अ॒ग्निं सू॒नुं सह॑सो जा॒तवे॑दसं दा॒नाय॒ वार्या॑णां ।
द्वि॒ता यो भूद॒मृतो॒ मर्त्ये॒ष्वा होता॑ मं॒द्रत॑मो वि॒शि ॥

अग्निं सूनुं सहसो जातवेदसं दानाय वार्याणाम् |
द्विता यो भूद् अमृतो मर्त्येष्व् आ होता मन्द्रतमो विशि ||

agním sūnúm sáhaso jātávedasam dānā́ya vā́ryāṇām ǀ
dvitā́ yó bhū́damṛ́to mártyeṣvā́ hótā mandrátamo viśí ǁ

agniṃ sūnuṃ sahaso jātavedasaṃ dānāya vāryāṇām |
dvitā yo bhūd amṛto martyeṣv ā hotā mandratamo viśi ||

अ॒ग्निम् । सू॒नुम् । सह॑सः । जा॒तऽवे॑दसम् । दा॒नाय॑ । वार्या॑णाम् ।
द्वि॒ता । यः । भूत् । अ॒मृतः॑ । मर्त्ये॑षु । आ । होता॑ । म॒न्द्रऽत॑मः । वि॒शि ॥

अग्निम् । सूनुम् । सहसः । जातऽवेदसम् । दानाय । वार्याणाम् ।
द्विता । यः । भूत् । अमृतः । मर्त्येषु । आ । होता । मन्द्रऽतमः । विशि ॥

agním ǀ sūnúm ǀ sáhasaḥ ǀ jātá-vedasam ǀ dānā́ya ǀ vā́ryāṇām ǀ
dvitā́ ǀ yáḥ ǀ bhū́t ǀ amṛ́taḥ ǀ mártyeṣu ǀ ā́ ǀ hótā ǀ mandrá-tamaḥ ǀ viśí ǁ

agnim ǀ sūnum ǀ sahasaḥ ǀ jāta-vedasam ǀ dānāya ǀ vāryāṇām ǀ
dvitā ǀ yaḥ ǀ bhūt ǀ amṛtaḥ ǀ martyeṣu ǀ ā ǀ hotā ǀ mandra-tamaḥ ǀ viśi ǁ