Devatā देवता

Maṇḍūkāḥ

Ṛṣi ऋषि

Vasiṣṭha Maitrāvaruṇi

Chandas छन्दस्

Triṣṭubh, Anuṣṭubh

1. Ṛk 1

   सं॒व॒त्स॒रं श॑शया॒ना ब्रा॑ह्म॒णा व्र॑तचा॒रिणः॑ ।
   वाचं॑ प॒र्जन्य॑जिन्वितां॒ प्र मं॒डूका॑ अवादिषुः ॥

   संवत्सरं शशयाना ब्राह्मणा व्रतचारिणः |
   वाचम् पर्जन्यजिन्विताम् प्र मण्डूका अवादिषुः ||

   saṃvatsarám śaśayānā́ brāhmaṇā́ vratacāríṇaḥ ǀ
   vā́cam parjányajinvitām prá maṇḍū́kā avādiṣuḥ ǁ

   saṃvatsaraṃ śaśayānā brāhmaṇā vratacāriṇaḥ |
   vācam parjanyajinvitām pra maṇḍūkā avādiṣuḥ ||

   सं॒व॒त्स॒रम् । श॒श॒या॒नाः । ब्रा॒ह्म॒णाः । व्र॒त॒ऽचा॒रिणः॑ ।
   वाच॑म् । प॒र्जन्य॑ऽजिन्विताम् । प्र । म॒ण्डूकाः॑ । अ॒वा॒दि॒षुः॒ ॥

   संवत्सरम् । शशयानाः । ब्राह्मणाः । व्रतऽचारिणः ।
   वाचम् । पर्जन्यऽजिन्विताम् । प्र । मण्डूकाः । अवादिषुः ॥

   saṃvatsarám ǀ śaśayānā́ḥ ǀ brāhmaṇā́ḥ ǀ vrata-cāríṇaḥ ǀ
   vā́cam ǀ parjánya-jinvitām ǀ prá ǀ maṇḍū́kāḥ ǀ avādiṣuḥ ǁ

   saṃvatsaram ǀ śaśayānāḥ ǀ brāhmaṇāḥ ǀ vrata-cāriṇaḥ ǀ
   vācam ǀ parjanya-jinvitām ǀ pra ǀ maṇḍūkāḥ ǀ avādiṣuḥ ǁ

   7.103.1 Aṣṭaka 5.7.3.1Anuvāka 7.6.92Interpretations

2. Ṛk 2

   दि॒व्या आपो॑ अ॒भि यदे॑न॒मायं॒दृतिं॒ न शुष्कं॑ सर॒सी शया॑नं ।
   गवा॒मह॒ न मा॒युर्व॒त्सिनी॑नां मं॒डूका॑नां व॒ग्नुरत्रा॒ समे॑ति ॥

   दिव्या आपो अभि यद् एनम् आयन् दृतिं न शुष्कं सरसी शयानम् |
   गवाम् अह न मायुर् वत्सिनीनाम् मण्डूकानां वग्नुर् अत्रा सम् एति ||

   divyā́ ā́po abhí yádenamā́yandṛ́tim ná śúṣkam sarasī́ śáyānam ǀ
   gávāmáha ná māyúrvatsínīnām maṇḍū́kānām vagnúrátrā sámeti ǁ

   divyā āpo abhi yad enam āyan dṛtiṃ na śuṣkaṃ sarasī śayānam |
   gavām aha na māyur vatsinīnām maṇḍūkānāṃ vagnur atrā sam eti ||

   दि॒व्याः । आपः॑ । अ॒भि । यत् । ए॒न॒म् । आय॑न् । दृति॑म् । न । शुष्क॑म् । स॒र॒सी इति॑ । शया॑नम् ।
   गवा॑म् । अह॑ । न । मा॒युः । व॒त्सिनी॑नाम् । म॒ण्डूका॑नाम् । व॒ग्नुः । अत्र॑ । सम् । ए॒ति॒ ॥

   दिव्याः । आपः । अभि । यत् । एनम् । आयन् । दृतिम् । न । शुष्कम् । सरसी इति । शयानम् ।
   गवाम् । अह । न । मायुः । वत्सिनीनाम् । मण्डूकानाम् । वग्नुः । अत्र । सम् । एति ॥

   divyā́ḥ ǀ ā́paḥ ǀ abhí ǀ yát ǀ enam ǀ ā́yan ǀ dṛ́tim ǀ ná ǀ śúṣkam ǀ sarasī́ íti ǀ śáyānam ǀ
   gávām ǀ áha ǀ ná ǀ māyúḥ ǀ vatsínīnām ǀ maṇḍū́kānām ǀ vagnúḥ ǀ átra ǀ sám ǀ eti ǁ

   divyāḥ ǀ āpaḥ ǀ abhi ǀ yat ǀ enam ǀ āyan ǀ dṛtim ǀ na ǀ śuṣkam ǀ sarasī iti ǀ śayānam ǀ
   gavām ǀ aha ǀ na ǀ māyuḥ ǀ vatsinīnām ǀ maṇḍūkānām ǀ vagnuḥ ǀ atra ǀ sam ǀ eti ǁ

   7.103.2 Aṣṭaka 5.7.3.2Anuvāka 7.6.93Interpretations

3. Ṛk 3

   यदी॑मेनाँ उश॒तो अ॒भ्यव॑र्षीत्तृ॒ष्याव॑तः प्रा॒वृष्याग॑तायां ।
   अ॒ख्ख॒ली॒कृत्या॑ पि॒तरं॒ न पु॒त्रो अ॒न्यो अ॒न्यमुप॒ वदं॑तमेति ॥

   यद् ईम् एनां उशतो अभ्य् अवर्षीत् तृष्यावतः प्रावृष्य् आगतायाम् |
   अख्खलीकृत्या पितरं न पुत्रो अन्यो अन्यम् उप वदन्तम् एति ||

   yádīmenām̐ uśató abhyávarṣīttṛṣyā́vataḥ prāvṛ́ṣyā́gatāyām ǀ
   akhkhalīkṛ́tyā pitáram ná putró anyó anyámúpa vádantameti ǁ

   yad īm enāṃ uśato abhy avarṣīt tṛṣyāvataḥ prāvṛṣy āgatāyām |
   akhkhalīkṛtyā pitaraṃ na putro anyo anyam upa vadantam eti ||

   यत् । ई॒म् । ए॒ना॒न् । उ॒श॒तः । अ॒भि । अव॑र्षीत् । तृ॒ष्याऽव॑तः । प्रा॒वृषि॑ । आऽग॑तायाम् ।
   अ॒ख्ख॒ली॒कृत्य॑ । पि॒तर॑म् । न । पु॒त्रः । अ॒न्यः । अ॒न्यम् । उप॑ । वद॑न्तम् । ए॒ति॒ ॥

   यत् । ईम् । एनान् । उशतः । अभि । अवर्षीत् । तृष्याऽवतः । प्रावृषि । आऽगतायाम् ।
   अख्खलीकृत्य । पितरम् । न । पुत्रः । अन्यः । अन्यम् । उप । वदन्तम् । एति ॥

   yát ǀ īm ǀ enān ǀ uśatáḥ ǀ abhí ǀ ávarṣīt ǀ tṛṣyā́-vataḥ ǀ prāvṛ́ṣi ǀ ā́-gatāyām ǀ
   akhkhalīkṛ́tya ǀ pitáram ǀ ná ǀ putráḥ ǀ anyáḥ ǀ anyám ǀ úpa ǀ vádantam ǀ eti ǁ

   yat ǀ īm ǀ enān ǀ uśataḥ ǀ abhi ǀ avarṣīt ǀ tṛṣyā-vataḥ ǀ prāvṛṣi ǀ ā-gatāyām ǀ
   akhkhalīkṛtya ǀ pitaram ǀ na ǀ putraḥ ǀ anyaḥ ǀ anyam ǀ upa ǀ vadantam ǀ eti ǁ

   7.103.3 Aṣṭaka 5.7.3.3Anuvāka 7.6.94Interpretations

4. Ṛk 4

   अ॒न्यो अ॒न्यमनु॑ गृभ्णात्येनोर॒पां प्र॑स॒र्गे यदमं॑दिषातां ।
   मं॒डूको॒ यद॒भिवृ॑ष्टः॒ कनि॑ष्क॒न्पृश्निः॑ संपृं॒क्ते हरि॑तेन॒ वाचं॑ ॥

   अन्यो अन्यम् अनु गृभ्णात्य् एनोर् अपाम् प्रसर्गे यद् अमन्दिषाताम् |
   मण्डूको यद् अभिवृष्टः कनिष्कन् पृश्निः सम्पृङ्क्ते हरितेन वाचम् ||

   anyó anyámánu gṛbhṇātyenorapā́m prasargé yádámandiṣātām ǀ
   maṇḍū́ko yádabhívṛṣṭaḥ kániṣkanpṛ́śniḥ sampṛṅkté háritena vā́cam ǁ

   anyo anyam anu gṛbhṇāty enor apām prasarge yad amandiṣātām |
   maṇḍūko yad abhivṛṣṭaḥ kaniṣkan pṛśniḥ sampṛṅkte haritena vācam ||

   अ॒न्यः । अ॒न्यम् । अनु॑ । गृ॒भ्णा॒ति॒ । ए॒नोः॒ । अ॒पाम् । प्र॒ऽस॒र्गे । यत् । अम॑न्दिषाताम् ।
   म॒ण्डूकः॑ । यत् । अ॒भिऽवृ॑ष्टः । कनि॑स्कन् । पृश्निः॑ । स॒म्ऽपृ॒ङ्क्ते । हरि॑तेन । वाच॑म् ॥

   अन्यः । अन्यम् । अनु । गृभ्णाति । एनोः । अपाम् । प्रऽसर्गे । यत् । अमन्दिषाताम् ।
   मण्डूकः । यत् । अभिऽवृष्टः । कनिस्कन् । पृश्निः । सम्ऽपृङ्क्ते । हरितेन । वाचम् ॥

   anyáḥ ǀ anyám ǀ ánu ǀ gṛbhṇāti ǀ enoḥ ǀ apā́m ǀ pra-sargé ǀ yát ǀ ámandiṣātām ǀ
   maṇḍū́kaḥ ǀ yát ǀ abhí-vṛṣṭaḥ ǀ kániskan ǀ pṛ́śniḥ ǀ sam-pṛṅkté ǀ háritena ǀ vā́cam ǁ

   anyaḥ ǀ anyam ǀ anu ǀ gṛbhṇāti ǀ enoḥ ǀ apām ǀ pra-sarge ǀ yat ǀ amandiṣātām ǀ
   maṇḍūkaḥ ǀ yat ǀ abhi-vṛṣṭaḥ ǀ kaniskan ǀ pṛśniḥ ǀ sam-pṛṅkte ǀ haritena ǀ vācam ǁ

   7.103.4 Aṣṭaka 5.7.3.4Anuvāka 7.6.95Interpretations

5. Ṛk 5

   यदे॑षाम॒न्यो अ॒न्यस्य॒ वाचं॑ शा॒क्तस्ये॑व॒ वद॑ति॒ शिक्ष॑माणः ।
   सर्वं॒ तदे॑षां स॒मृधे॑व॒ पर्व॒ यत्सु॒वाचो॒ वद॑थ॒नाध्य॒प्सु ॥

   यद् एषाम् अन्यो अन्यस्य वाचं शाक्तस्येव वदति शिक्षमाणः |
   सर्वं तद् एषां समृधेव पर्व यत् सुवाचो वदथनाध्य् अप्सु ||

   yádeṣāmanyó anyásya vā́cam śāktásyeva vádati śíkṣamāṇaḥ ǀ
   sárvam tádeṣām samṛ́dheva párva yátsuvā́co vádathanā́dhyapsú ǁ

   yad eṣām anyo anyasya vācaṃ śāktasyeva vadati śikṣamāṇaḥ |
   sarvaṃ tad eṣāṃ samṛdheva parva yat suvāco vadathanādhy apsu ||

   यत् । ए॒षा॒म् । अ॒न्यः । अ॒न्यस्य॑ । वाच॑म् । शा॒क्तस्य॑ऽइव । वद॑ति । शिक्ष॑माणः ।
   सर्व॑म् । तत् । ए॒षा॒म् । स॒मृधा॑ऽइव । पर्व॑ । यत् । सु॒ऽवाचः॑ । वद॑थन । अधि॑ । अ॒प्ऽसु ॥

   यत् । एषाम् । अन्यः । अन्यस्य । वाचम् । शाक्तस्यऽइव । वदति । शिक्षमाणः ।
   सर्वम् । तत् । एषाम् । समृधाऽइव । पर्व । यत् । सुऽवाचः । वदथन । अधि । अप्ऽसु ॥

   yát ǀ eṣām ǀ anyáḥ ǀ anyásya ǀ vā́cam ǀ śāktásya-iva ǀ vádati ǀ śíkṣamāṇaḥ ǀ
   sárvam ǀ tát ǀ eṣām ǀ samṛ́dhā-iva ǀ párva ǀ yát ǀ su-vā́caḥ ǀ vádathana ǀ ádhi ǀ ap-sú ǁ

   yat ǀ eṣām ǀ anyaḥ ǀ anyasya ǀ vācam ǀ śāktasya-iva ǀ vadati ǀ śikṣamāṇaḥ ǀ
   sarvam ǀ tat ǀ eṣām ǀ samṛdhā-iva ǀ parva ǀ yat ǀ su-vācaḥ ǀ vadathana ǀ adhi ǀ ap-su ǁ

   7.103.5 Aṣṭaka 5.7.3.5Anuvāka 7.6.96Interpretations

6. Ṛk 6

   गोमा॑यु॒रेको॑ अ॒जमा॑यु॒रेकः॒ पृश्नि॒रेको॒ हरि॑त॒ एक॑ एषां ।
   स॒मा॒नं नाम॒ बिभ्र॑तो॒ विरू॑पाः पुरु॒त्रा वाचं॑ पिपिशु॒र्वदं॑तः ॥

   गोमायुर् एको अजमायुर् एकः पृश्निर् एको हरित एक एषाम् |
   समानं नाम बिभ्रतो विरूपाः पुरुत्रा वाचम् पिपिशुर् वदन्तः ||

   gómāyuréko ajámāyurékaḥ pṛ́śniréko hárita éka eṣām ǀ
   samānám nā́ma bíbhrato vírūpāḥ purutrā́ vā́cam pipiśurvádantaḥ ǁ

   gomāyur eko ajamāyur ekaḥ pṛśnir eko harita eka eṣām |
   samānaṃ nāma bibhrato virūpāḥ purutrā vācam pipiśur vadantaḥ ||

   गोऽमा॑युः । एकः॑ । अ॒जऽमा॑युः । एकः॑ । पृश्निः॑ । एकः॑ । हरि॑तः । एकः॑ । ए॒षा॒म् ।
   स॒मा॒नम् । नाम॑ । बिभ्र॑तः । विऽरू॑पाः । पु॒रु॒ऽत्रा । वाच॑म् । पि॒पि॒शुः॒ । वद॑न्तः ॥

   गोऽमायुः । एकः । अजऽमायुः । एकः । पृश्निः । एकः । हरितः । एकः । एषाम् ।
   समानम् । नाम । बिभ्रतः । विऽरूपाः । पुरुऽत्रा । वाचम् । पिपिशुः । वदन्तः ॥

   gó-māyuḥ ǀ ékaḥ ǀ ajá-māyuḥ ǀ ékaḥ ǀ pṛ́śniḥ ǀ ékaḥ ǀ háritaḥ ǀ ékaḥ ǀ eṣām ǀ
   samānám ǀ nā́ma ǀ bíbhrataḥ ǀ ví-rūpāḥ ǀ puru-trā́ ǀ vā́cam ǀ pipiśuḥ ǀ vádantaḥ ǁ

   go-māyuḥ ǀ ekaḥ ǀ aja-māyuḥ ǀ ekaḥ ǀ pṛśniḥ ǀ ekaḥ ǀ haritaḥ ǀ ekaḥ ǀ eṣām ǀ
   samānam ǀ nāma ǀ bibhrataḥ ǀ vi-rūpāḥ ǀ puru-trā ǀ vācam ǀ pipiśuḥ ǀ vadantaḥ ǁ

   7.103.6 Aṣṭaka 5.7.4.1Anuvāka 7.6.97Interpretations

7. Ṛk 7

   ब्रा॒ह्म॒णासो॑ अतिरा॒त्रे न सोमे॒ सरो॒ न पू॒र्णम॒भितो॒ वदं॑तः ।
   सं॒व॒त्स॒रस्य॒ तदहः॒ परि॑ ष्ठ॒ यन्मं॑डूकाः प्रावृ॒षीणं॑ ब॒भूव॑ ॥

   ब्राह्मणासो अतिरात्रे न सोमे सरो न पूर्णम् अभितो वदन्तः |
   संवत्सरस्य तद् अहः परि ष्ठ यन् मण्डूकाः प्रावृषीणम् बभूव ||

   brāhmaṇā́so atirātré ná sóme sáro ná pūrṇámabhíto vádantaḥ ǀ
   saṃvatsarásya tádáhaḥ pári ṣṭha yánmaṇḍūkāḥ prāvṛṣī́ṇam babhū́va ǁ

   brāhmaṇāso atirātre na some saro na pūrṇam abhito vadantaḥ |
   saṃvatsarasya tad ahaḥ pari ṣṭha yan maṇḍūkāḥ prāvṛṣīṇam babhūva ||

   ब्रा॒ह्म॒णासः॑ । अ॒ति॒ऽरा॒त्रे । न । सोमे॑ । सरः॑ । न । पू॒र्णम् । अ॒भितः॑ । वद॑न्तः ।
   सं॒व॒त्स॒रस्य॑ । तत् । अह॒रिति॑ । परि॑ । स्थ॒ । यत् । म॒ण्डू॒काः॒ । प्रा॒वृ॒षीण॑म् । ब॒भूव॑ ॥

   ब्राह्मणासः । अतिऽरात्रे । न । सोमे । सरः । न । पूर्णम् । अभितः । वदन्तः ।
   संवत्सरस्य । तत् । अहरिति । परि । स्थ । यत् । मण्डूकाः । प्रावृषीणम् । बभूव ॥

   brāhmaṇā́saḥ ǀ ati-rātré ǀ ná ǀ sóme ǀ sáraḥ ǀ ná ǀ pūrṇám ǀ abhítaḥ ǀ vádantaḥ ǀ
   saṃvatsarásya ǀ tát ǀ áharíti ǀ pári ǀ stha ǀ yát ǀ maṇḍūkāḥ ǀ prāvṛṣī́ṇam ǀ babhū́va ǁ

   brāhmaṇāsaḥ ǀ ati-rātre ǀ na ǀ some ǀ saraḥ ǀ na ǀ pūrṇam ǀ abhitaḥ ǀ vadantaḥ ǀ
   saṃvatsarasya ǀ tat ǀ ahariti ǀ pari ǀ stha ǀ yat ǀ maṇḍūkāḥ ǀ prāvṛṣīṇam ǀ babhūva ǁ

   7.103.7 Aṣṭaka 5.7.4.2Anuvāka 7.6.98Interpretations

8. Ṛk 8

   ब्रा॒ह्म॒णासः॑ सो॒मिनो॒ वाच॑मक्रत॒ ब्रह्म॑ कृ॒ण्वंतः॑ परिवत्स॒रीणं॑ ।
   अ॒ध्व॒र्यवो॑ घ॒र्मिणः॑ सिष्विदा॒ना आ॒विर्भ॑वंति॒ गुह्या॒ न के चि॑त् ॥

   ब्राह्मणासः सोमिनो वाचम् अक्रत ब्रह्म कृण्वन्तः परिवत्सरीणम् |
   अध्वर्यवो घर्मिणः सिष्विदाना आविर् भवन्ति गुह्या न के चित् ||

   brāhmaṇā́saḥ somíno vā́camakrata bráhma kṛṇvántaḥ parivatsarī́ṇam ǀ
   adhvaryávo gharmíṇaḥ siṣvidānā́ āvírbhavanti gúhyā ná ké cit ǁ

   brāhmaṇāsaḥ somino vācam akrata brahma kṛṇvantaḥ parivatsarīṇam |
   adhvaryavo gharmiṇaḥ siṣvidānā āvir bhavanti guhyā na ke cit ||

   ब्रा॒ह्म॒णासः॑ । सो॒मिनः॑ । वाच॑म् । अ॒क्र॒त॒ । ब्रह्म॑ । कृ॒ण्वन्तः॑ । प॒रि॒व॒त्स॒रीण॑म् ।
   अ॒ध्व॒र्यवः॑ । घ॒र्मिणः॑ । सि॒स्वि॒दा॒नाः । आ॒विः । भ॒व॒न्ति॒ । गुह्याः॑ । न । के । चि॒त् ॥

   ब्राह्मणासः । सोमिनः । वाचम् । अक्रत । ब्रह्म । कृण्वन्तः । परिवत्सरीणम् ।
   अध्वर्यवः । घर्मिणः । सिस्विदानाः । आविः । भवन्ति । गुह्याः । न । के । चित् ॥

   brāhmaṇā́saḥ ǀ somínaḥ ǀ vā́cam ǀ akrata ǀ bráhma ǀ kṛṇvántaḥ ǀ parivatsarī́ṇam ǀ
   adhvaryávaḥ ǀ gharmíṇaḥ ǀ sisvidānā́ḥ ǀ āvíḥ ǀ bhavanti ǀ gúhyāḥ ǀ ná ǀ ké ǀ cit ǁ

   brāhmaṇāsaḥ ǀ sominaḥ ǀ vācam ǀ akrata ǀ brahma ǀ kṛṇvantaḥ ǀ parivatsarīṇam ǀ
   adhvaryavaḥ ǀ gharmiṇaḥ ǀ sisvidānāḥ ǀ āviḥ ǀ bhavanti ǀ guhyāḥ ǀ na ǀ ke ǀ cit ǁ

   7.103.8 Aṣṭaka 5.7.4.3Anuvāka 7.6.99Interpretations

9. Ṛk 9

   दे॒वहि॑तिं जुगुपुर्द्वाद॒शस्य॑ ऋ॒तुं नरो॒ न प्र मि॑नंत्ये॒ते ।
   सं॒व॒त्स॒रे प्रा॒वृष्याग॑तायां त॒प्ता घ॒र्मा अ॑श्नुवते विस॒र्गं ॥

   देवहितिं जुगुपुर् द्वादशस्य ऋतुं नरो न प्र मिनन्त्य् एते |
   संवत्सरे प्रावृष्य् आगतायां तप्ता घर्मा अश्नुवते विसर्गम् ||

   deváhitim jugupurdvādaśásya ṛtúm náro ná prá minantyeté ǀ
   saṃvatsaré prāvṛ́ṣyā́gatāyām taptā́ gharmā́ aśnuvate visargám ǁ

   devahitiṃ jugupur dvādaśasya ṛtuṃ naro na pra minanty ete |
   saṃvatsare prāvṛṣy āgatāyāṃ taptā gharmā aśnuvate visargam ||

   दे॒वऽहि॑तिम् । जु॒गु॒पुः॒ । द्वा॒द॒शस्य॑ । ऋ॒तुम् । नरः॑ । न । प्र । मि॒न॒न्ति॒ । ए॒ते ।
   सं॒व॒त्स॒रे । प्रा॒वृषि॑ । आऽग॑तायाम् । त॒प्ताः । घ॒र्माः । अ॒श्नु॒व॒ते॒ । वि॒ऽस॒र्गम् ॥

   देवऽहितिम् । जुगुपुः । द्वादशस्य । ऋतुम् । नरः । न । प्र । मिनन्ति । एते ।
   संवत्सरे । प्रावृषि । आऽगतायाम् । तप्ताः । घर्माः । अश्नुवते । विऽसर्गम् ॥

   devá-hitim ǀ jugupuḥ ǀ dvādaśásya ǀ ṛtúm ǀ náraḥ ǀ ná ǀ prá ǀ minanti ǀ eté ǀ
   saṃvatsaré ǀ prāvṛ́ṣi ǀ ā́-gatāyām ǀ taptā́ḥ ǀ gharmā́ḥ ǀ aśnuvate ǀ vi-sargám ǁ

   deva-hitim ǀ jugupuḥ ǀ dvādaśasya ǀ ṛtum ǀ naraḥ ǀ na ǀ pra ǀ minanti ǀ ete ǀ
   saṃvatsare ǀ prāvṛṣi ǀ ā-gatāyām ǀ taptāḥ ǀ gharmāḥ ǀ aśnuvate ǀ vi-sargam ǁ

   7.103.9 Aṣṭaka 5.7.4.4Anuvāka 7.6.100Interpretations

10. Ṛk 10

    गोमा॑युरदाद॒जमा॑युरदा॒त्पृश्नि॑रदा॒द्धरि॑तो नो॒ वसू॑नि ।
    गवां॑ मं॒डूका॒ दद॑तः श॒तानि॑ सहस्रसा॒वे प्र ति॑रंत॒ आयुः॑ ॥

    गोमायुर् अदाद् अजमायुर् अदात् पृश्निर् अदाद् धरितो नो वसूनि |
    गवाम् मण्डूका ददतः शतानि सहस्रसावे प्र तिरन्त आयुः ||

    gómāyuradādajámāyuradātpṛ́śniradāddhárito no vásūni ǀ
    gávām maṇḍū́kā dádataḥ śatā́ni sahasrasāvé prá tiranta ā́yuḥ ǁ

    gomāyur adād ajamāyur adāt pṛśnir adād dharito no vasūni |
    gavām maṇḍūkā dadataḥ śatāni sahasrasāve pra tiranta āyuḥ ||

    गोऽमा॑युः । अ॒दा॒त् । अ॒जऽमा॑युः । अ॒दा॒त् । पृश्निः॑ । अ॒दा॒त् । हरि॑तः । नः॒ । वसू॑नि ।
    गवा॑म् । म॒ण्डूकाः॑ । दद॑तः । श॒तानि॑ । स॒ह॒स्र॒ऽसा॒वे । प्र । ति॒र॒न्ते॒ । आयुः॑ ॥

    गोऽमायुः । अदात् । अजऽमायुः । अदात् । पृश्निः । अदात् । हरितः । नः । वसूनि ।
    गवाम् । मण्डूकाः । ददतः । शतानि । सहस्रऽसावे । प्र । तिरन्ते । आयुः ॥

    gó-māyuḥ ǀ adāt ǀ ajá-māyuḥ ǀ adāt ǀ pṛ́śniḥ ǀ adāt ǀ háritaḥ ǀ naḥ ǀ vásūni ǀ
    gávām ǀ maṇḍū́kāḥ ǀ dádataḥ ǀ śatā́ni ǀ sahasra-sāvé ǀ prá ǀ tirante ǀ ā́yuḥ ǁ

    go-māyuḥ ǀ adāt ǀ aja-māyuḥ ǀ adāt ǀ pṛśniḥ ǀ adāt ǀ haritaḥ ǀ naḥ ǀ vasūni ǀ
    gavām ǀ maṇḍūkāḥ ǀ dadataḥ ǀ śatāni ǀ sahasra-sāve ǀ pra ǀ tirante ǀ āyuḥ ǁ

    7.103.10 Aṣṭaka 5.7.4.5Anuvāka 7.6.101Interpretations

Text, recitation and interpretations from the Ṛgveda database of theveda.org.in.