Devatā देवता

Soma Pavamāna

Ṛṣi ऋषि

Ṛṣabha Vaiśvāmitra

Chandas छन्दस्

Jagatī

1. Ṛk 1

   आ दक्षि॑णा सृज्यते शु॒ष्म्या॒३॒॑सदं॒ वेति॑ द्रु॒हो र॒क्षसः॑ पाति॒ जागृ॑विः ।
   हरि॑रोप॒शं कृ॑णुते॒ नभ॒स्पय॑ उप॒स्तिरे॑ च॒म्वो॒३॒॑र्ब्रह्म॑ नि॒र्णिजे॑ ॥

   आ दक्षिणा सृज्यते शुष्म्य् आसदं वेति द्रुहो रक्षसः पाति जागृविः |
   हरिर् ओपशं कृणुते नभस् पय उपस्तिरे चम्वोर् ब्रह्म निर्णिजे ||

   ā́ dákṣiṇā sṛjyate śuṣmyā́sádam véti druhó rakṣásaḥ pāti jā́gṛviḥ ǀ
   háriropaśám kṛṇute nábhaspáya upastíre camvórbráhma nirṇíje ǁ

   ā dakṣiṇā sṛjyate śuṣmy āsadaṃ veti druho rakṣasaḥ pāti jāgṛviḥ |
   harir opaśaṃ kṛṇute nabhas paya upastire camvor brahma nirṇije ||

   आ । दक्षि॑णा । सृ॒ज्य॒ते॒ । शु॒ष्मी । आ॒ऽसद॑म् । वेति॑ । द्रु॒हः । र॒क्षसः॑ । पा॒ति॒ । जागृ॑विः ।
   हरिः॑ । ओ॒प॒शम् । कृ॒णु॒ते॒ । नभः॑ । पयः॑ । उ॒प॒ऽस्तिरे॑ । च॒म्वोः॑ । ब्रह्म॑ । निः॒ऽनिजे॑ ॥

   आ । दक्षिणा । सृज्यते । शुष्मी । आऽसदम् । वेति । द्रुहः । रक्षसः । पाति । जागृविः ।
   हरिः । ओपशम् । कृणुते । नभः । पयः । उपऽस्तिरे । चम्वोः । ब्रह्म । निःऽनिजे ॥

   ā́ ǀ dákṣiṇā ǀ sṛjyate ǀ śuṣmī́ ǀ ā-sádam ǀ véti ǀ druháḥ ǀ rakṣásaḥ ǀ pāti ǀ jā́gṛviḥ ǀ
   háriḥ ǀ opaśám ǀ kṛṇute ǀ nábhaḥ ǀ páyaḥ ǀ upa-stíre ǀ camvóḥ ǀ bráhma ǀ niḥ-níje ǁ

   ā ǀ dakṣiṇā ǀ sṛjyate ǀ śuṣmī ǀ ā-sadam ǀ veti ǀ druhaḥ ǀ rakṣasaḥ ǀ pāti ǀ jāgṛviḥ ǀ
   hariḥ ǀ opaśam ǀ kṛṇute ǀ nabhaḥ ǀ payaḥ ǀ upa-stire ǀ camvoḥ ǀ brahma ǀ niḥ-nije ǁ

   9.71.1 Aṣṭaka 7.2.25.1Anuvāka 9.4.31Interpretations

2. Ṛk 2

   प्र कृ॑ष्टि॒हेव॑ शू॒ष ए॑ति॒ रोरु॑वदसु॒र्यं१॒॑ वर्णं॒ नि रि॑णीते अस्य॒ तं ।
   जहा॑ति व॒व्रिं पि॒तुरे॑ति निष्कृ॒तमु॑प॒प्रुतं॑ कृणुते नि॒र्णिजं॒ तना॑ ॥

   प्र कृष्टिहेव शूष एति रोरुवद् असुर्यं वर्णं नि रिणीते अस्य तम् |
   जहाति वव्रिम् पितुर् एति निष्कृतम् उपप्रुतं कृणुते निर्णिजं तना ||

   prá kṛṣṭihéva śūṣá eti róruvadasuryám várṇam ní riṇīte asya tám ǀ
   jáhāti vavrím pitúreti niṣkṛtámupaprútam kṛṇute nirṇíjam tánā ǁ

   pra kṛṣṭiheva śūṣa eti roruvad asuryaṃ varṇaṃ ni riṇīte asya tam |
   jahāti vavrim pitur eti niṣkṛtam upaprutaṃ kṛṇute nirṇijaṃ tanā ||

   प्र । कृ॒ष्टि॒हाऽइ॑व । शू॒षः । ए॒ति॒ । रोरु॑वत् । अ॒सु॒र्य॑म् । वर्ण॑म् । नि । रि॒णी॒ते॒ । अ॒स्य॒ । तम् ।
   जहा॑ति । व॒व्रिम् । पि॒तुः । ए॒ति॒ । निः॒ऽकृ॒तम् । उ॒प॒ऽप्रुत॑म् । कृ॒णु॒ते॒ । निः॒ऽनिज॑म् । तना॑ ॥

   प्र । कृष्टिहाऽइव । शूषः । एति । रोरुवत् । असुर्यम् । वर्णम् । नि । रिणीते । अस्य । तम् ।
   जहाति । वव्रिम् । पितुः । एति । निःऽकृतम् । उपऽप्रुतम् । कृणुते । निःऽनिजम् । तना ॥

   prá ǀ kṛṣṭihā́-iva ǀ śūṣáḥ ǀ eti ǀ róruvat ǀ asuryám ǀ várṇam ǀ ní ǀ riṇīte ǀ asya ǀ tám ǀ
   jáhāti ǀ vavrím ǀ pitúḥ ǀ eti ǀ niḥ-kṛtám ǀ upa-prútam ǀ kṛṇute ǀ niḥ-níjam ǀ tánā ǁ

   pra ǀ kṛṣṭihā-iva ǀ śūṣaḥ ǀ eti ǀ roruvat ǀ asuryam ǀ varṇam ǀ ni ǀ riṇīte ǀ asya ǀ tam ǀ
   jahāti ǀ vavrim ǀ pituḥ ǀ eti ǀ niḥ-kṛtam ǀ upa-prutam ǀ kṛṇute ǀ niḥ-nijam ǀ tanā ǁ

   9.71.2 Aṣṭaka 7.2.25.2Anuvāka 9.4.32Interpretations

3. Ṛk 3

   अद्रि॑भिः सु॒तः प॑वते॒ गभ॑स्त्योर्वृषा॒यते॒ नभ॑सा॒ वेप॑ते म॒ती ।
   स मो॑दते॒ नस॑ते॒ साध॑ते गि॒रा ने॑नि॒क्ते अ॒प्सु यज॑ते॒ परी॑मणि ॥

   अद्रिभिः सुतः पवते गभस्त्योर् वृषायते नभसा वेपते मती |
   स मोदते नसते साधते गिरा नेनिक्ते अप्सु यजते परीमणि ||

   ádribhiḥ sutáḥ pavate gábhastyorvṛṣāyáte nábhasā vépate matī́ ǀ
   sá modate násate sā́dhate girā́ nenikté apsú yájate párīmaṇi ǁ

   adribhiḥ sutaḥ pavate gabhastyor vṛṣāyate nabhasā vepate matī |
   sa modate nasate sādhate girā nenikte apsu yajate parīmaṇi ||

   अद्रि॑ऽभिः । सु॒तः । प॒व॒ते॒ । गभ॑स्त्योः । वृ॒ष॒ऽयते॑ । नभ॑सा । वेप॑ते । म॒ती ।
   सः । मो॒द॒ते॒ । नस॑ते । साध॑ते । गि॒रा । ने॒नि॒क्ते । अ॒प्ऽसु । यज॑ते । परी॑मणि ॥

   अद्रिऽभिः । सुतः । पवते । गभस्त्योः । वृषऽयते । नभसा । वेपते । मती ।
   सः । मोदते । नसते । साधते । गिरा । नेनिक्ते । अप्ऽसु । यजते । परीमणि ॥

   ádri-bhiḥ ǀ sutáḥ ǀ pavate ǀ gábhastyoḥ ǀ vṛṣa-yáte ǀ nábhasā ǀ vépate ǀ matī́ ǀ
   sáḥ ǀ modate ǀ násate ǀ sā́dhate ǀ girā́ ǀ nenikté ǀ ap-sú ǀ yájate ǀ párīmaṇi ǁ

   adri-bhiḥ ǀ sutaḥ ǀ pavate ǀ gabhastyoḥ ǀ vṛṣa-yate ǀ nabhasā ǀ vepate ǀ matī ǀ
   saḥ ǀ modate ǀ nasate ǀ sādhate ǀ girā ǀ nenikte ǀ ap-su ǀ yajate ǀ parīmaṇi ǁ

   9.71.3 Aṣṭaka 7.2.25.3Anuvāka 9.4.33Interpretations

4. Ṛk 4

   परि॑ द्यु॒क्षं सह॑सः पर्वता॒वृधं॒ मध्वः॑ सिंचंति ह॒र्म्यस्य॑ स॒क्षणिं॑ ।
   आ यस्मि॒न्गावः॑ सुहु॒ताद॒ ऊध॑नि मू॒र्धंछ्री॒णंत्य॑ग्रि॒यं वरी॑मभिः ॥

   परि द्युक्षं सहसः पर्वतावृधम् मध्वः सिञ्चन्ति हर्म्यस्य सक्षणिम् |
   आ यस्मिन् गावः सुहुताद ऊधनि मूर्धञ् छ्रीणन्त्य् अग्रियं वरीमभिः ||

   pári dyukṣám sáhasaḥ parvatāvṛ́dham mádhvaḥ siñcanti harmyásya sakṣáṇim ǀ
   ā́ yásmingā́vaḥ suhutā́da ū́dhani mūrdháñchrīṇántyagriyám várīmabhiḥ ǁ

   pari dyukṣaṃ sahasaḥ parvatāvṛdham madhvaḥ siñcanti harmyasya sakṣaṇim |
   ā yasmin gāvaḥ suhutāda ūdhani mūrdhañ chrīṇanty agriyaṃ varīmabhiḥ ||

   परि॑ । द्यु॒क्षम् । सह॑सः । प॒र्व॒त॒ऽवृध॑म् । मध्वः॑ । सि॒ञ्च॒न्ति॒ । ह॒र्म्यस्य॑ । स॒क्षणि॑म् ।
   आ । यस्मि॑न् । गावः॑ । सु॒हु॒त॒ऽअदः॑ । ऊध॑नि । मू॒र्धन् । श्री॒णन्ति॑ । अ॒ग्रि॒यम् । वरी॑मऽभिः ॥

   परि । द्युक्षम् । सहसः । पर्वतऽवृधम् । मध्वः । सिञ्चन्ति । हर्म्यस्य । सक्षणिम् ।
   आ । यस्मिन् । गावः । सुहुतऽअदः । ऊधनि । मूर्धन् । श्रीणन्ति । अग्रियम् । वरीमऽभिः ॥

   pári ǀ dyukṣám ǀ sáhasaḥ ǀ parvata-vṛ́dham ǀ mádhvaḥ ǀ siñcanti ǀ harmyásya ǀ sakṣáṇim ǀ
   ā́ ǀ yásmin ǀ gā́vaḥ ǀ suhuta-ádaḥ ǀ ū́dhani ǀ mūrdhán ǀ śrīṇánti ǀ agriyám ǀ várīma-bhiḥ ǁ

   pari ǀ dyukṣam ǀ sahasaḥ ǀ parvata-vṛdham ǀ madhvaḥ ǀ siñcanti ǀ harmyasya ǀ sakṣaṇim ǀ
   ā ǀ yasmin ǀ gāvaḥ ǀ suhuta-adaḥ ǀ ūdhani ǀ mūrdhan ǀ śrīṇanti ǀ agriyam ǀ varīma-bhiḥ ǁ

   9.71.4 Aṣṭaka 7.2.25.4Anuvāka 9.4.34Interpretations

5. Ṛk 5

   समी॒ रथं॒ न भु॒रिजो॑रहेषत॒ दश॒ स्वसा॑रो॒ अदि॑तेरु॒पस्थ॒ आ ।
   जिगा॒दुप॑ ज्रयति॒ गोर॑पी॒च्यं॑ प॒दं यद॑स्य म॒तुथा॒ अजी॑जनन् ॥

   सम् ई रथं न भुरिजोर् अहेषत दश स्वसारो अदितेर् उपस्थ आ |
   जिगाद् उप ज्रयति गोर् अपीच्यम् पदं यद् अस्य मतुथा अजीजनन् ||

   sámī rátham ná bhuríjoraheṣata dáśa svásāro áditerupástha ā́ ǀ
   jígādúpa jrayati górapīcyám padám yádasya matúthā ájījanan ǁ

   sam ī rathaṃ na bhurijor aheṣata daśa svasāro aditer upastha ā |
   jigād upa jrayati gor apīcyam padaṃ yad asya matuthā ajījanan ||

   सम् । ई॒मिति॑ । रथ॑म् । न । भु॒रिजोः॑ । अ॒हे॒ष॒त॒ । दश॑ । स्वसा॑रः । अदि॑तेः । उ॒पऽस्थे॑ । आ ।
   जिगा॑त् । उप॑ । ज्र॒य॒ति॒ । गोः । अ॒पी॒च्य॑म् । प॒दम् । यत् । अ॒स्य॒ । म॒तुथाः॑ । अजी॑जनन् ॥

   सम् । ईमिति । रथम् । न । भुरिजोः । अहेषत । दश । स्वसारः । अदितेः । उपऽस्थे । आ ।
   जिगात् । उप । ज्रयति । गोः । अपीच्यम् । पदम् । यत् । अस्य । मतुथाः । अजीजनन् ॥

   sám ǀ īmíti ǀ rátham ǀ ná ǀ bhuríjoḥ ǀ aheṣata ǀ dáśa ǀ svásāraḥ ǀ áditeḥ ǀ upá-sthe ǀ ā́ ǀ
   jígāt ǀ úpa ǀ jrayati ǀ góḥ ǀ apīcyám ǀ padám ǀ yát ǀ asya ǀ matúthāḥ ǀ ájījanan ǁ

   sam ǀ īmiti ǀ ratham ǀ na ǀ bhurijoḥ ǀ aheṣata ǀ daśa ǀ svasāraḥ ǀ aditeḥ ǀ upa-sthe ǀ ā ǀ
   jigāt ǀ upa ǀ jrayati ǀ goḥ ǀ apīcyam ǀ padam ǀ yat ǀ asya ǀ matuthāḥ ǀ ajījanan ǁ

   9.71.5 Aṣṭaka 7.2.25.5Anuvāka 9.4.35Interpretations

6. Ṛk 6

   श्ये॒नो न योनिं॒ सद॑नं धि॒या कृ॒तं हि॑र॒ण्यय॑मा॒सदं॑ दे॒व एष॑ति ।
   ए रि॑णंति ब॒र्हिषि॑ प्रि॒यं गि॒राश्वो॒ न दे॒वाँ अप्ये॑ति य॒ज्ञियः॑ ॥

   श्येनो न योनिं सदनं धिया कृतं हिरण्ययम् आसदं देव एषति |
   ए रिणन्ति बर्हिषि प्रियं गिराश्वो न देवां अप्य् एति यज्ञियः ||

   śyenó ná yónim sádanam dhiyā́ kṛtám hiraṇyáyamāsádam devá éṣati ǀ
   é riṇanti barhíṣi priyám girā́śvo ná devā́m̐ ápyeti yajñíyaḥ ǁ

   śyeno na yoniṃ sadanaṃ dhiyā kṛtaṃ hiraṇyayam āsadaṃ deva eṣati |
   e riṇanti barhiṣi priyaṃ girāśvo na devāṃ apy eti yajñiyaḥ ||

   श्ये॒नः । न । योनि॑म् । सद॑नम् । धि॒या । कृ॒तम् । हि॒र॒ण्यय॑म् । आ॒ऽसद॑म् । दे॒वः । आ । ई॒ष॒ति॒ ।
   आ । ई॒मिति॑ । रि॒ण॒न्ति॒ । ब॒र्हिषि॑ । प्रि॒यम् । गि॒रा । अश्वः॑ । न । दे॒वान् । अपि॑ । ए॒ति॒ । य॒ज्ञियः॑ ॥

   श्येनः । न । योनिम् । सदनम् । धिया । कृतम् । हिरण्ययम् । आऽसदम् । देवः । आ । ईषति ।
   आ । ईमिति । रिणन्ति । बर्हिषि । प्रियम् । गिरा । अश्वः । न । देवान् । अपि । एति । यज्ञियः ॥

   śyenáḥ ǀ ná ǀ yónim ǀ sádanam ǀ dhiyā́ ǀ kṛtám ǀ hiraṇyáyam ǀ ā-sádam ǀ deváḥ ǀ ā́ ǀ īṣati ǀ
   ā́ ǀ īmíti ǀ riṇanti ǀ barhíṣi ǀ priyám ǀ girā́ ǀ áśvaḥ ǀ ná ǀ devā́n ǀ ápi ǀ eti ǀ yajñíyaḥ ǁ

   śyenaḥ ǀ na ǀ yonim ǀ sadanam ǀ dhiyā ǀ kṛtam ǀ hiraṇyayam ǀ ā-sadam ǀ devaḥ ǀ ā ǀ īṣati ǀ
   ā ǀ īmiti ǀ riṇanti ǀ barhiṣi ǀ priyam ǀ girā ǀ aśvaḥ ǀ na ǀ devān ǀ api ǀ eti ǀ yajñiyaḥ ǁ

   9.71.6 Aṣṭaka 7.2.26.1Anuvāka 9.4.36Interpretations

7. Ṛk 7

   परा॒ व्य॑क्तो अरु॒षो दि॒वः क॒विर्वृषा॑ त्रिपृ॒ष्ठो अ॑नविष्ट॒ गा अ॒भि ।
   स॒हस्र॑णीति॒र्यतिः॑ परा॒यती॑ रे॒भो न पू॒र्वीरु॒षसो॒ वि रा॑जति ॥

   परा व्यक्तो अरुषो दिवः कविर् वृषा त्रिपृष्ठो अनविष्ट गा अभि |
   सहस्रणीतिर् यतिः परायती रेभो न पूर्वीर् उषसो वि राजति ||

   párā vyákto aruṣó diváḥ kavírvṛ́ṣā tripṛṣṭhó anaviṣṭa gā́ abhí ǀ
   sahásraṇītiryátiḥ parāyátī rebhó ná pūrvī́ruṣáso ví rājati ǁ

   parā vyakto aruṣo divaḥ kavir vṛṣā tripṛṣṭho anaviṣṭa gā abhi |
   sahasraṇītir yatiḥ parāyatī rebho na pūrvīr uṣaso vi rājati ||

   परा॑ । विऽअ॑क्तः । अ॒रु॒षः । दि॒वः । क॒विः । वृषा॑ । त्रि॒ऽपृ॒ष्ठः । अ॒न॒वि॒ष्ट॒ । गाः । अ॒भि ।
   स॒हस्र॑ऽनीतिः । यतिः॑ । प॒रा॒ऽयतिः॑ । रे॒भः । न । पू॒र्वीः । उ॒षसः॑ । वि । रा॒ज॒ति॒ ॥

   परा । विऽअक्तः । अरुषः । दिवः । कविः । वृषा । त्रिऽपृष्ठः । अनविष्ट । गाः । अभि ।
   सहस्रऽनीतिः । यतिः । पराऽयतिः । रेभः । न । पूर्वीः । उषसः । वि । राजति ॥

   párā ǀ ví-aktaḥ ǀ aruṣáḥ ǀ diváḥ ǀ kavíḥ ǀ vṛ́ṣā ǀ tri-pṛṣṭháḥ ǀ anaviṣṭa ǀ gā́ḥ ǀ abhí ǀ
   sahásra-nītiḥ ǀ yátiḥ ǀ parā-yátiḥ ǀ rebháḥ ǀ ná ǀ pūrvī́ḥ ǀ uṣásaḥ ǀ ví ǀ rājati ǁ

   parā ǀ vi-aktaḥ ǀ aruṣaḥ ǀ divaḥ ǀ kaviḥ ǀ vṛṣā ǀ tri-pṛṣṭhaḥ ǀ anaviṣṭa ǀ gāḥ ǀ abhi ǀ
   sahasra-nītiḥ ǀ yatiḥ ǀ parā-yatiḥ ǀ rebhaḥ ǀ na ǀ pūrvīḥ ǀ uṣasaḥ ǀ vi ǀ rājati ǁ

   9.71.7 Aṣṭaka 7.2.26.2Anuvāka 9.4.37Interpretations

8. Ṛk 8

   त्वे॒षं रू॒पं कृ॑णुते॒ वर्णो॑ अस्य॒ स यत्राश॑य॒त्समृ॑ता॒ सेध॑ति स्रि॒धः ।
   अ॒प्सा या॑ति स्व॒धया॒ दैव्यं॒ जनं॒ सं सु॑ष्टु॒ती नस॑ते॒ सं गोअ॑ग्रया ॥

   त्वेषं रूपं कृणुते वर्णो अस्य स यत्राशयत् समृता सेधति स्रिधः |
   अप्सा याति स्वधया दैव्यं जनं सं सुष्टुती नसते सं गोअग्रया ||

   tveṣám rūpám kṛṇute várṇo asya sá yátrā́śayatsámṛtā sédhati sridháḥ ǀ
   apsā́ yāti svadháyā dáivyam jánam sám suṣṭutī́ násate sám góagrayā ǁ

   tveṣaṃ rūpaṃ kṛṇute varṇo asya sa yatrāśayat samṛtā sedhati sridhaḥ |
   apsā yāti svadhayā daivyaṃ janaṃ saṃ suṣṭutī nasate saṃ goagrayā ||

   त्वे॒षम् । रू॒पम् । कृ॒णु॒ते॒ । वर्णः॑ । अ॒स्य॒ । सः । यत्र॑ । अश॑यत् । सम्ऽऋ॑ता । सेध॑ति । स्रि॒धः ।
   अ॒प्साः । या॒ति॒ । स्व॒धया॑ । दैव्य॑म् । जन॑म् । सम् । सु॒ऽस्तु॒ती । नस॑ते । सम् । गोऽअ॑ग्रया ॥

   त्वेषम् । रूपम् । कृणुते । वर्णः । अस्य । सः । यत्र । अशयत् । सम्ऽऋता । सेधति । स्रिधः ।
   अप्साः । याति । स्वधया । दैव्यम् । जनम् । सम् । सुऽस्तुती । नसते । सम् । गोऽअग्रया ॥

   tveṣám ǀ rūpám ǀ kṛṇute ǀ várṇaḥ ǀ asya ǀ sáḥ ǀ yátra ǀ áśayat ǀ sám-ṛtā ǀ sédhati ǀ sridháḥ ǀ
   apsā́ḥ ǀ yāti ǀ svadháyā ǀ dáivyam ǀ jánam ǀ sám ǀ su-stutī́ ǀ násate ǀ sám ǀ gó-agrayā ǁ

   tveṣam ǀ rūpam ǀ kṛṇute ǀ varṇaḥ ǀ asya ǀ saḥ ǀ yatra ǀ aśayat ǀ sam-ṛtā ǀ sedhati ǀ sridhaḥ ǀ
   apsāḥ ǀ yāti ǀ svadhayā ǀ daivyam ǀ janam ǀ sam ǀ su-stutī ǀ nasate ǀ sam ǀ go-agrayā ǁ

   9.71.8 Aṣṭaka 7.2.26.3Anuvāka 9.4.38Interpretations

9. Ṛk 9

   उ॒क्षेव॑ यू॒था प॑रि॒यन्न॑रावी॒दधि॒ त्विषी॑रधित॒ सूर्य॑स्य ।
   दि॒व्यः सु॑प॒र्णोऽव॑ चक्षत॒ क्षां सोमः॒ परि॒ क्रतु॑ना पश्यते॒ जाः ॥

   उक्षेव यूथा परियन्न् अरावीद् अधि त्विषीर् अधित सूर्यस्य |
   दिव्यः सुपर्णो ऽव चक्षत क्षां सोमः परि क्रतुना पश्यते जाः ||

   ukṣéva yūthā́ pariyánnarāvīdádhi tvíṣīradhita sū́ryasya ǀ
   divyáḥ suparṇó’va cakṣata kṣā́m sómaḥ pári krátunā paśyate jā́ḥ ǁ

   ukṣeva yūthā pariyann arāvīd adhi tviṣīr adhita sūryasya |
   divyaḥ suparṇo 'va cakṣata kṣāṃ somaḥ pari kratunā paśyate jāḥ ||

   उ॒क्षाऽइ॑व । यू॒था । प॒रि॒ऽयन् । अ॒रा॒वी॒त् । अधि॑ । त्विषीः॑ । अ॒धि॒त॒ । सूर्य॑स्य ।
   दि॒व्यः । सु॒ऽप॒र्णः । अव॑ । च॒क्ष॒त॒ । क्षाम् । सोमः॑ । परि॑ । क्रतु॑ना । प॒श्य॒ते॒ । जाः ॥

   उक्षाऽइव । यूथा । परिऽयन् । अरावीत् । अधि । त्विषीः । अधित । सूर्यस्य ।
   दिव्यः । सुऽपर्णः । अव । चक्षत । क्षाम् । सोमः । परि । क्रतुना । पश्यते । जाः ॥

   ukṣā́-iva ǀ yūthā́ ǀ pari-yán ǀ arāvīt ǀ ádhi ǀ tvíṣīḥ ǀ adhita ǀ sū́ryasya ǀ
   divyáḥ ǀ su-parṇáḥ ǀ áva ǀ cakṣata ǀ kṣā́m ǀ sómaḥ ǀ pári ǀ krátunā ǀ paśyate ǀ jā́ḥ ǁ

   ukṣā-iva ǀ yūthā ǀ pari-yan ǀ arāvīt ǀ adhi ǀ tviṣīḥ ǀ adhita ǀ sūryasya ǀ
   divyaḥ ǀ su-parṇaḥ ǀ ava ǀ cakṣata ǀ kṣām ǀ somaḥ ǀ pari ǀ kratunā ǀ paśyate ǀ jāḥ ǁ

   9.71.9 Aṣṭaka 7.2.26.4Anuvāka 9.4.39Interpretations

Text, recitation and interpretations from the Ṛgveda database of theveda.org.in.