MṛgṬīkā zu MṛgT, Vidyāpāda, 10, 19.2
Select a line for its word-by-word analysis.
ततो मायातः पुंस्तत्त्वप्रसवादनन्तरं कलातत्त्वाद् अव्यक्तं तत्त्वम् उदपद्यत ॥ (१।०)
tato māyātaḥ puṃstattvaprasavādanantaraṃ kalātattvād avyaktaṃ tattvam udapadyata ||
कीदृगित्याह सप्तग्रन्थिनिदानस्य इत्यादि यत्प्रधानं महदहंकारयोस् तन्मात्रपञ्चकस्येत्येवं सप्तानां ग्रन्थीनां कार्ययोनीनाम् उद्भवहेतोर् गौणस्य तत्त्वस्य कारणम् ॥ (२।०)
kīdṛgityāha saptagranthinidānasya ityādi yatpradhānaṃ mahadahaṃkārayos tanmātrapañcakasyetyevaṃ saptānāṃ granthīnāṃ kāryayonīnām udbhavahetor gauṇasya tattvasya kāraṇam ||
यथाहि तस्य तस्य काञ्चनरत्नादेर् उत्तरकालभाविन्यः करिपुरुषतुरंगादिरूपाः कटककुण्डलाद्या भरणात्मिका वा अर्थक्रियाः शक्तिरूपतया स्थिताः एवं शक्त्यात्मना स्थितस्वस्वकार्यजनकतन्मात्रादिग्रान्थसप्तककारणस्य गुणतत्त्वस्याव्यक्ताद् उद्भवः ॥ (३।०)
yathāhi tasya tasya kāñcanaratnāder uttarakālabhāvinyaḥ karipuruṣaturaṃgādirūpāḥ kaṭakakuṇḍalādyā bharaṇātmikā vā arthakriyāḥ śaktirūpatayā sthitāḥ evaṃ śaktyātmanā sthitasvasvakāryajanakatanmātrādigrānthasaptakakāraṇasya guṇatattvasyāvyaktād udbhavaḥ ||
Data courtesy of The Digital Corpus of Sanskrit.