MṛgṬīkā zu MṛgT, Vidyāpāda, 11, 1.2
Select a line for its word-by-word analysis.
अथेति भावोक्त्यनन्तरं प्रत्ययसम्बन्धिनां सिद्धितुष्ट्यादिवर्गाणां संक्षेपात्साधारणं लक्षणं कथ्यते ॥ (१।०)
atheti bhāvoktyanantaraṃ pratyayasambandhināṃ siddhituṣṭyādivargāṇāṃ saṃkṣepātsādhāraṇaṃ lakṣaṇaṃ kathyate ||
किमर्थमित्याह विप्लवो मा भूद् इति प्रभेदशः प्रविभागशः वर्गशः या संक्षेपोक्तिः कृता तस्याः सकाशाद्विप्लवो मतिसम्मोहो मा भूत् ॥ (२।०)
kimarthamityāha viplavo mā bhūd iti prabhedaśaḥ pravibhāgaśaḥ vargaśaḥ yā saṃkṣepoktiḥ kṛtā tasyāḥ sakāśādviplavo matisammoho mā bhūt ||
ते ऽष्टौ नव चतुर्गुणाः सप्त पञ्च चेत्येतावता संक्षिप्तप्रभेदकथनेन बुद्धिविप्लवो यः शङ्क्यते स एवंविधा तुष्टिरित्थंविधा सिद्धिर् इत्येवं सामान्यलक्षणे संक्षिप्ते कृते न भवतीत्येतदर्थम् इदम् इत्यर्थः ॥ (३।०)
te 'ṣṭau nava caturguṇāḥ sapta pañca cetyetāvatā saṃkṣiptaprabhedakathanena buddhiviplavo yaḥ śaṅkyate sa evaṃvidhā tuṣṭiritthaṃvidhā siddhir ityevaṃ sāmānyalakṣaṇe saṃkṣipte kṛte na bhavatītyetadartham idam ityarthaḥ ||
Data courtesy of The Digital Corpus of Sanskrit.