MṛgṬīkā zu MṛgT, Vidyāpāda, 9, 16.2
Select a line for its word-by-word analysis.
असदुत्पत्तौ कारकवस्तुनः तुरीतन्तुवेमादेः साफल्याभ्युपगमे सर्वेभ्यो भावेभ्यः सर्वः सर्वम् अभीप्सितं किम् इति नोत्पादयति ॥ (२।०)
asadutpattau kārakavastunaḥ turītantuvemādeḥ sāphalyābhyupagame sarvebhyo bhāvebhyaḥ sarvaḥ sarvam abhīpsitaṃ kim iti notpādayati ||
अथ न शक्यं सर्वस्मात् सर्वम् उत्पादयितुं कुतश्चित् कस्यचित् कार्यस्योत्पत्तिदर्शनात् ॥ (३।०)
atha na śakyaṃ sarvasmāt sarvam utpādayituṃ kutaścit kasyacit kāryasyotpattidarśanāt ||
एवं तर्हि यस्मादेव कारणाद् यद् उत्पद्यते तस्माद् एव तत् नान्यस्मात् ॥ (४।०)
evaṃ tarhi yasmādeva kāraṇād yad utpadyate tasmād eva tat nānyasmāt ||
तत्र किं नियामकं भवतां नहि तस्मिन्कारणे किम् अप्यन्यन्नियामकम् उत्पश्यामो येनाभिज्ञातेनान्यद् अनादृत्य तदेव तदुत्पत्त्यर्थिनो गृह्णीमहि ॥ (५।०)
tatra kiṃ niyāmakaṃ bhavatāṃ nahi tasminkāraṇe kim apyanyanniyāmakam utpaśyāmo yenābhijñātenānyad anādṛtya tadeva tadutpattyarthino gṛhṇīmahi ||
अथ सर्वस्मात् सर्वोत्पत्तिप्रसङ्गभयात् तस्यैव कारणस्य तत्कार्यजनिका शक्तिर् नान्यस्येति ॥ (६।०)
atha sarvasmāt sarvotpattiprasaṅgabhayāt tasyaiva kāraṇasya tatkāryajanikā śaktir nānyasyeti ||
Data courtesy of The Digital Corpus of Sanskrit.