MṛgṬīkā zu MṛgT, Vidyāpāda, 5, 12.2
Select a line for its word-by-word analysis.
पाकयोग्यमपि तत् स्वयमात्मानमात्मना न पाचयितुम् ईशम् ॥ (१।०)
pākayogyamapi tat svayamātmānamātmanā na pācayitum īśam ||
सर्वस्यैव हि परिणामिनो वस्तुनः क्षीरादेरिवायं साधारणो धर्मः यत्किमप्यपेक्ष्य परिणामित्वं नान्यथा परिणामित्वाच् च कर्मणोऽप्यन्यापेक्षो विपाकः ॥ (२।०)
sarvasyaiva hi pariṇāmino vastunaḥ kṣīrāderivāyaṃ sādhāraṇo dharmaḥ yatkimapyapekṣya pariṇāmitvaṃ nānyathā pariṇāmitvāc ca karmaṇo'pyanyāpekṣo vipākaḥ ||
अनेन मायाशक्तीर्व्यक्तियोग्याः प्रकुर्वन् इत्येतदपि प्रकाशितं तस्यापि परिणामित्वात् ॥ (३।०)
anena māyāśaktīrvyaktiyogyāḥ prakurvan ityetadapi prakāśitaṃ tasyāpi pariṇāmitvāt ||
न चैषां मलमायाकर्मणां परिणामकत्वमनीशेन सुशकमित्युक्तम् ॥ (४।०)
na caiṣāṃ malamāyākarmaṇāṃ pariṇāmakatvamanīśena suśakamityuktam ||
ईशतीत्य् अदुष्टम् ईश इवाचरति इति सर्वप्रातिपदिकेभ्य इत्येके इति क्विपः स्मरणात् ॥ (५।०)
īśatīty aduṣṭam īśa ivācarati iti sarvaprātipadikebhya ityeke iti kvipaḥ smaraṇāt ||
तदियता तावत्सर्वकर्तृत्वं परमेश्वरस्य प्रतिपादितम् ॥ (६।०)
tadiyatā tāvatsarvakartṛtvaṃ parameśvarasya pratipāditam ||
Data courtesy of The Digital Corpus of Sanskrit.