MṛgṬīkā zu MṛgT, Vidyāpāda, 3, 3.1
Select a line for its word-by-word analysis.
यस्याभूत्वा भवनं भूत्वा चाभवनं तस्य कालेनावच्छेदाद् अनित्यत्वम् ॥ (१।०)
yasyābhūtvā bhavanaṃ bhūtvā cābhavanaṃ tasya kālenāvacchedād anityatvam ||
यत्तु पूर्वापरकोटिद्वयविरहात् कालानवच्छिन्नं तन् नित्यम् ॥ (२।०)
yattu pūrvāparakoṭidvayavirahāt kālānavacchinnaṃ tan nityam ||
किं च न तत् क्वचिद् अवस्थितम् अपि तु वैतत्यान् महत्त्वाद् दिग्देशानवच्छिन्नत्वात् सर्वगं सर्वत्र तत्कार्योपलब्धेश्च विभु तथा क्रमयौगपद्याभ्यां तनुकरणादिकार्यस्योत्पादनात् क्रमेण युगपच् चोत्पादिकया शक्त्या युक्तम् ॥ (३।०)
kiṃ ca na tat kvacid avasthitam api tu vaitatyān mahattvād digdeśānavacchinnatvāt sarvagaṃ sarvatra tatkāryopalabdheśca vibhu tathā kramayaugapadyābhyāṃ tanukaraṇādikāryasyotpādanāt krameṇa yugapac cotpādikayā śaktyā yuktam ||
ननु जगत्सृष्टिस्थित्यादिका तत्क्रिया नाकरणिका क्रियात्वात् छिदिक्रियावत् अतस्तस्यापि करणेन भवितव्यमित्याह ॥ (४।०)
nanu jagatsṛṣṭisthityādikā tatkriyā nākaraṇikā kriyātvāt chidikriyāvat atastasyāpi karaṇena bhavitavyamityāha ||
Data courtesy of The Digital Corpus of Sanskrit.