MṛgṬīkā zu MṛgT, Vidyāpāda, 10, 21.2
Select a line for its word-by-word analysis.
त्रित्वेऽपि परस्परावियोगाद् गुणतत्त्वम् एकं ज्ञेयम् ॥ (१।०)
tritve'pi parasparāviyogād guṇatattvam ekaṃ jñeyam ||
ये चैके सात्त्विका भावा राजसा ये च तामसाः ॥ (२।२)
ye caike sāttvikā bhāvā rājasā ye ca tāmasāḥ ||
इत्यादौ भिन्नमेषां सत्त्वादीनां कार्यं श्रूयते न त्व् अवियोगाद् एकम् एतत् तत्त्वम् इत्याह एकैकश्रुतिर् इत्यादि एषां गुणानाम् इदं सात्त्विकम् इदं राजसम् इदं तामसमित्यादिका एकैकश्रुतिर् वृत्त्याधिक्यहेतुकी ॥ (३।०)
ityādau bhinnameṣāṃ sattvādīnāṃ kāryaṃ śrūyate na tv aviyogād ekam etat tattvam ityāha ekaikaśrutir ityādi eṣāṃ guṇānām idaṃ sāttvikam idaṃ rājasam idaṃ tāmasamityādikā ekaikaśrutir vṛttyādhikyahetukī ||
अधिकवृत्ति सत्त्वं यस्य स सात्त्विकः पदार्थः एवं राजसतामसौ विज्ञेयौ ॥ (४।०)
adhikavṛtti sattvaṃ yasya sa sāttvikaḥ padārthaḥ evaṃ rājasatāmasau vijñeyau ||
Data courtesy of The Digital Corpus of Sanskrit.