MṛgṬīkā zu MṛgT, Vidyāpāda, 3, 8.1
Select a line for its word-by-word analysis.
अशरीरस्यापि तावत् स्वदेहस्पन्दादौ कर्तृत्वं दृष्टमिति ॥ (१।०)
aśarīrasyāpi tāvat svadehaspandādau kartṛtvaṃ dṛṣṭamiti ||
कार्यं शरीरयुक्तेन कर्त्रा व्याप्तम् इत्य् उक्तम् अभ्युपगम्यापि ब्रूमः शरीरवत्त्वेऽपि भगवतो न प्रागुक्तदोषप्रसङ्गः ॥ (२।०)
kāryaṃ śarīrayuktena kartrā vyāptam ity uktam abhyupagamyāpi brūmaḥ śarīravattve'pi bhagavato na prāguktadoṣaprasaṅgaḥ ||
कुत इत्याह मूलाद्यसंभवाद् इति मूलं मलः सर्वानर्थमूलत्वात् अविद्यावृतिरुग्ग्लानिपापमूलक्षयादिभिः पर्यायैर् वक्ष्यमाणत्वाच् च आदिग्रहणात् कर्माणि रोधशक्तिश्च तदसंभवात् ॥ (३।०)
kuta ityāha mūlādyasaṃbhavād iti mūlaṃ malaḥ sarvānarthamūlatvāt avidyāvṛtirugglānipāpamūlakṣayādibhiḥ paryāyair vakṣyamāṇatvāc ca ādigrahaṇāt karmāṇi rodhaśaktiśca tadasaṃbhavāt ||
न हि परमेश्वरस्य मलकर्मादि पाशजालं सम्भवति यन्निमित्तं प्राकृतं वपुः कल्प्यते अपि तु शाक्तमिति शक्तिस्वरूपैः सद्योजातादिभिः पञ्चभिर्मन्त्रैः स्वेच्छाविनिर्मितमपरिमितसामर्थ्यम् अदिग्देशकालाकारव्यवच्छिन्नम् अनुपममहिम तच्छरीरं न त्व् अस्मदादिशरीरसदृशम् ॥ (४।०)
na hi parameśvarasya malakarmādi pāśajālaṃ sambhavati yannimittaṃ prākṛtaṃ vapuḥ kalpyate api tu śāktamiti śaktisvarūpaiḥ sadyojātādibhiḥ pañcabhirmantraiḥ svecchāvinirmitamaparimitasāmarthyam adigdeśakālākāravyavacchinnam anupamamahima taccharīraṃ na tv asmadādiśarīrasadṛśam ||
Data courtesy of The Digital Corpus of Sanskrit.