दि॒वो नाके॒ मधु॑जिह्वा अस॒श्चतो॑ वे॒ना दु॑हंत्यु॒क्षणं॑ गिरि॒ष्ठां ।
अ॒प्सु द्र॒प्सं वा॑वृधा॒नं स॑मु॒द्र आ सिंधो॑रू॒र्मा मधु॑मंतं प॒वित्र॒ आ ॥

दिवो नाके मधुजिह्वा असश्चतो वेना दुहन्त्य् उक्षणं गिरिष्ठाम् |
अप्सु द्रप्सं वावृधानं समुद्र आ सिन्धोर् ऊर्मा मधुमन्तम् पवित्र आ ||

divó nā́ke mádhujihvā asaścáto venā́ duhantyukṣáṇam giriṣṭhā́m ǀ
apsú drapsám vāvṛdhānám samudrá ā́ síndhorūrmā́ mádhumantam pavítra ā́ ǁ

divo nāke madhujihvā asaścato venā duhanty ukṣaṇaṃ giriṣṭhām |
apsu drapsaṃ vāvṛdhānaṃ samudra ā sindhor ūrmā madhumantam pavitra ā ||

दि॒वः । नाके॑ । मधु॑ऽजिह्वाः । अ॒स॒श्चतः॑ । वे॒नाः । दु॒ह॒न्ति॒ । उ॒क्षण॑म् । गि॒रि॒ऽस्थाम् ।
अ॒प्ऽसु । द्र॒प्सम् । व॒वृ॒धा॒नम् । स॒मु॒द्रे । आ । सिन्धोः॑ । ऊ॒र्मा । मधु॑ऽमन्तम् । प॒वित्रे॑ । आ ॥

दिवः । नाके । मधुऽजिह्वाः । असश्चतः । वेनाः । दुहन्ति । उक्षणम् । गिरिऽस्थाम् ।
अप्ऽसु । द्रप्सम् । ववृधानम् । समुद्रे । आ । सिन्धोः । ऊर्मा । मधुऽमन्तम् । पवित्रे । आ ॥

diváḥ ǀ nā́ke ǀ mádhu-jihvāḥ ǀ asaścátaḥ ǀ venā́ḥ ǀ duhanti ǀ ukṣáṇam ǀ giri-sthā́m ǀ
ap-sú ǀ drapsám ǀ vavṛdhānám ǀ samudré ǀ ā́ ǀ síndhoḥ ǀ ūrmā́ ǀ mádhu-mantam ǀ pavítre ǀ ā́ ǁ

divaḥ ǀ nāke ǀ madhu-jihvāḥ ǀ asaścataḥ ǀ venāḥ ǀ duhanti ǀ ukṣaṇam ǀ giri-sthām ǀ
ap-su ǀ drapsam ǀ vavṛdhānam ǀ samudre ǀ ā ǀ sindhoḥ ǀ ūrmā ǀ madhu-mantam ǀ pavitre ǀ ā ǁ