नू नो॑ र॒यिमुप॑ मास्व नृ॒वंतं॑ पुना॒नो वा॒ताप्यं॑ वि॒श्वश्चं॑द्रं ।
प्र वं॑दि॒तुरिं॑दो ता॒र्यायुः॑ प्रा॒तर्म॒क्षू धि॒याव॑सुर्जगम्यात् ॥

नू नो रयिम् उप मास्व नृवन्तम् पुनानो वाताप्यं विश्वश्चन्द्रम् |
प्र वन्दितुर् इन्दो तार्य् आयुः प्रातर् मक्षू धियावसुर् जगम्यात् ||

nū́ no rayímúpa māsva nṛvántam punānó vātā́pyam viśváścandram ǀ
prá vanditúrindo tāryā́yuḥ prātármakṣū́ dhiyā́vasurjagamyāt ǁ

nū no rayim upa māsva nṛvantam punāno vātāpyaṃ viśvaścandram |
pra vanditur indo tāry āyuḥ prātar makṣū dhiyāvasur jagamyāt ||

नु । नः॒ । र॒यिम् । उप॑ । मा॒स्व॒ । नृ॒ऽवन्त॑म् । पु॒ना॒नः । वा॒ताप्य॑म् । वि॒श्वऽच॑न्द्रम् ।
प्र । व॒न्दि॒तुः । इ॒न्दो॒ इति॑ । ता॒रि॒ । आयुः॑ । प्रा॒तः । म॒क्षु । धि॒याऽव॑सुः । ज॒ग॒म्या॒त् ॥

नु । नः । रयिम् । उप । मास्व । नृऽवन्तम् । पुनानः । वाताप्यम् । विश्वऽचन्द्रम् ।
प्र । वन्दितुः । इन्दो इति । तारि । आयुः । प्रातः । मक्षु । धियाऽवसुः । जगम्यात् ॥

nú ǀ naḥ ǀ rayím ǀ úpa ǀ māsva ǀ nṛ-vántam ǀ punānáḥ ǀ vātā́pyam ǀ viśvá-candram ǀ
prá ǀ vanditúḥ ǀ indo íti ǀ tāri ǀ ā́yuḥ ǀ prātáḥ ǀ makṣú ǀ dhiyā́-vasuḥ ǀ jagamyāt ǁ

nu ǀ naḥ ǀ rayim ǀ upa ǀ māsva ǀ nṛ-vantam ǀ punānaḥ ǀ vātāpyam ǀ viśva-candram ǀ
pra ǀ vandituḥ ǀ indo iti ǀ tāri ǀ āyuḥ ǀ prātaḥ ǀ makṣu ǀ dhiyā-vasuḥ ǀ jagamyāt ǁ