MṛgṬīkā zu MṛgT, Vidyāpāda, 9, 7.2
Select a line for its word-by-word analysis.
यत् तद्भवतानेकतन्त्वात्मकं कारणं पटस्योक्तं तद् अनेकम् अप्येकस्मात् तूलकार्पासादिद्रव्याद् उत्पन्नत्वाद् एकम् ॥ (१।०)
yat tadbhavatānekatantvātmakaṃ kāraṇaṃ paṭasyoktaṃ tad anekam apyekasmāt tūlakārpāsādidravyād utpannatvād ekam ||
यथा चैकस्मात् तूलकार्पासादिद्रव्याद् अनेकाकारपटाद्युत्पत्तिः एवं परमकारणात् सर्गस्थितिलयाधाराख्यात् सर्गादौ मायातत्त्वाज्जगदुत्पत्तिर् इति न कश्चिद् दोषः ॥ (२।०)
yathā caikasmāt tūlakārpāsādidravyād anekākārapaṭādyutpattiḥ evaṃ paramakāraṇāt sargasthitilayādhārākhyāt sargādau māyātattvājjagadutpattir iti na kaścid doṣaḥ ||
परमात्मन एव सकाशाच्चिदचिदाविर्भावतिरोभावाव् इति येषां पक्षस् तान् प्रतिक्षिपति ॥ (३।०)
paramātmana eva sakāśāccidacidāvirbhāvatirobhāvāv iti yeṣāṃ pakṣas tān pratikṣipati ||
Data courtesy of The Digital Corpus of Sanskrit.