MṛgṬīkā zu MṛgT, Vidyāpāda, 1, 20.2
Select a line for its word-by-word analysis.
ते भरद्वाजादयस् तं प्रत्यक्षीकृतस्वस्वरूपम् इन्द्रं ऋग्यजुःसामभिः प्रह्वाः सन्तस् तुष्टुवुः । (१।१)
te bharadvājādayas taṃ pratyakṣīkṛtasvasvarūpam indraṃ ṛgyajuḥsāmabhiḥ prahvāḥ santas tuṣṭuvuḥ |
स च सर्वजगत्प्रवरो वरो भवद्भिर् अभ्यर्थ्यताम् इति तान् आह । (१।२)
sa ca sarvajagatpravaro varo bhavadbhir abhyarthyatām iti tān āha |
ते तदैवम् उक्ताः पारमेश्वरं ज्ञानं शास्त्रं वृतवन्तः । (१।३)
te tadaivam uktāḥ pārameśvaraṃ jñānaṃ śāstraṃ vṛtavantaḥ |
स तु तदभ्यर्थितं ज्ञानोपदेशं दातुं तान् प्रतिवचनं श्रूयताम् इत्य् आह किं तु ममैक एव भवतां मध्यात् सकलश्रोतृजनाभिमतो यथावसरम् अनुक्तवस्तुनः प्रष्टा भवतु सर्वैश् चैव भवद्भिः श्रूयताम् इति ॥ (१।४)
sa tu tadabhyarthitaṃ jñānopadeśaṃ dātuṃ tān prativacanaṃ śrūyatām ity āha kiṃ tu mamaika eva bhavatāṃ madhyāt sakalaśrotṛjanābhimato yathāvasaram anuktavastunaḥ praṣṭā bhavatu sarvaiś caiva bhavadbhiḥ śrūyatām iti ||
Data courtesy of The Digital Corpus of Sanskrit.