MṛgṬīkā zu MṛgT, Vidyāpāda, 9, 8.2
Select a line for its word-by-word analysis.
चित्स्वभावकाद्धेतोर् यैर् अचिताम् अप्युद्भवो ऽभ्युपगतः तैर् धूमाज्जलानुमानं किं न क्रियते कार्यकारणप्रतीतिनियमासंभवे सत्य् अतत्स्वभावाद् अपि तत्स्वभावस्योत्पत्तिप्राप्तेः ॥ (१।०)
citsvabhāvakāddhetor yair acitām apyudbhavo 'bhyupagataḥ tair dhūmājjalānumānaṃ kiṃ na kriyate kāryakāraṇapratītiniyamāsaṃbhave saty atatsvabhāvād api tatsvabhāvasyotpattiprāpteḥ ||
यथा न दृष्टा धूमाल्लिङ्गात् कदाचिद् अपि जलप्राप्तिः तथा ह्य् अचित्स्वभावस्य स्वविरुद्धाच्चित्स्वभावान्नोत्पत्तिर् दृष्टा ॥ (२।०)
yathā na dṛṣṭā dhūmālliṅgāt kadācid api jalaprāptiḥ tathā hy acitsvabhāvasya svaviruddhāccitsvabhāvānnotpattir dṛṣṭā ||
अतत्स्वभावात् तत्स्वभावस्योत्पत्तौ सर्वं सर्वस्माद् उत्पद्येत ॥ (३।०)
atatsvabhāvāt tatsvabhāvasyotpattau sarvaṃ sarvasmād utpadyeta ||
परमाणुकारणं जगद् इति येषाम् अभ्युपगमस् तान् प्रत्याह ॥ (४।०)
paramāṇukāraṇaṃ jagad iti yeṣām abhyupagamas tān pratyāha ||
Data courtesy of The Digital Corpus of Sanskrit.