MṛgṬīkā zu MṛgT, Vidyāpāda, 7, 18.2
Select a line for its word-by-word analysis.
पाशावृतदृक्क्रियावृत्तिष्व् अणुषु तत्तत्पाशशक्त्यनुवर्तनद्वारेण जन्मद्रावणादिदुःखदायित्वाद् वामो ऽपि परमेश्वरस् तदभ्युदयायैव प्रवृत्तत्वान् न दुःखहेतुर् अवगम्यते यथा वैद्यः क्षारशस्त्रादिना रोगिणं व्यथयन्न् अपि कोटौ प्रान्ते अभिमतस्यारोग्यलक्षणस्यार्थस्य साधकत्वात् व्यथाहेतुरपि न दुःखदायित्वेनैव ज्ञायते ॥ (१।०)
pāśāvṛtadṛkkriyāvṛttiṣv aṇuṣu tattatpāśaśaktyanuvartanadvāreṇa janmadrāvaṇādiduḥkhadāyitvād vāmo 'pi parameśvaras tadabhyudayāyaiva pravṛttatvān na duḥkhahetur avagamyate yathā vaidyaḥ kṣāraśastrādinā rogiṇaṃ vyathayann api koṭau prānte abhimatasyārogyalakṣaṇasyārthasya sādhakatvāt vyathāheturapi na duḥkhadāyitvenaiva jñāyate ||
नन्व् अत्यन्तशुद्धस्वरूपस्य भगवतः किं पाशधर्मानुवर्तनेनेत्य् आह ॥ (२।०)
nanv atyantaśuddhasvarūpasya bhagavataḥ kiṃ pāśadharmānuvartanenety āha ||
Data courtesy of The Digital Corpus of Sanskrit.