MṛgṬīkā zu MṛgT, Vidyāpāda, 9, 2.2
Select a line for its word-by-word analysis.
तत् ग्रन्थितत्त्वम् एकं परमकारणत्वाद् अनेकत्वे प्रमाणाभावाच्च अशिवं मोहकत्वात् बीजं जगत इत्युपादानकारणं विविधशक्तियुक्तं च सहकारिणां कर्मणाम् अधिकारान्तं यावत् संरुणद्धि अणून् बध्नाति तच्छीलमिति सहकार्यधिकारान्तसंरोधि कर्माभावे ग्रन्थितत्त्वस्याप्रवृत्तेः ॥ (१।०)
tat granthitattvam ekaṃ paramakāraṇatvād anekatve pramāṇābhāvācca aśivaṃ mohakatvāt bījaṃ jagata ityupādānakāraṇaṃ vividhaśaktiyuktaṃ ca sahakāriṇāṃ karmaṇām adhikārāntaṃ yāvat saṃruṇaddhi aṇūn badhnāti tacchīlamiti sahakāryadhikārāntasaṃrodhi karmābhāve granthitattvasyāpravṛtteḥ ||
व्यापि च तत् सर्वगतं स्वकार्यव्यापकत्वेन अनश्वरं नित्यत्वात् महाप्रलये ऽपि आत्मवद् ईश्वरवच्च तस्यावस्थानात् ॥ (२।०)
vyāpi ca tat sarvagataṃ svakāryavyāpakatvena anaśvaraṃ nityatvāt mahāpralaye 'pi ātmavad īśvaravacca tasyāvasthānāt ||
शम्भुः पुरुषो माया नित्यं विभु कर्तृशक्तियुक्तं च । (३।२)
śambhuḥ puruṣo māyā nityaṃ vibhu kartṛśaktiyuktaṃ ca |
सुप्तेऽपि विकृतिजाते त्रितयं जागर्ति तत्त्वानाम् ॥ (३।३)
supte'pi vikṛtijāte tritayaṃ jāgarti tattvānām ||
युक्त्यापि लेशत इत्युक्तम् अतस् तां युक्तिं दर्शयति ॥ (५।०)
yuktyāpi leśata ityuktam atas tāṃ yuktiṃ darśayati ||
Data courtesy of The Digital Corpus of Sanskrit.