तच् च सात्मकमाक्रम्य विश्रमायावतिष्ठते ॥ (१।०)

इति अन्तर्विश्रान्ताणुसंघातं मायातत्त्वं वक्ष्यमाणं तस्माद् ग्रन्थितत्त्वतस् तद्गर्भाधिकारिणां कलाद्यारब्धशरीराणां मण्डल्यादीनां पतीनामष्टादशाधिकं शतम् अनन्तेशाद्यभिव्यक्तः परमेश्वरः करोति कलाद्यारब्धदेहत्वम् एषां करोतीत्यर्थः ॥ (२।०)

ननु च । (३।१)

अष्टादशाधिकं चान्यच्छतं मायाधिकारिणाम् । (३।२)

विद्येश्वराणाम् ॥ (३।३)

इत्यादिना साक्षात् परमेश्वरानुगृहीतत्वम् एषामुक्तम् इह त्व् अनन्ताद्यभिव्यक्तस्य भगवतस् तत्करणमुच्यत इति विरोधः ॥ (४।०)

नैवं यतोऽनन्तादीनामेव कलादियोगकरणे कर्तृत्वं नतु परमेश्वरस्य । (५।१)

शुद्धेऽध्वनि शिवः कर्ता प्रोक्तोऽनन्तोऽसिते प्रभुः । (५।२)

इति श्रुतेः ॥ (५।३)

स तु कलादियोगिनो भोगभुजस्तान् साक्षादनुगृह्णातीति न कश्चिद्दोषः ॥ (६।०)

ते ऽप्यन्येषां विनियोक्तार इत्याह ॥ (७।०)