MṛgṬīkā zu MṛgT, Vidyāpāda, 9, 12.2
Select a line for its word-by-word analysis.
सर्वज्ञेन हि स्वस्य वचसः प्रमाणोपपन्नतया परीक्षणं प्रतिज्ञातम् ॥ (१।०)
sarvajñena hi svasya vacasaḥ pramāṇopapannatayā parīkṣaṇaṃ pratijñātam ||
परीक्ष्य भिक्षवो ग्राह्यं मद्वचो नतु गौरवात् ॥ (२।३)
parīkṣya bhikṣavo grāhyaṃ madvaco natu gauravāt ||
इयं तु संहारसम्भवे निर्बाधा तावद् उपपत्तिर् यदुत यस्य धर्मिणो वह्न्यादेः क्वाप्येकदेशे धूमप्रकाशदाहादिधर्मो दृष्टः स तस्य सर्वत्रोत्पद्यमानः केन निषिध्यते ततश्च दुर्भिक्षमारीकृतभङ्गादिना एकदेशे जन्तुसंघातस्य क्रमिकां कोटिशो विपत्तिम् उपलभ्य कृत्स्नजगत्संहारकालः सदागमोदितो ऽपि अनुमानेनोल्लिङ्ग्यते ॥ (४।०)
iyaṃ tu saṃhārasambhave nirbādhā tāvad upapattir yaduta yasya dharmiṇo vahnyādeḥ kvāpyekadeśe dhūmaprakāśadāhādidharmo dṛṣṭaḥ sa tasya sarvatrotpadyamānaḥ kena niṣidhyate tataśca durbhikṣamārīkṛtabhaṅgādinā ekadeśe jantusaṃghātasya kramikāṃ koṭiśo vipattim upalabhya kṛtsnajagatsaṃhārakālaḥ sadāgamodito 'pi anumānenolliṅgyate ||
तदानीं च मायायामुपसंहृतानि सर्वकार्याण्यासन्नित्याह ॥ (५।०)
tadānīṃ ca māyāyāmupasaṃhṛtāni sarvakāryāṇyāsannityāha ||
Data courtesy of The Digital Corpus of Sanskrit.