ज॒नि॒ताश्वा॑नां जनि॒ता गवा॑मसि॒ पिबा॒ सोमं॒ मदा॑य॒ कं श॑तक्रतो ।
यं ते॑ भा॒गमधा॑रय॒न्विश्वाः॑ सेहा॒नः पृत॑ना उ॒रु ज्रयः॒ सम॑प्सु॒जिन्म॒रुत्वाँ॑ इंद्र सत्पते ॥

जनिताश्वानां जनिता गवाम् असि पिबा सोमम् मदाय कं शतक्रतो |
यं ते भागम् अधारयन् विश्वाः सेहानः पृतना उरु ज्रयः सम् अप्सुजिन् मरुत्वां इन्द्र सत्पते ||

janitā́śvānām janitā́ gávāmasi píbā sómam mádāya kám śatakrato ǀ
yám te bhāgámádhārayanvíśvāḥ sehānáḥ pṛ́tanā urú jráyaḥ sámapsujínmarútvām̐ indra satpate ǁ

janitāśvānāṃ janitā gavām asi pibā somam madāya kaṃ śatakrato |
yaṃ te bhāgam adhārayan viśvāḥ sehānaḥ pṛtanā uru jrayaḥ sam apsujin marutvāṃ indra satpate ||

ज॒नि॒ता । अश्वा॑नाम् । ज॒नि॒ता । गवा॑म् । अ॒सि॒ । पिब॑ । सोम॑म् । मदा॑य । कम् । श॒त॒क्र॒तो॒ इति॑ शतऽक्रतो ।
यम् । ते॒ । भा॒गम् । अधा॑रयन् । विश्वाः॑ । से॒हा॒नः । पृत॑नाः । उ॒रु । ज्रयः॑ । सम् । अ॒प्सु॒ऽजित् । म॒रुत्वा॑न् । इ॒न्द्र॒ । स॒त्ऽप॒ते॒ ॥

जनिता । अश्वानाम् । जनिता । गवाम् । असि । पिब । सोमम् । मदाय । कम् । शतक्रतो इति शतऽक्रतो ।
यम् । ते । भागम् । अधारयन् । विश्वाः । सेहानः । पृतनाः । उरु । ज्रयः । सम् । अप्सुऽजित् । मरुत्वान् । इन्द्र । सत्ऽपते ॥

janitā́ ǀ áśvānām ǀ janitā́ ǀ gávām ǀ asi ǀ píba ǀ sómam ǀ mádāya ǀ kám ǀ śatakrato íti śata-krato ǀ
yám ǀ te ǀ bhāgám ǀ ádhārayan ǀ víśvāḥ ǀ sehānáḥ ǀ pṛ́tanāḥ ǀ urú ǀ jráyaḥ ǀ sám ǀ apsu-jít ǀ marútvān ǀ indra ǀ sat-pate ǁ

janitā ǀ aśvānām ǀ janitā ǀ gavām ǀ asi ǀ piba ǀ somam ǀ madāya ǀ kam ǀ śatakrato iti śata-krato ǀ
yam ǀ te ǀ bhāgam ǀ adhārayan ǀ viśvāḥ ǀ sehānaḥ ǀ pṛtanāḥ ǀ uru ǀ jrayaḥ ǀ sam ǀ apsu-jit ǀ marutvān ǀ indra ǀ sat-pate ǁ