सा॒हा ये संति॑ मुष्टि॒हेव॒ हव्यो॒ विश्वा॑सु पृ॒त्सु होतृ॑षु ।
वृष्ण॑श्चं॒द्रान्न सु॒श्रव॑स्तमान्गि॒रा वंद॑स्व म॒रुतो॒ अह॑ ॥

साहा ये सन्ति मुष्टिहेव हव्यो विश्वासु पृत्सु होतृषु |
वृष्णश् चन्द्रान् न सुश्रवस्तमान् गिरा वन्दस्व मरुतो अह ||

sāhā́ yé sánti muṣṭihéva hávyo víśvāsu pṛtsú hótṛṣu ǀ
vṛ́ṣṇaścandrā́nná suśrávastamāngirā́ vándasva marúto áha ǁ

sāhā ye santi muṣṭiheva havyo viśvāsu pṛtsu hotṛṣu |
vṛṣṇaś candrān na suśravastamān girā vandasva maruto aha ||

स॒हाः । ये । सन्ति॑ । मु॒ष्टि॒हाऽइ॑व । हव्यः॑ । विश्वा॑सु । पृ॒त्ऽसु । होतृ॑षु ।
वृष्णः॑ । च॒न्द्रान् । न । सु॒श्रवः॑ऽतमान् । गि॒रा । वन्द॑स्व । म॒रुतः॑ । अह॑ ॥

सहाः । ये । सन्ति । मुष्टिहाऽइव । हव्यः । विश्वासु । पृत्ऽसु । होतृषु ।
वृष्णः । चन्द्रान् । न । सुश्रवःऽतमान् । गिरा । वन्दस्व । मरुतः । अह ॥

sahā́ḥ ǀ yé ǀ sánti ǀ muṣṭihā́-iva ǀ hávyaḥ ǀ víśvāsu ǀ pṛt-sú ǀ hótṛṣu ǀ
vṛ́ṣṇaḥ ǀ candrā́n ǀ ná ǀ suśrávaḥ-tamān ǀ girā́ ǀ vándasva ǀ marútaḥ ǀ áha ǁ

sahāḥ ǀ ye ǀ santi ǀ muṣṭihā-iva ǀ havyaḥ ǀ viśvāsu ǀ pṛt-su ǀ hotṛṣu ǀ
vṛṣṇaḥ ǀ candrān ǀ na ǀ suśravaḥ-tamān ǀ girā ǀ vandasva ǀ marutaḥ ǀ aha ǁ