Devatā देवता

Aśvins

Ṛṣi ऋषि

Vasiṣṭha Maitrāvaruṇi

Chandas छन्दस्

Triṣṭubh

1. Ṛk 1

   आ वां॒ रथो॒ रोद॑सी बद्बधा॒नो हि॑र॒ण्ययो॒ वृष॑भिर्या॒त्वश्वैः॑ ।
   घृ॒तव॑र्तनिः प॒विभी॑ रुचा॒न इ॒षां वो॒ळ्हा नृ॒पति॑र्वा॒जिनी॑वान् ॥

   आ वां रथो रोदसी बद्बधानो हिरण्ययो वृषभिर् यात्व् अश्वैः |
   घृतवर्तनिः पविभी रुचान इषां वोऌहा नृपतिर् वाजिनीवान् ||

   ā́ vām rátho ródasī badbadhānó hiraṇyáyo vṛ́ṣabhiryātváśvaiḥ ǀ
   ghṛtávartaniḥ pavíbhī rucāná iṣā́m voḷhā́ nṛpátirvājínīvān ǁ

   ā vāṃ ratho rodasī badbadhāno hiraṇyayo vṛṣabhir yātv aśvaiḥ |
   ghṛtavartaniḥ pavibhī rucāna iṣāṃ voḷhā nṛpatir vājinīvān ||

   आ । वा॒म् । रथः॑ । रोद॑सी॒ इति॑ । ब॒द्ब॒धा॒नः । हि॒र॒ण्ययः॑ । वृष॑ऽभिः । या॒तु॒ । अश्वैः॑ ।
   घृ॒तऽव॑र्तनिः । प॒विऽभिः॑ । रु॒चा॒नः । इ॒षाम् । वो॒ळ्हा । नृ॒ऽपतिः॑ । वा॒जिनी॑ऽवान् ॥

   आ । वाम् । रथः । रोदसी इति । बद्बधानः । हिरण्ययः । वृषऽभिः । यातु । अश्वैः ।
   घृतऽवर्तनिः । पविऽभिः । रुचानः । इषाम् । वोळ्हा । नृऽपतिः । वाजिनीऽवान् ॥

   ā́ ǀ vām ǀ ráthaḥ ǀ ródasī íti ǀ badbadhānáḥ ǀ hiraṇyáyaḥ ǀ vṛ́ṣa-bhiḥ ǀ yātu ǀ áśvaiḥ ǀ
   ghṛtá-vartaniḥ ǀ paví-bhiḥ ǀ rucānáḥ ǀ iṣā́m ǀ voḷhā́ ǀ nṛ-pátiḥ ǀ vājínī-vān ǁ

   ā ǀ vām ǀ rathaḥ ǀ rodasī iti ǀ badbadhānaḥ ǀ hiraṇyayaḥ ǀ vṛṣa-bhiḥ ǀ yātu ǀ aśvaiḥ ǀ
   ghṛta-vartaniḥ ǀ pavi-bhiḥ ǀ rucānaḥ ǀ iṣām ǀ voḷhā ǀ nṛ-patiḥ ǀ vājinī-vān ǁ

   7.69.1 Aṣṭaka 5.5.16.1Anuvāka 7.4.130Interpretations

2. Ṛk 2

   स प॑प्रथा॒नो अ॒भि पंच॒ भूमा॑ त्रिवंधु॒रो मन॒सा या॑तु यु॒क्तः ।
   विशो॒ येन॒ गच्छ॑थो देव॒यंतीः॒ कुत्रा॑ चि॒द्याम॑मश्विना॒ दधा॑ना ॥

   स पप्रथानो अभि पञ्च भूमा त्रिवन्धुरो मनसा यातु युक्तः |
   विशो येन गच्छथो देवयन्तीः कुत्रा चिद् यामम् अश्विना दधाना ||

   sá paprathānó abhí páñca bhū́mā trivandhuró mánasā́ yātu yuktáḥ ǀ
   víśo yéna gácchatho devayántīḥ kútrā cidyā́mamaśvinā dádhānā ǁ

   sa paprathāno abhi pañca bhūmā trivandhuro manasā yātu yuktaḥ |
   viśo yena gacchatho devayantīḥ kutrā cid yāmam aśvinā dadhānā ||

   सः । प॒प्र॒था॒नः । अ॒भि । पञ्च॑ । भूम॑ । त्रि॒ऽव॒न्धु॒रः । मन॑सा । आ । या॒तु॒ । यु॒क्तः ।
   विशः॑ । येन॑ । गच्छ॑थः । दे॒व॒ऽयन्तीः॑ । कुत्र॑ । चि॒त् । याम॑म् । अ॒श्वि॒ना॒ । दधा॑ना ॥

   सः । पप्रथानः । अभि । पञ्च । भूम । त्रिऽवन्धुरः । मनसा । आ । यातु । युक्तः ।
   विशः । येन । गच्छथः । देवऽयन्तीः । कुत्र । चित् । यामम् । अश्विना । दधाना ॥

   sáḥ ǀ paprathānáḥ ǀ abhí ǀ páñca ǀ bhū́ma ǀ tri-vandhuráḥ ǀ mánasā ǀ ā́ ǀ yātu ǀ yuktáḥ ǀ
   víśaḥ ǀ yéna ǀ gácchathaḥ ǀ deva-yántīḥ ǀ kútra ǀ cit ǀ yā́mam ǀ aśvinā ǀ dádhānā ǁ

   saḥ ǀ paprathānaḥ ǀ abhi ǀ pañca ǀ bhūma ǀ tri-vandhuraḥ ǀ manasā ǀ ā ǀ yātu ǀ yuktaḥ ǀ
   viśaḥ ǀ yena ǀ gacchathaḥ ǀ deva-yantīḥ ǀ kutra ǀ cit ǀ yāmam ǀ aśvinā ǀ dadhānā ǁ

   7.69.2 Aṣṭaka 5.5.16.2Anuvāka 7.4.131Interpretations

3. Ṛk 3

   स्वश्वा॑ य॒शसा या॑तम॒र्वाग्दस्रा॑ नि॒धिं मधु॑मंतं पिबाथः ।
   वि वां॒ रथो॑ व॒ध्वा॒३॒॑ याद॑मा॒नोऽंतां॑दि॒वो बा॑धते वर्त॒निभ्यां॑ ॥

   स्वश्वा यशसा यातम् अर्वाग् दस्रा निधिम् मधुमन्तम् पिबाथः |
   वि वां रथो वध्वा यादमानो ऽन्तान् दिवो बाधते वर्तनिभ्याम् ||

   sváśvā yaśásā́ yātamarvā́gdásrā nidhím mádhumantam pibāthaḥ ǀ
   ví vām rátho vadhvā́ yā́damānó’ntāndivó bādhate vartaníbhyām ǁ

   svaśvā yaśasā yātam arvāg dasrā nidhim madhumantam pibāthaḥ |
   vi vāṃ ratho vadhvā yādamāno 'ntān divo bādhate vartanibhyām ||

   सु॒ऽअश्वा॑ । य॒शसा॑ । आ । या॒त॒म् । अ॒र्वाक् । दस्रा॑ । नि॒ऽधिम् । मधु॑ऽमन्तम् । पि॒बा॒थः॒ ।
   वि । वा॒म् । रथः॑ । व॒ध्वा॑ । याद॑मानः । अन्ता॑न् । दि॒वः । बा॒ध॒ते॒ । व॒र्त॒निऽभ्या॑म् ॥

   सुऽअश्वा । यशसा । आ । यातम् । अर्वाक् । दस्रा । निऽधिम् । मधुऽमन्तम् । पिबाथः ।
   वि । वाम् । रथः । वध्वा । यादमानः । अन्तान् । दिवः । बाधते । वर्तनिऽभ्याम् ॥

   su-áśvā ǀ yaśásā ǀ ā́ ǀ yātam ǀ arvā́k ǀ dásrā ǀ ni-dhím ǀ mádhu-mantam ǀ pibāthaḥ ǀ
   ví ǀ vām ǀ ráthaḥ ǀ vadhvā́ ǀ yā́damānaḥ ǀ ántān ǀ diváḥ ǀ bādhate ǀ vartaní-bhyām ǁ

   su-aśvā ǀ yaśasā ǀ ā ǀ yātam ǀ arvāk ǀ dasrā ǀ ni-dhim ǀ madhu-mantam ǀ pibāthaḥ ǀ
   vi ǀ vām ǀ rathaḥ ǀ vadhvā ǀ yādamānaḥ ǀ antān ǀ divaḥ ǀ bādhate ǀ vartani-bhyām ǁ

   7.69.3 Aṣṭaka 5.5.16.3Anuvāka 7.4.132Interpretations

4. Ṛk 4

   यु॒वोः श्रियं॒ परि॒ योषा॑वृणीत॒ सूरो॑ दुहि॒ता परि॑तक्म्यायां ।
   यद्दे॑व॒यंत॒मव॑थः॒ शची॑भिः॒ परि॑ घ्रं॒समो॒मना॑ वां॒ वयो॑ गात् ॥

   युवोः श्रियम् परि योषावृणीत सूरो दुहिता परितक्म्यायाम् |
   यद् देवयन्तम् अवथः शचीभिः परि घ्रंसम् ओमना वां वयो गात् ||

   yuvóḥ śríyam pári yóṣāvṛṇīta sū́ro duhitā́ páritakmyāyām ǀ
   yáddevayántamávathaḥ śácībhiḥ pári ghraṃsámománā vām váyo gāt ǁ

   yuvoḥ śriyam pari yoṣāvṛṇīta sūro duhitā paritakmyāyām |
   yad devayantam avathaḥ śacībhiḥ pari ghraṃsam omanā vāṃ vayo gāt ||

   यु॒वोः । श्रिय॑म् । परि॑ । योषा॑ । अ॒वृ॒णी॒त॒ । सूरः॑ । दु॒हि॒ता । परि॑ऽतक्म्यायाम् ।
   यत् । दे॒व॒ऽयन्त॑म् । अव॑थः । शची॑भिः । परि॑ । घ्रं॒सम् । ओ॒मना॑ । वा॒म् । वयः॑ । गा॒त् ॥

   युवोः । श्रियम् । परि । योषा । अवृणीत । सूरः । दुहिता । परिऽतक्म्यायाम् ।
   यत् । देवऽयन्तम् । अवथः । शचीभिः । परि । घ्रंसम् । ओमना । वाम् । वयः । गात् ॥

   yuvóḥ ǀ śríyam ǀ pári ǀ yóṣā ǀ avṛṇīta ǀ sū́raḥ ǀ duhitā́ ǀ pári-takmyāyām ǀ
   yát ǀ deva-yántam ǀ ávathaḥ ǀ śácībhiḥ ǀ pári ǀ ghraṃsám ǀ ománā ǀ vām ǀ váyaḥ ǀ gāt ǁ

   yuvoḥ ǀ śriyam ǀ pari ǀ yoṣā ǀ avṛṇīta ǀ sūraḥ ǀ duhitā ǀ pari-takmyāyām ǀ
   yat ǀ deva-yantam ǀ avathaḥ ǀ śacībhiḥ ǀ pari ǀ ghraṃsam ǀ omanā ǀ vām ǀ vayaḥ ǀ gāt ǁ

   7.69.4 Aṣṭaka 5.5.16.4Anuvāka 7.4.133Interpretations

5. Ṛk 5

   यो ह॒ स्य वां॑ रथिरा॒ वस्त॑ उ॒स्रा रथो॑ युजा॒नः प॑रि॒याति॑ व॒र्तिः ।
   तेन॑ नः॒ शं योरु॒षसो॒ व्यु॑ष्टौ॒ न्य॑श्विना वहतं य॒ज्ञे अ॒स्मिन् ॥

   यो ह स्य वां रथिरा वस्त उस्रा रथो युजानः परियाति वर्तिः |
   तेन नः शं योर् उषसो व्युष्टौ न्य् अश्विना वहतं यज्ञे अस्मिन् ||

   yó ha syá vām rathirā vásta usrā́ rátho yujānáḥ pariyā́ti vartíḥ ǀ
   téna naḥ śám yóruṣáso vyúṣṭau nyáśvinā vahatam yajñé asmín ǁ

   yo ha sya vāṃ rathirā vasta usrā ratho yujānaḥ pariyāti vartiḥ |
   tena naḥ śaṃ yor uṣaso vyuṣṭau ny aśvinā vahataṃ yajñe asmin ||

   यः । ह॒ । स्यः । वा॒म् । र॒थि॒रा॒ । वस्ते॑ । उ॒स्राः । रथः॑ । यु॒जा॒नः । प॒रि॒ऽयाति॑ । व॒र्तिः ।
   तेन॑ । नः॒ । शम् । योः । उ॒षसः॑ । विऽउ॑ष्टौ । नि । अ॒श्वि॒ना॒ । व॒ह॒त॒म् । य॒ज्ञे । अ॒स्मिन् ॥

   यः । ह । स्यः । वाम् । रथिरा । वस्ते । उस्राः । रथः । युजानः । परिऽयाति । वर्तिः ।
   तेन । नः । शम् । योः । उषसः । विऽउष्टौ । नि । अश्विना । वहतम् । यज्ञे । अस्मिन् ॥

   yáḥ ǀ ha ǀ syáḥ ǀ vām ǀ rathirā ǀ váste ǀ usrā́ḥ ǀ ráthaḥ ǀ yujānáḥ ǀ pari-yā́ti ǀ vartíḥ ǀ
   téna ǀ naḥ ǀ śám ǀ yóḥ ǀ uṣásaḥ ǀ ví-uṣṭau ǀ ní ǀ aśvinā ǀ vahatam ǀ yajñé ǀ asmín ǁ

   yaḥ ǀ ha ǀ syaḥ ǀ vām ǀ rathirā ǀ vaste ǀ usrāḥ ǀ rathaḥ ǀ yujānaḥ ǀ pari-yāti ǀ vartiḥ ǀ
   tena ǀ naḥ ǀ śam ǀ yoḥ ǀ uṣasaḥ ǀ vi-uṣṭau ǀ ni ǀ aśvinā ǀ vahatam ǀ yajñe ǀ asmin ǁ

   7.69.5 Aṣṭaka 5.5.16.5Anuvāka 7.4.134Interpretations

6. Ṛk 6

   नरा॑ गौ॒रेव॑ वि॒द्युतं॑ तृषा॒णास्माक॑म॒द्य सव॒नोप॑ यातं ।
   पु॒रु॒त्रा हि वां॑ म॒तिभि॒र्हवं॑ते॒ मा वा॑म॒न्ये नि य॑मंदेव॒यंतः॑ ॥

   नरा गौरेव विद्युतं तृषाणास्माकम् अद्य सवनोप यातम् |
   पुरुत्रा हि वाम् मतिभिर् हवन्ते मा वाम् अन्ये नि यमन् देवयन्तः ||

   nárā gauréva vidyútam tṛṣāṇā́smā́kamadyá sávanópa yātam ǀ
   purutrā́ hí vām matíbhirhávante mā́ vāmanyé ní yamandevayántaḥ ǁ

   narā gaureva vidyutaṃ tṛṣāṇāsmākam adya savanopa yātam |
   purutrā hi vām matibhir havante mā vām anye ni yaman devayantaḥ ||

   नरा॑ । गौ॒राऽइ॑व । वि॒ऽद्युत॑म् । तृ॒षा॒णा । अ॒स्माक॑म् । अ॒द्य । सव॑ना । उप॑ । या॒त॒म् ।
   पु॒रु॒ऽत्रा । हि । वा॒म् । म॒तिऽभिः॑ । हव॑न्ते । मा । वा॒म् । अ॒न्ये । नि । य॒म॒न् । दे॒व॒ऽयन्तः॑ ॥

   नरा । गौराऽइव । विऽद्युतम् । तृषाणा । अस्माकम् । अद्य । सवना । उप । यातम् ।
   पुरुऽत्रा । हि । वाम् । मतिऽभिः । हवन्ते । मा । वाम् । अन्ये । नि । यमन् । देवऽयन्तः ॥

   nárā ǀ gaurā́-iva ǀ vi-dyútam ǀ tṛṣāṇā́ ǀ asmā́kam ǀ adyá ǀ sávanā ǀ úpa ǀ yātam ǀ
   puru-trā́ ǀ hí ǀ vām ǀ matí-bhiḥ ǀ hávante ǀ mā́ ǀ vām ǀ anyé ǀ ní ǀ yaman ǀ deva-yántaḥ ǁ

   narā ǀ gaurā-iva ǀ vi-dyutam ǀ tṛṣāṇā ǀ asmākam ǀ adya ǀ savanā ǀ upa ǀ yātam ǀ
   puru-trā ǀ hi ǀ vām ǀ mati-bhiḥ ǀ havante ǀ mā ǀ vām ǀ anye ǀ ni ǀ yaman ǀ deva-yantaḥ ǁ

   7.69.6 Aṣṭaka 5.5.16.6Anuvāka 7.4.135Interpretations

7. Ṛk 7

   यु॒वं भु॒ज्युमव॑विद्धं समु॒द्र उदू॑हथु॒रर्ण॑सो॒ अस्रि॑धानैः ।
   प॒त॒त्रिभि॑रश्र॒मैर॑व्य॒थिभि॑र्दं॒सना॑भिरश्विना पा॒रयं॑ता ॥

   युवम् भुज्युम् अवविद्धं समुद्र उद् ऊहथुर् अर्णसो अस्रिधानैः |
   पतत्रिभिर् अश्रमैर् अव्यथिभिर् दंसनाभिर् अश्विना पारयन्ता ||

   yuvám bhujyúmávaviddham samudrá údūhathurárṇaso ásridhānaiḥ ǀ
   patatríbhiraśramáiravyathíbhirdaṃsánābhiraśvinā pāráyantā ǁ

   yuvam bhujyum avaviddhaṃ samudra ud ūhathur arṇaso asridhānaiḥ |
   patatribhir aśramair avyathibhir daṃsanābhir aśvinā pārayantā ||

   यु॒वम् । भु॒ज्युम् । अव॑ऽविद्धम् । स॒मु॒द्रे । उत् । ऊ॒ह॒थुः॒ । अर्ण॑सः । अस्रि॑धानैः ।
   प॒त॒त्रिऽभिः॑ । अ॒श्र॒मैः । अ॒व्य॒थिऽभिः॑ । दं॒सना॑भिः । अ॒श्वि॒ना॒ । पा॒रय॑न्ता ॥

   युवम् । भुज्युम् । अवऽविद्धम् । समुद्रे । उत् । ऊहथुः । अर्णसः । अस्रिधानैः ।
   पतत्रिऽभिः । अश्रमैः । अव्यथिऽभिः । दंसनाभिः । अश्विना । पारयन्ता ॥

   yuvám ǀ bhujyúm ǀ áva-viddham ǀ samudré ǀ út ǀ ūhathuḥ ǀ árṇasaḥ ǀ ásridhānaiḥ ǀ
   patatrí-bhiḥ ǀ aśramáiḥ ǀ avyathí-bhiḥ ǀ daṃsánābhiḥ ǀ aśvinā ǀ pāráyantā ǁ

   yuvam ǀ bhujyum ǀ ava-viddham ǀ samudre ǀ ut ǀ ūhathuḥ ǀ arṇasaḥ ǀ asridhānaiḥ ǀ
   patatri-bhiḥ ǀ aśramaiḥ ǀ avyathi-bhiḥ ǀ daṃsanābhiḥ ǀ aśvinā ǀ pārayantā ǁ

   7.69.7 Aṣṭaka 5.5.16.7Anuvāka 7.4.136Interpretations

8. Ṛk 8

   नू मे॒ हव॒मा शृ॑णुतं युवाना यासि॒ष्टं व॒र्तिर॑श्विना॒विरा॑वत् ।
   ध॒त्तं रत्ना॑नि॒ जर॑तं च सू॒रीन्यू॒यं पा॑त स्व॒स्तिभिः॒ सदा॑ नः ॥

   नू मे हवम् आ शृणुतं युवाना यासिष्टं वर्तिर् अश्विनाव् इरावत् |
   धत्तं रत्नानि जरतं च सूरीन् यूयम् पात स्वस्तिभिः सदा नः ||

   nū́ me hávamā́ śṛṇutam yuvānā yāsiṣṭám vartíraśvināvírāvat ǀ
   dhattám rátnāni járatam ca sūrī́nyūyám pāta svastíbhiḥ sádā naḥ ǁ

   nū me havam ā śṛṇutaṃ yuvānā yāsiṣṭaṃ vartir aśvināv irāvat |
   dhattaṃ ratnāni jarataṃ ca sūrīn yūyam pāta svastibhiḥ sadā naḥ ||

   नु । मे॒ । हव॑म् । आ । शृ॒णु॒त॒म् । यु॒वा॒ना॒ । या॒सि॒ष्टम् । व॒र्तिः । अ॒श्वि॒नौ॒ । इरा॑ऽवत् ।
   ध॒त्तम् । रत्ना॑नि । जर॑तम् । च॒ । सू॒रीन् । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥

   नु । मे । हवम् । आ । शृणुतम् । युवाना । यासिष्टम् । वर्तिः । अश्विनौ । इराऽवत् ।
   धत्तम् । रत्नानि । जरतम् । च । सूरीन् । यूयम् । पात । स्वस्तिऽभिः । सदा । नः ॥

   nú ǀ me ǀ hávam ǀ ā́ ǀ śṛṇutam ǀ yuvānā ǀ yāsiṣṭám ǀ vartíḥ ǀ aśvinau ǀ írā-vat ǀ
   dhattám ǀ rátnāni ǀ járatam ǀ ca ǀ sūrī́n ǀ yūyám ǀ pāta ǀ svastí-bhiḥ ǀ sádā ǀ naḥ ǁ

   nu ǀ me ǀ havam ǀ ā ǀ śṛṇutam ǀ yuvānā ǀ yāsiṣṭam ǀ vartiḥ ǀ aśvinau ǀ irā-vat ǀ
   dhattam ǀ ratnāni ǀ jaratam ǀ ca ǀ sūrīn ǀ yūyam ǀ pāta ǀ svasti-bhiḥ ǀ sadā ǀ naḥ ǁ

   7.69.8 Aṣṭaka 5.5.16.8Anuvāka 7.4.137Interpretations

Text, recitation and interpretations from the Ṛgveda database of theveda.org.in.