MṛgṬīkā zu MṛgT, Vidyāpāda, 1, 15.2
Select a line for its word-by-word analysis.
यस्य किल सकलमुनिजनप्रत्यक्षपरिदृश्यमानः क्षीराब्धिः स्वाधीनः तस्य वचसः किं नाम मिथ्यात्वम् । (१।१)
yasya kila sakalamunijanapratyakṣaparidṛśyamānaḥ kṣīrābdhiḥ svādhīnaḥ tasya vacasaḥ kiṃ nāma mithyātvam |
अयम् आशयः परमेश्वरात् प्राप्तवरो ऽहम् इत्य् अनृतवादित्वं तदानीं तस्य भवेत् यदि दुग्धोदधिवशीकारः प्रचुरमुनिजनप्रत्यक्षो न स्यात् । (१।२)
ayam āśayaḥ parameśvarāt prāptavaro 'ham ity anṛtavāditvaṃ tadānīṃ tasya bhavet yadi dugdhodadhivaśīkāraḥ pracuramunijanapratyakṣo na syāt |
यदि च संवादीन्य् अपि वचांसि मिथ्या तर्हि न किंचित् सत्यवचनम् । (१।३)
yadi ca saṃvādīny api vacāṃsi mithyā tarhi na kiṃcit satyavacanam |
प्रशान्तरागद्वेषाणां साक्षात्कृतभूतभविष्यदर्थानां मुनीनाम् अपि मिथ्यावादित्वाभ्युपगमे मन्वादयो ऽपि दत्तदक्षिणास् त्वयेत्य् अहो स्वदर्शनकौशलम् ॥ (१।४)
praśāntarāgadveṣāṇāṃ sākṣātkṛtabhūtabhaviṣyadarthānāṃ munīnām api mithyāvāditvābhyupagame manvādayo 'pi dattadakṣiṇās tvayety aho svadarśanakauśalam ||
Data courtesy of The Digital Corpus of Sanskrit.