उदु॒ स्तोमा॑सो अ॒श्विनो॑रबुध्रंजा॒मि ब्रह्मा॑ण्यु॒षस॑श्च दे॒वीः ।
आ॒विवा॑स॒न्रोद॑सी॒ धिष्ण्ये॒मे अच्छा॒ विप्रो॒ नास॑त्या विवक्ति ॥

उद् उ स्तोमासो अश्विनोर् अबुध्रञ् जामि ब्रह्माण्य् उषसश् च देवीः |
आविवासन् रोदसी धिष्ण्येमे अच्छा विप्रो नासत्या विवक्ति ||

údu stómāso aśvínorabudhrañjāmí bráhmāṇyuṣásaśca devī́ḥ ǀ
āvívāsanródasī dhíṣṇyemé ácchā vípro nā́satyā vivakti ǁ

ud u stomāso aśvinor abudhrañ jāmi brahmāṇy uṣasaś ca devīḥ |
āvivāsan rodasī dhiṣṇyeme acchā vipro nāsatyā vivakti ||

उत् । ऊं॒ इति॑ । स्तोमा॑सः । अ॒श्विनोः॑ । अ॒बु॒ध्र॒न् । जा॒मि । ब्रह्मा॑णि । उ॒षसः॑ । च॒ । दे॒वीः ।
आ॒ऽविवा॑सन् । रोद॑सी॒ इति॑ । धिष्ण्ये॒ इति॑ । इ॒मे इति॑ । अच्छ॑ । विप्रः॑ । नास॑त्या । वि॒व॒क्ति॒ ॥

उत् । ऊं इति । स्तोमासः । अश्विनोः । अबुध्रन् । जामि । ब्रह्माणि । उषसः । च । देवीः ।
आऽविवासन् । रोदसी इति । धिष्ण्ये इति । इमे इति । अच्छ । विप्रः । नासत्या । विवक्ति ॥

út ǀ ūṃ íti ǀ stómāsaḥ ǀ aśvínoḥ ǀ abudhran ǀ jāmí ǀ bráhmāṇi ǀ uṣásaḥ ǀ ca ǀ devī́ḥ ǀ
ā-vívāsan ǀ ródasī íti ǀ dhíṣṇye íti ǀ imé íti ǀ áccha ǀ vípraḥ ǀ nā́satyā ǀ vivakti ǁ

ut ǀ ūṃ iti ǀ stomāsaḥ ǀ aśvinoḥ ǀ abudhran ǀ jāmi ǀ brahmāṇi ǀ uṣasaḥ ǀ ca ǀ devīḥ ǀ
ā-vivāsan ǀ rodasī iti ǀ dhiṣṇye iti ǀ ime iti ǀ accha ǀ vipraḥ ǀ nāsatyā ǀ vivakti ǁ