MṛgṬīkā zu MṛgT, Vidyāpāda, 5, 10.2
Select a line for its word-by-word analysis.
स इत्यनन्तरोक्तः सर्गादौ तृतीये च भूतसंहारे स्वापे च यो ऽनुग्राह्यः ॥ (१।०)
sa ityanantaroktaḥ sargādau tṛtīye ca bhūtasaṃhāre svāpe ca yo 'nugrāhyaḥ ||
यो यद् व्यपास्यापनीय तादृग्विधः क्रियते अभिव्यक्तशिवभावः सम्पद्यते सो ऽणुशब्दवाच्यो ज्ञेयः अणुः सन्न् अपवृज्यत इति यावत् ॥ (२।०)
yo yad vyapāsyāpanīya tādṛgvidhaḥ kriyate abhivyaktaśivabhāvaḥ sampadyate so 'ṇuśabdavācyo jñeyaḥ aṇuḥ sann apavṛjyata iti yāvat ||
तदेवं बोधयन्बोधयोग्यान् इति यत्प्रागुक्तं तद्दृक्क्रियानन्त्यव्यक्त्या प्रदर्शितम् ॥ (३।०)
tadevaṃ bodhayanbodhayogyān iti yatprāguktaṃ taddṛkkriyānantyavyaktyā pradarśitam ||
यदपि रोध्यान्रुन्धन् इत्यादि सूचितं तत् यान्विमोचयति स्वापे इत्यनेन केषांचिदेव तथाविधानुग्रहभाक्त्वे सति अन्येषाम् अर्थाक्षिप्तो रोध इतिकृत्वा न विपञ्चितम् ॥ (४।०)
yadapi rodhyānrundhan ityādi sūcitaṃ tat yānvimocayati svāpe ityanena keṣāṃcideva tathāvidhānugrahabhāktve sati anyeṣām arthākṣipto rodha itikṛtvā na vipañcitam ||
इदानीं तु पाचयन्कर्मिकर्म इत्युक्तं निर्वर्णयितुम् आह ॥ (५।०)
idānīṃ tu pācayankarmikarma ityuktaṃ nirvarṇayitum āha ||
Data courtesy of The Digital Corpus of Sanskrit.