किं न नामाखिलजनप्रतीतम् एतद् यन् मुनिर् उपमन्युः परमेश्वरेण वरप्रदाने नानुगृहीतः ॥ (१।०)

तथा च महाभारते आनुशासनिके पर्वणि भगवद्व्यासमुनिनोपमन्युवाक्यं प्रदर्शितम् । (२।१)

आह मां भगवान् ईशः प्रहसन्न् इव शंकरः । (२।२)

वत्सोपमन्यो प्रीतो ऽस्मि पश्य मां मुनिपुंगव ॥ (२।३)

दृढभक्तो ऽसि विप्रर्षे मया जिज्ञासितस् त्व् असि । (३।१)

अनया वत्स सद्भक्त्या ते ऽत्यर्थं प्रीतवान् अहम् ॥ (३।२)

तस्मात् सर्वान् प्रदास्यामि वरान् ये मनसि स्थिताः । (४।१)

इति ॥ (४।२)

अथोच्यते मिथ्यैतद् उपमन्युनात्मप्रभावकथनायोक्तम् अत्र हि किं प्रमाणं यद् एवम् असौ भगवतानुगृहीत इति । (५।१)

तद् असद् यस्मात् ॥ (५।२)