Devatā देवता

Soma Pavamāna

Ṛṣi ऋषि

1-10: Akṛṣṭās (Alias Of Māṣā Sages); 11-20: Sikatās (Alias Of The Nivāvarī Sages); 21-30: Pṛṣṇis (Alias Of The Ajā Sages); 31-40: Atrayas; 41-45: Atri Bhauma; 46-48: Gṛtsamada Bhārgava Śaunaka

Chandas छन्दस्

Jagatī

1. Ṛk 1

   प्र त॑ आ॒शवः॑ पवमान धी॒जवो॒ मदा॑ अर्षंति रघु॒जा इ॑व॒ त्मना॑ ।
   दि॒व्याः सु॑प॒र्णा मधु॑मंत॒ इंद॑वो म॒दिंत॑मासः॒ परि॒ कोश॑मासते ॥

   प्र त आशवः पवमान धीजवो मदा अर्षन्ति रघुजा इव त्मना |
   दिव्याः सुपर्णा मधुमन्त इन्दवो मदिन्तमासः परि कोशम् आसते ||

   prá ta āśávaḥ pavamāna dhījávo mádā arṣanti raghujā́ iva tmánā ǀ
   divyā́ḥ suparṇā́ mádhumanta índavo madíntamāsaḥ pári kóśamāsate ǁ

   pra ta āśavaḥ pavamāna dhījavo madā arṣanti raghujā iva tmanā |
   divyāḥ suparṇā madhumanta indavo madintamāsaḥ pari kośam āsate ||

   प्र । ते॒ । आ॒शवः॑ । प॒व॒मा॒न॒ । धी॒ऽजवः॑ । मदाः॑ । अ॒र्ष॒न्ति॒ । र॒घु॒जाःऽइ॑व । त्मना॑ ।
   दि॒व्याः । सु॒ऽप॒र्णाः । मधु॑ऽमन्तः । इन्द॑वः । म॒दिन्ऽत॑मासः । परि॑ । कोश॑म् । आ॒स॒ते॒ ॥

   प्र । ते । आशवः । पवमान । धीऽजवः । मदाः । अर्षन्ति । रघुजाःऽइव । त्मना ।
   दिव्याः । सुऽपर्णाः । मधुऽमन्तः । इन्दवः । मदिन्ऽतमासः । परि । कोशम् । आसते ॥

   prá ǀ te ǀ āśávaḥ ǀ pavamāna ǀ dhī-jávaḥ ǀ mádāḥ ǀ arṣanti ǀ raghujā́ḥ-iva ǀ tmánā ǀ
   divyā́ḥ ǀ su-parṇā́ḥ ǀ mádhu-mantaḥ ǀ índavaḥ ǀ madín-tamāsaḥ ǀ pári ǀ kóśam ǀ āsate ǁ

   pra ǀ te ǀ āśavaḥ ǀ pavamāna ǀ dhī-javaḥ ǀ madāḥ ǀ arṣanti ǀ raghujāḥ-iva ǀ tmanā ǀ
   divyāḥ ǀ su-parṇāḥ ǀ madhu-mantaḥ ǀ indavaḥ ǀ madin-tamāsaḥ ǀ pari ǀ kośam ǀ āsate ǁ

   9.86.1 Aṣṭaka 7.3.12.1Anuvāka 9.5.1Interpretations

2. Ṛk 2

   प्र ते॒ मदा॑सो मदि॒रास॑ आ॒शवोऽसृ॑क्षत॒ रथ्या॑सो॒ यथा॒ पृथ॑क् ।
   धे॒नुर्न व॒त्सं पय॑सा॒भि व॒ज्रिण॒मिंद्र॒मिंद॑वो॒ मधु॑मंत ऊ॒र्मयः॑ ॥

   प्र ते मदासो मदिरास आशवो ऽसृक्षत रथ्यासो यथा पृथक् |
   धेनुर् न वत्सम् पयसाभि वज्रिणम् इन्द्रम् इन्दवो मधुमन्त ऊर्मयः ||

   prá te mádāso madirā́sa āśávó’sṛkṣata ráthyāso yáthā pṛ́thak ǀ
   dhenúrná vatsám páyasābhí vajríṇamíndramíndavo mádhumanta ūrmáyaḥ ǁ

   pra te madāso madirāsa āśavo 'sṛkṣata rathyāso yathā pṛthak |
   dhenur na vatsam payasābhi vajriṇam indram indavo madhumanta ūrmayaḥ ||

   प्र । ते॒ । मदा॑सः । म॒दि॒रासः॑ । आ॒शवः॑ । असृ॑क्षत । रथ्या॑सः । यथा॑ । पृथ॑क् ।
   धे॒नुः । न । व॒त्सम् । पय॑सा । अ॒भि । व॒ज्रिण॑म् । इन्द्र॑म् । इन्द॑वः । मधु॑ऽमन्तः । ऊ॒र्मयः॑ ॥

   प्र । ते । मदासः । मदिरासः । आशवः । असृक्षत । रथ्यासः । यथा । पृथक् ।
   धेनुः । न । वत्सम् । पयसा । अभि । वज्रिणम् । इन्द्रम् । इन्दवः । मधुऽमन्तः । ऊर्मयः ॥

   prá ǀ te ǀ mádāsaḥ ǀ madirā́saḥ ǀ āśávaḥ ǀ ásṛkṣata ǀ ráthyāsaḥ ǀ yáthā ǀ pṛ́thak ǀ
   dhenúḥ ǀ ná ǀ vatsám ǀ páyasā ǀ abhí ǀ vajríṇam ǀ índram ǀ índavaḥ ǀ mádhu-mantaḥ ǀ ūrmáyaḥ ǁ

   pra ǀ te ǀ madāsaḥ ǀ madirāsaḥ ǀ āśavaḥ ǀ asṛkṣata ǀ rathyāsaḥ ǀ yathā ǀ pṛthak ǀ
   dhenuḥ ǀ na ǀ vatsam ǀ payasā ǀ abhi ǀ vajriṇam ǀ indram ǀ indavaḥ ǀ madhu-mantaḥ ǀ ūrmayaḥ ǁ

   9.86.2 Aṣṭaka 7.3.12.2Anuvāka 9.5.2Interpretations

3. Ṛk 3

   अत्यो॒ न हि॑या॒नो अ॒भि वाज॑मर्ष स्व॒र्वित्कोशं॑ दि॒वो अद्रि॑मातरं ।
   वृषा॑ प॒वित्रे॒ अधि॒ सानो॑ अ॒व्यये॒ सोमः॑ पुना॒न इं॑द्रि॒याय॒ धाय॑से ॥

   अत्यो न हियानो अभि वाजम् अर्ष स्वर्वित् कोशं दिवो अद्रिमातरम् |
   वृषा पवित्रे अधि सानो अव्यये सोमः पुनान इन्द्रियाय धायसे ||

   átyo ná hiyānó abhí vā́jamarṣa svarvítkóśam divó ádrimātaram ǀ
   vṛ́ṣā pavítre ádhi sā́no avyáye sómaḥ punāná indriyā́ya dhā́yase ǁ

   atyo na hiyāno abhi vājam arṣa svarvit kośaṃ divo adrimātaram |
   vṛṣā pavitre adhi sāno avyaye somaḥ punāna indriyāya dhāyase ||

   अत्यः॑ । न । हि॒या॒नः । अ॒भि । वाज॑म् । अ॒र्ष॒ । स्वः॒ऽवित् । कोश॑म् । दि॒वः । अद्रि॑ऽमातरम् ।
   वृषा॑ । प॒वित्रे॑ । अधि॑ । सानौ॑ । अ॒व्यये॑ । सोमः॑ । पु॒ना॒नः । इ॒न्द्रि॒याय॑ । धाय॑से ॥

   अत्यः । न । हियानः । अभि । वाजम् । अर्ष । स्वःऽवित् । कोशम् । दिवः । अद्रिऽमातरम् ।
   वृषा । पवित्रे । अधि । सानौ । अव्यये । सोमः । पुनानः । इन्द्रियाय । धायसे ॥

   átyaḥ ǀ ná ǀ hiyānáḥ ǀ abhí ǀ vā́jam ǀ arṣa ǀ svaḥ-vít ǀ kóśam ǀ diváḥ ǀ ádri-mātaram ǀ
   vṛ́ṣā ǀ pavítre ǀ ádhi ǀ sā́nau ǀ avyáye ǀ sómaḥ ǀ punānáḥ ǀ indriyā́ya ǀ dhā́yase ǁ

   atyaḥ ǀ na ǀ hiyānaḥ ǀ abhi ǀ vājam ǀ arṣa ǀ svaḥ-vit ǀ kośam ǀ divaḥ ǀ adri-mātaram ǀ
   vṛṣā ǀ pavitre ǀ adhi ǀ sānau ǀ avyaye ǀ somaḥ ǀ punānaḥ ǀ indriyāya ǀ dhāyase ǁ

   9.86.3 Aṣṭaka 7.3.12.3Anuvāka 9.5.3Interpretations

4. Ṛk 4

   प्र त॒ आश्वि॑नीः पवमान धी॒जुवो॑ दि॒व्या अ॑सृग्र॒न्पय॑सा॒ धरी॑मणि ।
   प्रांतर्ऋष॑यः॒ स्थावि॑रीरसृक्षत॒ ये त्वा॑ मृ॒जंत्यृ॑षिषाण वे॒धसः॑ ॥

   प्र त आश्विनीः पवमान धीजुवो दिव्या असृग्रन् पयसा धरीमणि |
   प्रान्तर् ऋषय स्थाविरीर् असृक्षत ये त्वा मृजन्त्य् ऋषिषाण वेधसः ||

   prá ta ā́śvinīḥ pavamāna dhījúvo divyā́ asṛgranpáyasā dhárīmaṇi ǀ
   prā́ntárṛ́ṣayaḥ sthā́virīrasṛkṣata yé tvā mṛjántyṛṣiṣāṇa vedhásaḥ ǁ

   pra ta āśvinīḥ pavamāna dhījuvo divyā asṛgran payasā dharīmaṇi |
   prāntar ṛṣaya sthāvirīr asṛkṣata ye tvā mṛjanty ṛṣiṣāṇa vedhasaḥ ||

   प्र । ते॒ । आश्वि॑नीः । प॒व॒मा॒न॒ । धी॒ऽजुवः॑ । दि॒व्याः । अ॒सृ॒ग्र॒न् । पय॑सा । धरी॑मणि ।
   प्र । अ॒न्तः । ऋष॑यः । स्थावि॑रीः । अ॒सृ॒क्ष॒त॒ । ये । त्वा॒ । मृ॒जन्ति॑ । ऋ॒षि॒ऽसा॒ण॒ । वे॒धसः॑ ॥

   प्र । ते । आश्विनीः । पवमान । धीऽजुवः । दिव्याः । असृग्रन् । पयसा । धरीमणि ।
   प्र । अन्तः । ऋषयः । स्थाविरीः । असृक्षत । ये । त्वा । मृजन्ति । ऋषिऽसाण । वेधसः ॥

   prá ǀ te ǀ ā́śvinīḥ ǀ pavamāna ǀ dhī-júvaḥ ǀ divyā́ḥ ǀ asṛgran ǀ páyasā ǀ dhárīmaṇi ǀ
   prá ǀ antáḥ ǀ ṛ́ṣayaḥ ǀ sthā́virīḥ ǀ asṛkṣata ǀ yé ǀ tvā ǀ mṛjánti ǀ ṛṣi-sāṇa ǀ vedhásaḥ ǁ

   pra ǀ te ǀ āśvinīḥ ǀ pavamāna ǀ dhī-juvaḥ ǀ divyāḥ ǀ asṛgran ǀ payasā ǀ dharīmaṇi ǀ
   pra ǀ antaḥ ǀ ṛṣayaḥ ǀ sthāvirīḥ ǀ asṛkṣata ǀ ye ǀ tvā ǀ mṛjanti ǀ ṛṣi-sāṇa ǀ vedhasaḥ ǁ

   9.86.4 Aṣṭaka 7.3.12.4Anuvāka 9.5.4Interpretations

5. Ṛk 5

   विश्वा॒ धामा॑नि विश्वचक्ष॒ ऋभ्व॑सः प्र॒भोस्ते॑ स॒तः परि॑ यंति के॒तवः॑ ।
   व्या॒न॒शिः प॑वसे सोम॒ धर्म॑भिः॒ पति॒र्विश्व॑स्य॒ भुव॑नस्य राजसि ॥

   विश्वा धामानि विश्वचक्ष ऋभ्वसः प्रभोस् ते सतः परि यन्ति केतवः |
   व्यानशिः पवसे सोम धर्मभिः पतिर् विश्वस्य भुवनस्य राजसि ||

   víśvā dhā́māni viśvacakṣa ṛ́bhvasaḥ prabhóste satáḥ pári yanti ketávaḥ ǀ
   vyānaśíḥ pavase soma dhármabhiḥ pátirvíśvasya bhúvanasya rājasi ǁ

   viśvā dhāmāni viśvacakṣa ṛbhvasaḥ prabhos te sataḥ pari yanti ketavaḥ |
   vyānaśiḥ pavase soma dharmabhiḥ patir viśvasya bhuvanasya rājasi ||

   विश्वा॑ । धामा॑नि । वि॒श्व॒ऽच॒क्षः॒ । ऋभ्व॑सः । प्र॒ऽभोः । ते॒ । स॒तः । परि॑ । य॒न्ति॒ । के॒तवः॑ ।
   वि॒ऽआ॒न॒शिः । प॒व॒से॒ । सो॒म॒ । धर्म॑ऽभिः । पतिः॑ । विश्व॑स्य । भुव॑नस्य । रा॒ज॒सि॒ ॥

   विश्वा । धामानि । विश्वऽचक्षः । ऋभ्वसः । प्रऽभोः । ते । सतः । परि । यन्ति । केतवः ।
   विऽआनशिः । पवसे । सोम । धर्मऽभिः । पतिः । विश्वस्य । भुवनस्य । राजसि ॥

   víśvā ǀ dhā́māni ǀ viśva-cakṣaḥ ǀ ṛ́bhvasaḥ ǀ pra-bhóḥ ǀ te ǀ satáḥ ǀ pári ǀ yanti ǀ ketávaḥ ǀ
   vi-ānaśíḥ ǀ pavase ǀ soma ǀ dhárma-bhiḥ ǀ pátiḥ ǀ víśvasya ǀ bhúvanasya ǀ rājasi ǁ

   viśvā ǀ dhāmāni ǀ viśva-cakṣaḥ ǀ ṛbhvasaḥ ǀ pra-bhoḥ ǀ te ǀ sataḥ ǀ pari ǀ yanti ǀ ketavaḥ ǀ
   vi-ānaśiḥ ǀ pavase ǀ soma ǀ dharma-bhiḥ ǀ patiḥ ǀ viśvasya ǀ bhuvanasya ǀ rājasi ǁ

   9.86.5 Aṣṭaka 7.3.12.5Anuvāka 9.5.5Interpretations

6. Ṛk 6

   उ॒भ॒यतः॒ पव॑मानस्य र॒श्मयो॑ ध्रु॒वस्य॑ स॒तः परि॑ यंति के॒तवः॑ ।
   यदी॑ प॒वित्रे॒ अधि॑ मृ॒ज्यते॒ हरिः॒ सत्ता॒ नि योना॑ क॒लशे॑षु सीदति ॥

   उभयतः पवमानस्य रश्मयो ध्रुवस्य सतः परि यन्ति केतवः |
   यदी पवित्रे अधि मृज्यते हरिः सत्ता नि योना कलशेषु सीदति ||

   ubhayátaḥ pávamānasya raśmáyo dhruvásya satáḥ pári yanti ketávaḥ ǀ
   yádī pavítre ádhi mṛjyáte háriḥ sáttā ní yónā kaláśeṣu sīdati ǁ

   ubhayataḥ pavamānasya raśmayo dhruvasya sataḥ pari yanti ketavaḥ |
   yadī pavitre adhi mṛjyate hariḥ sattā ni yonā kalaśeṣu sīdati ||

   उ॒भ॒यतः॑ । पव॑मानस्य । र॒श्मयः॑ । ध्रु॒वस्य॑ । स॒तः । परि॑ । य॒न्ति॒ । के॒तवः॑ ।
   यदि॑ । प॒वित्रे॑ । अधि॑ । मृ॒ज्यते॑ । हरिः॑ । सत्ता॑ । नि । योना॑ । क॒लशे॑षु । सी॒द॒ति॒ ॥

   उभयतः । पवमानस्य । रश्मयः । ध्रुवस्य । सतः । परि । यन्ति । केतवः ।
   यदि । पवित्रे । अधि । मृज्यते । हरिः । सत्ता । नि । योना । कलशेषु । सीदति ॥

   ubhayátaḥ ǀ pávamānasya ǀ raśmáyaḥ ǀ dhruvásya ǀ satáḥ ǀ pári ǀ yanti ǀ ketávaḥ ǀ
   yádi ǀ pavítre ǀ ádhi ǀ mṛjyáte ǀ háriḥ ǀ sáttā ǀ ní ǀ yónā ǀ kaláśeṣu ǀ sīdati ǁ

   ubhayataḥ ǀ pavamānasya ǀ raśmayaḥ ǀ dhruvasya ǀ sataḥ ǀ pari ǀ yanti ǀ ketavaḥ ǀ
   yadi ǀ pavitre ǀ adhi ǀ mṛjyate ǀ hariḥ ǀ sattā ǀ ni ǀ yonā ǀ kalaśeṣu ǀ sīdati ǁ

   9.86.6 Aṣṭaka 7.3.13.1Anuvāka 9.5.6Interpretations

7. Ṛk 7

   य॒ज्ञस्य॑ के॒तुः प॑वते स्वध्व॒रः सोमो॑ दे॒वाना॒मुप॑ याति निष्कृ॒तं ।
   स॒हस्र॑धारः॒ परि॒ कोश॑मर्षति॒ वृषा॑ प॒वित्र॒मत्ये॑ति॒ रोरु॑वत् ॥

   यज्ञस्य केतुः पवते स्वध्वरः सोमो देवानाम् उप याति निष्कृतम् |
   सहस्रधारः परि कोशम् अर्षति वृषा पवित्रम् अत्य् एति रोरुवत् ||

   yajñásya ketúḥ pavate svadhvaráḥ sómo devā́nāmúpa yāti niṣkṛtám ǀ
   sahásradhāraḥ pári kóśamarṣati vṛ́ṣā pavítramátyeti róruvat ǁ

   yajñasya ketuḥ pavate svadhvaraḥ somo devānām upa yāti niṣkṛtam |
   sahasradhāraḥ pari kośam arṣati vṛṣā pavitram aty eti roruvat ||

   य॒ज्ञस्य॑ । के॒तुः । प॒व॒ते॒ । सु॒ऽअ॒ध्व॒रः । सोमः॑ । दे॒वाना॑म् । उप॑ । या॒ति॒ । निः॒ऽकृ॒तम् ।
   स॒हस्र॑ऽधारः । परि॑ । कोश॑म् । अ॒र्ष॒ति॒ । वृषा॑ । प॒वित्र॑म् । अति॑ । ए॒ति॒ । रोरु॑वत् ॥

   यज्ञस्य । केतुः । पवते । सुऽअध्वरः । सोमः । देवानाम् । उप । याति । निःऽकृतम् ।
   सहस्रऽधारः । परि । कोशम् । अर्षति । वृषा । पवित्रम् । अति । एति । रोरुवत् ॥

   yajñásya ǀ ketúḥ ǀ pavate ǀ su-adhvaráḥ ǀ sómaḥ ǀ devā́nām ǀ úpa ǀ yāti ǀ niḥ-kṛtám ǀ
   sahásra-dhāraḥ ǀ pári ǀ kóśam ǀ arṣati ǀ vṛ́ṣā ǀ pavítram ǀ áti ǀ eti ǀ róruvat ǁ

   yajñasya ǀ ketuḥ ǀ pavate ǀ su-adhvaraḥ ǀ somaḥ ǀ devānām ǀ upa ǀ yāti ǀ niḥ-kṛtam ǀ
   sahasra-dhāraḥ ǀ pari ǀ kośam ǀ arṣati ǀ vṛṣā ǀ pavitram ǀ ati ǀ eti ǀ roruvat ǁ

   9.86.7 Aṣṭaka 7.3.13.2Anuvāka 9.5.7Interpretations

8. Ṛk 8

   राजा॑ समु॒द्रं न॒द्यो॒३॒॑ वि गा॑हते॒ऽपामू॒र्मिं स॑चते॒ सिंधु॑षु श्रि॒तः ।
   अध्य॑स्था॒त्सानु॒ पव॑मानो अ॒व्ययं॒ नाभा॑ पृथि॒व्या ध॒रुणो॑ म॒हो दि॒वः ॥

   राजा समुद्रं नद्यो वि गाहते ऽपाम् ऊर्मिं सचते सिन्धुषु श्रितः |
   अध्य् अस्थात् सानु पवमानो अव्ययं नाभा पृथिव्या धरुणो महो दिवः ||

   rā́jā samudrám nadyó ví gāhate’pā́mūrmím sacate síndhuṣu śritáḥ ǀ
   ádhyasthātsā́nu pávamāno avyáyam nā́bhā pṛthivyā́ dharúṇo mahó diváḥ ǁ

   rājā samudraṃ nadyo vi gāhate 'pām ūrmiṃ sacate sindhuṣu śritaḥ |
   adhy asthāt sānu pavamāno avyayaṃ nābhā pṛthivyā dharuṇo maho divaḥ ||

   राजा॑ । स॒मु॒द्रम् । न॒द्यः॑ । वि । गा॒ह॒ते॒ । अ॒पाम् । ऊ॒र्मिम् । स॒च॒ते॒ । सिन्धु॑षु । श्रि॒तः ।
   अधि॑ । अ॒स्था॒त् । सानु॑ । पव॑मानः । अ॒व्यय॑म् । नाभा॑ । पृ॒थि॒व्याः । ध॒रुणः॑ । म॒हः । दि॒वः ॥

   राजा । समुद्रम् । नद्यः । वि । गाहते । अपाम् । ऊर्मिम् । सचते । सिन्धुषु । श्रितः ।
   अधि । अस्थात् । सानु । पवमानः । अव्ययम् । नाभा । पृथिव्याः । धरुणः । महः । दिवः ॥

   rā́jā ǀ samudrám ǀ nadyáḥ ǀ ví ǀ gāhate ǀ apā́m ǀ ūrmím ǀ sacate ǀ síndhuṣu ǀ śritáḥ ǀ
   ádhi ǀ asthāt ǀ sā́nu ǀ pávamānaḥ ǀ avyáyam ǀ nā́bhā ǀ pṛthivyā́ḥ ǀ dharúṇaḥ ǀ maháḥ ǀ diváḥ ǁ

   rājā ǀ samudram ǀ nadyaḥ ǀ vi ǀ gāhate ǀ apām ǀ ūrmim ǀ sacate ǀ sindhuṣu ǀ śritaḥ ǀ
   adhi ǀ asthāt ǀ sānu ǀ pavamānaḥ ǀ avyayam ǀ nābhā ǀ pṛthivyāḥ ǀ dharuṇaḥ ǀ mahaḥ ǀ divaḥ ǁ

   9.86.8 Aṣṭaka 7.3.13.3Anuvāka 9.5.8Interpretations

9. Ṛk 9

   दि॒वो न सानु॑ स्त॒नय॑न्नचिक्रद॒द्द्यौश्च॒ यस्य॑ पृथि॒वी च॒ धर्म॑भिः ।
   इंद्र॑स्य स॒ख्यं प॑वते वि॒वेवि॑द॒त्सोमः॑ पुना॒नः क॒लशे॑षु सीदति ॥

   दिवो न सानु स्तनयन्न् अचिक्रदद् द्यौश् च यस्य पृथिवी च धर्मभिः |
   इन्द्रस्य सख्यम् पवते विवेविदत् सोमः पुनानः कलशेषु सीदति ||

   divó ná sā́nu stanáyannacikradaddyáuśca yásya pṛthivī́ ca dhármabhiḥ ǀ
   índrasya sakhyám pavate vivévidatsómaḥ punānáḥ kaláśeṣu sīdati ǁ

   divo na sānu stanayann acikradad dyauś ca yasya pṛthivī ca dharmabhiḥ |
   indrasya sakhyam pavate vivevidat somaḥ punānaḥ kalaśeṣu sīdati ||

   दि॒वः । न । सानु॑ । स्त॒नय॑न् । अ॒चि॒क्र॒द॒त् । द्यौः । च॒ । यस्य॑ । पृ॒थि॒वी । च॒ । धर्म॑ऽभिः ।
   इन्द्र॑स्य । स॒ख्यम् । प॒व॒ते॒ । वि॒ऽवेवि॑दत् । सोमः॑ । पु॒ना॒नः । क॒लशे॑षु । सी॒द॒ति॒ ॥

   दिवः । न । सानु । स्तनयन् । अचिक्रदत् । द्यौः । च । यस्य । पृथिवी । च । धर्मऽभिः ।
   इन्द्रस्य । सख्यम् । पवते । विऽवेविदत् । सोमः । पुनानः । कलशेषु । सीदति ॥

   diváḥ ǀ ná ǀ sā́nu ǀ stanáyan ǀ acikradat ǀ dyáuḥ ǀ ca ǀ yásya ǀ pṛthivī́ ǀ ca ǀ dhárma-bhiḥ ǀ
   índrasya ǀ sakhyám ǀ pavate ǀ vi-vévidat ǀ sómaḥ ǀ punānáḥ ǀ kaláśeṣu ǀ sīdati ǁ

   divaḥ ǀ na ǀ sānu ǀ stanayan ǀ acikradat ǀ dyauḥ ǀ ca ǀ yasya ǀ pṛthivī ǀ ca ǀ dharma-bhiḥ ǀ
   indrasya ǀ sakhyam ǀ pavate ǀ vi-vevidat ǀ somaḥ ǀ punānaḥ ǀ kalaśeṣu ǀ sīdati ǁ

   9.86.9 Aṣṭaka 7.3.13.4Anuvāka 9.5.9Interpretations

10. Ṛk 10

    ज्योति॑र्य॒ज्ञस्य॑ पवते॒ मधु॑ प्रि॒यं पि॒ता दे॒वानां॑ जनि॒ता वि॒भूव॑सुः ।
    दधा॑ति॒ रत्नं॑ स्व॒धयो॑रपी॒च्यं॑ म॒दिंत॑मो मत्स॒र इं॑द्रि॒यो रसः॑ ॥

    ज्योतिर् यज्ञस्य पवते मधु प्रियम् पिता देवानां जनिता विभूवसुः |
    दधाति रत्नं स्वधयोर् अपीच्यम् मदिन्तमो मत्सर इन्द्रियो रसः ||

    jyótiryajñásya pavate mádhu priyám pitā́ devā́nām janitā́ vibhū́vasuḥ ǀ
    dádhāti rátnam svadháyorapīcyám madíntamo matsará indriyó rásaḥ ǁ

    jyotir yajñasya pavate madhu priyam pitā devānāṃ janitā vibhūvasuḥ |
    dadhāti ratnaṃ svadhayor apīcyam madintamo matsara indriyo rasaḥ ||

    ज्योतिः॑ । य॒ज्ञस्य॑ । प॒व॒ते॒ । मधु॑ । प्रि॒यम् । पि॒ता । दे॒वाना॑म् । ज॒नि॒ता । वि॒भुऽव॑सुः ।
    दधा॑ति । रत्न॑म् । स्व॒धयोः॑ । अ॒पी॒च्य॑म् । म॒दिन्ऽत॑मः । म॒त्स॒रः । इ॒न्द्रि॒यः । रसः॑ ॥

    ज्योतिः । यज्ञस्य । पवते । मधु । प्रियम् । पिता । देवानाम् । जनिता । विभुऽवसुः ।
    दधाति । रत्नम् । स्वधयोः । अपीच्यम् । मदिन्ऽतमः । मत्सरः । इन्द्रियः । रसः ॥

    jyótiḥ ǀ yajñásya ǀ pavate ǀ mádhu ǀ priyám ǀ pitā́ ǀ devā́nām ǀ janitā́ ǀ vibhú-vasuḥ ǀ
    dádhāti ǀ rátnam ǀ svadháyoḥ ǀ apīcyám ǀ madín-tamaḥ ǀ matsaráḥ ǀ indriyáḥ ǀ rásaḥ ǁ

    jyotiḥ ǀ yajñasya ǀ pavate ǀ madhu ǀ priyam ǀ pitā ǀ devānām ǀ janitā ǀ vibhu-vasuḥ ǀ
    dadhāti ǀ ratnam ǀ svadhayoḥ ǀ apīcyam ǀ madin-tamaḥ ǀ matsaraḥ ǀ indriyaḥ ǀ rasaḥ ǁ

    9.86.10 Aṣṭaka 7.3.13.5Anuvāka 9.5.10Interpretations

11. Ṛk 11

    अ॒भि॒क्रंद॑न्क॒लशं॑ वा॒ज्य॑र्षति॒ पति॑र्दि॒वः श॒तधा॑रो विचक्ष॒णः ।
    हरि॑र्मि॒त्रस्य॒ सद॑नेषु सीदति मर्मृजा॒नोऽवि॑भिः॒ सिंधु॑भि॒र्वृषा॑ ॥

    अभिक्रन्दन् कलशं वाज्य् अर्षति पतिर् दिवः शतधारो विचक्षणः |
    हरिर् मित्रस्य सदनेषु सीदति मर्मृजानो ऽविभिः सिन्धुभिर् वृषा ||

    abhikrándankaláśam vājyárṣati pátirdiváḥ śatádhāro vicakṣaṇáḥ ǀ
    hárirmitrásya sádaneṣu sīdati marmṛjānó’vibhiḥ síndhubhirvṛ́ṣā ǁ

    abhikrandan kalaśaṃ vājy arṣati patir divaḥ śatadhāro vicakṣaṇaḥ |
    harir mitrasya sadaneṣu sīdati marmṛjāno 'vibhiḥ sindhubhir vṛṣā ||

    अ॒भि॒ऽक्रन्द॑न् । क॒लश॑म् । वा॒जी । अ॒र्ष॒ति॒ । पतिः॑ । दि॒वः । श॒तऽधा॑रः । वि॒ऽच॒क्ष॒णः ।
    हरिः॑ । मि॒त्रस्य॑ । सद॑नेषु । सी॒द॒ति॒ । म॒र्मृ॒जा॒नः । अवि॑ऽभिः । सिन्धु॑ऽभिः । वृषा॑ ॥

    अभिऽक्रन्दन् । कलशम् । वाजी । अर्षति । पतिः । दिवः । शतऽधारः । विऽचक्षणः ।
    हरिः । मित्रस्य । सदनेषु । सीदति । मर्मृजानः । अविऽभिः । सिन्धुऽभिः । वृषा ॥

    abhi-krándan ǀ kaláśam ǀ vājī́ ǀ arṣati ǀ pátiḥ ǀ diváḥ ǀ śatá-dhāraḥ ǀ vi-cakṣaṇáḥ ǀ
    háriḥ ǀ mitrásya ǀ sádaneṣu ǀ sīdati ǀ marmṛjānáḥ ǀ ávi-bhiḥ ǀ síndhu-bhiḥ ǀ vṛ́ṣā ǁ

    abhi-krandan ǀ kalaśam ǀ vājī ǀ arṣati ǀ patiḥ ǀ divaḥ ǀ śata-dhāraḥ ǀ vi-cakṣaṇaḥ ǀ
    hariḥ ǀ mitrasya ǀ sadaneṣu ǀ sīdati ǀ marmṛjānaḥ ǀ avi-bhiḥ ǀ sindhu-bhiḥ ǀ vṛṣā ǁ

    9.86.11 Aṣṭaka 7.3.14.1Anuvāka 9.5.11Interpretations

12. Ṛk 12

    अग्रे॒ सिंधू॑नां॒ पव॑मानो अर्ष॒त्यग्रे॑ वा॒चो अ॑ग्रि॒यो गोषु॑ गच्छति ।
    अग्रे॒ वाज॑स्य भजते महाध॒नं स्वा॑यु॒धः सो॒तृभिः॑ पूयते॒ वृषा॑ ॥

    अग्रे सिन्धूनाम् पवमानो अर्षत्य् अग्रे वाचो अग्रियो गोषु गच्छति |
    अग्रे वाजस्य भजते महाधनं स्वायुधः सोतृभिः पूयते वृषा ||

    ágre síndhūnām pávamāno arṣatyágre vācó agriyó góṣu gacchati ǀ
    ágre vā́jasya bhajate mahādhanám svāyudháḥ sotṛ́bhiḥ pūyate vṛ́ṣā ǁ

    agre sindhūnām pavamāno arṣaty agre vāco agriyo goṣu gacchati |
    agre vājasya bhajate mahādhanaṃ svāyudhaḥ sotṛbhiḥ pūyate vṛṣā ||

    अग्रे॑ । सिन्धू॑नाम् । पव॑मानः । अ॒र्ष॒ति॒ । अग्रे॑ । वा॒चः । अ॒ग्रि॒यः । गोषु॑ । ग॒च्छ॒ति॒ ।
    अग्रे॑ । वाज॑स्य । भ॒ज॒ते॒ । म॒हा॒ऽध॒नम् । सु॒ऽआ॒यु॒धः । सो॒तृऽभिः॑ । पू॒य॒ते॒ । वृषा॑ ॥

    अग्रे । सिन्धूनाम् । पवमानः । अर्षति । अग्रे । वाचः । अग्रियः । गोषु । गच्छति ।
    अग्रे । वाजस्य । भजते । महाऽधनम् । सुऽआयुधः । सोतृऽभिः । पूयते । वृषा ॥

    ágre ǀ síndhūnām ǀ pávamānaḥ ǀ arṣati ǀ ágre ǀ vācáḥ ǀ agriyáḥ ǀ góṣu ǀ gacchati ǀ
    ágre ǀ vā́jasya ǀ bhajate ǀ mahā-dhanám ǀ su-āyudháḥ ǀ sotṛ́-bhiḥ ǀ pūyate ǀ vṛ́ṣā ǁ

    agre ǀ sindhūnām ǀ pavamānaḥ ǀ arṣati ǀ agre ǀ vācaḥ ǀ agriyaḥ ǀ goṣu ǀ gacchati ǀ
    agre ǀ vājasya ǀ bhajate ǀ mahā-dhanam ǀ su-āyudhaḥ ǀ sotṛ-bhiḥ ǀ pūyate ǀ vṛṣā ǁ

    9.86.12 Aṣṭaka 7.3.14.2Anuvāka 9.5.12Interpretations

13. Ṛk 13

    अ॒यं म॒तवां॑छकु॒नो यथा॑ हि॒तोऽव्ये॑ ससार॒ पव॑मान ऊ॒र्मिणा॑ ।
    तव॒ क्रत्वा॒ रोद॑सी अंत॒रा क॑वे॒ शुचि॑र्धि॒या प॑वते॒ सोम॑ इंद्र ते ॥

    अयम् मतवाञ् छकुनो यथा हितो ऽव्ये ससार पवमान ऊर्मिणा |
    तव क्रत्वा रोदसी अन्तरा कवे शुचिर् धिया पवते सोम इन्द्र ते ||

    ayám matávāñchakunó yáthā hitó’vye sasāra pávamāna ūrmíṇā ǀ
    táva krátvā ródasī antarā́ kave śúcirdhiyā́ pavate sóma indra te ǁ

    ayam matavāñ chakuno yathā hito 'vye sasāra pavamāna ūrmiṇā |
    tava kratvā rodasī antarā kave śucir dhiyā pavate soma indra te ||

    अ॒यम् । म॒तऽवा॑न् । श॒कु॒नः । यथा॑ । हि॒तः । अव्ये॑ । स॒सा॒र॒ । पव॑मानः । ऊ॒र्मिणा॑ ।
    तव॑ । क्रत्वा॑ । रोद॑सी॒ इति॑ । अ॒न्त॒रा । क॒वे॒ । शुचिः॑ । धि॒या । प॒व॒ते॒ । सोमः॑ । इ॒न्द्र॒ । ते॒ ॥

    अयम् । मतऽवान् । शकुनः । यथा । हितः । अव्ये । ससार । पवमानः । ऊर्मिणा ।
    तव । क्रत्वा । रोदसी इति । अन्तरा । कवे । शुचिः । धिया । पवते । सोमः । इन्द्र । ते ॥

    ayám ǀ matá-vān ǀ śakunáḥ ǀ yáthā ǀ hitáḥ ǀ ávye ǀ sasāra ǀ pávamānaḥ ǀ ūrmíṇā ǀ
    táva ǀ krátvā ǀ ródasī íti ǀ antarā́ ǀ kave ǀ śúciḥ ǀ dhiyā́ ǀ pavate ǀ sómaḥ ǀ indra ǀ te ǁ

    ayam ǀ mata-vān ǀ śakunaḥ ǀ yathā ǀ hitaḥ ǀ avye ǀ sasāra ǀ pavamānaḥ ǀ ūrmiṇā ǀ
    tava ǀ kratvā ǀ rodasī iti ǀ antarā ǀ kave ǀ śuciḥ ǀ dhiyā ǀ pavate ǀ somaḥ ǀ indra ǀ te ǁ

    9.86.13 Aṣṭaka 7.3.14.3Anuvāka 9.5.13Interpretations

14. Ṛk 14

    द्रा॒पिं वसा॑नो यज॒तो दि॑वि॒स्पृश॑मंतरिक्ष॒प्रा भुव॑ने॒ष्वर्पि॑तः ।
    स्व॑र्जज्ञा॒नो नभ॑सा॒भ्य॑क्रमीत्प्र॒त्नम॑स्य पि॒तर॒मा वि॑वासति ॥

    द्रापिं वसानो यजतो दिविस्पृशम् अन्तरिक्षप्रा भुवनेष्व् अर्पितः |
    स्वर् जज्ञानो नभसाभ्य् अक्रमीत् प्रत्नम् अस्य पितरम् आ विवासति ||

    drāpím vásāno yajató divispṛ́śamantarikṣaprā́ bhúvaneṣvárpitaḥ ǀ
    svárjajñānó nábhasābhyákramītpratnámasya pitáramā́ vivāsati ǁ

    drāpiṃ vasāno yajato divispṛśam antarikṣaprā bhuvaneṣv arpitaḥ |
    svar jajñāno nabhasābhy akramīt pratnam asya pitaram ā vivāsati ||

    द्रा॒पिम् । वसा॑नः । य॒ज॒तः । दि॒वि॒ऽस्पृश॑म् । अ॒न्त॒रि॒क्ष॒ऽप्राः । भुव॑नेषु । अर्पि॑तः ।
    स्वः॑ । ज॒ज्ञा॒नः । नभ॑सा । अ॒भि । अ॒क्र॒मी॒त् । प्र॒त्नम् । अ॒स्य॒ । पि॒तर॑म् । आ । वि॒वा॒स॒ति॒ ॥

    द्रापिम् । वसानः । यजतः । दिविऽस्पृशम् । अन्तरिक्षऽप्राः । भुवनेषु । अर्पितः ।
    स्वः । जज्ञानः । नभसा । अभि । अक्रमीत् । प्रत्नम् । अस्य । पितरम् । आ । विवासति ॥

    drāpím ǀ vásānaḥ ǀ yajatáḥ ǀ divi-spṛ́śam ǀ antarikṣa-prā́ḥ ǀ bhúvaneṣu ǀ árpitaḥ ǀ
    sváḥ ǀ jajñānáḥ ǀ nábhasā ǀ abhí ǀ akramīt ǀ pratnám ǀ asya ǀ pitáram ǀ ā́ ǀ vivāsati ǁ

    drāpim ǀ vasānaḥ ǀ yajataḥ ǀ divi-spṛśam ǀ antarikṣa-prāḥ ǀ bhuvaneṣu ǀ arpitaḥ ǀ
    svaḥ ǀ jajñānaḥ ǀ nabhasā ǀ abhi ǀ akramīt ǀ pratnam ǀ asya ǀ pitaram ǀ ā ǀ vivāsati ǁ

    9.86.14 Aṣṭaka 7.3.14.4Anuvāka 9.5.14Interpretations

15. Ṛk 15

    सो अ॑स्य वि॒शे महि॒ शर्म॑ यच्छति॒ यो अ॑स्य॒ धाम॑ प्रथ॒मं व्या॑न॒शे ।
    प॒दं यद॑स्य पर॒मे व्यो॑म॒न्यतो॒ विश्वा॑ अ॒भि सं या॑ति सं॒यतः॑ ॥

    सो अस्य विशे महि शर्म यच्छति यो अस्य धाम प्रथमं व्यानशे |
    पदं यद् अस्य परमे व्योमन्य् अतो विश्वा अभि सं याति संयतः ||

    só asya viśé máhi śárma yacchati yó asya dhā́ma prathamám vyānaśé ǀ
    padám yádasya paramé vyómanyáto víśvā abhí sám yāti saṃyátaḥ ǁ

    so asya viśe mahi śarma yacchati yo asya dhāma prathamaṃ vyānaśe |
    padaṃ yad asya parame vyomany ato viśvā abhi saṃ yāti saṃyataḥ ||

    सः । अ॒स्य॒ । वि॒शे । महि॑ । शर्म॑ । य॒च्छ॒ति॒ । यः । अ॒स्य॒ । धाम॑ । प्र॒थ॒मम् । वि॒ऽआ॒न॒शे ।
    प॒दम् । यत् । अ॒स्य॒ । प॒र॒मे । विऽओ॑मनि । अतः॑ । विश्वाः॑ । अ॒भि । सम् । या॒ति॒ । स॒म्ऽयतः॑ ॥

    सः । अस्य । विशे । महि । शर्म । यच्छति । यः । अस्य । धाम । प्रथमम् । विऽआनशे ।
    पदम् । यत् । अस्य । परमे । विऽओमनि । अतः । विश्वाः । अभि । सम् । याति । सम्ऽयतः ॥

    sáḥ ǀ asya ǀ viśé ǀ máhi ǀ śárma ǀ yacchati ǀ yáḥ ǀ asya ǀ dhā́ma ǀ prathamám ǀ vi-ānaśé ǀ
    padám ǀ yát ǀ asya ǀ paramé ǀ ví-omani ǀ átaḥ ǀ víśvāḥ ǀ abhí ǀ sám ǀ yāti ǀ sam-yátaḥ ǁ

    saḥ ǀ asya ǀ viśe ǀ mahi ǀ śarma ǀ yacchati ǀ yaḥ ǀ asya ǀ dhāma ǀ prathamam ǀ vi-ānaśe ǀ
    padam ǀ yat ǀ asya ǀ parame ǀ vi-omani ǀ ataḥ ǀ viśvāḥ ǀ abhi ǀ sam ǀ yāti ǀ sam-yataḥ ǁ

    9.86.15 Aṣṭaka 7.3.14.5Anuvāka 9.5.15Interpretations

16. Ṛk 16

    प्रो अ॑यासी॒दिंदु॒रिंद्र॑स्य निष्कृ॒तं सखा॒ सख्यु॒र्न प्र मि॑नाति सं॒गिरं॑ ।
    मर्य॑ इव युव॒तिभिः॒ सम॑र्षति॒ सोमः॑ क॒लशे॑ श॒तया॑म्ना प॒था ॥

    प्रो अयासीद् इन्दुर् इन्द्रस्य निष्कृतं सखा सख्युर् न प्र मिनाति संगिरम् |
    मर्य इव युवतिभिः सम् अर्षति सोमः कलशे शतयाम्ना पथा ||

    pró ayāsīdínduríndrasya niṣkṛtám sákhā sákhyurná prá mināti saṃgíram ǀ
    márya iva yuvatíbhiḥ sámarṣati sómaḥ kaláśe śatáyāmnā pathā́ ǁ

    pro ayāsīd indur indrasya niṣkṛtaṃ sakhā sakhyur na pra mināti saṃgiram |
    marya iva yuvatibhiḥ sam arṣati somaḥ kalaśe śatayāmnā pathā ||

    प्रो इति॑ । अ॒या॒सी॒त् । इन्दुः॑ । इन्द्र॑स्य । निः॒ऽकृ॒तम् । सखा॑ । सख्युः॑ । न । प्र । मि॒ना॒ति॒ । स॒म्ऽगिर॑म् ।
    मर्यः॑ऽइव । यु॒व॒तिऽभिः॑ । सम् । अ॒र्ष॒ति॒ । सोमः॑ । क॒लशे॑ । श॒तऽया॑म्ना । प॒था ॥

    प्रो इति । अयासीत् । इन्दुः । इन्द्रस्य । निःऽकृतम् । सखा । सख्युः । न । प्र । मिनाति । सम्ऽगिरम् ।
    मर्यःऽइव । युवतिऽभिः । सम् । अर्षति । सोमः । कलशे । शतऽयाम्ना । पथा ॥

    pró íti ǀ ayāsīt ǀ índuḥ ǀ índrasya ǀ niḥ-kṛtám ǀ sákhā ǀ sákhyuḥ ǀ ná ǀ prá ǀ mināti ǀ sam-gíram ǀ
    máryaḥ-iva ǀ yuvatí-bhiḥ ǀ sám ǀ arṣati ǀ sómaḥ ǀ kaláśe ǀ śatá-yāmnā ǀ pathā́ ǁ

    pro iti ǀ ayāsīt ǀ induḥ ǀ indrasya ǀ niḥ-kṛtam ǀ sakhā ǀ sakhyuḥ ǀ na ǀ pra ǀ mināti ǀ sam-giram ǀ
    maryaḥ-iva ǀ yuvati-bhiḥ ǀ sam ǀ arṣati ǀ somaḥ ǀ kalaśe ǀ śata-yāmnā ǀ pathā ǁ

    9.86.16 Aṣṭaka 7.3.15.1Anuvāka 9.5.16Interpretations

17. Ṛk 17

    प्र वो॒ धियो॑ मंद्र॒युवो॑ विप॒न्युवः॑ पन॒स्युवः॑ सं॒वस॑नेष्वक्रमुः ।
    सोमं॑ मनी॒षा अ॒भ्य॑नूषत॒ स्तुभो॒ऽभि धे॒नवः॒ पय॑सेमशिश्रयुः ॥

    प्र वो धियो मन्द्रयुवो विपन्युवः पनस्युवः संवसनेष्व् अक्रमुः |
    सोमम् मनीषा अभ्य् अनूषत स्तुभो ऽभि धेनवः पयसेम् अशिश्रयुः ||

    prá vo dhíyo mandrayúvo vipanyúvaḥ panasyúvaḥ saṃvásaneṣvakramuḥ ǀ
    sómam manīṣā́ abhyánūṣata stúbho’bhí dhenávaḥ páyasemaśiśrayuḥ ǁ

    pra vo dhiyo mandrayuvo vipanyuvaḥ panasyuvaḥ saṃvasaneṣv akramuḥ |
    somam manīṣā abhy anūṣata stubho 'bhi dhenavaḥ payasem aśiśrayuḥ ||

    प्र । वः॒ । धियः॑ । म॒न्द्र॒ऽयुवः॑ । वि॒प॒न्युवः॑ । प॒न॒स्युवः॑ । स॒म्ऽवस॑नेषु । अ॒क्र॒मुः॒ ।
    सोम॑म् । म॒नी॒षाः । अ॒भि । अ॒नू॒ष॒त॒ । स्तुभः॑ । अ॒भि । धे॒नवः॑ । पय॑सा । ई॒म् । अ॒शि॒श्र॒युः॒ ॥

    प्र । वः । धियः । मन्द्रऽयुवः । विपन्युवः । पनस्युवः । सम्ऽवसनेषु । अक्रमुः ।
    सोमम् । मनीषाः । अभि । अनूषत । स्तुभः । अभि । धेनवः । पयसा । ईम् । अशिश्रयुः ॥

    prá ǀ vaḥ ǀ dhíyaḥ ǀ mandra-yúvaḥ ǀ vipanyúvaḥ ǀ panasyúvaḥ ǀ sam-vásaneṣu ǀ akramuḥ ǀ
    sómam ǀ manīṣā́ḥ ǀ abhí ǀ anūṣata ǀ stúbhaḥ ǀ abhí ǀ dhenávaḥ ǀ páyasā ǀ īm ǀ aśiśrayuḥ ǁ

    pra ǀ vaḥ ǀ dhiyaḥ ǀ mandra-yuvaḥ ǀ vipanyuvaḥ ǀ panasyuvaḥ ǀ sam-vasaneṣu ǀ akramuḥ ǀ
    somam ǀ manīṣāḥ ǀ abhi ǀ anūṣata ǀ stubhaḥ ǀ abhi ǀ dhenavaḥ ǀ payasā ǀ īm ǀ aśiśrayuḥ ǁ

    9.86.17 Aṣṭaka 7.3.15.2Anuvāka 9.5.17Interpretations

18. Ṛk 18

    आ नः॑ सोम सं॒यतं॑ पि॒प्युषी॒मिष॒मिंदो॒ पव॑स्व॒ पव॑मानो अ॒स्रिधं॑ ।
    या नो॒ दोह॑ते॒ त्रिरह॒न्नस॑श्चुषी क्षु॒मद्वाज॑व॒न्मधु॑मत्सु॒वीर्यं॑ ॥

    आ नः सोम संयतम् पिप्युषीम् इषम् इन्दो पवस्व पवमानो अस्रिधम् |
    या नो दोहते त्रिर् अहन्न् असश्चुषी क्षुमद् वाजवन् मधुमत् सुवीर्यम् ||

    ā́ naḥ soma saṃyátam pipyúṣīmíṣamíndo pávasva pávamāno asrídham ǀ
    yā́ no dóhate tríráhannásaścuṣī kṣumádvā́javanmádhumatsuvī́ryam ǁ

    ā naḥ soma saṃyatam pipyuṣīm iṣam indo pavasva pavamāno asridham |
    yā no dohate trir ahann asaścuṣī kṣumad vājavan madhumat suvīryam ||

    आ । नः॒ । सो॒म॒ । स॒म्ऽयत॑म् । पि॒प्युषी॑म् । इष॑म् । इन्दो॒ इति॑ । पव॑स्व । पव॑मानः । अ॒स्रिध॑म् ।
    या । नः॒ । दोह॑ते । त्रिः । अह॑न् । अस॑श्चुषी । क्षु॒ऽमत् । वाज॑ऽवत् । मधु॑ऽमत् । सु॒ऽवीर्य॑म् ॥

    आ । नः । सोम । सम्ऽयतम् । पिप्युषीम् । इषम् । इन्दो इति । पवस्व । पवमानः । अस्रिधम् ।
    या । नः । दोहते । त्रिः । अहन् । असश्चुषी । क्षुऽमत् । वाजऽवत् । मधुऽमत् । सुऽवीर्यम् ॥

    ā́ ǀ naḥ ǀ soma ǀ sam-yátam ǀ pipyúṣīm ǀ íṣam ǀ índo íti ǀ pávasva ǀ pávamānaḥ ǀ asrídham ǀ
    yā́ ǀ naḥ ǀ dóhate ǀ tríḥ ǀ áhan ǀ ásaścuṣī ǀ kṣu-mát ǀ vā́ja-vat ǀ mádhu-mat ǀ su-vī́ryam ǁ

    ā ǀ naḥ ǀ soma ǀ sam-yatam ǀ pipyuṣīm ǀ iṣam ǀ indo iti ǀ pavasva ǀ pavamānaḥ ǀ asridham ǀ
    yā ǀ naḥ ǀ dohate ǀ triḥ ǀ ahan ǀ asaścuṣī ǀ kṣu-mat ǀ vāja-vat ǀ madhu-mat ǀ su-vīryam ǁ

    9.86.18 Aṣṭaka 7.3.15.3Anuvāka 9.5.18Interpretations

19. Ṛk 19

    वृषा॑ मती॒नां प॑वते विचक्ष॒णः सोमो॒ अह्नः॑ प्रतरी॒तोषसो॑ दि॒वः ।
    क्रा॒णा सिंधू॑नां क॒लशाँ॑ अवीवश॒दिंद्र॑स्य॒ हार्द्या॑वि॒शन्म॑नी॒षिभिः॑ ॥

    वृषा मतीनाम् पवते विचक्षणः सोमो अह्नः प्रतरीतोषसो दिवः |
    क्राणा सिन्धूनां कलशां अवीवशद् इन्द्रस्य हार्द्य् आविशन् मनीषिभिः ||

    vṛ́ṣā matīnā́m pavate vicakṣaṇáḥ sómo áhnaḥ pratarītóṣáso diváḥ ǀ
    krāṇā́ síndhūnām kaláśām̐ avīvaśadíndrasya hā́rdyāviśánmanīṣíbhiḥ ǁ

    vṛṣā matīnām pavate vicakṣaṇaḥ somo ahnaḥ pratarītoṣaso divaḥ |
    krāṇā sindhūnāṃ kalaśāṃ avīvaśad indrasya hārdy āviśan manīṣibhiḥ ||

    वृषा॑ । म॒ती॒नाम् । प॒व॒ते॒ । वि॒ऽच॒क्ष॒णः । सोमः॑ । अह्नः॑ । प्र॒ऽत॒री॒ता । उ॒षसः॑ । दि॒वः ।
    क्रा॒णा । सिन्धू॑नाम् । क॒लशा॑न् । अ॒वी॒व॒श॒त् । इन्द्र॑स्य । हार्दि॑ । आ॒ऽवि॒शन् । म॒नी॒षिऽभिः॑ ॥

    वृषा । मतीनाम् । पवते । विऽचक्षणः । सोमः । अह्नः । प्रऽतरीता । उषसः । दिवः ।
    क्राणा । सिन्धूनाम् । कलशान् । अवीवशत् । इन्द्रस्य । हार्दि । आऽविशन् । मनीषिऽभिः ॥

    vṛ́ṣā ǀ matīnā́m ǀ pavate ǀ vi-cakṣaṇáḥ ǀ sómaḥ ǀ áhnaḥ ǀ pra-tarītā́ ǀ uṣásaḥ ǀ diváḥ ǀ
    krāṇā́ ǀ síndhūnām ǀ kaláśān ǀ avīvaśat ǀ índrasya ǀ hā́rdi ǀ ā-viśán ǀ manīṣí-bhiḥ ǁ

    vṛṣā ǀ matīnām ǀ pavate ǀ vi-cakṣaṇaḥ ǀ somaḥ ǀ ahnaḥ ǀ pra-tarītā ǀ uṣasaḥ ǀ divaḥ ǀ
    krāṇā ǀ sindhūnām ǀ kalaśān ǀ avīvaśat ǀ indrasya ǀ hārdi ǀ ā-viśan ǀ manīṣi-bhiḥ ǁ

    9.86.19 Aṣṭaka 7.3.15.4Anuvāka 9.5.19Interpretations

20. Ṛk 20

    म॒नी॒षिभिः॑ पवते पू॒र्व्यः क॒विर्नृभि॑र्य॒तः परि॒ कोशाँ॑ अचिक्रदत् ।
    त्रि॒तस्य॒ नाम॑ ज॒नय॒न्मधु॑ क्षर॒दिंद्र॑स्य वा॒योः स॒ख्याय॒ कर्त॑वे ॥

    मनीषिभिः पवते पूर्व्यः कविर् नृभिर् यतः परि कोशां अचिक्रदत् |
    त्रितस्य नाम जनयन् मधु क्षरद् इन्द्रस्य वायोः सख्याय कर्तवे ||

    manīṣíbhiḥ pavate pūrvyáḥ kavírnṛ́bhiryatáḥ pári kóśām̐ acikradat ǀ
    tritásya nā́ma janáyanmádhu kṣaradíndrasya vāyóḥ sakhyā́ya kártave ǁ

    manīṣibhiḥ pavate pūrvyaḥ kavir nṛbhir yataḥ pari kośāṃ acikradat |
    tritasya nāma janayan madhu kṣarad indrasya vāyoḥ sakhyāya kartave ||

    म॒नी॒षिऽभिः॑ । प॒व॒ते॒ । पू॒र्व्यः । क॒विः । नृऽभिः॑ । य॒तः । परि॑ । कोशा॑न् । अ॒चि॒क्र॒द॒त् ।
    त्रि॒तस्य॑ । नाम॑ । ज॒नय॑न् । मधु॑ । क्ष॒र॒त् । इन्द्र॑स्य । वा॒योः । स॒ख्याय॑ । कर्त॑वे ॥

    मनीषिऽभिः । पवते । पूर्व्यः । कविः । नृऽभिः । यतः । परि । कोशान् । अचिक्रदत् ।
    त्रितस्य । नाम । जनयन् । मधु । क्षरत् । इन्द्रस्य । वायोः । सख्याय । कर्तवे ॥

    manīṣí-bhiḥ ǀ pavate ǀ pūrvyáḥ ǀ kavíḥ ǀ nṛ́-bhiḥ ǀ yatáḥ ǀ pári ǀ kóśān ǀ acikradat ǀ
    tritásya ǀ nā́ma ǀ janáyan ǀ mádhu ǀ kṣarat ǀ índrasya ǀ vāyóḥ ǀ sakhyā́ya ǀ kártave ǁ

    manīṣi-bhiḥ ǀ pavate ǀ pūrvyaḥ ǀ kaviḥ ǀ nṛ-bhiḥ ǀ yataḥ ǀ pari ǀ kośān ǀ acikradat ǀ
    tritasya ǀ nāma ǀ janayan ǀ madhu ǀ kṣarat ǀ indrasya ǀ vāyoḥ ǀ sakhyāya ǀ kartave ǁ

    9.86.20 Aṣṭaka 7.3.15.5Anuvāka 9.5.20Interpretations

21. Ṛk 21

    अ॒यं पु॑ना॒न उ॒षसो॒ वि रो॑चयद॒यं सिंधु॑भ्यो अभवदु लोक॒कृत् ।
    अ॒यं त्रिः स॒प्त दु॑दुहा॒न आ॒शिरं॒ सोमो॑ हृ॒दे प॑वते॒ चारु॑ मत्स॒रः ॥

    अयम् पुनान उषसो वि रोचयद् अयं सिन्धुभ्यो अभवद् उ लोककृत् |
    अयं त्रिः सप्त दुदुहान आशिरं सोमो हृदे पवते चारु मत्सरः ||

    ayám punāná uṣáso ví rocayadayám síndhubhyo abhavadu lokakṛ́t ǀ
    ayám tríḥ saptá duduhāná āśíram sómo hṛdé pavate cā́ru matsaráḥ ǁ

    ayam punāna uṣaso vi rocayad ayaṃ sindhubhyo abhavad u lokakṛt |
    ayaṃ triḥ sapta duduhāna āśiraṃ somo hṛde pavate cāru matsaraḥ ||

    अ॒यम् । पु॒ना॒नः । उ॒षसः॑ । वि । रो॒च॒य॒त् । अ॒यम् । सिन्धु॑ऽभ्यः । अ॒भ॒व॒त् । ऊं॒ इति॑ । लो॒क॒ऽकृत् ।
    अ॒यम् । त्रिः । स॒प्त । दु॒दु॒हा॒नः । आ॒ऽशिर॑म् । सोमः॑ । हृ॒दे । प॒व॒ते॒ । चारु॑ । म॒त्स॒रः ॥

    अयम् । पुनानः । उषसः । वि । रोचयत् । अयम् । सिन्धुऽभ्यः । अभवत् । ऊं इति । लोकऽकृत् ।
    अयम् । त्रिः । सप्त । दुदुहानः । आऽशिरम् । सोमः । हृदे । पवते । चारु । मत्सरः ॥

    ayám ǀ punānáḥ ǀ uṣásaḥ ǀ ví ǀ rocayat ǀ ayám ǀ síndhu-bhyaḥ ǀ abhavat ǀ ūṃ íti ǀ loka-kṛ́t ǀ
    ayám ǀ tríḥ ǀ saptá ǀ duduhānáḥ ǀ ā-śíram ǀ sómaḥ ǀ hṛdé ǀ pavate ǀ cā́ru ǀ matsaráḥ ǁ

    ayam ǀ punānaḥ ǀ uṣasaḥ ǀ vi ǀ rocayat ǀ ayam ǀ sindhu-bhyaḥ ǀ abhavat ǀ ūṃ iti ǀ loka-kṛt ǀ
    ayam ǀ triḥ ǀ sapta ǀ duduhānaḥ ǀ ā-śiram ǀ somaḥ ǀ hṛde ǀ pavate ǀ cāru ǀ matsaraḥ ǁ

    9.86.21 Aṣṭaka 7.3.16.1Anuvāka 9.5.21Interpretations

22. Ṛk 22

    पव॑स्व सोम दि॒व्येषु॒ धाम॑सु सृजा॒न इं॑दो क॒लशे॑ प॒वित्र॒ आ ।
    सीद॒न्निंद्र॑स्य ज॒ठरे॒ कनि॑क्रद॒न्नृभि॑र्य॒तः सूर्य॒मारो॑हयो दि॒वि ॥

    पवस्व सोम दिव्येषु धामसु सृजान इन्दो कलशे पवित्र आ |
    सीदन्न् इन्द्रस्य जठरे कनिक्रदन् नृभिर् यतः सूर्यम् आरोहयो दिवि ||

    pávasva soma divyéṣu dhā́masu sṛjāná indo kaláśe pavítra ā́ ǀ
    sī́danníndrasya jaṭháre kánikradannṛ́bhiryatáḥ sū́ryamā́rohayo diví ǁ

    pavasva soma divyeṣu dhāmasu sṛjāna indo kalaśe pavitra ā |
    sīdann indrasya jaṭhare kanikradan nṛbhir yataḥ sūryam ārohayo divi ||

    पव॑स्व । सो॒म॒ । दि॒व्येषु॑ । धाम॑ऽसु । सृ॒जा॒नः । इ॒न्दो॒ इति॑ । क॒लशे॑ । प॒वित्रे॑ । आ ।
    सीद॑न् । इन्द्र॑स्य । ज॒ठरे॑ । कनि॑क्रदत् । नृऽभिः॑ । य॒तः । सूर्य॑म् । आ । अ॒रो॒ह॒यः॒ । दि॒वि ॥

    पवस्व । सोम । दिव्येषु । धामऽसु । सृजानः । इन्दो इति । कलशे । पवित्रे । आ ।
    सीदन् । इन्द्रस्य । जठरे । कनिक्रदत् । नृऽभिः । यतः । सूर्यम् । आ । अरोहयः । दिवि ॥

    pávasva ǀ soma ǀ divyéṣu ǀ dhā́ma-su ǀ sṛjānáḥ ǀ indo íti ǀ kaláśe ǀ pavítre ǀ ā́ ǀ
    sī́dan ǀ índrasya ǀ jaṭháre ǀ kánikradat ǀ nṛ́-bhiḥ ǀ yatáḥ ǀ sū́ryam ǀ ā́ ǀ arohayaḥ ǀ diví ǁ

    pavasva ǀ soma ǀ divyeṣu ǀ dhāma-su ǀ sṛjānaḥ ǀ indo iti ǀ kalaśe ǀ pavitre ǀ ā ǀ
    sīdan ǀ indrasya ǀ jaṭhare ǀ kanikradat ǀ nṛ-bhiḥ ǀ yataḥ ǀ sūryam ǀ ā ǀ arohayaḥ ǀ divi ǁ

    9.86.22 Aṣṭaka 7.3.16.2Anuvāka 9.5.22Interpretations

23. Ṛk 23

    अद्रि॑भिः सु॒तः प॑वसे प॒वित्र॒ आँ इंद॒विंद्र॑स्य ज॒ठरे॑ष्वावि॒शन् ।
    त्वं नृ॒चक्षा॑ अभवो विचक्षण॒ सोम॑ गो॒त्रमंगि॑रोभ्योऽवृणो॒रप॑ ॥

    अद्रिभिः सुतः पवसे पवित्र आं इन्दव् इन्द्रस्य जठरेष्व् आविशन् |
    त्वं नृचक्षा अभवो विचक्षण सोम गोत्रम् अङ्गिरोभ्यो ऽवृणोर् अप ||

    ádribhiḥ sutáḥ pavase pavítra ā́m̐ índavíndrasya jaṭháreṣvāviśán ǀ
    tvám nṛcákṣā abhavo vicakṣaṇa sóma gotrámáṅgirobhyo’vṛṇorápa ǁ

    adribhiḥ sutaḥ pavase pavitra āṃ indav indrasya jaṭhareṣv āviśan |
    tvaṃ nṛcakṣā abhavo vicakṣaṇa soma gotram aṅgirobhyo 'vṛṇor apa ||

    अद्रि॑ऽभिः । सु॒तः । प॒व॒से॒ । प॒वित्रे॑ । आ । इन्दो॒ इति॑ । इन्द्र॑स्य । ज॒ठरे॑षु । आ॒ऽवि॒शन् ।
    त्वम् । नृ॒ऽचक्षाः॑ । अ॒भ॒वः॒ । वि॒ऽच॒क्ष॒ण॒ । सोम॑ । गो॒त्रम् । अङ्गि॑रःऽभ्यः । अ॒वृ॒णोः॒ । अप॑ ॥

    अद्रिऽभिः । सुतः । पवसे । पवित्रे । आ । इन्दो इति । इन्द्रस्य । जठरेषु । आऽविशन् ।
    त्वम् । नृऽचक्षाः । अभवः । विऽचक्षण । सोम । गोत्रम् । अङ्गिरःऽभ्यः । अवृणोः । अप ॥

    ádri-bhiḥ ǀ sutáḥ ǀ pavase ǀ pavítre ǀ ā́ ǀ índo íti ǀ índrasya ǀ jaṭháreṣu ǀ ā-viśán ǀ
    tvám ǀ nṛ-cákṣāḥ ǀ abhavaḥ ǀ vi-cakṣaṇa ǀ sóma ǀ gotrám ǀ áṅgiraḥ-bhyaḥ ǀ avṛṇoḥ ǀ ápa ǁ

    adri-bhiḥ ǀ sutaḥ ǀ pavase ǀ pavitre ǀ ā ǀ indo iti ǀ indrasya ǀ jaṭhareṣu ǀ ā-viśan ǀ
    tvam ǀ nṛ-cakṣāḥ ǀ abhavaḥ ǀ vi-cakṣaṇa ǀ soma ǀ gotram ǀ aṅgiraḥ-bhyaḥ ǀ avṛṇoḥ ǀ apa ǁ

    9.86.23 Aṣṭaka 7.3.16.3Anuvāka 9.5.23Interpretations

24. Ṛk 24

    त्वां सो॑म॒ पव॑मानं स्वा॒ध्योऽनु॒ विप्रा॑सो अमदन्नव॒स्यवः॑ ।
    त्वां सु॑प॒र्ण आभ॑रद्दि॒वस्परींदो॒ विश्वा॑भिर्म॒तिभिः॒ परि॑ष्कृतं ॥

    त्वां सोम पवमानं स्वाध्यो ऽनु विप्रासो अमदन्न् अवस्यवः |
    त्वां सुपर्ण आभरद् दिवस् परीन्दो विश्वाभिर् मतिभिः परिष्कृतम् ||

    tvā́m soma pávamānam svādhyó’nu víprāso amadannavasyávaḥ ǀ
    tvā́m suparṇá ā́bharaddiváspárī́ndo víśvābhirmatíbhiḥ páriṣkṛtam ǁ

    tvāṃ soma pavamānaṃ svādhyo 'nu viprāso amadann avasyavaḥ |
    tvāṃ suparṇa ābharad divas parīndo viśvābhir matibhiḥ pariṣkṛtam ||

    त्वाम् । सो॒म॒ । पव॑मानम् । सु॒ऽआ॒ध्यः॑ । अनु॑ । विप्रा॑सः । अ॒म॒द॒न् । अ॒व॒स्यवः॑ ।
    त्वाम् । सु॒ऽप॒र्णः । आ । अ॒भ॒र॒त् । दि॒वः । परि॑ । इन्दो॒ इति॑ । विश्वा॑भिः । म॒तिऽभिः॑ । परि॑ऽकृतम् ॥

    त्वाम् । सोम । पवमानम् । सुऽआध्यः । अनु । विप्रासः । अमदन् । अवस्यवः ।
    त्वाम् । सुऽपर्णः । आ । अभरत् । दिवः । परि । इन्दो इति । विश्वाभिः । मतिऽभिः । परिऽकृतम् ॥

    tvā́m ǀ soma ǀ pávamānam ǀ su-ādhyáḥ ǀ ánu ǀ víprāsaḥ ǀ amadan ǀ avasyávaḥ ǀ
    tvā́m ǀ su-parṇáḥ ǀ ā́ ǀ abharat ǀ diváḥ ǀ pári ǀ índo íti ǀ víśvābhiḥ ǀ matí-bhiḥ ǀ pári-kṛtam ǁ

    tvām ǀ soma ǀ pavamānam ǀ su-ādhyaḥ ǀ anu ǀ viprāsaḥ ǀ amadan ǀ avasyavaḥ ǀ
    tvām ǀ su-parṇaḥ ǀ ā ǀ abharat ǀ divaḥ ǀ pari ǀ indo iti ǀ viśvābhiḥ ǀ mati-bhiḥ ǀ pari-kṛtam ǁ

    9.86.24 Aṣṭaka 7.3.16.4Anuvāka 9.5.24Interpretations

25. Ṛk 25

    अव्ये॑ पुना॒नं परि॒ वार॑ ऊ॒र्मिणा॒ हरिं॑ नवंते अ॒भि स॒प्त धे॒नवः॑ ।
    अ॒पामु॒पस्थे॒ अध्या॒यवः॑ क॒विमृ॒तस्य॒ योना॑ महि॒षा अ॑हेषत ॥

    अव्ये पुनानम् परि वार ऊर्मिणा हरिं नवन्ते अभि सप्त धेनवः |
    अपाम् उपस्थे अध्य् आयवः कविम् ऋतस्य योना महिषा अहेषत ||

    ávye punānám pári vā́ra ūrmíṇā hárim navante abhí saptá dhenávaḥ ǀ
    apā́mupásthe ádhyāyávaḥ kavímṛtásya yónā mahiṣā́ aheṣata ǁ

    avye punānam pari vāra ūrmiṇā hariṃ navante abhi sapta dhenavaḥ |
    apām upasthe adhy āyavaḥ kavim ṛtasya yonā mahiṣā aheṣata ||

    अव्ये॑ । पु॒ना॒नम् । परि॑ । वारे॑ । ऊ॒र्मिणा॑ । हरि॑म् । न॒व॒न्ते॒ । अ॒भि । स॒प्त । धे॒नवः॑ ।
    अ॒पाम् । उ॒पऽस्थे॑ । अधि॑ । आ॒यवः॑ । क॒विम् । ऋ॒तस्य॑ । योना॑ । म॒हि॒षाः । अ॒हे॒ष॒त॒ ॥

    अव्ये । पुनानम् । परि । वारे । ऊर्मिणा । हरिम् । नवन्ते । अभि । सप्त । धेनवः ।
    अपाम् । उपऽस्थे । अधि । आयवः । कविम् । ऋतस्य । योना । महिषाः । अहेषत ॥

    ávye ǀ punānám ǀ pári ǀ vā́re ǀ ūrmíṇā ǀ hárim ǀ navante ǀ abhí ǀ saptá ǀ dhenávaḥ ǀ
    apā́m ǀ upá-sthe ǀ ádhi ǀ āyávaḥ ǀ kavím ǀ ṛtásya ǀ yónā ǀ mahiṣā́ḥ ǀ aheṣata ǁ

    avye ǀ punānam ǀ pari ǀ vāre ǀ ūrmiṇā ǀ harim ǀ navante ǀ abhi ǀ sapta ǀ dhenavaḥ ǀ
    apām ǀ upa-sthe ǀ adhi ǀ āyavaḥ ǀ kavim ǀ ṛtasya ǀ yonā ǀ mahiṣāḥ ǀ aheṣata ǁ

    9.86.25 Aṣṭaka 7.3.16.5Anuvāka 9.5.25Interpretations

26. Ṛk 26

    इंदुः॑ पुना॒नो अति॑ गाहते॒ मृधो॒ विश्वा॑नि कृ॒ण्वन्त्सु॒पथा॑नि॒ यज्य॑वे ।
    गाः कृ॑ण्वा॒नो नि॒र्णिजं॑ हर्य॒तः क॒विरत्यो॒ न क्रीळ॒न्परि॒ वार॑मर्षति ॥

    इन्दुः पुनानो अति गाहते मृधो विश्वानि कृण्वन् सुपथानि यज्यवे |
    गाः कृण्वानो निर्णिजं हर्यतः कविर् अत्यो न क्रीऌअन् परि वारम् अर्षति ||

    índuḥ punānó áti gāhate mṛ́dho víśvāni kṛṇvántsupáthāni yájyave ǀ
    gā́ḥ kṛṇvānó nirṇíjam haryatáḥ kavírátyo ná krī́ḷanpári vā́ramarṣati ǁ

    induḥ punāno ati gāhate mṛdho viśvāni kṛṇvan supathāni yajyave |
    gāḥ kṛṇvāno nirṇijaṃ haryataḥ kavir atyo na krīḷan pari vāram arṣati ||

    इन्दुः॑ । पु॒ना॒नः । अति॑ । गा॒ह॒ते॒ । मृधः॑ । विश्वा॑नि । कृ॒ण्वन् । सु॒ऽपथा॑नि । यज्य॑वे ।
    गाः । कृ॒ण्वा॒नः । निः॒ऽनिज॑म् । ह॒र्य॒तः । क॒विः । अत्यः॑ । न । क्रीळ॑न् । परि॑ । वार॑म् । अ॒र्ष॒ति॒ ॥

    इन्दुः । पुनानः । अति । गाहते । मृधः । विश्वानि । कृण्वन् । सुऽपथानि । यज्यवे ।
    गाः । कृण्वानः । निःऽनिजम् । हर्यतः । कविः । अत्यः । न । क्रीळन् । परि । वारम् । अर्षति ॥

    índuḥ ǀ punānáḥ ǀ áti ǀ gāhate ǀ mṛ́dhaḥ ǀ víśvāni ǀ kṛṇván ǀ su-páthāni ǀ yájyave ǀ
    gā́ḥ ǀ kṛṇvānáḥ ǀ niḥ-níjam ǀ haryatáḥ ǀ kavíḥ ǀ átyaḥ ǀ ná ǀ krī́ḷan ǀ pári ǀ vā́ram ǀ arṣati ǁ

    induḥ ǀ punānaḥ ǀ ati ǀ gāhate ǀ mṛdhaḥ ǀ viśvāni ǀ kṛṇvan ǀ su-pathāni ǀ yajyave ǀ
    gāḥ ǀ kṛṇvānaḥ ǀ niḥ-nijam ǀ haryataḥ ǀ kaviḥ ǀ atyaḥ ǀ na ǀ krīḷan ǀ pari ǀ vāram ǀ arṣati ǁ

    9.86.26 Aṣṭaka 7.3.17.1Anuvāka 9.5.26Interpretations

27. Ṛk 27

    अ॒स॒श्चतः॑ श॒तधा॑रा अभि॒श्रियो॒ हरिं॑ नवं॒तेऽव॒ ता उ॑द॒न्युवः॑ ।
    क्षिपो॑ मृजंति॒ परि॒ गोभि॒रावृ॑तं तृ॒तीये॑ पृ॒ष्ठे अधि॑ रोच॒ने दि॒वः ॥

    असश्चतः शतधारा अभिश्रियो हरिं नवन्ते ऽव ता उदन्युवः |
    क्षिपो मृजन्ति परि गोभिर् आवृतं तृतीये पृष्ठे अधि रोचने दिवः ||

    asaścátaḥ śatádhārā abhiśríyo hárim navanté’va tā́ udanyúvaḥ ǀ
    kṣípo mṛjanti pári góbhirā́vṛtam tṛtī́ye pṛṣṭhé ádhi rocané diváḥ ǁ

    asaścataḥ śatadhārā abhiśriyo hariṃ navante 'va tā udanyuvaḥ |
    kṣipo mṛjanti pari gobhir āvṛtaṃ tṛtīye pṛṣṭhe adhi rocane divaḥ ||

    अ॒स॒श्चतः॑ । श॒तऽधा॑राः । अ॒भि॒ऽश्रियः॑ । हरि॑म् । न॒व॒न्ते॒ । अव॑ । ताः । उ॒द॒न्युवः॑ ।
    क्षिपः॑ । मृ॒ज॒न्ति॒ । परि॑ । गोभिः॑ । आऽवृ॑तम् । तृ॒तीये॑ । पृ॒ष्ठे । अधि॑ । रो॒च॒ने । दि॒वः ॥

    असश्चतः । शतऽधाराः । अभिऽश्रियः । हरिम् । नवन्ते । अव । ताः । उदन्युवः ।
    क्षिपः । मृजन्ति । परि । गोभिः । आऽवृतम् । तृतीये । पृष्ठे । अधि । रोचने । दिवः ॥

    asaścátaḥ ǀ śatá-dhārāḥ ǀ abhi-śríyaḥ ǀ hárim ǀ navante ǀ áva ǀ tā́ḥ ǀ udanyúvaḥ ǀ
    kṣípaḥ ǀ mṛjanti ǀ pári ǀ góbhiḥ ǀ ā́-vṛtam ǀ tṛtī́ye ǀ pṛṣṭhé ǀ ádhi ǀ rocané ǀ diváḥ ǁ

    asaścataḥ ǀ śata-dhārāḥ ǀ abhi-śriyaḥ ǀ harim ǀ navante ǀ ava ǀ tāḥ ǀ udanyuvaḥ ǀ
    kṣipaḥ ǀ mṛjanti ǀ pari ǀ gobhiḥ ǀ ā-vṛtam ǀ tṛtīye ǀ pṛṣṭhe ǀ adhi ǀ rocane ǀ divaḥ ǁ

    9.86.27 Aṣṭaka 7.3.17.2Anuvāka 9.5.27Interpretations

28. Ṛk 28

    तवे॒माः प्र॒जा दि॒व्यस्य॒ रेत॑स॒स्त्वं विश्व॑स्य॒ भुव॑नस्य राजसि ।
    अथे॒दं विश्वं॑ पवमान ते॒ वशे॒ त्वमिं॑दो प्रथ॒मो धा॑म॒धा अ॑सि ॥

    तवेमाः प्रजा दिव्यस्य रेतसस् त्वं विश्वस्य भुवनस्य राजसि |
    अथेदं विश्वम् पवमान ते वशे त्वम् इन्दो प्रथमो धामधा असि ||

    távemā́ḥ prajā́ divyásya rétasastvám víśvasya bhúvanasya rājasi ǀ
    áthedám víśvam pavamāna te váśe tvámindo prathamó dhāmadhā́ asi ǁ

    tavemāḥ prajā divyasya retasas tvaṃ viśvasya bhuvanasya rājasi |
    athedaṃ viśvam pavamāna te vaśe tvam indo prathamo dhāmadhā asi ||

    तव॑ । इ॒माः । प्र॒ऽजाः । दि॒व्यस्य॑ । रेत॑सः । त्वम् । विश्व॑स्य । भुव॑नस्य । रा॒ज॒सि॒ ।
    अथ॑ । इ॒दम् । विश्व॑म् । प॒व॒मा॒न॒ । ते॒ । वशे॑ । त्वम् । इ॒न्दो॒ इति॑ । प्र॒थ॒मः । धा॒म॒ऽधाः । अ॒सि॒ ॥

    तव । इमाः । प्रऽजाः । दिव्यस्य । रेतसः । त्वम् । विश्वस्य । भुवनस्य । राजसि ।
    अथ । इदम् । विश्वम् । पवमान । ते । वशे । त्वम् । इन्दो इति । प्रथमः । धामऽधाः । असि ॥

    táva ǀ imā́ḥ ǀ pra-jā́ḥ ǀ divyásya ǀ rétasaḥ ǀ tvám ǀ víśvasya ǀ bhúvanasya ǀ rājasi ǀ
    átha ǀ idám ǀ víśvam ǀ pavamāna ǀ te ǀ váśe ǀ tvám ǀ indo íti ǀ prathamáḥ ǀ dhāma-dhā́ḥ ǀ asi ǁ

    tava ǀ imāḥ ǀ pra-jāḥ ǀ divyasya ǀ retasaḥ ǀ tvam ǀ viśvasya ǀ bhuvanasya ǀ rājasi ǀ
    atha ǀ idam ǀ viśvam ǀ pavamāna ǀ te ǀ vaśe ǀ tvam ǀ indo iti ǀ prathamaḥ ǀ dhāma-dhāḥ ǀ asi ǁ

    9.86.28 Aṣṭaka 7.3.17.3Anuvāka 9.5.28Interpretations

29. Ṛk 29

    त्वं स॑मु॒द्रो अ॑सि विश्व॒वित्क॑वे॒ तवे॒माः पंच॑ प्र॒दिशो॒ विध॑र्मणि ।
    त्वं द्यां च॑ पृथि॒वीं चाति॑ जभ्रिषे॒ तव॒ ज्योतीं॑षि पवमान॒ सूर्यः॑ ॥

    त्वं समुद्रो असि विश्ववित् कवे तवेमाः पञ्च प्रदिशो विधर्मणि |
    त्वं द्यां च पृथिवीं चाति जभ्रिषे तव ज्योतींषि पवमान सूर्यः ||

    tvám samudró asi viśvavítkave távemā́ḥ páñca pradíśo vídharmaṇi ǀ
    tvám dyā́m ca pṛthivī́m cā́ti jabhriṣe táva jyótīṃṣi pavamāna sū́ryaḥ ǁ

    tvaṃ samudro asi viśvavit kave tavemāḥ pañca pradiśo vidharmaṇi |
    tvaṃ dyāṃ ca pṛthivīṃ cāti jabhriṣe tava jyotīṃṣi pavamāna sūryaḥ ||

    त्वम् । स॒मु॒द्रः । अ॒सि॒ । वि॒श्व॒ऽवित् । क॒वे॒ । तव॑ । इ॒माः । पञ्च॑ । प्र॒ऽदिशः॑ । विऽध॑र्मणि ।
    त्वम् । द्याम् । च॒ । पृ॒थि॒वीम् । च॒ । अति॑ । ज॒भ्रि॒षे॒ । तव॑ । ज्योतीं॑षि । प॒व॒मा॒न॒ । सूर्यः॑ ॥

    त्वम् । समुद्रः । असि । विश्वऽवित् । कवे । तव । इमाः । पञ्च । प्रऽदिशः । विऽधर्मणि ।
    त्वम् । द्याम् । च । पृथिवीम् । च । अति । जभ्रिषे । तव । ज्योतींषि । पवमान । सूर्यः ॥

    tvám ǀ samudráḥ ǀ asi ǀ viśva-vít ǀ kave ǀ táva ǀ imā́ḥ ǀ páñca ǀ pra-díśaḥ ǀ ví-dharmaṇi ǀ
    tvám ǀ dyā́m ǀ ca ǀ pṛthivī́m ǀ ca ǀ áti ǀ jabhriṣe ǀ táva ǀ jyótīṃṣi ǀ pavamāna ǀ sū́ryaḥ ǁ

    tvam ǀ samudraḥ ǀ asi ǀ viśva-vit ǀ kave ǀ tava ǀ imāḥ ǀ pañca ǀ pra-diśaḥ ǀ vi-dharmaṇi ǀ
    tvam ǀ dyām ǀ ca ǀ pṛthivīm ǀ ca ǀ ati ǀ jabhriṣe ǀ tava ǀ jyotīṃṣi ǀ pavamāna ǀ sūryaḥ ǁ

    9.86.29 Aṣṭaka 7.3.17.4Anuvāka 9.5.29Interpretations

30. Ṛk 30

    त्वं प॒वित्रे॒ रज॑सो॒ विध॑र्मणि दे॒वेभ्यः॑ सोम पवमान पूयसे ।
    त्वामु॒शिजः॑ प्रथ॒मा अ॑गृभ्णत॒ तुभ्ये॒मा विश्वा॒ भुव॑नानि येमिरे ॥

    त्वम् पवित्रे रजसो विधर्मणि देवेभ्यः सोम पवमान पूयसे |
    त्वाम् उशिजः प्रथमा अगृभ्णत तुभ्येमा विश्वा भुवनानि येमिरे ||

    tvám pavítre rájaso vídharmaṇi devébhyaḥ soma pavamāna pūyase ǀ
    tvā́muśíjaḥ prathamā́ agṛbhṇata túbhyemā́ víśvā bhúvanāni yemire ǁ

    tvam pavitre rajaso vidharmaṇi devebhyaḥ soma pavamāna pūyase |
    tvām uśijaḥ prathamā agṛbhṇata tubhyemā viśvā bhuvanāni yemire ||

    त्वम् । प॒वित्रे॑ । रज॑सः । विऽध॑र्मणि । दे॒वेभ्यः॑ । सो॒म॒ । प॒व॒मा॒न॒ । पू॒य॒से॒ ।
    त्वाम् । उ॒शिजः॑ । प्र॒थ॒माः । अ॒गृ॒भ्ण॒त॒ । तुभ्य॑ । इ॒मा । विश्वा॑ । भुव॑नानि । ये॒मि॒रे॒ ॥

    त्वम् । पवित्रे । रजसः । विऽधर्मणि । देवेभ्यः । सोम । पवमान । पूयसे ।
    त्वाम् । उशिजः । प्रथमाः । अगृभ्णत । तुभ्य । इमा । विश्वा । भुवनानि । येमिरे ॥

    tvám ǀ pavítre ǀ rájasaḥ ǀ ví-dharmaṇi ǀ devébhyaḥ ǀ soma ǀ pavamāna ǀ pūyase ǀ
    tvā́m ǀ uśíjaḥ ǀ prathamā́ḥ ǀ agṛbhṇata ǀ túbhya ǀ imā́ ǀ víśvā ǀ bhúvanāni ǀ yemire ǁ

    tvam ǀ pavitre ǀ rajasaḥ ǀ vi-dharmaṇi ǀ devebhyaḥ ǀ soma ǀ pavamāna ǀ pūyase ǀ
    tvām ǀ uśijaḥ ǀ prathamāḥ ǀ agṛbhṇata ǀ tubhya ǀ imā ǀ viśvā ǀ bhuvanāni ǀ yemire ǁ

    9.86.30 Aṣṭaka 7.3.17.5Anuvāka 9.5.30Interpretations

31. Ṛk 31

    प्र रे॒भ ए॒त्यति॒ वार॑म॒व्ययं॒ वृषा॒ वने॒ष्वव॑ चक्रद॒द्धरिः॑ ।
    सं धी॒तयो॑ वावशा॒ना अ॑नूषत॒ शिशुं॑ रिहंति म॒तयः॒ पनि॑प्नतं ॥

    प्र रेभ एत्य् अति वारम् अव्ययं वृषा वनेष्व् अव चक्रदद् धरिः |
    सं धीतयो वावशाना अनूषत शिशुं रिहन्ति मतयः पनिप्नतम् ||

    prá rebhá etyáti vā́ramavyáyam vṛ́ṣā váneṣváva cakradaddháriḥ ǀ
    sám dhītáyo vāvaśānā́ anūṣata śíśum rihanti matáyaḥ pánipnatam ǁ

    pra rebha ety ati vāram avyayaṃ vṛṣā vaneṣv ava cakradad dhariḥ |
    saṃ dhītayo vāvaśānā anūṣata śiśuṃ rihanti matayaḥ panipnatam ||

    प्र । रे॒भः । ए॒ति॒ । अति॑ । वार॑म् । अ॒व्यय॑म् । वृषा॑ । वने॑षु । अव॑ । च॒क्र॒द॒त् । हरिः॑ ।
    सम् । धी॒तयः॑ । वा॒व॒शा॒नाः । अ॒नू॒ष॒त॒ । शिशु॑म् । रि॒ह॒न्ति॒ । म॒तयः॑ । पनि॑प्नतम् ॥

    प्र । रेभः । एति । अति । वारम् । अव्ययम् । वृषा । वनेषु । अव । चक्रदत् । हरिः ।
    सम् । धीतयः । वावशानाः । अनूषत । शिशुम् । रिहन्ति । मतयः । पनिप्नतम् ॥

    prá ǀ rebháḥ ǀ eti ǀ áti ǀ vā́ram ǀ avyáyam ǀ vṛ́ṣā ǀ váneṣu ǀ áva ǀ cakradat ǀ háriḥ ǀ
    sám ǀ dhītáyaḥ ǀ vāvaśānā́ḥ ǀ anūṣata ǀ śíśum ǀ rihanti ǀ matáyaḥ ǀ pánipnatam ǁ

    pra ǀ rebhaḥ ǀ eti ǀ ati ǀ vāram ǀ avyayam ǀ vṛṣā ǀ vaneṣu ǀ ava ǀ cakradat ǀ hariḥ ǀ
    sam ǀ dhītayaḥ ǀ vāvaśānāḥ ǀ anūṣata ǀ śiśum ǀ rihanti ǀ matayaḥ ǀ panipnatam ǁ

    9.86.31 Aṣṭaka 7.3.18.1Anuvāka 9.5.31Interpretations

32. Ṛk 32

    स सूर्य॑स्य र॒श्मिभिः॒ परि॑ व्यत॒ तंतुं॑ तन्वा॒नस्त्रि॒वृतं॒ यथा॑ वि॒दे ।
    नय॑न्नृ॒तस्य॑ प्र॒शिषो॒ नवी॑यसीः॒ पति॒र्जनी॑ना॒मुप॑ याति निष्कृ॒तं ॥

    स सूर्यस्य रश्मिभिः परि व्यत तन्तुं तन्वानस् त्रिवृतं यथा विदे |
    नयन्न् ऋतस्य प्रशिषो नवीयसीः पतिर् जनीनाम् उप याति निष्कृतम् ||

    sá sū́ryasya raśmíbhiḥ pári vyata tántum tanvānástrivṛ́tam yáthā vidé ǀ
    náyannṛtásya praśíṣo návīyasīḥ pátirjánīnāmúpa yāti niṣkṛtám ǁ

    sa sūryasya raśmibhiḥ pari vyata tantuṃ tanvānas trivṛtaṃ yathā vide |
    nayann ṛtasya praśiṣo navīyasīḥ patir janīnām upa yāti niṣkṛtam ||

    सः । सूर्य॑स्य । र॒श्मिऽभिः॑ । परि॑ । व्य॒त॒ । तन्तु॑म् । त॒न्वा॒नः । त्रि॒ऽवृत॑म् । यथा॑ । वि॒दे ।
    नय॑न् । ऋ॒तस्य॑ । प्र॒ऽशिषः॑ । नवी॑यसीः । पतिः॑ । जनी॑नाम् । उप॑ । या॒ति॒ । निः॒ऽकृ॒तम् ॥

    सः । सूर्यस्य । रश्मिऽभिः । परि । व्यत । तन्तुम् । तन्वानः । त्रिऽवृतम् । यथा । विदे ।
    नयन् । ऋतस्य । प्रऽशिषः । नवीयसीः । पतिः । जनीनाम् । उप । याति । निःऽकृतम् ॥

    sáḥ ǀ sū́ryasya ǀ raśmí-bhiḥ ǀ pári ǀ vyata ǀ tántum ǀ tanvānáḥ ǀ tri-vṛ́tam ǀ yáthā ǀ vidé ǀ
    náyan ǀ ṛtásya ǀ pra-śíṣaḥ ǀ návīyasīḥ ǀ pátiḥ ǀ jánīnām ǀ úpa ǀ yāti ǀ niḥ-kṛtám ǁ

    saḥ ǀ sūryasya ǀ raśmi-bhiḥ ǀ pari ǀ vyata ǀ tantum ǀ tanvānaḥ ǀ tri-vṛtam ǀ yathā ǀ vide ǀ
    nayan ǀ ṛtasya ǀ pra-śiṣaḥ ǀ navīyasīḥ ǀ patiḥ ǀ janīnām ǀ upa ǀ yāti ǀ niḥ-kṛtam ǁ

    9.86.32 Aṣṭaka 7.3.18.2Anuvāka 9.5.32Interpretations

33. Ṛk 33

    राजा॒ सिंधू॑नां पवते॒ पति॑र्दि॒व ऋ॒तस्य॑ याति प॒थिभिः॒ कनि॑क्रदत् ।
    स॒हस्र॑धारः॒ परि॑ षिच्यते॒ हरिः॑ पुना॒नो वाचं॑ ज॒नय॒न्नुपा॑वसुः ॥

    राजा सिन्धूनाम् पवते पतिर् दिव ऋतस्य याति पथिभिः कनिक्रदत् |
    सहस्रधारः परि षिच्यते हरिः पुनानो वाचं जनयन्न् उपावसुः ||

    rā́jā síndhūnām pavate pátirdivá ṛtásya yāti pathíbhiḥ kánikradat ǀ
    sahásradhāraḥ pári ṣicyate háriḥ punānó vā́cam janáyannúpāvasuḥ ǁ

    rājā sindhūnām pavate patir diva ṛtasya yāti pathibhiḥ kanikradat |
    sahasradhāraḥ pari ṣicyate hariḥ punāno vācaṃ janayann upāvasuḥ ||

    राजा॑ । सिन्धू॑नाम् । प॒व॒ते॒ । पतिः॑ । दि॒वः । ऋ॒तस्य॑ । या॒ति॒ । प॒थिऽभिः॑ । कनि॑क्रदत् ।
    स॒हस्र॑ऽधारः । परि॑ । सि॒च्य॒ते॒ । हरिः॑ । पु॒ना॒नः । वाच॑म् । ज॒नय॑न् । उप॑ऽवसुः ॥

    राजा । सिन्धूनाम् । पवते । पतिः । दिवः । ऋतस्य । याति । पथिऽभिः । कनिक्रदत् ।
    सहस्रऽधारः । परि । सिच्यते । हरिः । पुनानः । वाचम् । जनयन् । उपऽवसुः ॥

    rā́jā ǀ síndhūnām ǀ pavate ǀ pátiḥ ǀ diváḥ ǀ ṛtásya ǀ yāti ǀ pathí-bhiḥ ǀ kánikradat ǀ
    sahásra-dhāraḥ ǀ pári ǀ sicyate ǀ háriḥ ǀ punānáḥ ǀ vā́cam ǀ janáyan ǀ úpa-vasuḥ ǁ

    rājā ǀ sindhūnām ǀ pavate ǀ patiḥ ǀ divaḥ ǀ ṛtasya ǀ yāti ǀ pathi-bhiḥ ǀ kanikradat ǀ
    sahasra-dhāraḥ ǀ pari ǀ sicyate ǀ hariḥ ǀ punānaḥ ǀ vācam ǀ janayan ǀ upa-vasuḥ ǁ

    9.86.33 Aṣṭaka 7.3.18.3Anuvāka 9.5.33Interpretations

34. Ṛk 34

    पव॑मान॒ मह्यर्णो॒ वि धा॑वसि॒ सूरो॒ न चि॒त्रो अव्य॑यानि॒ पव्य॑या ।
    गभ॑स्तिपूतो॒ नृभि॒रद्रि॑भिः सु॒तो म॒हे वाजा॑य॒ धन्या॑य धन्वसि ॥

    पवमान मह्य् अर्णो वि धावसि सूरो न चित्रो अव्ययानि पव्यया |
    गभस्तिपूतो नृभिर् अद्रिभिः सुतो महे वाजाय धन्याय धन्वसि ||

    pávamāna máhyárṇo ví dhāvasi sū́ro ná citró ávyayāni pávyayā ǀ
    gábhastipūto nṛ́bhirádribhiḥ sutó mahé vā́jāya dhányāya dhanvasi ǁ

    pavamāna mahy arṇo vi dhāvasi sūro na citro avyayāni pavyayā |
    gabhastipūto nṛbhir adribhiḥ suto mahe vājāya dhanyāya dhanvasi ||

    पव॑मान । महि॑ । अर्णः॑ । वि । धा॒व॒सि॒ । सूरः॑ । न । चि॒त्रः । अव्य॑यानि । पव्य॑या ।
    गभ॑स्तिऽपूतः । नृऽभिः॑ । अद्रि॑ऽभिः । सु॒तः । म॒हे । वाजा॑य । धन्या॑य । ध॒न्व॒सि॒ ॥

    पवमान । महि । अर्णः । वि । धावसि । सूरः । न । चित्रः । अव्ययानि । पव्यया ।
    गभस्तिऽपूतः । नृऽभिः । अद्रिऽभिः । सुतः । महे । वाजाय । धन्याय । धन्वसि ॥

    pávamāna ǀ máhi ǀ árṇaḥ ǀ ví ǀ dhāvasi ǀ sū́raḥ ǀ ná ǀ citráḥ ǀ ávyayāni ǀ pávyayā ǀ
    gábhasti-pūtaḥ ǀ nṛ́-bhiḥ ǀ ádri-bhiḥ ǀ sutáḥ ǀ mahé ǀ vā́jāya ǀ dhányāya ǀ dhanvasi ǁ

    pavamāna ǀ mahi ǀ arṇaḥ ǀ vi ǀ dhāvasi ǀ sūraḥ ǀ na ǀ citraḥ ǀ avyayāni ǀ pavyayā ǀ
    gabhasti-pūtaḥ ǀ nṛ-bhiḥ ǀ adri-bhiḥ ǀ sutaḥ ǀ mahe ǀ vājāya ǀ dhanyāya ǀ dhanvasi ǁ

    9.86.34 Aṣṭaka 7.3.18.4Anuvāka 9.5.34Interpretations

35. Ṛk 35

    इष॒मूर्जं॑ पवमाना॒भ्य॑र्षसि श्ये॒नो न वंसु॑ क॒लशे॑षु सीदसि ।
    इंद्रा॑य॒ मद्वा॒ मद्यो॒ मदः॑ सु॒तो दि॒वो वि॑ष्टं॒भ उ॑प॒मो वि॑चक्ष॒णः ॥

    इषम् ऊर्जम् पवमानाभ्य् अर्षसि श्येनो न वंसु कलशेषु सीदसि |
    इन्द्राय मद्वा मद्यो मदः सुतो दिवो विष्टम्भ उपमो विचक्षणः ||

    íṣamū́rjam pavamānābhyárṣasi śyenó ná váṃsu kaláśeṣu sīdasi ǀ
    índrāya mádvā mádyo mádaḥ sutó divó viṣṭambhá upamó vicakṣaṇáḥ ǁ

    iṣam ūrjam pavamānābhy arṣasi śyeno na vaṃsu kalaśeṣu sīdasi |
    indrāya madvā madyo madaḥ suto divo viṣṭambha upamo vicakṣaṇaḥ ||

    इष॑म् । ऊर्ज॑म् । प॒व॒मा॒न॒ । अ॒भि । अ॒र्ष॒सि॒ । श्ये॒नः । न । वंसु॑ । क॒लशे॑षु । सी॒द॒सि॒ ।
    इन्द्रा॑य । मद्वा॑ । मद्यः॑ । मदः॑ । सु॒तः । दि॒वः । वि॒ष्ट॒म्भः । उ॒प॒ऽमः । वि॒ऽच॒क्ष॒णः ॥

    इषम् । ऊर्जम् । पवमान । अभि । अर्षसि । श्येनः । न । वंसु । कलशेषु । सीदसि ।
    इन्द्राय । मद्वा । मद्यः । मदः । सुतः । दिवः । विष्टम्भः । उपऽमः । विऽचक्षणः ॥

    íṣam ǀ ū́rjam ǀ pavamāna ǀ abhí ǀ arṣasi ǀ śyenáḥ ǀ ná ǀ váṃsu ǀ kaláśeṣu ǀ sīdasi ǀ
    índrāya ǀ mádvā ǀ mádyaḥ ǀ mádaḥ ǀ sutáḥ ǀ diváḥ ǀ viṣṭambháḥ ǀ upa-máḥ ǀ vi-cakṣaṇáḥ ǁ

    iṣam ǀ ūrjam ǀ pavamāna ǀ abhi ǀ arṣasi ǀ śyenaḥ ǀ na ǀ vaṃsu ǀ kalaśeṣu ǀ sīdasi ǀ
    indrāya ǀ madvā ǀ madyaḥ ǀ madaḥ ǀ sutaḥ ǀ divaḥ ǀ viṣṭambhaḥ ǀ upa-maḥ ǀ vi-cakṣaṇaḥ ǁ

    9.86.35 Aṣṭaka 7.3.18.5Anuvāka 9.5.35Interpretations

36. Ṛk 36

    स॒प्त स्वसा॑रो अ॒भि मा॒तरः॒ शिशुं॒ नवं॑ जज्ञा॒नं जेन्यं॑ विप॒श्चितं॑ ।
    अ॒पां गं॑ध॒र्वं दि॒व्यं नृ॒चक्ष॑सं॒ सोमं॒ विश्व॑स्य॒ भुव॑नस्य रा॒जसे॑ ॥

    सप्त स्वसारो अभि मातरः शिशुं नवं जज्ञानं जेन्यं विपश्चितम् |
    अपां गन्धर्वं दिव्यं नृचक्षसं सोमं विश्वस्य भुवनस्य राजसे ||

    saptá svásāro abhí mātáraḥ śíśum návam jajñānám jényam vipaścítam ǀ
    apā́m gandharvám divyám nṛcákṣasam sómam víśvasya bhúvanasya rājáse ǁ

    sapta svasāro abhi mātaraḥ śiśuṃ navaṃ jajñānaṃ jenyaṃ vipaścitam |
    apāṃ gandharvaṃ divyaṃ nṛcakṣasaṃ somaṃ viśvasya bhuvanasya rājase ||

    स॒प्त । स्वसा॑रः । अ॒भि । मा॒तरः॑ । शिशु॑म् । नव॑म् । ज॒ज्ञा॒नम् । जेन्य॑म् । वि॒पः॒ऽचित॑म् ।
    अ॒पाम् । ग॒न्ध॒र्वम् । दि॒व्यम् । नृ॒ऽचक्ष॑सम् । सोम॑म् । विश्व॑स्य । भुव॑नस्य । रा॒जसे॑ ॥

    सप्त । स्वसारः । अभि । मातरः । शिशुम् । नवम् । जज्ञानम् । जेन्यम् । विपःऽचितम् ।
    अपाम् । गन्धर्वम् । दिव्यम् । नृऽचक्षसम् । सोमम् । विश्वस्य । भुवनस्य । राजसे ॥

    saptá ǀ svásāraḥ ǀ abhí ǀ mātáraḥ ǀ śíśum ǀ návam ǀ jajñānám ǀ jényam ǀ vipaḥ-cítam ǀ
    apā́m ǀ gandharvám ǀ divyám ǀ nṛ-cákṣasam ǀ sómam ǀ víśvasya ǀ bhúvanasya ǀ rājáse ǁ

    sapta ǀ svasāraḥ ǀ abhi ǀ mātaraḥ ǀ śiśum ǀ navam ǀ jajñānam ǀ jenyam ǀ vipaḥ-citam ǀ
    apām ǀ gandharvam ǀ divyam ǀ nṛ-cakṣasam ǀ somam ǀ viśvasya ǀ bhuvanasya ǀ rājase ǁ

    9.86.36 Aṣṭaka 7.3.19.1Anuvāka 9.5.36Interpretations

37. Ṛk 37

    ई॒शा॒न इ॒मा भुव॑नानि॒ वीय॑से युजा॒न इं॑दो ह॒रितः॑ सुप॒र्ण्यः॑ ।
    तास्ते॑ क्षरंतु॒ मधु॑मद्घृ॒तं पय॒स्तव॑ व्र॒ते सो॑म तिष्ठंतु कृ॒ष्टयः॑ ॥

    ईशान इमा भुवनानि वीयसे युजान इन्दो हरितः सुपर्ण्यः |
    तास् ते क्षरन्तु मधुमद् घृतम् पयस् तव व्रते सोम तिष्ठन्तु कृष्टयः ||

    īśāná imā́ bhúvanāni vī́yase yujāná indo harítaḥ suparṇyáḥ ǀ
    tā́ste kṣarantu mádhumadghṛtám páyastáva vraté soma tiṣṭhantu kṛṣṭáyaḥ ǁ

    īśāna imā bhuvanāni vīyase yujāna indo haritaḥ suparṇyaḥ |
    tās te kṣarantu madhumad ghṛtam payas tava vrate soma tiṣṭhantu kṛṣṭayaḥ ||

    ई॒शा॒नः । इ॒मा । भुव॑नानि । वि । ई॒य॒से॒ । यु॒जा॒नः । इ॒न्दो॒ इति॑ । ह॒रितः॑ । सु॒ऽप॒र्ण्यः॑ ।
    ताः । ते॒ । क्ष॒र॒न्तु॒ । मधु॑ऽमत् । घृ॒तम् । पयः॑ । तव॑ । व्र॒ते । सो॒म॒ । ति॒ष्ठ॒न्तु॒ । कृ॒ष्टयः॑ ॥

    ईशानः । इमा । भुवनानि । वि । ईयसे । युजानः । इन्दो इति । हरितः । सुऽपर्ण्यः ।
    ताः । ते । क्षरन्तु । मधुऽमत् । घृतम् । पयः । तव । व्रते । सोम । तिष्ठन्तु । कृष्टयः ॥

    īśānáḥ ǀ imā́ ǀ bhúvanāni ǀ ví ǀ īyase ǀ yujānáḥ ǀ indo íti ǀ harítaḥ ǀ su-parṇyáḥ ǀ
    tā́ḥ ǀ te ǀ kṣarantu ǀ mádhu-mat ǀ ghṛtám ǀ páyaḥ ǀ táva ǀ vraté ǀ soma ǀ tiṣṭhantu ǀ kṛṣṭáyaḥ ǁ

    īśānaḥ ǀ imā ǀ bhuvanāni ǀ vi ǀ īyase ǀ yujānaḥ ǀ indo iti ǀ haritaḥ ǀ su-parṇyaḥ ǀ
    tāḥ ǀ te ǀ kṣarantu ǀ madhu-mat ǀ ghṛtam ǀ payaḥ ǀ tava ǀ vrate ǀ soma ǀ tiṣṭhantu ǀ kṛṣṭayaḥ ǁ

    9.86.37 Aṣṭaka 7.3.19.2Anuvāka 9.5.37Interpretations

38. Ṛk 38

    त्वं नृ॒चक्षा॑ असि सोम वि॒श्वतः॒ पव॑मान वृषभ॒ ता वि धा॑वसि ।
    स नः॑ पवस्व॒ वसु॑म॒द्धिर॑ण्यवद्व॒यं स्या॑म॒ भुव॑नेषु जी॒वसे॑ ॥

    त्वं नृचक्षा असि सोम विश्वतः पवमान वृषभ ता वि धावसि |
    स नः पवस्व वसुमद् धिरण्यवद् वयं स्याम भुवनेषु जीवसे ||

    tvám nṛcákṣā asi soma viśvátaḥ pávamāna vṛṣabha tā́ ví dhāvasi ǀ
    sá naḥ pavasva vásumaddhíraṇyavadvayám syāma bhúvaneṣu jīváse ǁ

    tvaṃ nṛcakṣā asi soma viśvataḥ pavamāna vṛṣabha tā vi dhāvasi |
    sa naḥ pavasva vasumad dhiraṇyavad vayaṃ syāma bhuvaneṣu jīvase ||

    त्वम् । नृ॒ऽचक्षाः॑ । अ॒सि॒ । सो॒म॒ । वि॒श्वतः॑ । पव॑मान । वृ॒ष॒भ॒ । ता । वि । धा॒व॒सि॒ ।
    सः । नः॒ । प॒व॒स्व॒ । वसु॑ऽमत् । हिर॑ण्यऽवत् । व॒यम् । स्या॒म॒ । भुव॑नेषु । जी॒वसे॑ ॥

    त्वम् । नृऽचक्षाः । असि । सोम । विश्वतः । पवमान । वृषभ । ता । वि । धावसि ।
    सः । नः । पवस्व । वसुऽमत् । हिरण्यऽवत् । वयम् । स्याम । भुवनेषु । जीवसे ॥

    tvám ǀ nṛ-cákṣāḥ ǀ asi ǀ soma ǀ viśvátaḥ ǀ pávamāna ǀ vṛṣabha ǀ tā́ ǀ ví ǀ dhāvasi ǀ
    sáḥ ǀ naḥ ǀ pavasva ǀ vásu-mat ǀ híraṇya-vat ǀ vayám ǀ syāma ǀ bhúvaneṣu ǀ jīváse ǁ

    tvam ǀ nṛ-cakṣāḥ ǀ asi ǀ soma ǀ viśvataḥ ǀ pavamāna ǀ vṛṣabha ǀ tā ǀ vi ǀ dhāvasi ǀ
    saḥ ǀ naḥ ǀ pavasva ǀ vasu-mat ǀ hiraṇya-vat ǀ vayam ǀ syāma ǀ bhuvaneṣu ǀ jīvase ǁ

    9.86.38 Aṣṭaka 7.3.19.3Anuvāka 9.5.38Interpretations

39. Ṛk 39

    गो॒वित्प॑वस्व वसु॒विद्धि॑रण्य॒विद्रे॑तो॒धा इं॑दो॒ भुव॑ने॒ष्वर्पि॑तः ।
    त्वं सु॒वीरो॑ असि सोम विश्व॒वित्तं त्वा॒ विप्रा॒ उप॑ गि॒रेम आ॑सते ॥

    गोवित् पवस्व वसुविद् धिरण्यविद् रेतोधा इन्दो भुवनेष्व् अर्पितः |
    त्वं सुवीरो असि सोम विश्ववित् तं त्वा विप्रा उप गिरेम आसते ||

    govítpavasva vasuvíddhiraṇyavídretodhā́ indo bhúvaneṣvárpitaḥ ǀ
    tvám suvī́ro asi soma viśvavíttám tvā víprā úpa girémá āsate ǁ

    govit pavasva vasuvid dhiraṇyavid retodhā indo bhuvaneṣv arpitaḥ |
    tvaṃ suvīro asi soma viśvavit taṃ tvā viprā upa girema āsate ||

    गो॒ऽवित् । प॒व॒स्व॒ । व॒सु॒ऽवित् । हि॒र॒ण्य॒ऽवित् । रे॒तः॒ऽधाः । इ॒न्दो॒ इति॑ । भुव॑नेषु । अर्पि॑तः ।
    त्वम् । सु॒ऽवीरः॑ । अ॒सि॒ । सो॒म॒ । वि॒श्व॒ऽवित् । तम् । त्वा॒ । विप्राः॑ । उप॑ । गि॒रा । इ॒मे । आ॒स॒ते॒ ॥

    गोऽवित् । पवस्व । वसुऽवित् । हिरण्यऽवित् । रेतःऽधाः । इन्दो इति । भुवनेषु । अर्पितः ।
    त्वम् । सुऽवीरः । असि । सोम । विश्वऽवित् । तम् । त्वा । विप्राः । उप । गिरा । इमे । आसते ॥

    go-vít ǀ pavasva ǀ vasu-vít ǀ hiraṇya-vít ǀ retaḥ-dhā́ḥ ǀ indo íti ǀ bhúvaneṣu ǀ árpitaḥ ǀ
    tvám ǀ su-vī́raḥ ǀ asi ǀ soma ǀ viśva-vít ǀ tám ǀ tvā ǀ víprāḥ ǀ úpa ǀ girā́ ǀ imé ǀ āsate ǁ

    go-vit ǀ pavasva ǀ vasu-vit ǀ hiraṇya-vit ǀ retaḥ-dhāḥ ǀ indo iti ǀ bhuvaneṣu ǀ arpitaḥ ǀ
    tvam ǀ su-vīraḥ ǀ asi ǀ soma ǀ viśva-vit ǀ tam ǀ tvā ǀ viprāḥ ǀ upa ǀ girā ǀ ime ǀ āsate ǁ

    9.86.39 Aṣṭaka 7.3.19.4Anuvāka 9.5.39Interpretations

40. Ṛk 40

    उन्मध्व॑ ऊ॒र्मिर्व॒नना॑ अतिष्ठिपद॒पो वसा॑नो महि॒षो वि गा॑हते ।
    राजा॑ प॒वित्र॑रथो॒ वाज॒मारु॑हत्स॒हस्र॑भृष्टिर्जयति॒ श्रवो॑ बृ॒हत् ॥

    उन् मध्व ऊर्मिर् वनना अतिष्ठिपद् अपो वसानो महिषो वि गाहते |
    राजा पवित्ररथो वाजम् आरुहत् सहस्रभृष्टिर् जयति श्रवो बृहत् ||

    únmádhva ūrmírvanánā atiṣṭhipadapó vásāno mahiṣó ví gāhate ǀ
    rā́jā pavítraratho vā́jamā́ruhatsahásrabhṛṣṭirjayati śrávo bṛhát ǁ

    un madhva ūrmir vananā atiṣṭhipad apo vasāno mahiṣo vi gāhate |
    rājā pavitraratho vājam āruhat sahasrabhṛṣṭir jayati śravo bṛhat ||

    उत् । मध्वः॑ । ऊ॒र्मिः । व॒ननाः॑ । अ॒ति॒स्थि॒प॒त् । अ॒पः । वसा॑नः । म॒हि॒षः । वि । गा॒ह॒ते॒ ।
    राजा॑ । प॒वित्र॑ऽरथः । वाज॑म् । आ । अ॒रु॒ह॒त् । स॒हस्र॑ऽभृष्टिः । ज॒य॒ति॒ । श्रवः॑ । बृ॒हत् ॥

    उत् । मध्वः । ऊर्मिः । वननाः । अतिस्थिपत् । अपः । वसानः । महिषः । वि । गाहते ।
    राजा । पवित्रऽरथः । वाजम् । आ । अरुहत् । सहस्रऽभृष्टिः । जयति । श्रवः । बृहत् ॥

    út ǀ mádhvaḥ ǀ ūrmíḥ ǀ vanánāḥ ǀ atisthipat ǀ apáḥ ǀ vásānaḥ ǀ mahiṣáḥ ǀ ví ǀ gāhate ǀ
    rā́jā ǀ pavítra-rathaḥ ǀ vā́jam ǀ ā́ ǀ aruhat ǀ sahásra-bhṛṣṭiḥ ǀ jayati ǀ śrávaḥ ǀ bṛhát ǁ

    ut ǀ madhvaḥ ǀ ūrmiḥ ǀ vananāḥ ǀ atisthipat ǀ apaḥ ǀ vasānaḥ ǀ mahiṣaḥ ǀ vi ǀ gāhate ǀ
    rājā ǀ pavitra-rathaḥ ǀ vājam ǀ ā ǀ aruhat ǀ sahasra-bhṛṣṭiḥ ǀ jayati ǀ śravaḥ ǀ bṛhat ǁ

    9.86.40 Aṣṭaka 7.3.19.5Anuvāka 9.5.40Interpretations

41. Ṛk 41

    स भं॒दना॒ उदि॑यर्ति प्र॒जाव॑तीर्वि॒श्वायु॒र्विश्वाः॑ सु॒भरा॒ अह॑र्दिवि ।
    ब्रह्म॑ प्र॒जाव॑द्र॒यिमश्व॑पस्त्यं पी॒त इं॑द॒विंद्र॑म॒स्मभ्यं॑ याचतात् ॥

    स भन्दना उद् इयर्ति प्रजावतीर् विश्वायुर् विश्वाः सुभरा अहर्दिवि |
    ब्रह्म प्रजावद् रयिम् अश्वपस्त्यम् पीत इन्दव् इन्द्रम् अस्मभ्यं याचतात् ||

    sá bhandánā údiyarti prajā́vatīrviśvā́yurvíśvāḥ subhárā áhardivi ǀ
    bráhma prajā́vadrayímáśvapastyam pītá indavíndramasmábhyam yācatāt ǁ

    sa bhandanā ud iyarti prajāvatīr viśvāyur viśvāḥ subharā ahardivi |
    brahma prajāvad rayim aśvapastyam pīta indav indram asmabhyaṃ yācatāt ||

    सः । भ॒न्दनाः॑ । उत् । इ॒य॒र्ति॒ । प्र॒जाऽव॑तीः । वि॒श्वऽआ॑युः । विश्वाः॑ । सु॒ऽभराः॑ । अहः॑ऽदिवि ।
    ब्रह्म॑ । प्र॒जाऽव॑त् । र॒यिम् । अश्व॑ऽपस्त्यम् । पी॒तः । इ॒न्दो॒ इति॑ । इन्द्र॑म् । अ॒स्मभ्य॑म् । या॒च॒ता॒त् ॥

    सः । भन्दनाः । उत् । इयर्ति । प्रजाऽवतीः । विश्वऽआयुः । विश्वाः । सुऽभराः । अहःऽदिवि ।
    ब्रह्म । प्रजाऽवत् । रयिम् । अश्वऽपस्त्यम् । पीतः । इन्दो इति । इन्द्रम् । अस्मभ्यम् । याचतात् ॥

    sáḥ ǀ bhandánāḥ ǀ út ǀ iyarti ǀ prajā́-vatīḥ ǀ viśvá-āyuḥ ǀ víśvāḥ ǀ su-bhárāḥ ǀ áhaḥ-divi ǀ
    bráhma ǀ prajā́-vat ǀ rayím ǀ áśva-pastyam ǀ pītáḥ ǀ indo íti ǀ índram ǀ asmábhyam ǀ yācatāt ǁ

    saḥ ǀ bhandanāḥ ǀ ut ǀ iyarti ǀ prajā-vatīḥ ǀ viśva-āyuḥ ǀ viśvāḥ ǀ su-bharāḥ ǀ ahaḥ-divi ǀ
    brahma ǀ prajā-vat ǀ rayim ǀ aśva-pastyam ǀ pītaḥ ǀ indo iti ǀ indram ǀ asmabhyam ǀ yācatāt ǁ

    9.86.41 Aṣṭaka 7.3.20.1Anuvāka 9.5.41Interpretations

42. Ṛk 42

    सो अग्रे॒ अह्नां॒ हरि॑र्हर्य॒तो मदः॒ प्र चेत॑सा चेतयते॒ अनु॒ द्युभिः॑ ।
    द्वा जना॑ या॒तय॑न्नं॒तरी॑यते॒ नरा॑ च॒ शंसं॒ दैव्यं॑ च ध॒र्तरि॑ ॥

    सो अग्रे अह्नां हरिर् हर्यतो मदः प्र चेतसा चेतयते अनु द्युभिः |
    द्वा जना यातयन्न् अन्तर् ईयते नरा च शंसं दैव्यं च धर्तरि ||

    só ágre áhnām hárirharyató mádaḥ prá cétasā cetayate ánu dyúbhiḥ ǀ
    dvā́ jánā yātáyannantárīyate nárā ca śáṃsam dáivyam ca dhartári ǁ

    so agre ahnāṃ harir haryato madaḥ pra cetasā cetayate anu dyubhiḥ |
    dvā janā yātayann antar īyate narā ca śaṃsaṃ daivyaṃ ca dhartari ||

    सः । अग्रे॑ । अह्ना॑म् । हरिः॑ । ह॒र्य॒तः । मदः॑ । प्र । चेत॑सा । चे॒त॒य॒ते॒ । अनु॑ । द्युऽभिः॑ ।
    द्वा । जना॑ । या॒तय॑न् । अ॒न्तः । ई॒य॒ते॒ । नरा॒शंस॑म् । च॒ । दैव्य॑म् । च॒ । ध॒र्तरि॑ ॥

    सः । अग्रे । अह्नाम् । हरिः । हर्यतः । मदः । प्र । चेतसा । चेतयते । अनु । द्युऽभिः ।
    द्वा । जना । यातयन् । अन्तः । ईयते । नराशंसम् । च । दैव्यम् । च । धर्तरि ॥

    sáḥ ǀ ágre ǀ áhnām ǀ háriḥ ǀ haryatáḥ ǀ mádaḥ ǀ prá ǀ cétasā ǀ cetayate ǀ ánu ǀ dyú-bhiḥ ǀ
    dvā́ ǀ jánā ǀ yātáyan ǀ antáḥ ǀ īyate ǀ nárāśáṃsam ǀ ca ǀ dáivyam ǀ ca ǀ dhartári ǁ

    saḥ ǀ agre ǀ ahnām ǀ hariḥ ǀ haryataḥ ǀ madaḥ ǀ pra ǀ cetasā ǀ cetayate ǀ anu ǀ dyu-bhiḥ ǀ
    dvā ǀ janā ǀ yātayan ǀ antaḥ ǀ īyate ǀ narāśaṃsam ǀ ca ǀ daivyam ǀ ca ǀ dhartari ǁ

    9.86.42 Aṣṭaka 7.3.20.2Anuvāka 9.5.42Interpretations

43. Ṛk 43

    अं॒जते॒ व्यं॑जते॒ समं॑जते॒ क्रतुं॑ रिहंति॒ मधु॑ना॒भ्यं॑जते ।
    सिंधो॑रुच्छ्वा॒से प॒तयं॑तमु॒क्षणं॑ हिरण्यपा॒वाः प॒शुमा॑सु गृभ्णते ॥

    अञ्जते व्य् अञ्जते सम् अञ्जते क्रतुं रिहन्ति मधुनाभ्य् अञ्जते |
    सिन्धोर् उच्छ्वासे पतयन्तम् उक्षणं हिरण्यपावाः पशुम् आसु गृभ्णते ||

    añjáte vyáñjate sámañjate krátum rihanti mádhunābhyáñjate ǀ
    síndhorucchvāsé patáyantamukṣáṇam hiraṇyapāvā́ḥ paśúmāsu gṛbhṇate ǁ

    añjate vy añjate sam añjate kratuṃ rihanti madhunābhy añjate |
    sindhor ucchvāse patayantam ukṣaṇaṃ hiraṇyapāvāḥ paśum āsu gṛbhṇate ||

    अ॒ञ्जते॑ । वि । अ॒ञ्ज॒ते॒ । सम् । अ॒ञ्ज॒ते॒ । क्रतु॑म् । रि॒ह॒न्ति॒ । मधु॑ना । अ॒भि । अ॒ञ्ज॒ते॒ ।
    सिन्धोः॑ । उ॒त्ऽश्वा॒से । प॒तय॑न्तम् । उ॒क्षण॑म् । हि॒र॒ण्य॒ऽपा॒वाः । प॒शुम् । आ॒सु॒ । गृ॒भ्ण॒ते॒ ॥

    अञ्जते । वि । अञ्जते । सम् । अञ्जते । क्रतुम् । रिहन्ति । मधुना । अभि । अञ्जते ।
    सिन्धोः । उत्ऽश्वासे । पतयन्तम् । उक्षणम् । हिरण्यऽपावाः । पशुम् । आसु । गृभ्णते ॥

    añjáte ǀ ví ǀ añjate ǀ sám ǀ añjate ǀ krátum ǀ rihanti ǀ mádhunā ǀ abhí ǀ añjate ǀ
    síndhoḥ ǀ ut-śvāsé ǀ patáyantam ǀ ukṣáṇam ǀ hiraṇya-pāvā́ḥ ǀ paśúm ǀ āsu ǀ gṛbhṇate ǁ

    añjate ǀ vi ǀ añjate ǀ sam ǀ añjate ǀ kratum ǀ rihanti ǀ madhunā ǀ abhi ǀ añjate ǀ
    sindhoḥ ǀ ut-śvāse ǀ patayantam ǀ ukṣaṇam ǀ hiraṇya-pāvāḥ ǀ paśum ǀ āsu ǀ gṛbhṇate ǁ

    9.86.43 Aṣṭaka 7.3.20.3Anuvāka 9.5.43Interpretations

44. Ṛk 44

    वि॒प॒श्चिते॒ पव॑मानाय गायत म॒ही न धारात्यंधो॑ अर्षति ।
    अहि॒र्न जू॒र्णामति॑ सर्पति॒ त्वच॒मत्यो॒ न क्रीळ॑न्नसर॒द्वृषा॒ हरिः॑ ॥

    विपश्चिते पवमानाय गायत मही न धारात्य् अन्धो अर्षति |
    अहिर् न जूर्णाम् अति सर्पति त्वचम् अत्यो न क्रीऌअन्न् असरद् वृषा हरिः ||

    vipaścíte pávamānāya gāyata mahī́ ná dhā́rā́tyándho arṣati ǀ
    áhirná jūrṇā́máti sarpati tvácamátyo ná krī́ḷannasaradvṛ́ṣā háriḥ ǁ

    vipaścite pavamānāya gāyata mahī na dhārāty andho arṣati |
    ahir na jūrṇām ati sarpati tvacam atyo na krīḷann asarad vṛṣā hariḥ ||

    वि॒पः॒ऽचिते॑ । पव॑मानाय । गा॒य॒त॒ । म॒ही । न । धारा॑ । अति॑ । अन्धः॑ । अ॒र्ष॒ति॒ ।
    अहिः॑ । न । जू॒र्णाम् । अति॑ । स॒र्प॒ति॒ । त्वच॑म् । अत्यः॑ । न । क्रीळ॑न् । अ॒स॒र॒त् । वृषा॑ । हरिः॑ ॥

    विपःऽचिते । पवमानाय । गायत । मही । न । धारा । अति । अन्धः । अर्षति ।
    अहिः । न । जूर्णाम् । अति । सर्पति । त्वचम् । अत्यः । न । क्रीळन् । असरत् । वृषा । हरिः ॥

    vipaḥ-cíte ǀ pávamānāya ǀ gāyata ǀ mahī́ ǀ ná ǀ dhā́rā ǀ áti ǀ ándhaḥ ǀ arṣati ǀ
    áhiḥ ǀ ná ǀ jūrṇā́m ǀ áti ǀ sarpati ǀ tvácam ǀ átyaḥ ǀ ná ǀ krī́ḷan ǀ asarat ǀ vṛ́ṣā ǀ háriḥ ǁ

    vipaḥ-cite ǀ pavamānāya ǀ gāyata ǀ mahī ǀ na ǀ dhārā ǀ ati ǀ andhaḥ ǀ arṣati ǀ
    ahiḥ ǀ na ǀ jūrṇām ǀ ati ǀ sarpati ǀ tvacam ǀ atyaḥ ǀ na ǀ krīḷan ǀ asarat ǀ vṛṣā ǀ hariḥ ǁ

    9.86.44 Aṣṭaka 7.3.20.4Anuvāka 9.5.44Interpretations

45. Ṛk 45

    अ॒ग्रे॒गो राजाप्य॑स्तविष्यते वि॒मानो॒ अह्नां॒ भुव॑ने॒ष्वर्पि॑तः ।
    हरि॑र्घृ॒तस्नुः॑ सु॒दृशी॑को अर्ण॒वो ज्यो॒तीर॑थः पवते रा॒य ओ॒क्यः॑ ॥

    अग्रेगो राजाप्यस् तविष्यते विमानो अह्नाम् भुवनेष्व् अर्पितः |
    हरिर् घृतस्नुः सुदृशीको अर्णवो ज्योतीरथः पवते राय ओक्यः ||

    agregó rā́jā́pyastaviṣyate vimā́no áhnām bhúvaneṣvárpitaḥ ǀ
    hárirghṛtásnuḥ sudṛ́śīko arṇavó jyotī́rathaḥ pavate rāyá okyaḥ ǁ

    agrego rājāpyas taviṣyate vimāno ahnām bhuvaneṣv arpitaḥ |
    harir ghṛtasnuḥ sudṛśīko arṇavo jyotīrathaḥ pavate rāya okyaḥ ||

    अ॒ग्रे॒ऽगः । राजा॑ । अप्यः॑ । त॒वि॒ष्य॒ते॒ । वि॒ऽमानः॑ । अह्ना॑म् । भुव॑नेषु । अर्पि॑तः ।
    हरिः॑ । घृ॒तऽस्नुः॑ । सु॒ऽदृशी॑कः । अ॒र्ण॒वः । ज्यो॒तिःऽर॑थः । प॒व॒ते॒ । रा॒ये । ओ॒क्यः॑ ॥

    अग्रेऽगः । राजा । अप्यः । तविष्यते । विऽमानः । अह्नाम् । भुवनेषु । अर्पितः ।
    हरिः । घृतऽस्नुः । सुऽदृशीकः । अर्णवः । ज्योतिःऽरथः । पवते । राये । ओक्यः ॥

    agre-gáḥ ǀ rā́jā ǀ ápyaḥ ǀ taviṣyate ǀ vi-mā́naḥ ǀ áhnām ǀ bhúvaneṣu ǀ árpitaḥ ǀ
    háriḥ ǀ ghṛtá-snuḥ ǀ su-dṛ́śīkaḥ ǀ arṇaváḥ ǀ jyotíḥ-rathaḥ ǀ pavate ǀ rāyé ǀ okyáḥ ǁ

    agre-gaḥ ǀ rājā ǀ apyaḥ ǀ taviṣyate ǀ vi-mānaḥ ǀ ahnām ǀ bhuvaneṣu ǀ arpitaḥ ǀ
    hariḥ ǀ ghṛta-snuḥ ǀ su-dṛśīkaḥ ǀ arṇavaḥ ǀ jyotiḥ-rathaḥ ǀ pavate ǀ rāye ǀ okyaḥ ǁ

    9.86.45 Aṣṭaka 7.3.20.5Anuvāka 9.5.45Interpretations

46. Ṛk 46

    अस॑र्जि स्कं॒भो दि॒व उद्य॑तो॒ मदः॒ परि॑ त्रि॒धातु॒र्भुव॑नान्यर्षति ।
    अं॒शुं रि॑हंति म॒तयः॒ पनि॑प्नतं गि॒रा यदि॑ नि॒र्णिज॑मृ॒ग्मिणो॑ य॒युः ॥

    असर्जि स्कम्भो दिव उद्यतो मदः परि त्रिधातुर् भुवनान्य् अर्षति |
    अंशुं रिहन्ति मतयः पनिप्नतं गिरा यदि निर्णिजम् ऋग्मिणो ययुः ||

    ásarji skambhó divá údyato mádaḥ pári tridhā́turbhúvanānyarṣati ǀ
    aṃśúm rihanti matáyaḥ pánipnatam girā́ yádi nirṇíjamṛgmíṇo yayúḥ ǁ

    asarji skambho diva udyato madaḥ pari tridhātur bhuvanāny arṣati |
    aṃśuṃ rihanti matayaḥ panipnataṃ girā yadi nirṇijam ṛgmiṇo yayuḥ ||

    अस॑र्जि । स्क॒म्भः । दि॒वः । उत्ऽय॑तः । मदः॑ । परि॑ । त्रि॒ऽधातुः॑ । भुव॑नानि । अ॒र्ष॒ति॒ ।
    अं॒शुम् । रि॒ह॒न्ति॒ । म॒तयः॑ । पनि॑प्नतम् । गि॒रा । यदि॑ । निः॒ऽनिज॑म् । ऋ॒ग्मिणः॑ । य॒युः ॥

    असर्जि । स्कम्भः । दिवः । उत्ऽयतः । मदः । परि । त्रिऽधातुः । भुवनानि । अर्षति ।
    अंशुम् । रिहन्ति । मतयः । पनिप्नतम् । गिरा । यदि । निःऽनिजम् । ऋग्मिणः । ययुः ॥

    ásarji ǀ skambháḥ ǀ diváḥ ǀ út-yataḥ ǀ mádaḥ ǀ pári ǀ tri-dhā́tuḥ ǀ bhúvanāni ǀ arṣati ǀ
    aṃśúm ǀ rihanti ǀ matáyaḥ ǀ pánipnatam ǀ girā́ ǀ yádi ǀ niḥ-níjam ǀ ṛgmíṇaḥ ǀ yayúḥ ǁ

    asarji ǀ skambhaḥ ǀ divaḥ ǀ ut-yataḥ ǀ madaḥ ǀ pari ǀ tri-dhātuḥ ǀ bhuvanāni ǀ arṣati ǀ
    aṃśum ǀ rihanti ǀ matayaḥ ǀ panipnatam ǀ girā ǀ yadi ǀ niḥ-nijam ǀ ṛgmiṇaḥ ǀ yayuḥ ǁ

    9.86.46 Aṣṭaka 7.3.21.1Anuvāka 9.5.46Interpretations

47. Ṛk 47

    प्र ते॒ धारा॒ अत्यण्वा॑नि मे॒ष्यः॑ पुना॒नस्य॑ सं॒यतो॑ यंति॒ रंह॑यः ।
    यद्गोभि॑रिंदो च॒म्वोः॑ सम॒ज्यस॒ आ सु॑वा॒नः सो॑म क॒लशे॑षु सीदसि ॥

    प्र ते धारा अत्य् अण्वानि मेष्यः पुनानस्य संयतो यन्ति रंहयः |
    यद् गोभिर् इन्दो चम्वोः समज्यस आ सुवानः सोम कलशेषु सीदसि ||

    prá te dhā́rā átyáṇvāni meṣyáḥ punānásya saṃyáto yanti ráṃhayaḥ ǀ
    yádgóbhirindo camvóḥ samajyása ā́ suvānáḥ soma kaláśeṣu sīdasi ǁ

    pra te dhārā aty aṇvāni meṣyaḥ punānasya saṃyato yanti raṃhayaḥ |
    yad gobhir indo camvoḥ samajyasa ā suvānaḥ soma kalaśeṣu sīdasi ||

    प्र । ते॒ । धाराः॑ । अति॑ । अण्वा॑नि । मे॒ष्यः॑ । पु॒ना॒नस्य॑ । स॒म्ऽयतः॑ । य॒न्ति॒ । रंह॑यः ।
    यत् । गोभिः॑ । इ॒न्दो॒ इति॑ । च॒म्वोः॑ । स॒म्ऽअ॒ज्यसे॑ । आ । सु॒वा॒नः । सो॒म॒ । क॒लशे॑षु । सी॒द॒सि॒ ॥

    प्र । ते । धाराः । अति । अण्वानि । मेष्यः । पुनानस्य । सम्ऽयतः । यन्ति । रंहयः ।
    यत् । गोभिः । इन्दो इति । चम्वोः । सम्ऽअज्यसे । आ । सुवानः । सोम । कलशेषु । सीदसि ॥

    prá ǀ te ǀ dhā́rāḥ ǀ áti ǀ áṇvāni ǀ meṣyáḥ ǀ punānásya ǀ sam-yátaḥ ǀ yanti ǀ ráṃhayaḥ ǀ
    yát ǀ góbhiḥ ǀ indo íti ǀ camvóḥ ǀ sam-ajyáse ǀ ā́ ǀ suvānáḥ ǀ soma ǀ kaláśeṣu ǀ sīdasi ǁ

    pra ǀ te ǀ dhārāḥ ǀ ati ǀ aṇvāni ǀ meṣyaḥ ǀ punānasya ǀ sam-yataḥ ǀ yanti ǀ raṃhayaḥ ǀ
    yat ǀ gobhiḥ ǀ indo iti ǀ camvoḥ ǀ sam-ajyase ǀ ā ǀ suvānaḥ ǀ soma ǀ kalaśeṣu ǀ sīdasi ǁ

    9.86.47 Aṣṭaka 7.3.21.2Anuvāka 9.5.47Interpretations

48. Ṛk 48

    पव॑स्व सोम क्रतु॒विन्न॑ उ॒क्थ्योऽव्यो॒ वारे॒ परि॑ धाव॒ मधु॑ प्रि॒यं ।
    ज॒हि विश्वा॑न्र॒क्षस॑ इंदो अ॒त्रिणो॑ बृ॒हद्व॑देम वि॒दथे॑ सु॒वीराः॑ ॥

    पवस्व सोम क्रतुविन् न उक्थ्यो ऽव्यो वारे परि धाव मधु प्रियम् |
    जहि विश्वान् रक्षस इन्दो अत्रिणो बृहद् वदेम विदथे सुवीराः ||

    pávasva soma kratuvínna ukthyó’vyo vā́re pári dhāva mádhu priyám ǀ
    jahí víśvānrakṣása indo atríṇo bṛhádvadema vidáthe suvī́rāḥ ǁ

    pavasva soma kratuvin na ukthyo 'vyo vāre pari dhāva madhu priyam |
    jahi viśvān rakṣasa indo atriṇo bṛhad vadema vidathe suvīrāḥ ||

    पव॑स्व । सो॒म॒ । क्र॒तु॒ऽवित् । नः॒ । उ॒क्थ्यः॑ । अव्यः॑ । वारे॑ । परि॑ । धा॒व॒ । मधु॑ । प्रि॒यम् ।
    ज॒हि । विश्वा॑न् । र॒क्षसः॑ । इ॒न्दो॒ इति॑ । अ॒त्रिणः॑ । बृ॒हत् । व॒दे॒म॒ । वि॒दथे॑ । सु॒ऽवीराः॑ ॥

    पवस्व । सोम । क्रतुऽवित् । नः । उक्थ्यः । अव्यः । वारे । परि । धाव । मधु । प्रियम् ।
    जहि । विश्वान् । रक्षसः । इन्दो इति । अत्रिणः । बृहत् । वदेम । विदथे । सुऽवीराः ॥

    pávasva ǀ soma ǀ kratu-vít ǀ naḥ ǀ ukthyáḥ ǀ ávyaḥ ǀ vā́re ǀ pári ǀ dhāva ǀ mádhu ǀ priyám ǀ
    jahí ǀ víśvān ǀ rakṣásaḥ ǀ indo íti ǀ atríṇaḥ ǀ bṛhát ǀ vadema ǀ vidáthe ǀ su-vī́rāḥ ǁ

    pavasva ǀ soma ǀ kratu-vit ǀ naḥ ǀ ukthyaḥ ǀ avyaḥ ǀ vāre ǀ pari ǀ dhāva ǀ madhu ǀ priyam ǀ
    jahi ǀ viśvān ǀ rakṣasaḥ ǀ indo iti ǀ atriṇaḥ ǀ bṛhat ǀ vadema ǀ vidathe ǀ su-vīrāḥ ǁ

    9.86.48 Aṣṭaka 7.3.21.3Anuvāka 9.5.48Interpretations

Text, recitation and interpretations from the Ṛgveda database of theveda.org.in.