MṛgṬīkā zu MṛgT, Vidyāpāda, 5, 13.2
Select a line for its word-by-word analysis.
सर्वकर्तृत्वाद् एवेश्वरस्य सर्वज्ञत्वं सर्वविषयज्ञानं विना सर्वकर्तृतानुपपत्तेः ॥ (१।०)
sarvakartṛtvād eveśvarasya sarvajñatvaṃ sarvaviṣayajñānaṃ vinā sarvakartṛtānupapatteḥ ||
यो हि यद्यत्क्रियासिद्धिं तदङ्गानि तत्फलानि च जानाति तस्यैव विचित्रतत्तत्कारकोपयोगाभिसंधानवतस् तत्तत्कर्तृत्वं घटते कुविन्दादेरिव पटादिकृतौ ॥ (२।०)
yo hi yadyatkriyāsiddhiṃ tadaṅgāni tatphalāni ca jānāti tasyaiva vicitratattatkārakopayogābhisaṃdhānavatas tattatkartṛtvaṃ ghaṭate kuvindāderiva paṭādikṛtau ||
अतो यस्तु तत्राज्ञः स तत्कार्यकरणाय नालं बालिश इव न्यायविद्याद्युपन्यास इत्येतत्सुस्थितमित्यव्यभिचारीति ॥ (३।०)
ato yastu tatrājñaḥ sa tatkāryakaraṇāya nālaṃ bāliśa iva nyāyavidyādyupanyāsa ityetatsusthitamityavyabhicārīti ||
Data courtesy of The Digital Corpus of Sanskrit.