आ॒जि॒तुरं॒ सत्प॑तिं वि॒श्वच॑र्षणिं कृ॒धि प्र॒जास्वाभ॑गं ।
प्र सू ति॑रा॒ शची॑भि॒र्ये त॑ उ॒क्थिनः॒ क्रतुं॑ पुन॒त आ॑नु॒षक् ॥

आजितुरं सत्पतिं विश्वचर्षणिं कृधि प्रजास्व् आभगम् |
प्र सू तिरा शचीभिर् ये त उक्थिनः क्रतुम् पुनत आनुषक् ||

ājitúram sátpatim viśvácarṣaṇim kṛdhí prajā́svā́bhagam ǀ
prá sū́ tirā śácībhiryé ta ukthínaḥ krátum punatá ānuṣák ǁ

ājituraṃ satpatiṃ viśvacarṣaṇiṃ kṛdhi prajāsv ābhagam |
pra sū tirā śacībhir ye ta ukthinaḥ kratum punata ānuṣak ||

आ॒जि॒ऽतुर॑म् । सत्ऽप॑तिम् । वि॒श्वऽच॑र्षणिम् । कृ॒धि । प्र॒ऽजासु॑ । आऽभ॑गम् ।
प्र । सु । ति॒र॒ । शची॑भिः । ये । ते॒ । उ॒क्थिनः॑ । क्रतु॑म् । पु॒न॒ते । आ॒नु॒षक् ॥

आजिऽतुरम् । सत्ऽपतिम् । विश्वऽचर्षणिम् । कृधि । प्रऽजासु । आऽभगम् ।
प्र । सु । तिर । शचीभिः । ये । ते । उक्थिनः । क्रतुम् । पुनते । आनुषक् ॥

āji-túram ǀ sát-patim ǀ viśvá-carṣaṇim ǀ kṛdhí ǀ pra-jā́su ǀ ā́-bhagam ǀ
prá ǀ sú ǀ tira ǀ śácībhiḥ ǀ yé ǀ te ǀ ukthínaḥ ǀ krátum ǀ punaté ǀ ānuṣák ǁ

āji-turam ǀ sat-patim ǀ viśva-carṣaṇim ǀ kṛdhi ǀ pra-jāsu ǀ ā-bhagam ǀ
pra ǀ su ǀ tira ǀ śacībhiḥ ǀ ye ǀ te ǀ ukthinaḥ ǀ kratum ǀ punate ǀ ānuṣak ǁ