त्वम॑ग्ने शो॒चिषा॒ शोशु॑चान॒ आ रोद॑सी अपृणा॒ जाय॑मानः ।
त्वं दे॒वाँ अ॒भिश॑स्तेरमुंचो॒ वैश्वा॑नर जातवेदो महि॒त्वा ॥

त्वम् अग्ने शोचिषा शोशुचान आ रोदसी अपृणा जायमानः |
त्वं देवां अभिशस्तेर् अमुञ्चो वैश्वानर जातवेदो महित्वा ||

tvámagne śocíṣā śóśucāna ā́ ródasī apṛṇā jā́yamānaḥ ǀ
tvám devā́m̐ abhíśasteramuñco váiśvānara jātavedo mahitvā́ ǁ

tvam agne śociṣā śośucāna ā rodasī apṛṇā jāyamānaḥ |
tvaṃ devāṃ abhiśaster amuñco vaiśvānara jātavedo mahitvā ||

त्वम् । अ॒ग्ने॒ । शो॒चिषा॑ । शोशु॑चानः । आ । रोद॑सी॒ इति॑ । अ॒पृ॒णाः॒ । जाय॑मानः ।
त्वम् । दे॒वान् । अ॒भिऽश॑स्तेः । अ॒मु॒ञ्चः॒ । वैश्वा॑नर । जा॒त॒ऽवे॒दः॒ । म॒हि॒ऽत्वा ॥

त्वम् । अग्ने । शोचिषा । शोशुचानः । आ । रोदसी इति । अपृणाः । जायमानः ।
त्वम् । देवान् । अभिऽशस्तेः । अमुञ्चः । वैश्वानर । जातऽवेदः । महिऽत्वा ॥

tvám ǀ agne ǀ śocíṣā ǀ śóśucānaḥ ǀ ā́ ǀ ródasī íti ǀ apṛṇāḥ ǀ jā́yamānaḥ ǀ
tvám ǀ devā́n ǀ abhí-śasteḥ ǀ amuñcaḥ ǀ váiśvānara ǀ jāta-vedaḥ ǀ mahi-tvā́ ǁ

tvam ǀ agne ǀ śociṣā ǀ śośucānaḥ ǀ ā ǀ rodasī iti ǀ apṛṇāḥ ǀ jāyamānaḥ ǀ
tvam ǀ devān ǀ abhi-śasteḥ ǀ amuñcaḥ ǀ vaiśvānara ǀ jāta-vedaḥ ǀ mahi-tvā ǁ