः |
    प्रति शुष्यतु यशो अस्य देवा यो नो दिवा दिप्सति यश् च नक्तम् ||

    paráḥ só astu tanvā́ tánā ca tisráḥ pṛthivī́radhó astu víśvāḥ ǀ
    práti śuṣyatu yáśo asya devā yó no dívā dípsati yáśca náktam ǁ

    paraḥ so astu tanvā tanā ca tisraḥ pṛthivīr adho astu viśvāḥ |
    prati śuṣyatu yaśo asya devā yo no divā dipsati yaś ca naktam ||

    प॒रः । सः । अ॒स्तु॒ । त॒न्वा॑ । तना॑ । च॒ । ति॒स्रः । पृ॒थि॒वीः । अ॒धः । अ॒स्तु॒ । विश्वाः॑ ।
    प्रति॑ । शु॒ष्य॒तु॒ । यशः॑ । अ॒स्य॒ । दे॒वाः॒ । यः । नः॒ । दिवा॑ । दिप्स॑ति । यः । च॒ । नक्त॑म् ॥

    परः । सः । अस्तु । तन्वा । तना । च । तिस्रः । पृथिवीः । अधः । अस्तु । विश्वाः ।
    प्रति । शुष्यतु । यशः । अस्य । देवाः । यः । नः । दिवा । दिप्सति । यः । च । नक्तम् ॥

    paráḥ ǀ sáḥ ǀ astu ǀ tanvā́ ǀ tánā ǀ ca ǀ tisráḥ ǀ pṛthivī́ḥ ǀ adháḥ ǀ astu ǀ víśvāḥ ǀ
    práti ǀ śuṣyatu ǀ yáśaḥ ǀ asya ǀ devāḥ ǀ yáḥ ǀ naḥ ǀ dívā ǀ dípsati ǀ yáḥ ǀ ca ǀ náktam ǁ

    paraḥ ǀ saḥ ǀ astu ǀ tanvā ǀ tanā ǀ ca ǀ tisraḥ ǀ pṛthivīḥ ǀ adhaḥ ǀ astu ǀ viśvāḥ ǀ
    prati ǀ śuṣyatu ǀ yaśaḥ ǀ asya ǀ devāḥ ǀ yaḥ ǀ naḥ ǀ divā ǀ dipsati ǀ yaḥ ǀ ca ǀ naktam ǁ

    7.104.11 Aṣṭaka 5.7.7.1Anuvāka 7.6.112Interpretations

12. Ṛk 12

    सु॒वि॒ज्ञा॒नं चि॑कि॒तुषे॒ जना॑य॒ सच्चास॑च्च॒ वच॑सी पस्पृधाते ।
    तयो॒र्यत्स॒त्यं य॑त॒रदृजी॑य॒स्तदित्सोमो॑ऽवति॒ हंत्यास॑त् ॥

    सुविज्ञानं चिकितुषे जनाय सच् चासच् च वचसी पस्पृधाते |
    तयोर् यत् सत्यं यतरद् ऋजीयस् तद् इत् सोमो ऽवति हन्त्य् आसत् ||

    suvijñānám cikitúṣe jánāya sáccā́sacca vácasī paspṛdhāte ǀ
    táyoryátsatyám yatarádṛ́jīyastádítsómo’vati hántyā́sat ǁ

    suvijñānaṃ cikituṣe janāya sac cāsac ca vacasī paspṛdhāte |
    tayor yat satyaṃ yatarad ṛjīyas tad it somo 'vati hanty āsat ||

    सु॒ऽवि॒ज्ञा॒नम् । चि॒कि॒तुषे॑ । जना॑य । सत् । च॒ । अस॑त् । च॒ । वच॑सी॒ इति॑ । प॒स्पृ॒धा॒ते॒ इति॑ ।
    तयोः॑ । यत् । स॒त्यम् । य॒त॒रत् । ऋजी॑यः । तत् । इत् । सोमः॑ । अ॒व॒ति॒ । हन्ति॑ । अस॑त् ॥

    सुऽविज्ञानम् । चिकितुषे । जनाय । सत् । च । असत् । च । वचसी इति । पस्पृधाते इति ।
    तयोः । यत् । सत्यम् । यतरत् । ऋजीयः । तत् । इत् । सोमः । अवति । हन्ति । असत् ॥

    su-vijñānám ǀ cikitúṣe ǀ jánāya ǀ sát ǀ ca ǀ ásat ǀ ca ǀ vácasī íti ǀ paspṛdhāte íti ǀ
    táyoḥ ǀ yát ǀ satyám ǀ yatarát ǀ ṛ́jīyaḥ ǀ tát ǀ ít ǀ sómaḥ ǀ avati ǀ hánti ǀ ásat ǁ

    su-vijñānam ǀ cikituṣe ǀ janāya ǀ sat ǀ ca ǀ asat ǀ ca ǀ vacasī iti ǀ paspṛdhāte iti ǀ
    tayoḥ ǀ yat ǀ satyam ǀ yatarat ǀ ṛjīyaḥ ǀ tat ǀ it ǀ somaḥ ǀ avati ǀ hanti ǀ asat ǁ

    7.104.12 Aṣṭaka 5.7.7.2Anuvāka 7.6.113Interpretations

13. Ṛk 13

    न वा उ॒ सोमो॑ वृजि॒नं हि॑नोति॒ न क्ष॒त्रियं॑ मिथु॒या धा॒रयं॑तं ।
    हंति॒ रक्षो॒ हंत्यास॒द्वदं॑तमु॒भाविंद्र॑स्य॒ प्रसि॑तौ शयाते ॥

    न वा उ सोमो वृजिनं हिनोति न क्षत्रियम् मिथुया धारयन्तम् |
    हन्ति रक्षो हन्त्य् आसद् वदन्तम् उभाव् इन्द्रस्य प्रसितौ शयाते ||

    ná vā́ u sómo vṛjinám hinoti ná kṣatríyam mithuyā́ dhāráyantam ǀ
    hánti rákṣo hántyā́sadvádantamubhā́víndrasya prásitau śayāte ǁ

    na vā u somo vṛjinaṃ hinoti na kṣatriyam mithuyā dhārayantam |
    hanti rakṣo hanty āsad vadantam ubhāv indrasya prasitau śayāte ||

    न । वै । ऊं॒ इति॑ । सोमः॑ । वृ॒जि॒नम् । हि॒नो॒ति॒ । न । क्ष॒त्रिय॑म् । मि॒थु॒या । धा॒रय॑न्तम् ।
    हन्ति॑ । रक्षः॑ । हन्ति॑ । अस॑त् । वद॑न्तम् । उ॒भौ । इन्द्र॑स्य । प्रऽसि॑तौ । श॒या॒ते॒ इति॑ ॥

    न । वै । ऊं इति । सोमः । वृजिनम् । हिनोति । न । क्षत्रियम् । मिथुया । धारयन्तम् ।
    हन्ति । रक्षः । हन्ति । असत् । वदन्तम् । उभौ । इन्द्रस्य । प्रऽसितौ । शयाते इति ॥

    ná ǀ vái ǀ ūṃ íti ǀ sómaḥ ǀ vṛjinám ǀ hinoti ǀ ná ǀ kṣatríyam ǀ mithuyā́ ǀ dhāráyantam ǀ
    hánti ǀ rákṣaḥ ǀ hánti ǀ ásat ǀ vádantam ǀ ubháu ǀ índrasya ǀ prá-sitau ǀ śayāte íti ǁ

    na ǀ vai ǀ ūṃ iti ǀ somaḥ ǀ vṛjinam ǀ hinoti ǀ na ǀ kṣatriyam ǀ mithuyā ǀ dhārayantam ǀ
    hanti ǀ rakṣaḥ ǀ hanti ǀ asat ǀ vadantam ǀ ubhau ǀ indrasya ǀ pra-sitau ǀ śayāte iti ǁ

    7.104.13 Aṣṭaka 5.7.7.3Anuvāka 7.6.114Interpretations

14. Ṛk 14

    यदि॑ वा॒हमनृ॑तदेव॒ आस॒ मोघं॑ वा दे॒वाँ अ॑प्यू॒हे अ॑ग्ने ।
    किम॒स्मभ्यं॑ जातवेदो हृणीषे द्रोघ॒वाच॑स्ते निर्ऋ॒थं स॑चंतां ॥

    यदि वाहम् अनृतदेव आस मोघं वा देवां अप्यूहे अग्ने |
    किम् अस्मभ्यं जातवेदो हृणीषे द्रोघवाचस् ते निरृथं सचन्ताम् ||

    yádi vāhámánṛtadeva ā́sa mógham vā devā́m̐ apyūhé agne ǀ
    kímasmábhyam jātavedo hṛṇīṣe droghavā́caste nirṛthám sacantām ǁ

    yadi vāham anṛtadeva āsa moghaṃ vā devāṃ apyūhe agne |
    kim asmabhyaṃ jātavedo hṛṇīṣe droghavācas te nirṛthaṃ sacantām ||

    यदि॑ । वा॒ । अ॒हम् । अनृ॑तऽदेवः । आस॑ । मोघ॑म् । वा॒ । दे॒वान् । अ॒पि॒ऽऊ॒हे । अ॒ग्ने॒ ।
    किम् । अ॒स्मभ्य॑म् । जा॒त॒ऽवे॒दः॒ । हृ॒णी॒षे॒ । द्रो॒घ॒ऽवाचः॑ । ते॒ । निः॒ऽऋ॒थम् । स॒च॒न्ता॒म् ॥

    यदि । वा । अहम् । अनृतऽदेवः । आस । मोघम् । वा । देवान् । अपिऽऊहे । अग्ने ।
    किम् । अस्मभ्यम् । जातऽवेदः । हृणीषे । द्रोघऽवाचः । ते । निःऽऋथम् । सचन्ताम् ॥

    yádi ǀ vā ǀ ahám ǀ ánṛta-devaḥ ǀ ā́sa ǀ mógham ǀ vā ǀ devā́n ǀ api-ūhé ǀ agne ǀ
    kím ǀ asmábhyam ǀ jāta-vedaḥ ǀ hṛṇīṣe ǀ drogha-vā́caḥ ǀ te ǀ niḥ-ṛthám ǀ sacantām ǁ

    yadi ǀ vā ǀ aham ǀ anṛta-devaḥ ǀ āsa ǀ mogham ǀ vā ǀ devān ǀ api-ūhe ǀ agne ǀ
    kim ǀ asmabhyam ǀ jāta-vedaḥ ǀ hṛṇīṣe ǀ drogha-vācaḥ ǀ te ǀ niḥ-ṛtham ǀ sacantām ǁ

    7.104.14 Aṣṭaka 5.7.7.4Anuvāka 7.6.115Interpretations

15. Ṛk 15

    अ॒द्या मु॑रीय॒ यदि॑ यातु॒धानो॒ अस्मि॒ यदि॒ वायु॑स्त॒तप॒ पूरु॑षस्य ।
    अधा॒ स वी॒रैर्द॒शभि॒र्वि यू॑या॒ यो मा॒ मोघं॒ यातु॑धा॒नेत्याह॑ ॥

    अद्या मुरीय यदि यातुधानो अस्मि यदि वायुस् ततप पूरुषस्य |
    अधा स वीरैर् दशभिर् वि यूया यो मा मोघं यातुधानेत्य् आह ||

    adyā́ murīya yádi yātudhā́no ásmi yádi vā́yustatápa pū́ruṣasya ǀ
    ádhā sá vīráirdaśábhirví yūyā yó mā mógham yā́tudhānétyā́ha ǁ

    adyā murīya yadi yātudhāno asmi yadi vāyus tatapa pūruṣasya |
    adhā sa vīrair daśabhir vi yūyā yo mā moghaṃ yātudhānety āha ||

    अ॒द्य । मु॒री॒य॒ । यदि॑ । या॒तु॒ऽधानः॑ । अस्मि॑ । यदि॑ । वा॒ । आयुः॑ । त॒तप॑ । पुरु॑षस्य ।
    अध॑ । सः । वी॒रैः । द॒शऽभिः॑ । वि । यू॒याः॒ । यः । मा॒ । मोघ॑म् । यातु॑ऽधान । इति॑ । आह॑ ॥

    अद्य । मुरीय । यदि । यातुऽधानः । अस्मि । यदि । वा । आयुः । ततप । पुरुषस्य ।
    अध । सः । वीरैः । दशऽभिः । वि । यूयाः । यः । मा । मोघम् । यातुऽधान । इति । आह ॥

    adyá ǀ murīya ǀ yádi ǀ yātu-dhā́naḥ ǀ ásmi ǀ yádi ǀ vā ǀ ā́yuḥ ǀ tatápa ǀ púruṣasya ǀ
    ádha ǀ sáḥ ǀ vīráiḥ ǀ daśá-bhiḥ ǀ ví ǀ yūyāḥ ǀ yáḥ ǀ mā ǀ mógham ǀ yā́tu-dhāna ǀ íti ǀ ā́ha ǁ

    adya ǀ murīya ǀ yadi ǀ yātu-dhānaḥ ǀ asmi ǀ yadi ǀ vā ǀ āyuḥ ǀ tatapa ǀ puruṣasya ǀ
    adha ǀ saḥ ǀ vīraiḥ ǀ daśa-bhiḥ ǀ vi ǀ yūyāḥ ǀ yaḥ ǀ mā ǀ mogham ǀ yātu-dhāna ǀ iti ǀ āha ǁ

    7.104.15 Aṣṭaka 5.7.7.5Anuvāka 7.6.116Interpretations

16. Ṛk 16

    यो माया॑तुं॒ यातु॑धा॒नेत्याह॒ यो वा॑ र॒क्षाः शुचि॑र॒स्मीत्याह॑ ।
    इंद्र॒स्तं हं॑तु मह॒ता व॒धेन॒ विश्व॑स्य जं॒तोर॑ध॒मस्प॑दीष्ट ॥

    यो मायातुं यातुधानेत्य् आह यो वा रक्षाः शुचिर् अस्मीत्य् आह |
    इन्द्रस् तं हन्तु महता वधेन विश्वस्य जन्तोर् अधमस् पदीष्ट ||

    yó mā́yātum yā́tudhānétyā́ha yó vā rakṣā́ḥ śúcirasmī́tyā́ha ǀ
    índrastám hantu mahatā́ vadhéna víśvasya jantóradhamáspadīṣṭa ǁ

    yo māyātuṃ yātudhānety āha yo vā rakṣāḥ śucir asmīty āha |
    indras taṃ hantu mahatā vadhena viśvasya jantor adhamas padīṣṭa ||

    यः । मा॒ । अया॑तुम् । यातु॑ऽधान । इति॑ । आह॑ । यः । वा॒ । र॒क्षाः । शुचिः॑ । अ॒स्मि॒ । इति॑ । आह॑ ।
    इन्द्रः॑ । तम् । ह॒न्तु॒ । म॒ह॒ता । व॒धेन॑ । विश्व॑स्य । ज॒न्तोः । अ॒ध॒मः । प॒दी॒ष्ट॒ ॥

    यः । मा । अयातुम् । यातुऽधान । इति । आह । यः । वा । रक्षाः । शुचिः । अस्मि । इति । आह ।
    इन्द्रः । तम् । हन्तु । महता । वधेन । विश्वस्य । जन्तोः । अधमः । पदीष्ट ॥

    yáḥ ǀ mā ǀ áyātum ǀ yā́tu-dhāna ǀ íti ǀ ā́ha ǀ yáḥ ǀ vā ǀ rakṣā́ḥ ǀ śúciḥ ǀ asmi ǀ íti ǀ ā́ha ǀ
    índraḥ ǀ tám ǀ hantu ǀ mahatā́ ǀ vadhéna ǀ víśvasya ǀ jantóḥ ǀ adhamáḥ ǀ padīṣṭa ǁ

    yaḥ ǀ mā ǀ ayātum ǀ yātu-dhāna ǀ iti ǀ āha ǀ yaḥ ǀ vā ǀ rakṣāḥ ǀ śuciḥ ǀ asmi ǀ iti ǀ āha ǀ
    indraḥ ǀ tam ǀ hantu ǀ mahatā ǀ vadhena ǀ viśvasya ǀ jantoḥ ǀ adhamaḥ ǀ padīṣṭa ǁ

    7.104.16 Aṣṭaka 5.7.8.1Anuvāka 7.6.117Interpretations

17. Ṛk 17

    प्र या जिगा॑ति ख॒र्गले॑व॒ नक्त॒मप॑ द्रु॒हा त॒न्वं१॒॑ गूह॑माना ।
    व॒व्राँ अ॑नं॒ताँ अव॒ सा प॑दीष्ट॒ ग्रावा॑णो घ्नंतु र॒क्षस॑ उप॒ब्दैः ॥

    प्र या जिगाति खर्गलेव नक्तम् अप द्रुहा तन्वं गूहमाना |
    वव्रां अनन्तां अव सा पदीष्ट ग्रावाणो घ्नन्तु रक्षस उपब्दैः ||

    prá yā́ jígāti khargáleva náktamápa druhā́ tanvám gū́hamānā ǀ
    vavrā́m̐ anantā́m̐ áva sā́ padīṣṭa grā́vāṇo ghnantu rakṣása upabdáiḥ ǁ

    pra yā jigāti khargaleva naktam apa druhā tanvaṃ gūhamānā |
    vavrāṃ anantāṃ ava sā padīṣṭa grāvāṇo ghnantu rakṣasa upabdaiḥ ||

    प्र । या । जिगा॑ति । ख॒र्गला॑ऽइव । नक्त॑म् । अप॑ । द्रु॒हा । त॒न्व॑म् । गूह॑माना ।
    व॒व्रान् । अ॒न॒न्तान् । अव॑ । सा । प॒दी॒ष्ट॒ । ग्रावा॑णः । घ्न॒न्तु॒ । र॒क्षसः॑ । उ॒प॒ब्दैः ॥

    प्र । या । जिगाति । खर्गलाऽइव । नक्तम् । अप । द्रुहा । तन्वम् । गूहमाना ।
    वव्रान् । अनन्तान् । अव । सा । पदीष्ट । ग्रावाणः । घ्नन्तु । रक्षसः । उपब्दैः ॥

    prá ǀ yā́ ǀ jígāti ǀ khargálā-iva ǀ náktam ǀ ápa ǀ druhā́ ǀ tanvám ǀ gū́hamānā ǀ
    vavrā́n ǀ anantā́n ǀ áva ǀ sā́ ǀ padīṣṭa ǀ grā́vāṇaḥ ǀ ghnantu ǀ rakṣásaḥ ǀ upabdáiḥ ǁ

    pra ǀ yā ǀ jigāti ǀ khargalā-iva ǀ naktam ǀ apa ǀ druhā ǀ tanvam ǀ gūhamānā ǀ
    vavrān ǀ anantān ǀ ava ǀ sā ǀ padīṣṭa ǀ grāvāṇaḥ ǀ ghnantu ǀ rakṣasaḥ ǀ upabdaiḥ ǁ

    7.104.17 Aṣṭaka 5.7.8.2Anuvāka 7.6.118Interpretations

18. Ṛk 18

    वि ति॑ष्ठध्वं मरुतो वि॒क्ष्वि१॒॑च्छत॑ गृभा॒यत॑ र॒क्षसः॒ सं पि॑नष्टन ।
    वयो॒ ये भू॒त्वी प॒तयं॑ति न॒क्तभि॒र्ये वा॒ रिपो॑ दधि॒रे दे॒वे अ॑ध्व॒रे ॥

    वि तिष्ठध्वम् मरुतो विक्ष्व् इच्छत गृभायत रक्षसः सम् पिनष्टन |
    वयो ये भूत्वी पतयन्ति नक्तभिर् ये वा रिपो दधिरे देवे अध्वरे ||

    ví tiṣṭhadhvam maruto vikṣvíccháta gṛbhāyáta rakṣásaḥ sám pinaṣṭana ǀ
    váyo yé bhūtvī́ patáyanti naktábhiryé vā rípo dadhiré devé adhvaré ǁ

    vi tiṣṭhadhvam maruto vikṣv icchata gṛbhāyata rakṣasaḥ sam pinaṣṭana |
    vayo ye bhūtvī patayanti naktabhir ye vā ripo dadhire deve adhvare ||

    वि । ति॒ष्ठ॒ध्व॒म् । म॒रु॒तः॒ । वि॒क्षु । इ॒च्छत॑ । गृ॒भा॒यत॑ । र॒क्षसः॑ । सम् । पि॒न॒ष्ट॒न॒ ।
    वयः॑ । ये । भू॒त्वी । प॒तय॑न्ति । न॒क्तऽभिः॑ । ये । वा॒ । रिपः॑ । द॒धि॒रे । दे॒वे । अ॒ध्व॒रे ॥

    वि । तिष्ठध्वम् । मरुतः । विक्षु । इच्छत । गृभायत । रक्षसः । सम् । पिनष्टन ।
    वयः । ये । भूत्वी । पतयन्ति । नक्तऽभिः । ये । वा । रिपः । दधिरे । देवे । अध्वरे ॥

    ví ǀ tiṣṭhadhvam ǀ marutaḥ ǀ vikṣú ǀ iccháta ǀ gṛbhāyáta ǀ rakṣásaḥ ǀ sám ǀ pinaṣṭana ǀ
    váyaḥ ǀ yé ǀ bhūtvī́ ǀ patáyanti ǀ naktá-bhiḥ ǀ yé ǀ vā ǀ rípaḥ ǀ dadhiré ǀ devé ǀ adhvaré ǁ

    vi ǀ tiṣṭhadhvam ǀ marutaḥ ǀ vikṣu ǀ icchata ǀ gṛbhāyata ǀ rakṣasaḥ ǀ sam ǀ pinaṣṭana ǀ
    vayaḥ ǀ ye ǀ bhūtvī ǀ patayanti ǀ nakta-bhiḥ ǀ ye ǀ vā ǀ ripaḥ ǀ dadhire ǀ deve ǀ adhvare ǁ

    7.104.18 Aṣṭaka 5.7.8.3Anuvāka 7.6.119Interpretations

19. Ṛk 19

    प्र व॑र्तय दि॒वो अश्मा॑नमिंद्र॒ सोम॑शितं मघव॒न्त्सं शि॑शाधि ।
    प्राक्ता॒दपा॑क्तादध॒रादुद॑क्ताद॒भि ज॑हि र॒क्षसः॒ पर्व॑तेन ॥

    प्र वर्तय दिवो अश्मानम् इन्द्र सोमशितम् मघवन् सं शिशाधि |
    प्राक्ताद् अपाक्ताद् अधराद् उदक्ताद् अभि जहि रक्षसः पर्वतेन ||

    prá vartaya divó áśmānamindra sómaśitam maghavantsám śiśādhi ǀ
    prā́ktādápāktādadharā́dúdaktādabhí jahi rakṣásaḥ párvatena ǁ

    pra vartaya divo aśmānam indra somaśitam maghavan saṃ śiśādhi |
    prāktād apāktād adharād udaktād abhi jahi rakṣasaḥ parvatena ||

    प्र । व॒र्त॒य॒ । दि॒वः । अश्मा॑नम् । इ॒न्द्र॒ । सोम॑ऽशितम् । म॒घ॒ऽव॒न् । सम् । शि॒शा॒धि॒ ।
    प्राक्ता॑त् । अपा॑क्तात् । अ॒ध॒रात् । उद॑क्तात् । अ॒भि । ज॒हि॒ । र॒क्षसः॑ । पर्व॑तेन ॥

    प्र । वर्तय । दिवः । अश्मानम् । इन्द्र । सोमऽशितम् । मघऽवन् । सम् । शिशाधि ।
    प्राक्तात् । अपाक्तात् । अधरात् । उदक्तात् । अभि । जहि । रक्षसः । पर्वतेन ॥

    prá ǀ vartaya ǀ diváḥ ǀ áśmānam ǀ indra ǀ sóma-śitam ǀ magha-van ǀ sám ǀ śiśādhi ǀ
    prā́ktāt ǀ ápāktāt ǀ adharā́t ǀ údaktāt ǀ abhí ǀ jahi ǀ rakṣásaḥ ǀ párvatena ǁ

    pra ǀ vartaya ǀ divaḥ ǀ aśmānam ǀ indra ǀ soma-śitam ǀ magha-van ǀ sam ǀ śiśādhi ǀ
    prāktāt ǀ apāktāt ǀ adharāt ǀ udaktāt ǀ abhi ǀ jahi ǀ rakṣasaḥ ǀ parvatena ǁ

    7.104.19 Aṣṭaka 5.7.8.4Anuvāka 7.6.120Interpretations

20. Ṛk 20

    ए॒त उ॒ त्ये प॑तयंति॒ श्वया॑तव॒ इंद्रं॑ दिप्संति दि॒प्सवोऽदा॑भ्यं ।
    शिशी॑ते श॒क्रः पिशु॑नेभ्यो व॒धं नू॒नं सृ॑जद॒शनिं॑ यातु॒मद्भ्यः॑ ॥

    एत उ त्ये पतयन्ति श्वयातव इन्द्रं दिप्सन्ति दिप्सवो ऽदाभ्यम् |
    शिशीते शक्रः पिशुनेभ्यो वधं नूनं सृजद् अशनिं यातुमद्भ्यः ||

    etá u tyé patayanti śváyātava índram dipsanti dipsávó’dābhyam ǀ
    śíśīte śakráḥ píśunebhyo vadhám nūnám sṛjadaśánim yātumádbhyaḥ ǁ

    eta u tye patayanti śvayātava indraṃ dipsanti dipsavo 'dābhyam |
    śiśīte śakraḥ piśunebhyo vadhaṃ nūnaṃ sṛjad aśaniṃ yātumadbhyaḥ ||

    ए॒ते । ऊं॒ इति॑ । त्ये । प॒त॒य॒न्ति॒ । श्वऽया॑तवः । इन्द्र॑म् । दि॒प्स॒न्ति॒ । दि॒प्सवः॑ । अदा॑भ्यम् ।
    शिशी॑ते । श॒क्रः । पिशु॑नेभ्यः । व॒धम् । नू॒नम् । सृ॒ज॒त् । अ॒शनि॑म् । या॒तु॒मत्ऽभ्यः॑ ॥

    एते । ऊं इति । त्ये । पतयन्ति । श्वऽयातवः । इन्द्रम् । दिप्सन्ति । दिप्सवः । अदाभ्यम् ।
    शिशीते । शक्रः । पिशुनेभ्यः । वधम् । नूनम् । सृजत् । अशनिम् । यातुमत्ऽभ्यः ॥

    eté ǀ ūṃ íti ǀ tyé ǀ patayanti ǀ śvá-yātavaḥ ǀ índram ǀ dipsanti ǀ dipsávaḥ ǀ ádābhyam ǀ
    śíśīte ǀ śakráḥ ǀ píśunebhyaḥ ǀ vadhám ǀ nūnám ǀ sṛjat ǀ aśánim ǀ yātumát-bhyaḥ ǁ

    ete ǀ ūṃ iti ǀ tye ǀ patayanti ǀ śva-yātavaḥ ǀ indram ǀ dipsanti ǀ dipsavaḥ ǀ adābhyam ǀ
    śiśīte ǀ śakraḥ ǀ piśunebhyaḥ ǀ vadham ǀ nūnam ǀ sṛjat ǀ aśanim ǀ yātumat-bhyaḥ ǁ

    7.104.20 Aṣṭaka 5.7.8.5Anuvāka 7.6.121Interpretations

21. Ṛk 21

    इंद्रो॑ यातू॒नाम॑भवत्पराश॒रो ह॑वि॒र्मथी॑नाम॒भ्या॒३॒॑विवा॑सतां ।
    अ॒भीदु॑ श॒क्रः प॑र॒शुर्यथा॒ वनं॒ पात्रे॑व भिं॒दन्त्स॒त ए॑ति र॒क्षसः॑ ॥

    इन्द्रो यातूनाम् अभवत् पराशरो हविर्मथीनाम् अभ्य् आविवासताम् |
    अभीद् उ शक्रः परशुर् यथा वनम् पात्रेव भिन्दन् सत एति रक्षसः ||

    índro yātūnā́mabhavatparāśaró havirmáthīnāmabhyā́vívāsatām ǀ
    abhī́du śakráḥ paraśúryáthā vánam pā́treva bhindántsatá eti rakṣásaḥ ǁ

    indro yātūnām abhavat parāśaro havirmathīnām abhy āvivāsatām |
    abhīd u śakraḥ paraśur yathā vanam pātreva bhindan sata eti rakṣasaḥ ||

    इन्द्रः॑ । या॒तू॒नाम् । अ॒भ॒व॒त् । प॒रा॒ऽश॒रः । ह॒विः॒ऽमथी॑नाम् । अ॒भि । आ॒ऽविवा॑सताम् ।
    अ॒भि । इत् । ऊं॒ इति॑ । श॒क्रः । प॒र॒शुः । यथा॑ । वन॑म् । पात्रा॑ऽइव । भि॒न्दन् । स॒तः । ए॒ति॒ । र॒क्षसः॑ ॥

    इन्द्रः । यातूनाम् । अभवत् । पराऽशरः । हविःऽमथीनाम् । अभि । आऽविवासताम् ।
    अभि । इत् । ऊं इति । शक्रः । परशुः । यथा । वनम् । पात्राऽइव । भिन्दन् । सतः । एति । रक्षसः ॥

    índraḥ ǀ yātūnā́m ǀ abhavat ǀ parā-śaráḥ ǀ haviḥ-máthīnām ǀ abhí ǀ ā-vívāsatām ǀ
    abhí ǀ ít ǀ ūṃ íti ǀ śakráḥ ǀ paraśúḥ ǀ yáthā ǀ vánam ǀ pā́trā-iva ǀ bhindán ǀ satáḥ ǀ eti ǀ rakṣásaḥ ǁ

    indraḥ ǀ yātūnām ǀ abhavat ǀ parā-śaraḥ ǀ haviḥ-mathīnām ǀ abhi ǀ ā-vivāsatām ǀ
    abhi ǀ it ǀ ūṃ iti ǀ śakraḥ ǀ paraśuḥ ǀ yathā ǀ vanam ǀ pātrā-iva ǀ bhindan ǀ sataḥ ǀ eti ǀ rakṣasaḥ ǁ

    7.104.21 Aṣṭaka 5.7.9.1Anuvāka 7.6.122Interpretations

22. Ṛk 22

    उलू॑कयातुं शुशु॒लूक॑यातुं ज॒हि श्वया॑तुमु॒त कोक॑यातुं ।
    सु॒प॒र्णया॑तुमु॒त गृध्र॑यातुं दृ॒षदे॑व॒ प्र मृ॑ण॒ रक्ष॑ इंद्र ॥

    उलूकयातुं शुशुलूकयातुं जहि श्वयातुम् उत कोकयातुम् |
    सुपर्णयातुम् उत गृध्रयातुं दृषदेव प्र मृण रक्ष इन्द्र ||

    úlūkayātum śuśulū́kayātum jahí śváyātumutá kókayātum ǀ
    suparṇáyātumutá gṛ́dhrayātum dṛṣádeva prá mṛṇa rákṣa indra ǁ

    ulūkayātuṃ śuśulūkayātuṃ jahi śvayātum uta kokayātum |
    suparṇayātum uta gṛdhrayātuṃ dṛṣadeva pra mṛṇa rakṣa indra ||

    उलू॑कऽयातुम् । शु॒शु॒लूक॑ऽयातुम् । ज॒हि । श्वऽया॑तुम् । उ॒त । कोक॑ऽयातुम् ।
    सु॒प॒र्णऽया॑तुम् । उ॒त । गृध्र॑ऽयातुम् । दृ॒षदा॑ऽइव । प्र । मृ॒ण॒ । रक्षः॑ । इ॒न्द्र॒ ॥

    उलूकऽयातुम् । शुशुलूकऽयातुम् । जहि । श्वऽयातुम् । उत । कोकऽयातुम् ।
    सुपर्णऽयातुम् । उत । गृध्रऽयातुम् । दृषदाऽइव । प्र । मृण । रक्षः । इन्द्र ॥

    úlūka-yātum ǀ śuśulū́ka-yātum ǀ jahí ǀ śvá-yātum ǀ utá ǀ kóka-yātum ǀ
    suparṇá-yātum ǀ utá ǀ gṛ́dhra-yātum ǀ dṛṣádā-iva ǀ prá ǀ mṛṇa ǀ rákṣaḥ ǀ indra ǁ

    ulūka-yātum ǀ śuśulūka-yātum ǀ jahi ǀ śva-yātum ǀ uta ǀ koka-yātum ǀ
    suparṇa-yātum ǀ uta ǀ gṛdhra-yātum ǀ dṛṣadā-iva ǀ pra ǀ mṛṇa ǀ rakṣaḥ ǀ indra ǁ

    7.104.22 Aṣṭaka 5.7.9.2Anuvāka 7.6.123Interpretations

23. Ṛk 23

    मा नो॒ रक्षो॑ अ॒भि न॑ड्यातु॒माव॑ता॒मपो॑च्छतु मिथु॒ना या कि॑मी॒दिना॑ ।
    पृ॒थि॒वी नः॒ पार्थि॑वात्पा॒त्वंह॑सो॒ऽंतरि॑क्षं दि॒व्यात्पा॑त्व॒स्मान् ॥

    मा नो रक्षो अभि नड् यातुमावताम् अपोच्छतु मिथुना या किमीदिना |
    पृथिवी नः पार्थिवात् पात्व् अंहसो ऽन्तरिक्षं दिव्यात् पात्व् अस्मान् ||

    mā́ no rákṣo abhí naḍyātumā́vatāmápocchatu mithunā́ yā́ kimīdínā ǀ
    pṛthivī́ naḥ pā́rthivātpātváṃhaso’ntárikṣam divyā́tpātvasmā́n ǁ

    mā no rakṣo abhi naḍ yātumāvatām apocchatu mithunā yā kimīdinā |
    pṛthivī naḥ pārthivāt pātv aṃhaso 'ntarikṣaṃ divyāt pātv asmān ||

    मा । नः॒ । रक्षः॑ । अ॒भि । न॒ट् । या॒तु॒ऽमाव॑ताम् । अप॑ । उ॒च्छ॒तु॒ । मि॒थु॒ना । या । कि॒मी॒दिना॑ ।
    पृ॒थि॒वी । नः॒ । पार्थि॑वात् । पा॒तु॒ । अंह॑सः । अ॒न्तरि॑क्षम् । दि॒व्यात् । पा॒तु॒ । अ॒स्मान् ॥

    मा । नः । रक्षः । अभि । नट् । यातुऽमावताम् । अप । उच्छतु । मिथुना । या । किमीदिना ।
    पृथिवी । नः । पार्थिवात् । पातु । अंहसः । अन्तरिक्षम् । दिव्यात् । पातु । अस्मान् ॥

    mā́ ǀ naḥ ǀ rákṣaḥ ǀ abhí ǀ naṭ ǀ yātu-mā́vatām ǀ ápa ǀ ucchatu ǀ mithunā́ ǀ yā́ ǀ kimīdínā ǀ
    pṛthivī́ ǀ naḥ ǀ pā́rthivāt ǀ pātu ǀ áṃhasaḥ ǀ antárikṣam ǀ divyā́t ǀ pātu ǀ asmā́n ǁ

    mā ǀ naḥ ǀ rakṣaḥ ǀ abhi ǀ naṭ ǀ yātu-māvatām ǀ apa ǀ ucchatu ǀ mithunā ǀ yā ǀ kimīdinā ǀ
    pṛthivī ǀ naḥ ǀ pārthivāt ǀ pātu ǀ aṃhasaḥ ǀ antarikṣam ǀ divyāt ǀ pātu ǀ asmān ǁ

    7.104.23 Aṣṭaka 5.7.9.3Anuvāka 7.6.124Interpretations

24. Ṛk 24

    इंद्र॑ ज॒हि पुमां॑सं यातु॒धान॑मु॒त स्त्रियं॑ मा॒यया॒ शाश॑दानां ।
    विग्री॑वासो॒ मूर॑देवा ऋदंतु॒ मा ते दृ॑शं॒त्सूर्य॑मु॒च्चरं॑तं ॥

    इन्द्र जहि पुमांसं यातुधानम् उत स्त्रियम् मायया शाशदानाम् |
    विग्रीवासो मूरदेवा ऋदन्तु मा ते दृशन् सूर्यम् उच्चरन्तम् ||

    índra jahí púmāṃsam yātudhā́namutá stríyam māyáyā śā́śadānām ǀ
    vígrīvāso mū́radevā ṛdantu mā́ té dṛśantsū́ryamuccárantam ǁ

    indra jahi pumāṃsaṃ yātudhānam uta striyam māyayā śāśadānām |
    vigrīvāso mūradevā ṛdantu mā te dṛśan sūryam uccarantam ||

    इन्द्र॑ । ज॒हि । पुमां॑सम् । या॒तु॒ऽधान॑म् । उ॒त । स्त्रिय॑म् । मा॒यया॑ । शाश॑दानाम् ।
    विऽग्री॑वासः । मूर॑ऽदेवाः । ऋ॒द॒न्तु॒ । मा । ते । दृ॒श॒न् । सूर्य॑म् । उ॒त्ऽचर॑न्तम् ॥

    इन्द्र । जहि । पुमांसम् । यातुऽधानम् । उत । स्त्रियम् । मायया । शाशदानाम् ।
    विऽग्रीवासः । मूरऽदेवाः । ऋदन्तु । मा । ते । दृशन् । सूर्यम् । उत्ऽचरन्तम् ॥

    índra ǀ jahí ǀ púmāṃsam ǀ yātu-dhā́nam ǀ utá ǀ stríyam ǀ māyáyā ǀ śā́śadānām ǀ
    ví-grīvāsaḥ ǀ mū́ra-devāḥ ǀ ṛdantu ǀ mā́ ǀ té ǀ dṛśan ǀ sū́ryam ǀ ut-cárantam ǁ

    indra ǀ jahi ǀ pumāṃsam ǀ yātu-dhānam ǀ uta ǀ striyam ǀ māyayā ǀ śāśadānām ǀ
    vi-grīvāsaḥ ǀ mūra-devāḥ ǀ ṛdantu ǀ mā ǀ te ǀ dṛśan ǀ sūryam ǀ ut-carantam ǁ

    7.104.24 Aṣṭaka 5.7.9.4Anuvāka 7.6.125Interpretations

25. Ṛk 25

    प्रति॑ चक्ष्व॒ वि च॒क्ष्वेंद्र॑श्च सोम जागृतं ।
    रक्षो॑भ्यो व॒धम॑स्यतम॒शनिं॑ यातु॒मद्भ्यः॑ ॥

    प्रति चक्ष्व वि चक्ष्वेन्द्रश् च सोम जागृतम् |
    रक्षोभ्यो वधम् अस्यतम् अशनिं यातुमद्भ्यः ||

    práti cakṣva ví cakṣvéndraśca soma jāgṛtam ǀ
    rákṣobhyo vadhámasyatamaśánim yātumádbhyaḥ ǁ

    prati cakṣva vi cakṣvendraś ca soma jāgṛtam |
    rakṣobhyo vadham asyatam aśaniṃ yātumadbhyaḥ ||

    प्रति॑ । च॒क्ष्व॒ । वि । च॒क्ष्व॒ । इन्द्रः॑ । च॒ । सो॒म॒ । जा॒गृ॒त॒म् ।
    रक्षः॑ऽभ्यः । व॒धम् । अ॒स्य॒त॒म् । अ॒शनि॑म् । या॒तु॒मत्ऽभ्यः॑ ॥

    प्रति । चक्ष्व । वि । चक्ष्व । इन्द्रः । च । सोम । जागृतम् ।
    रक्षःऽभ्यः । वधम् । अस्यतम् । अशनिम् । यातुमत्ऽभ्यः ॥

    práti ǀ cakṣva ǀ ví ǀ cakṣva ǀ índraḥ ǀ ca ǀ soma ǀ jāgṛtam ǀ
    rákṣaḥ-bhyaḥ ǀ vadhám ǀ asyatam ǀ aśánim ǀ yātumát-bhyaḥ ǁ

    prati ǀ cakṣva ǀ vi ǀ cakṣva ǀ indraḥ ǀ ca ǀ soma ǀ jāgṛtam ǀ
    rakṣaḥ-bhyaḥ ǀ vadham ǀ asyatam ǀ aśanim ǀ yātumat-bhyaḥ ǁ

    7.104.25 Aṣṭaka 5.7.9.5Anuvāka 7.6.126Interpretations

Text, recitation and interpretations from the Ṛgveda database of theveda.org.in.