MṛgṬīkā zu MṛgT, Vidyāpāda, 4, 14.1
Select a line for its word-by-word analysis.
इत्यन्ते भोगसाधनं तनुकरणभुवनादि उपसंहृत्य कारणे मायाख्ये लीनं कृत्वा तच् च मायाख्यं कारणम् अन्तर्निहितात्मव्रातमधिष्ठाय संसारिणां भवाध्वभ्रमणश्रान्तानां विश्रमार्थम् अवतिष्ठते निरुद्धव्यापारांस् तांस् तान् करोतीत्यर्थः ॥ (१।०)
ityante bhogasādhanaṃ tanukaraṇabhuvanādi upasaṃhṛtya kāraṇe māyākhye līnaṃ kṛtvā tac ca māyākhyaṃ kāraṇam antarnihitātmavrātamadhiṣṭhāya saṃsāriṇāṃ bhavādhvabhramaṇaśrāntānāṃ viśramārtham avatiṣṭhate niruddhavyāpārāṃs tāṃs tān karotītyarthaḥ ||
कुत इत्याह सर्वभूतहितो यतः यस्मात् सर्वेषां भूतानां हिताय प्रवृत्तः परमेश्वरः खेदापनोदाय विश्रान्तिं स्वापलक्षणामेषां करोति ॥ (२।०)
kuta ityāha sarvabhūtahito yataḥ yasmāt sarveṣāṃ bhūtānāṃ hitāya pravṛttaḥ parameśvaraḥ khedāpanodāya viśrāntiṃ svāpalakṣaṇāmeṣāṃ karoti ||
Data courtesy of The Digital Corpus of Sanskrit.