MṛgṬīkā zu MṛgT, Vidyāpāda, 5, 11.2
Select a line for its word-by-word analysis.
योग्यताया अर्हत्वस्याङ्गं सम्पादकं पाकाख्यं संस्कारम् अभजद् अनासेव्यमानं तत् कर्म सद्यस्तत्क्षणं हरीतक्याद्यौषधमिव न स्यान् न भवेत्फलदमिति शेषः ॥ (१।०)
yogyatāyā arhatvasyāṅgaṃ sampādakaṃ pākākhyaṃ saṃskāram abhajad anāsevyamānaṃ tat karma sadyastatkṣaṇaṃ harītakyādyauṣadhamiva na syān na bhavetphaladamiti śeṣaḥ ||
यदाहुः अप्राप्तपाकं हरीतक्यादिद्रव्यं सदपि स्वकार्यसम्पादनाशक्तं योग्यताङ्गस्य पाकस्यानासादनादिति ॥ (२।०)
yadāhuḥ aprāptapākaṃ harītakyādidravyaṃ sadapi svakāryasampādanāśaktaṃ yogyatāṅgasya pākasyānāsādanāditi ||
एवं सदपि कर्मापक्वं तत्फलदानाशक्तम् अतः पाकापेक्षं पाकश्चास्य न स्वतः सम्भवतीत्याह ॥ (३।०)
evaṃ sadapi karmāpakvaṃ tatphaladānāśaktam ataḥ pākāpekṣaṃ pākaścāsya na svataḥ sambhavatītyāha ||
Data courtesy of The Digital Corpus of Sanskrit.