ए॒वा त॑ इंदो सु॒भ्वं॑ सु॒पेश॑सं॒ रसं॑ तुंजंति प्रथ॒मा अ॑भि॒श्रियः॑ ।
निदं॑निदं पवमान॒ नि ता॑रिष आ॒विस्ते॒ शुष्मो॑ भवतु प्रि॒यो मदः॑ ॥

एवा त इन्दो सुभ्वं सुपेशसं रसं तुञ्जन्ति प्रथमा अभिश्रियः |
निदं-निदम् पवमान नि तारिष आविस् ते शुष्मो भवतु प्रियो मदः ||

evā́ ta indo subhvám supéśasam rásam tuñjanti prathamā́ abhiśríyaḥ ǀ
nídaṃnidam pavamāna ní tāriṣa āvíste śúṣmo bhavatu priyó mádaḥ ǁ

evā ta indo subhvaṃ supeśasaṃ rasaṃ tuñjanti prathamā abhiśriyaḥ |
nidaṃ-nidam pavamāna ni tāriṣa āvis te śuṣmo bhavatu priyo madaḥ ||

ए॒व । ते॒ । इ॒न्दो॒ इति॑ । सु॒ऽभ्व॑म् । सु॒ऽपेश॑सम् । रस॑म् । तु॒ञ्ज॒न्ति॒ । प्र॒थ॒माः । अ॒भि॒ऽश्रियः॑ ।
निद॑म्ऽनिदम् । प॒व॒मा॒न॒ । नि । ता॒रि॒षः॒ । आ॒विः । ते॒ । शुष्मः॑ । भ॒व॒तु॒ । प्रि॒यः । मदः॑ ॥

एव । ते । इन्दो इति । सुऽभ्वम् । सुऽपेशसम् । रसम् । तुञ्जन्ति । प्रथमाः । अभिऽश्रियः ।
निदम्ऽनिदम् । पवमान । नि । तारिषः । आविः । ते । शुष्मः । भवतु । प्रियः । मदः ॥

evá ǀ te ǀ indo íti ǀ su-bhvám ǀ su-péśasam ǀ rásam ǀ tuñjanti ǀ prathamā́ḥ ǀ abhi-śríyaḥ ǀ
nídam-nidam ǀ pavamāna ǀ ní ǀ tāriṣaḥ ǀ āvíḥ ǀ te ǀ śúṣmaḥ ǀ bhavatu ǀ priyáḥ ǀ mádaḥ ǁ

eva ǀ te ǀ indo iti ǀ su-bhvam ǀ su-peśasam ǀ rasam ǀ tuñjanti ǀ prathamāḥ ǀ abhi-śriyaḥ ǀ
nidam-nidam ǀ pavamāna ǀ ni ǀ tāriṣaḥ ǀ āviḥ ǀ te ǀ śuṣmaḥ ǀ bhavatu ǀ priyaḥ ǀ madaḥ ǁ