विदुलदहनचित्राः कोशवत्यौ करञ्जः कणलवणवचैलासर्षपाश् छर्दनानि ॥ (१।२)

शम्याककम्पिल्लकहेमदुग्धा दुग्धं च मूत्रं च विरेचनानि ॥ (२।२)

मदनकुटजकुष्ठदेवदालीमधुकवचादशमूलदारुरास्नाः । (३।१)

यवमिशिकृतवेधनं कुलत्था मधु लवणं त्रिवृता निरूहणानि ॥ (३।२)

वेल्लापामार्गव्योषदार्वीसुराला बीजं शैरीषं बार्हतं शैग्रवं च । (४।१)

सारो माधूकः सैन्धवं तार्क्ष्यशैलं त्रुट्यौ पृथ्वीका शोधयन्त्य् उत्तमाङ्गम् ॥ (४।२)

भद्रदारु नतं कुष्ठं दशमूलं बलाद्वयम् । (५।१)

वायुं वीरतरादिश् च विदार्यादिश् च नाशयेत् ॥ (५।२)

दूर्वानन्ता निम्बवासात्मगुप्ता गुन्द्राभीरुः शीतपाकी प्रियङ्गुः । (६।१)

न्यग्रोधादिः पद्मकादिः स्थिरे द्वे पद्मं वन्यं सारिवादिश् च पित्तम् ॥ (६।२)

आरग्वधादिर् अर्कादिर् मुष्ककाद्यो ऽसनादिकः । (७।१)

सुरसादिः समुस्तादिर् वत्सकादिर् बलासजित् ॥ (७।२)

जीवन्तीकाकोल्यौ मेदे द्वे मुद्गमाषपर्ण्यौ च । (८।१)

ऋषभकजीवकमधुकं चेति गणो जीवनीयाख्यः ॥ (८।२)

विदारिपञ्चाङ्गुलवृश्चिकालीवृश्चीवदेवाह्वयशूर्पपर्ण्यः । (९।१)

कण्डूकरी जीवनह्रस्वसंज्ञे द्वे पञ्चके गोपसुता त्रिपादी ॥ (९।२)

विदार्यादिर् अयं हृद्यो बृंहणो वातपित्तहा । (१०।१)

शोषगुल्माङ्गमर्दोर्ध्वश्वासकासहरो गणः ॥ (१०।२)

सारिवोशीरकाश्मर्यमधूकशिशिरद्वयम् । (११।१)

यष्टी परूषकं हन्ति दाहपित्तास्रतृड्ज्वरान् ॥ (११।२)

पद्मकपुण्ड्रौ वृद्धितुगर्द्ध्यः शृङ्ग्य् अमृता दश जीवनसंज्ञाः । (१२।१)

स्तन्यकरा घ्नन्तीरणपित्तं प्रीणनजीवनबृंहणवृष्याः ॥ (१२।२)

परूषकं वरा द्राक्षा कट्फलं कतकात् फलम् । (१३।१)

राजाह्वं दाडिमं शाकं तृण्मूत्रामयवातजित् ॥ (१३।२)

अञ्जनं फलिनी मांसी पद्मोत्पलरसाञ्जनम् । (१४।१)

सैलामधुकनागाह्वं विषान्तर्दाहपित्तनुत् ॥ (१४।२)

पटोलकटुरोहिणीचन्दनं मधुस्रवगुडूचीपाठान्वितम् । (१५।१)

निहन्ति कफपित्तकुष्ठज्वरान् विषं वमिम् अरोचकं कामलाम् ॥ (१५।२)

गुडूचीपद्मकारिष्टधानकारक्तचन्दनम् । (१६।१)

पित्तश्लेष्मज्वरच्छर्दिदाहतृष्णाघ्नम् अग्निकृत् ॥ (१६।२)

भूनिम्बसैर्यकपटोलकरञ्जयुग्मसप्तच्छदाग्निसुषवीफलबाणघोण्टाः ॥ (१७।२)

आरग्वधादिर् जयति छर्दिकुष्ठविषज्वरान् । (१८।१)

कफं कण्डूं प्रमेहं च दुष्टव्रणविशोधनः ॥ (१८।२)

असनतिनिशभूर्जश्वेतवाहप्रकीर्याः खदिरकदरभण्डीशिंशपामेषशृङ्ग्यः । (१९।१)

त्रिहिमतलपलाशा जोङ्गकः शाकशालौ क्रमुकधवकलिङ्गच्छागकर्णाश्वकर्णाः ॥ (१९।२)

असनादिर् विजयते श्वित्रकुष्ठकफक्रिमीन् । (२०।१)

पाण्डुरोगं प्रमेहं च मेदोदोषनिबर्हणः ॥ (२०।२)

वरुणादिवरुणसैर्यकयुग्मशतावरीदहनमोरटबिल्वविषाणिकाः । (२१।१)

द्विबृहतीद्विकरञ्जजयाद्वयं बहलपल्लवदर्भरुजाकराः ॥ (२१।२)

वरुणादिः कफं मेदो मन्दाग्नित्वं नियच्छति । (२२।१)

आढ्यवातं शिरःशूलं गुल्मं चान्तः सविद्रधिम् ॥ (२२।२)

ऊषकादिऊषकस् तुत्थकं हिङ्गु कासीसद्वयसैन्धवम् । (२३।१)

सशिलाजतु कृच्छ्राश्मगुल्ममेदःकफापहम् ॥ (२३।२)

वीरतरादिवेल्लन्तरारणिकबूकवृषाश्मभेदगोकण्टकेत्कटसहाचरबाणकाशाः । (२४।१)

वृक्षादनीनलकुशद्वयगुण्ठगुन्द्राभल्लूकमोरटकुरण्टकरम्भपार्थाः ॥ (२४।२)

वर्गो वीरतराद्यो ऽयं हन्ति वातकृतान् गदान् । (२५।१)

अश्मरीशर्करामूत्रकृच्छ्राघातरुजाहरः ॥ (२५।२)

लोध्रशाबरकलोध्रपलाशा जिङ्गिनीसरलकट्फलयुक्ताः । (२६।१)

कुत्सिताम्बकदलीगतशोकाः सैलवालुपरिपेलवमोचाः ॥ (२६।२)

एष लोध्रादिको नाम मेदःकफहरो गणः । (२७।१)

योनिदोषहरः स्तम्भी वर्ण्यो विषविनाशनः ॥ (२७।२)

अर्कालर्कौ नागदन्ती विशल्या भार्गी रास्ना वृश्चिकाली प्रकीर्या । (२८।१)

प्रत्यक्पुष्पी पीततैलोदकीर्या श्वेतायुग्मं तापसानां च वृक्षः ॥ (२८।२)

अयम् अर्कादिको वर्गः कफमेदोविषापहः । (२९।१)

कृमिकुष्ठप्रशमनो विशेषाद् व्रणशोधनः ॥ (२९।२)

सुरसयुगफणिज्जं कालमाला विडङ्गं खरबुसवृषकर्णीकट्फलं कासमर्दः । (३०।१)

क्षवकसरसीभार्गीकार्मुकाः काकमाची कुलहलविषमुष्टी भूस्तृणो भूतकेशी ॥ (३०।२)

सुरसादिर् गणः श्लेष्ममेदःकृमिनिषूदनः । (३१।१)

प्रतिश्यायारुचिश्वासकासघ्नो व्रणशोधनः ॥ (३१।२)

गुल्ममेहाश्मरीपाण्डुमेदोऽर्शःकफशुक्रजित् ॥ (३२।२)

वत्सकमूर्वाभार्गीकटुका मरीचं घुणप्रिया च गण्डीरम् । (३३।१)

एला पाठाजाजी कट्वङ्गफलाजमोदसिद्धार्थवचाः ॥ (३३।२)

जीरकहिङ्गुविडङ्गं पशुगन्धा पञ्चकोलकं हन्ति । (३४।१)

चलकफमेदःपीनसगुल्मज्वरशूलदुर्नाम्नः ॥ (३४।२)

हरिद्राद्वययष्ट्याह्वकलशीकुटजोद्भवाः ॥ (३५।२)

वचाहरिद्रादिगणाव् आमातीसारनाशनौ । (३६।१)

मेदःकफाढ्यपवनस्तन्यदोषनिबर्हणौ ॥ (३६।२)

प्रियङ्गुपुष्पाञ्जनयुग्मपद्माः पद्माद् रजो योजनवल्ल्य् अनन्ता । (३७।१)

मानद्रुमो मोचरसः समङ्गा पुंनागशीतं मदनीयहेतुः ॥ (३७।२)

अम्बष्ठा मधुकं नमस्करी नन्दीवृक्षपलाशकच्छुराः । (३८।१)

लोध्रं धातकीबिल्वपेशिके कट्वङ्गः कमलोद्भवं रजः ॥ (३८।२)

गणौ प्रियङ्ग्वम्बष्ठादी पक्वातीसारनाशनौ । (३९।१)

संधानीयौ हितौ पित्ते व्रणानाम् अपि रोपणौ ॥ (३९।२)

मुस्तावचाग्निद्विनिशाद्वितिक्ताभल्लातपाठात्रिफलाविषाख्याः । (४०।१)

कुष्ठं त्रुटी हैमवती च योनिस्तन्यामयघ्ना मलपाचनाश् च ॥ (४०।२)

न्यग्रोधपिप्पलसदाफललोध्रयुग्मं जम्बूद्वयार्जुनकपीतनसोमवल्काः । (४१।१)

प्लक्षाम्रवञ्जुलपियालपलाशनन्दीकोलीकदम्बविरलामधुकं मधूकम् ॥ (४१।२)

न्यग्रोधादिर् गणो व्रण्यः संग्राही भग्नसाधनः । (४२।१)

मेदःपित्तास्रतृड्दाहयोनिरोगनिबर्हणः ॥ (४२।२)

एलायुग्मतुरुष्ककुष्ठफलिनीमांसीजलध्यामकं स्पृक्काचोरकचोचपत्त्रतगरस्थौणेयजातीरसाः । (४३।१)

शुक्तिर् व्याघ्रनखो ऽमराह्वम् अगुरुः श्रीवासकः कुङ्कुमं चण्डागुग्गुलुदेवधूपखपुराः पुंनागनागाह्वयम् । (४३।२)

एलादिको वातकफौ विषं च विनियच्छति । (४३।३)

वर्णप्रसादनः कण्डूपिटिकाकोठनाशनः ॥ (४३।४)

श्यामादन्तीद्रवन्तीक्रमुककुटरणाशङ्खिनीचर्मसाह्वा । (४४।१)

बस्तान्त्री व्याधिघातो बहलबहुरसस् तीक्ष्णवृक्षात् फलानि । (४४।३)

श्यामाद्यो हन्ति गुल्मं विषमरुचिकफौ हृद्रुजं मूत्रकृच्छ्रम् ॥ (४४।४)

त्रयस्त्रिंशद् इति प्रोक्ता वर्गास् तेषु त्व् अलाभतः । (४५।१)

युञ्ज्यात् तद्विधम् अन्यच् च द्रव्यं जह्याद् अयौगिकम् ॥ (४५।२)

एते वर्गा दोषदूष्याद्य् अपेक्ष्य कल्कक्वाथस्नेहलेहादियुक्ताः । (४६।१)

पाने नस्ये ऽन्वासने ऽन्तर् बहिर् वा लेपाभ्यङ्गैर् घ्नन्ति रोगान् सुकृच्छ्रान् ॥ (४६।२)