Devatā देवता

Soma Pavamāna

Ṛṣi ऋषि

Vasiṣṭha Maitrāvaruṇi

Chandas छन्दस्

Triṣṭubh

1. Ṛk 1

   प्र हि॑न्वा॒नो ज॑नि॒ता रोद॑स्यो॒ रथो॒ न वाजं॑ सनि॒ष्यन्न॑यासीत् ।
   इंद्रं॒ गच्छ॒न्नायु॑धा सं॒शिशा॑नो॒ विश्वा॒ वसु॒ हस्त॑योरा॒दधा॑नः ॥

   प्र हिन्वानो जनिता रोदस्यो रथो न वाजं सनिष्यन्न् अयासीत् |
   इन्द्रं गच्छन्न् आयुधा संशिशानो विश्वा वसु हस्तयोर् आदधानः ||

   prá hinvānó janitā́ ródasyo rátho ná vā́jam saniṣyánnayāsīt ǀ
   índram gácchannā́yudhā saṃśíśāno víśvā vásu hástayorādádhānaḥ ǁ

   pra hinvāno janitā rodasyo ratho na vājaṃ saniṣyann ayāsīt |
   indraṃ gacchann āyudhā saṃśiśāno viśvā vasu hastayor ādadhānaḥ ||

   प्र । हि॒न्वा॒नः । ज॒नि॒ता । रोद॑स्योः । रथः॑ । न । वाज॑म् । स॒नि॒ष्यन् । अ॒या॒सी॒त् ।
   इन्द्र॑म् । गच्छ॑न् । आयु॑धा । स॒म्ऽशिशा॑नः । विश्वा॑ । वसु॑ । हस्त॑योः । आ॒ऽदधा॑नः ॥

   प्र । हिन्वानः । जनिता । रोदस्योः । रथः । न । वाजम् । सनिष्यन् । अयासीत् ।
   इन्द्रम् । गच्छन् । आयुधा । सम्ऽशिशानः । विश्वा । वसु । हस्तयोः । आऽदधानः ॥

   prá ǀ hinvānáḥ ǀ janitā́ ǀ ródasyoḥ ǀ ráthaḥ ǀ ná ǀ vā́jam ǀ saniṣyán ǀ ayāsīt ǀ
   índram ǀ gácchan ǀ ā́yudhā ǀ sam-śíśānaḥ ǀ víśvā ǀ vásu ǀ hástayoḥ ǀ ā-dádhānaḥ ǁ

   pra ǀ hinvānaḥ ǀ janitā ǀ rodasyoḥ ǀ rathaḥ ǀ na ǀ vājam ǀ saniṣyan ǀ ayāsīt ǀ
   indram ǀ gacchan ǀ āyudhā ǀ sam-śiśānaḥ ǀ viśvā ǀ vasu ǀ hastayoḥ ǀ ā-dadhānaḥ ǁ

   9.90.1 Aṣṭaka 7.3.26.1Anuvāka 9.5.73Interpretations

2. Ṛk 2

   अ॒भि त्रि॑पृ॒ष्ठं वृष॑णं वयो॒धामां॑गू॒षाणा॑मवावशंत॒ वाणीः॑ ।
   वना॒ वसा॑नो॒ वरु॑णो॒ न सिंधू॒न्वि र॑त्न॒धा द॑यते॒ वार्या॑णि ॥

   अभि त्रिपृष्ठं वृषणं वयोधाम् आङ्गूषाणाम् अवावशन्त वाणीः |
   वना वसानो वरुणो न सिन्धून् वि रत्नधा दयते वार्याणि ||

   abhí tripṛṣṭhám vṛ́ṣaṇam vayodhā́māṅgūṣā́ṇāmavāvaśanta vā́ṇīḥ ǀ
   vánā vásāno váruṇo ná síndhūnví ratnadhā́ dayate vā́ryāṇi ǁ

   abhi tripṛṣṭhaṃ vṛṣaṇaṃ vayodhām āṅgūṣāṇām avāvaśanta vāṇīḥ |
   vanā vasāno varuṇo na sindhūn vi ratnadhā dayate vāryāṇi ||

   अ॒भि । त्रि॒ऽपृ॒ष्ठम् । वृष॑णम् । व॒यः॒ऽधाम् । आ॒ङ्गू॒षाणा॑म् । अ॒वा॒व॒श॒न्त॒ । वाणीः॑ ।
   वना॑ । वसा॑नः । वरु॑णः । न । सिन्धू॑न् । वि । र॒त्न॒ऽधाः । द॒य॒ते॒ । वार्या॑णि ॥

   अभि । त्रिऽपृष्ठम् । वृषणम् । वयःऽधाम् । आङ्गूषाणाम् । अवावशन्त । वाणीः ।
   वना । वसानः । वरुणः । न । सिन्धून् । वि । रत्नऽधाः । दयते । वार्याणि ॥

   abhí ǀ tri-pṛṣṭhám ǀ vṛ́ṣaṇam ǀ vayaḥ-dhā́m ǀ āṅgūṣā́ṇām ǀ avāvaśanta ǀ vā́ṇīḥ ǀ
   vánā ǀ vásānaḥ ǀ váruṇaḥ ǀ ná ǀ síndhūn ǀ ví ǀ ratna-dhā́ḥ ǀ dayate ǀ vā́ryāṇi ǁ

   abhi ǀ tri-pṛṣṭham ǀ vṛṣaṇam ǀ vayaḥ-dhām ǀ āṅgūṣāṇām ǀ avāvaśanta ǀ vāṇīḥ ǀ
   vanā ǀ vasānaḥ ǀ varuṇaḥ ǀ na ǀ sindhūn ǀ vi ǀ ratna-dhāḥ ǀ dayate ǀ vāryāṇi ǁ

   9.90.2 Aṣṭaka 7.3.26.2Anuvāka 9.5.74Interpretations

3. Ṛk 3

   शूर॑ग्रामः॒ सर्व॑वीरः॒ सहा॑वां॒जेता॑ पवस्व॒ सनि॑ता॒ धना॑नि ।
   ति॒ग्मायु॑धः क्षि॒प्रध॑न्वा स॒मत्स्वषा॑ळ्हः सा॒ह्वान्पृत॑नासु॒ शत्रू॑न् ॥

   शूरग्रामः सर्ववीरः सहावाञ् जेता पवस्व सनिता धनानि |
   तिग्मायुधः क्षिप्रधन्वा समत्स्व् अषाऌहः साह्वान् पृतनासु शत्रून् ||

   śū́ragrāmaḥ sárvavīraḥ sáhāvāñjétā pavasva sánitā dhánāni ǀ
   tigmā́yudhaḥ kṣiprádhanvā samátsváṣāḷhaḥ sāhvā́npṛ́tanāsu śátrūn ǁ

   śūragrāmaḥ sarvavīraḥ sahāvāñ jetā pavasva sanitā dhanāni |
   tigmāyudhaḥ kṣipradhanvā samatsv aṣāḷhaḥ sāhvān pṛtanāsu śatrūn ||

   शूर॑ऽग्रामः । सर्व॑ऽवीरः । सहा॑वान् । जेता॑ । प॒व॒स्व॒ । सनि॑ता । धना॑नि ।
   ति॒ग्मऽआ॑युधः । क्षि॒प्रऽध॑न्वा । स॒मत्ऽसु॑ । अषा॑ळ्हः । स॒ह्वान् । पृत॑नासु । शत्रू॑न् ॥

   शूरऽग्रामः । सर्वऽवीरः । सहावान् । जेता । पवस्व । सनिता । धनानि ।
   तिग्मऽआयुधः । क्षिप्रऽधन्वा । समत्ऽसु । अषाळ्हः । सह्वान् । पृतनासु । शत्रून् ॥

   śū́ra-grāmaḥ ǀ sárva-vīraḥ ǀ sáhāvān ǀ jétā ǀ pavasva ǀ sánitā ǀ dhánāni ǀ
   tigmá-āyudhaḥ ǀ kṣiprá-dhanvā ǀ samát-su ǀ áṣāḷhaḥ ǀ sahvā́n ǀ pṛ́tanāsu ǀ śátrūn ǁ

   śūra-grāmaḥ ǀ sarva-vīraḥ ǀ sahāvān ǀ jetā ǀ pavasva ǀ sanitā ǀ dhanāni ǀ
   tigma-āyudhaḥ ǀ kṣipra-dhanvā ǀ samat-su ǀ aṣāḷhaḥ ǀ sahvān ǀ pṛtanāsu ǀ śatrūn ǁ

   9.90.3 Aṣṭaka 7.3.26.3Anuvāka 9.5.75Interpretations

4. Ṛk 4

   उ॒रुग॑व्यूति॒रभ॑यानि कृ॒ण्वन्त्स॑मीची॒ने आ प॑वस्वा॒ पुरं॑धी ।
   अ॒पः सिषा॑सन्नु॒षसः॒ स्व१॒॑र्गाः सं चि॑क्रदो म॒हो अ॒स्मभ्यं॒ वाजा॑न् ॥

   उरुगव्यूतिर् अभयानि कृण्वन् समीचीने आ पवस्वा पुरन्धी |
   अपः सिषासन्न् उषसः स्वर् गाः सं चिक्रदो महो अस्मभ्यं वाजान् ||

   urúgavyūtirábhayāni kṛṇvántsamīcīné ā́ pavasvā púraṃdhī ǀ
   apáḥ síṣāsannuṣásaḥ svárgā́ḥ sám cikrado mahó asmábhyam vā́jān ǁ

   urugavyūtir abhayāni kṛṇvan samīcīne ā pavasvā purandhī |
   apaḥ siṣāsann uṣasaḥ svar gāḥ saṃ cikrado maho asmabhyaṃ vājān ||

   उ॒रुऽग॑व्यूतिः । अभ॑यानि । कृ॒ण्वन् । स॒मी॒ची॒ने इति॑ स॒म्ऽई॒ची॒ने । आ । प॒व॒स्व॒ । पुर॑न्धी॒ इति॒ पुर॑म्ऽधी ।
   अ॒पः । सिसा॑सन् । उ॒षसः॑ । स्वः॑ । गाः । सम् । चि॒क्र॒दः॒ । म॒हः । अ॒स्मभ्य॑म् । वाजा॑न् ॥

   उरुऽगव्यूतिः । अभयानि । कृण्वन् । समीचीने इति सम्ऽईचीने । आ । पवस्व । पुरन्धी इति पुरम्ऽधी ।
   अपः । सिसासन् । उषसः । स्वः । गाः । सम् । चिक्रदः । महः । अस्मभ्यम् । वाजान् ॥

   urú-gavyūtiḥ ǀ ábhayāni ǀ kṛṇván ǀ samīcīné íti sam-īcīné ǀ ā́ ǀ pavasva ǀ púrandhī íti púram-dhī ǀ
   apáḥ ǀ sísāsan ǀ uṣásaḥ ǀ sváḥ ǀ gā́ḥ ǀ sám ǀ cikradaḥ ǀ maháḥ ǀ asmábhyam ǀ vā́jān ǁ

   uru-gavyūtiḥ ǀ abhayāni ǀ kṛṇvan ǀ samīcīne iti sam-īcīne ǀ ā ǀ pavasva ǀ purandhī iti puram-dhī ǀ
   apaḥ ǀ sisāsan ǀ uṣasaḥ ǀ svaḥ ǀ gāḥ ǀ sam ǀ cikradaḥ ǀ mahaḥ ǀ asmabhyam ǀ vājān ǁ

   9.90.4 Aṣṭaka 7.3.26.4Anuvāka 9.5.76Interpretations

5. Ṛk 5

   मत्सि॑ सोम॒ वरु॑णं॒ मत्सि॑ मि॒त्रं मत्सींद्र॑मिंदो पवमान॒ विष्णुं॑ ।
   मत्सि॒ शर्धो॒ मारु॑तं॒ मत्सि॑ दे॒वान्मत्सि॑ म॒हामिंद्र॑मिंदो॒ मदा॑य ॥

   मत्सि सोम वरुणम् मत्सि मित्रम् मत्सीन्द्रम् इन्दो पवमान विष्णुम् |
   मत्सि शर्धो मारुतम् मत्सि देवान् मत्सि महाम् इन्द्रम् इन्दो मदाय ||

   mátsi soma váruṇam mátsi mitrám mátsī́ndramindo pavamāna víṣṇum ǀ
   mátsi śárdho mā́rutam mátsi devā́nmátsi mahā́míndramindo mádāya ǁ

   matsi soma varuṇam matsi mitram matsīndram indo pavamāna viṣṇum |
   matsi śardho mārutam matsi devān matsi mahām indram indo madāya ||

   मत्सि॑ । सो॒म॒ । वरु॑णम् । मत्सि॑ । मि॒त्रम् । मत्सि॑ । इन्द्र॑म् । इ॒न्दो॒ इति॑ । प॒व॒मा॒न॒ । विष्णु॑म् ।
   मत्सि॑ । शर्धः॑ । मारु॑तम् । मत्सि॑ । दे॒वान् । मत्सि॑ । म॒हाम् । इन्द्र॑म् । इ॒न्दो॒ इति॑ । मदा॑य ॥

   मत्सि । सोम । वरुणम् । मत्सि । मित्रम् । मत्सि । इन्द्रम् । इन्दो इति । पवमान । विष्णुम् ।
   मत्सि । शर्धः । मारुतम् । मत्सि । देवान् । मत्सि । महाम् । इन्द्रम् । इन्दो इति । मदाय ॥

   mátsi ǀ soma ǀ váruṇam ǀ mátsi ǀ mitrám ǀ mátsi ǀ índram ǀ indo íti ǀ pavamāna ǀ víṣṇum ǀ
   mátsi ǀ śárdhaḥ ǀ mā́rutam ǀ mátsi ǀ devā́n ǀ mátsi ǀ mahā́m ǀ índram ǀ indo íti ǀ mádāya ǁ

   matsi ǀ soma ǀ varuṇam ǀ matsi ǀ mitram ǀ matsi ǀ indram ǀ indo iti ǀ pavamāna ǀ viṣṇum ǀ
   matsi ǀ śardhaḥ ǀ mārutam ǀ matsi ǀ devān ǀ matsi ǀ mahām ǀ indram ǀ indo iti ǀ madāya ǁ

   9.90.5 Aṣṭaka 7.3.26.5Anuvāka 9.5.77Interpretations

6. Ṛk 6

   ए॒वा राजे॑व॒ क्रतु॑माँ॒ अमे॑न॒ विश्वा॒ घनि॑घ्नद्दुरि॒ता प॑वस्व ।
   इंदो॑ सू॒क्ताय॒ वच॑से॒ वयो॑ धा यू॒यं पा॑त स्व॒स्तिभिः॒ सदा॑ नः ॥

   एवा राजेव क्रतुमां अमेन विश्वा घनिघ्नद् दुरिता पवस्व |
   इन्दो सूक्ताय वचसे वयो धा यूयम् पात स्वस्तिभिः सदा नः ||

   evā́ rā́jeva krátumām̐ ámena víśvā ghánighnadduritā́ pavasva ǀ
   índo sūktā́ya vácase váyo dhā yūyám pāta svastíbhiḥ sádā naḥ ǁ

   evā rājeva kratumāṃ amena viśvā ghanighnad duritā pavasva |
   indo sūktāya vacase vayo dhā yūyam pāta svastibhiḥ sadā naḥ ||

   ए॒व । राजा॑ऽइव । क्रतु॑ऽमान् । अमे॑न । विश्वा॑ । घनि॑घ्नत् । दुः॒ऽइ॒ता । प॒व॒स्व॒ ।
   इन्दो॒ इति॑ । सु॒ऽउ॒क्ताय॑ । वच॑से । वयः॑ । धाः॒ । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥

   एव । राजाऽइव । क्रतुऽमान् । अमेन । विश्वा । घनिघ्नत् । दुःऽइता । पवस्व ।
   इन्दो इति । सुऽउक्ताय । वचसे । वयः । धाः । यूयम् । पात । स्वस्तिऽभिः । सदा । नः ॥

   evá ǀ rā́jā-iva ǀ krátu-mān ǀ ámena ǀ víśvā ǀ ghánighnat ǀ duḥ-itā́ ǀ pavasva ǀ
   índo íti ǀ su-uktā́ya ǀ vácase ǀ váyaḥ ǀ dhāḥ ǀ yūyám ǀ pāta ǀ svastí-bhiḥ ǀ sádā ǀ naḥ ǁ

   eva ǀ rājā-iva ǀ kratu-mān ǀ amena ǀ viśvā ǀ ghanighnat ǀ duḥ-itā ǀ pavasva ǀ
   indo iti ǀ su-uktāya ǀ vacase ǀ vayaḥ ǀ dhāḥ ǀ yūyam ǀ pāta ǀ svasti-bhiḥ ǀ sadā ǀ naḥ ǁ

   9.90.6 Aṣṭaka 7.3.26.6Anuvāka 9.5.78Interpretations

Text, recitation and interpretations from the Ṛgveda database of theveda.org.in.