MṛgṬīkā zu MṛgT, Vidyāpāda, 9, 10.2
Select a line for its word-by-word analysis.
मातापितृसंश्लेषशरीरेन्द्रियादिकारणकं जन्तूनां शरीरेन्द्रियादि तद्भावे भावात्तदभावे चाभावादिति यद्यभिमतं तदस्तु किंत्वेतत्प्रष्टव्यो भवान् तन्निखिलात्यये सर्वसंहारे देहेन्द्रियाद्युत्पत्तेः कीदृशी गतिः ॥ (१।०)
mātāpitṛsaṃśleṣaśarīrendriyādikāraṇakaṃ jantūnāṃ śarīrendriyādi tadbhāve bhāvāttadabhāve cābhāvāditi yadyabhimataṃ tadastu kiṃtvetatpraṣṭavyo bhavān tannikhilātyaye sarvasaṃhāre dehendriyādyutpatteḥ kīdṛśī gatiḥ ||
अथ सक्रम एव सर्वभावानां नाशः नतु युगपत्सर्वसंहार इत्युच्यते ॥ (२।०)
atha sakrama eva sarvabhāvānāṃ nāśaḥ natu yugapatsarvasaṃhāra ityucyate ||
तद् अयुक्तं श्रुतिस्मृतीतिहासपुराणादिसदागमगीयमानस्य संहारस्यापह्नोतुम् अशक्यत्वात् ॥ (३।०)
tad ayuktaṃ śrutismṛtītihāsapurāṇādisadāgamagīyamānasya saṃhārasyāpahnotum aśakyatvāt ||
ततश् च सृष्टिसंहारौ जगतो न सम्भवत इति ब्रुवाणः सर्वज्ञताम् एव जह्यात् ॥ (५।०)
tataś ca sṛṣṭisaṃhārau jagato na sambhavata iti bruvāṇaḥ sarvajñatām eva jahyāt ||
अथ कथं संहाराभावम् अभिदधतो मिथ्यावादित्वम् इत्याह ॥ (६।०)
atha kathaṃ saṃhārābhāvam abhidadhato mithyāvāditvam ityāha ||
Data courtesy of The Digital Corpus of Sanskrit.