र॒थि॒रासो॒ हर॑यो॒ ये ते॑ अ॒स्रिध॒ ओजो॒ वात॑स्य॒ पिप्र॑ति ।
येभि॒र्नि दस्युं॒ मनु॑षो नि॒घोष॑यो॒ येभिः॒ स्वः॑ प॒रीय॑से ॥

रथिरासो हरयो ये ते अस्रिध ओजो वातस्य पिप्रति |
येभिर् नि दस्युम् मनुषो निघोषयो येभिः स्वः परीयसे ||

rathirā́so hárayo yé te asrídha ójo vā́tasya píprati ǀ
yébhirní dásyum mánuṣo nighóṣayo yébhiḥ sváḥ parī́yase ǁ

rathirāso harayo ye te asridha ojo vātasya piprati |
yebhir ni dasyum manuṣo nighoṣayo yebhiḥ svaḥ parīyase ||

र॒थि॒रासः॑ । हर॑यः । ये । ते॒ । अ॒स्रिधः॑ । ओजः॑ । वात॑स्य । पिप्र॑ति ।
येभिः॑ । नि । दस्यु॑म् । मनु॑षः । नि॒ऽघोष॑यः । येभिः॑ । स्व१॒॑रिति॑ स्वः॑ । प॒रि॒ऽईय॑से ॥

रथिरासः । हरयः । ये । ते । अस्रिधः । ओजः । वातस्य । पिप्रति ।
येभिः । नि । दस्युम् । मनुषः । निऽघोषयः । येभिः । स्वरिति स्वः । परिऽईयसे ॥

rathirā́saḥ ǀ hárayaḥ ǀ yé ǀ te ǀ asrídhaḥ ǀ ójaḥ ǀ vā́tasya ǀ píprati ǀ
yébhiḥ ǀ ní ǀ dásyum ǀ mánuṣaḥ ǀ ni-ghóṣayaḥ ǀ yébhiḥ ǀ sváríti sváḥ ǀ pari-ī́yase ǁ

rathirāsaḥ ǀ harayaḥ ǀ ye ǀ te ǀ asridhaḥ ǀ ojaḥ ǀ vātasya ǀ piprati ǀ
yebhiḥ ǀ ni ǀ dasyum ǀ manuṣaḥ ǀ ni-ghoṣayaḥ ǀ yebhiḥ ǀ svariti svaḥ ǀ pari-īyase ǁ