MṛgṬīkā zu MṛgT, Vidyāpāda, 12, 13.1
Select a line for its word-by-word analysis.
अन्यान्यपि नियतार्थतया हेतुभूतया कस्यचिद् वादिनः पक्षेऽक्षाणि इन्द्रियाणि भिन्नकारणानि ॥ (१।०)
anyānyapi niyatārthatayā hetubhūtayā kasyacid vādinaḥ pakṣe'kṣāṇi indriyāṇi bhinnakāraṇāni ||
आहङ्कारिकत्वे हि नैषां नियतार्थत्वं स्यात् ॥ (२।०)
āhaṅkārikatve hi naiṣāṃ niyatārthatvaṃ syāt ||
गन्धादिव्यञ्जकत्वाच्च हेतोस्तेषां गन्धादीनामाधारा आश्रयाः पृथिव्यादयस् तदाधाराः तदात्मकानि ॥ (३।०)
gandhādivyañjakatvācca hetosteṣāṃ gandhādīnāmādhārā āśrayāḥ pṛthivyādayas tadādhārāḥ tadātmakāni ||
दृष्टं हि पार्थिवमेव द्रव्यं गन्धव्यञ्जकं घ्राणं च गन्धस्य ग्राहकम् ॥ (४।०)
dṛṣṭaṃ hi pārthivameva dravyaṃ gandhavyañjakaṃ ghrāṇaṃ ca gandhasya grāhakam ||
तस्मात्पार्थिवं घ्राणम् आप्यं रसनं तैजसं चक्षुरिति एवम् अन्यत् ॥ (५।०)
tasmātpārthivaṃ ghrāṇam āpyaṃ rasanaṃ taijasaṃ cakṣuriti evam anyat ||
Data courtesy of The Digital Corpus of Sanskrit.