MṛgṬīkā zu MṛgT, Vidyāpāda, 1, 9.2
Select a line for its word-by-word analysis.
अपर्यालोचितपौर्वापर्यगतानुगतमूर्खजनप्रवर्तितात् प्रवादमात्राद् असकृद्दृष्टव्यभिचाराद् वस्तुसिद्धिम् इच्छन् अहो बत वृथैव दैन्यास्पदताम् उपयातो ऽसि ॥ (१।०)
aparyālocitapaurvāparyagatānugatamūrkhajanapravartitāt pravādamātrād asakṛddṛṣṭavyabhicārād vastusiddhim icchan aho bata vṛthaiva dainyāspadatām upayāto 'si ||
अथ प्रत्ययितपुरुषप्रवर्तितः प्रवादः तर्हि आगम एवासौ ॥ (२।०)
atha pratyayitapuruṣapravartitaḥ pravādaḥ tarhi āgama evāsau ||
प्रत्ययितत्वं च तस्य कतमेन प्रमाणेन सिद्धं तत्प्रवर्तिताद् आगमप्रामाण्याच् च तत्सिद्धिः तत्सिद्ध्या च आगमप्रामाण्यम् इतीतरेतराश्रयदोषः नित्यत्वे त्व् आगमस्य कार्य एवार्थे प्रामाण्यं न सिद्धे इति न युष्मदभिमतदेवताविशेषः कथम् अपि सिध्यतीति ॥ (३।०)
pratyayitatvaṃ ca tasya katamena pramāṇena siddhaṃ tatpravartitād āgamaprāmāṇyāc ca tatsiddhiḥ tatsiddhyā ca āgamaprāmāṇyam itītaretarāśrayadoṣaḥ nityatve tv āgamasya kārya evārthe prāmāṇyaṃ na siddhe iti na yuṣmadabhimatadevatāviśeṣaḥ katham api sidhyatīti ||
एवं शक्रोक्तिम् अभिधाय हारीतमुनिः स्वोक्त्या स्वशिष्यान् आह ॥ (४।०)
evaṃ śakroktim abhidhāya hārītamuniḥ svoktyā svaśiṣyān āha ||
Data courtesy of The Digital Corpus of Sanskrit.